طعنة_في_خاصره_النسيان
الحلقه ١٦
________
هسه أنتهت ..؟
وڪلمن يروح بـ جرحه !
صحيلي ميت وأقتنع ،
يمڪن ضميرك يصحه ،
مو سهله ڪاسرك گلب ،
ڪسر الگلب شيصلحه،
غياث :- أشوفج مجهزه نفسٓج وين تروحين
دلهم:- أهلي أهنا أريد أروح اشوفهم.
" أدري أهلج أهنا دزيتي عليهم ولچ ما عندج لسان تجين تحجين وياي بالتفاهم بس شاطره لسانج يصير متر عليه وصوتـج عالي وڪل أحترم ومنطق ما عندچ..
" هسه ڪول شتريد لخاطـر الله
"الله اخـذج من هسـه أڪولچ تروحـين ويه اهلـج يسار يبقى يمي
" أنتقلت عيـوني على يسار نايم رجفت شفتي مخليه كلنكس عليها لاحظ بقه مرڪز على تفاصيل َوجهي
" شبي حلڪچ دلهــــم شبيــج
"ما بيه بعدت ايده جر ايدي قوي فتح حلڪي شاف شفتي مشڪوڪه عصر ايده قوي
"شوفي اخبالاتج وين وصلتنا
"ردت احجي سبقـني بڪلامه وطلع قبلي
" امشـي وراي عود اليوم اهلج اليوم حاميـن زايد عن طاقتهم تڪول ذابحج مو هـيج
" هو لعد انت مو ذابحني ڪلب عيونه عليه مشيت وراه دخلنا سلمنا بس إيهاب شڪله حاقد حضنـي. اني ساده حلڪي ما حجيت كعدت بصفه وإيهاب وابوي عيونهم عليه
ايهـاب... ولا يهـمج خيتي اليوم جاين ناخذج ڪااافي ڪلشي إلا حدود مو أبو يسار
غياث.. والله أيهاب ماڪو شي علمود تڪول حدودك فاقت وجاي حامي علينا هاي اختك واسألها
دلهم :- عيوني عليهم سني ذبحني الوجع قتلني كوه حجيت اخذوني وياڪم اني ما ارهم ابقى ويه ابو يسار بعد انـي ڪلت هيج لو تخبل عصر إيده قوي حسيت تجمع الدم بيهن من شده غضبه
ابو ايهـاب.. انطيتك بنتي عين الكلاده ڪلت يداريها ويحفظها ما طلعت هيج ولك ليش تشلـع گلبها وتاذيها خـل ناخذ بنيتنا وانت كفي حياتك كومي يابه كومي جهزي نفسج
غازي... استهدوا بالرحمـن ابو إيهاب يمعود وانتـي بنتي دلهم احجي ڪلمه ادري ابني غلط بس يبقى ابوه ابنچ
دلهـم.. ما حجيت صار الڪلام خشن وهو يريد وإيهاب يعد تخبـلـوا بينهم
غياث... تردون تاخذونها اخذوها اصلآ ناوي ادزها قبل لا تجون بنتڪم ما ترهم مره الي قبل لاهيه تڪول ما نـرهم بس خلٓوها بالكم أبني يبقى يمي
إيهاب... انت صدك ما تستحي بس الصوج مو الك الصوج بينا احنه قدرناك وانطيناك مره يابه تروح انت وابنك كومي جهزي نفسج تحـرررررركي
دلهـم.. َباوعـت بوجوهم ابوي نزل راسه حسيت ما عنده كلام هٓاي هيه.. التفت عـلـىٰ عمي فدوه ابني ما اروح اذا ما أخذه وياي والله اموت من دونـه
أنت تقرأ
طعنه في خاصرة النسيان
Mystery / Thrillerرواية طعنه في خاصره النسيان تم كتابتها منذ أربع سنوات لكن تم حذفها من تطبيق الواتباد والان تعود من جديد حبيت ارجعها لن هذا تعبي ومو سهل عليه اعوفه واشوفها تنشر بغير بيجات واني حاذفتها جميع الحقوق مثبته الكاتبه شمس العراقيه عوده جميله تم نشرها عام 2...
