Fate's Forbidden Game (San Lorenzo University Series #1)

Kabanata 24

"Aga mo today."

Napaupo ako sa area kung saan kami nag-s-stay tuwing breaktime.

"Inaway ko kasi si Ice."

Napahawak si Ate Lily sa balikat ko. "At ba't naman? Tamo mamaya nakasimangot 'yon."

"Nakasimangot na talaga. Hindi ako nagsabi na maaga ako today."

Inaway ko siya kagabi kasi wala akong magawa. Inaway ko kasi akala ko magagalit, pero hindi. Kaya ako na lang ang nagalit.

Nag early in na lang ako, Wala naman akong gagawin dito sa labas.

"Team, until four pm lang daw tayo today sabi ni Sir Isaac."

Ano na namang naisip ng boyfriend ko?

"Bakit daw po, Sir?"

"Walang sinabing reason, e. Nilalaro na naman tayo si Sir Isaac." Natatawang aniya. "Pero lahat daw ng branch, e."

Ilang saglit lang dumating si Ice. Bigla tuloy akong napatalikod at pumunta sa Bar area.

Naupo siya sa may sulok at dumating sila Ate Margarette at hindi ko kilala ang iba.

"Amari, give them the menu. Baka gusto mag-order ni Sir Isaac."

Hindi na ako nakaangal dahil baka mapagalitan naman din ako.

Dalawang menu lang ang kinuha ko.

"Good morning, Ma'am. Here's our menu. You can call me if you're ready to order."

"Where's my menu?" si Ice na nakatingin sa akin.

Ngumiti lang ako sa kanya bago tumalikod. Narinig ko ang mahinang pagtawa ni Ate Margarette.

Gulat ko nang tinawag ni Ice iyong Shift Leader namin at itinuturo ako. Mukhang seryoso pa ang sinasabi niya.

"Amari, Sir Isaac was complaining. Hindi mo raw siya binigyan ng menu. You shouldn't repeat that. Mapagagalitan tayong lahat dito."

Napayuko ako. "Sorry, Sir. It won't happen again."

He tapped my shoulder before siya umalis.

Bumalik ako sa harap, nakitang busy makipag-usap si Ice sa mga nasa harap niya, may nakatabi rin sa kaniyang isang babae na 'di ko kilala.

"Go, Amari. Give them two more menu."

"Good morning. Here's our menu. You can call me if you're ready to order."

Ngiting-ngiti naman 'tong si Ice, pero hindi ko siya pinansin.

After ko mag-take ng orders, agad kong finorward iyon sa kitchen.

Nang mapatingin ako kay Ice, nauna na siyang nakatingin sa akin, while smiling. Inirapan ko na lang siya.

Nakita ko ang paglapit niya rito kaya dumikit ako sa Shift Leader namin, pero umalis naman siya.

Luh?!

"Hindi ka ba mag-s-sorry sa akin?" he asked softly, his voice barely a whisper as he stirred her coffee.

"Ayaw. Pinagalitan na nga ako."

Bahagya siyang humarap sa akin. "Sinong nagalit sa baby ko? Para makampihan ko?"

Agad ko siyang nilingon at sinamaan ng tingin. "Ah, talaga? Huwag na magbati habang buhay, ha?"

Nagpipigil siya sa pagtawa.

He move closer to me. "Baby, ikaw lang naman nang aaway bigla sa akin. Hindi mo pa ako hinintay kaninang morning, sabi ko ihahatid kita."

"Nye nye," I retorted, rolling my eyes playfully.