طعنه في خاصرة النسيان

الحلقه ٣٩

طعنه في خاصرة النسيان
ـ
ـ
ـ
دلهم ـ ساڪت تالي راد يطلع صحت وراه ما فهمت منك نروح لو لا؟؟

غياث ـ يصير خير...!!

دلهم ـ رجعت الجنط وۿو بعد ما شفناه لليل ڪله عيوني ما غفت تلفون رن أهلي أڪيد امي جاوبت الو..

نوران ـ شلونج

دلهم ـ بخير

ـ إذأأ تحبين تجين ترى أهلي يستقلبوج حبيت ابلغج

ـ مآ أجي ولآ حاجه تبلغيني حتى إذأأ اجيت اهلي واعرفهم يومين والثالث يلزموني الطريق وڪلام ابوج لو اخوج ومرته المن اجي نوران سوالف اهلي وحده اثنين أڪعد احجيهن الج..

ـ تمام براحتج وڪلامج يدل انتِ باقيه وياه رغم اذيته الج والمذله الشفيتها منه

ـ أي نعم

ـ مع السلامه

دلهم ـ اللّٰه وياج وانتهى الاتصال وۿو ما رجع غمضت عيوني لدرجه اتهرب من الواقع ومن الڪلام..

مر يومين وۿو ماڪو حتى مآ سألت باقيه علــىٰ هل الجهال وادير بالي عليهم انقهر عليهم رايحين بحسره استقرار الاهل

جهزت الاكل وهما يمي دخل يضحك وياهم منطيه ظهري ورجع ڪال

غياث ـ جهزوا نفسكم نروح اليوم

دلهم ـ راح للصالة يم اهله وراها جهزت ملابسنا وعمتي تبجي وتنوح وتذكرت ملابسنا كلها بالبيت

طلعنا جان واكف يخلي الجنط شكله جايبهـن من البيت جانت ذكرى واكفـه وياه يمكن هيه رايحه وياه تقدمت علينا ودمعتها على خدها

ذكرى ـ شلونج تروحون وتوصلون بسلامه عالاقل تخلصين منا والله يكون بعونج..

دلهم ـ اشكرج عيوني حضنتها ورحت ودعت عمتي بس تبجي ابد ما تكملت اجه اخذ يسار وصعدت ليوره ويسار ليكدام خليت البنات يمي شغل وطلعنا

بمحافظه جديده مكان جديد ناس تختلف عن هاي الناس شفتها بحياتي حتى اهلي ما ودعتهم ولا عرفت اخبارهم اهلي الباعوني وما نصفوني

وصلنا البيت بيت عادي هو شال يسار دخل واني وراه بحضني نور ولبنات دخلن وياه البيت هادئ فتح الباب خلاه عالسرير نفر واحد بصفه كنتور بابين ومفروشه بقيت مثل المثوله واكفـه يم الباب كل بالي زوجته رند وين

غياث ـ  تعالن بابا هاي غرفتجًن بس لما ارتب وضعي اسويها احلى ماشي باباتي يلا بابا غيرن ملابسجـن ونتغده..

دلهم ـ ابتعدت من يم الباب هو عبر فتح باب الغرفه مقابل غرفتنا نايمه بس شعرها نازل عالمخده والجرجف لونه ابيض التفت عليه راسا درت وجهي ورديت الباب ورايه كعدت ابدل الهن وفكري طار يمه يعني تزوجت الثالثه والله گلبي ما ضلتله طاقه يتحمل اكثر