طعنة_في_خاصره_النسيان
الحلقه ١٧
________
"سد بابك بعد لا تحجي بيهم
طع ترسوك ليش تحن عليهم
يگلبي وداعتك ماضلت أحباب
باعوك برخص وبسعر التراب
من اتشوفهم لأ تشتريهم
.
.
.
دلهم -شتــڪول أنت ياسر فدوه بي شيء خوما أزرك وجهه وينه ومنو راح وياه
افرك بوجهي وارجف يربي اخذ روحي بس لاتوجع ڪلبي بابني ركضت اجيب صايه وامي ما تحرڪت عـلـىٰ ڪعـدتها زاد خوفي اكثر اكلب بملابس وينج اوووف سمعت خوي إيهاب صاح وڪف گلبي
إيهاب.. دلهم من البيت ما تطلعين مثل ما أخذه يرجعه تبقين اهنا بس تطلعين ما ترجعين
دلهم :- ابوس ايدك بس أطمن عـلـىٰ ابنـي شلون ترديني ما اروح اشوفه واني ام والله خيتك متعوبه اخذني بحضنه بجيت على صدره أبوس ايدك اخذني
ايهـاب.. لاتخافين عليه ما بي شي نفس ڪل مره يمكن ابوه رايح ومقهور وراه هيج صار بـي هذا رجلج حرمات يتمسـى اب
"ابتعدت منه مسحت دموعي ماشي لعد بس اتصل عليهم وشلون صار واشوڪت يجي لحضنـي فدوه أتصل
" ايي تدللي هسه أشوفلچ
"اخذ تلفونه راح بعيد ڪعدت يم امي باب الغرفه بوجهي وايدي عـلـىٰ خدي ومر وقت افتر تأخروا وإيهاب بعد ما شفته
ميسون :- أڪعدي يمه مو زين عليج هسه يجي راح تموتين من وكت انتي
"ميته وڪايله لأ عيني على البـاب سمعت صوت سياره دخل ايهـاب اشرلي ادخل الغرفه دخلت بس اسمع أصواتهم اشوي خف الصوت دخلت امي شايلته
رڪضت اخذته اشم بي وابوسه اوووف يروحي عسا الوكعه الي يمه بعد تبقى يمي تعال يمه اخذته بحضني وهو حاضني وباسني قوي بقيت صافنه بوجهه يسار تحب ماما
يسار.. ايي ماما
"تروحلك فدوه امك إيهاب جاب علاجاته اخذتهم منه نومته وغطيته بقيت العب بشعر راسه ليش هيج يمه يوميه واكع شبيك شصار لك ڪل الجهال مثلك لو مڪتوب اتلوع عليك
.اجتني رساله منه (جهالي بس بحضنـج يربون)
ذبيت التلفون لعد بحضنك ڪاضيـها دياحه وتعوفه وحده مريض اويلي منك اشڪد راح تشلـع گلبي وياهم شلون اخلص منك وارتاح حضنت أبني ونمت والوقت متأخر قرب يحل الفچر
.
.
.
چمانه :- خلصت شغلي من المختبر دخلت الغرفه أخوي هاا خلصت تره تعبت أريد أرجع البيت
باقر :- اتأخر عندي شغل والله خل زوجج يجي ياخذج ابتليت اني
"هااا هيج صار الڪلام مو ازعل عليك زعلي ثكيل إني
" بس سؤال جاوبي بصراحه تره طڪت روحي ما أعرف ليش ما تردين مثل البشر
"جواب ولو تقريبا عرفته
" زوجج يطلك دلهم لو لا وإلى متى يبقئ يچر بظهره عليها..
"شنـو أنت هم بابا شبيك تخبلت شنو مخلي عينك عليها تره بعدها على ذمته ما صارت هاي ما شايف بنات بس هيه ڪلها سالفه وثانيه دلهم دلهم
أنت تقرأ
طعنه في خاصرة النسيان
Mistério / Suspenseرواية طعنه في خاصره النسيان تم كتابتها منذ أربع سنوات لكن تم حذفها من تطبيق الواتباد والان تعود من جديد حبيت ارجعها لن هذا تعبي ومو سهل عليه اعوفه واشوفها تنشر بغير بيجات واني حاذفتها جميع الحقوق مثبته الكاتبه شمس العراقيه عوده جميله تم نشرها عام 2...
