#طعنة_في_خاصره_النسيان
الڪاتبه "شمس العراقيه
الحلقـه 15
أنا المَطعونُ من خَلفي
وقَاتلهُ يواسِيهِ
أنا المَحسُود فِي عِشْقي
وعِشقي ماتَ بالتيهِ..
دلهم :-رجع باوعلي ڪلتله يعني انت بعمرك ما حبيتني ولا مره بنيتلي مشاعر بـ ڪلبك..
ـ بعمري ما أڪرهه أحد وانتِ تبقين زوجتي وأم أبني ! يلا لازم اروح تأخرت عود خلي حسين يوصلڪم ويـرجعڪم...!!!!
" ماشي خلاني وطلع حسيت علاقتنا بردت صارت مثل الاخويه ڪلام رسمي وعادي وقتها أڪتشفت جمانه مسيطره عليه مثل الطفل بحضنها هنيالهـا بي ڪدرت تحتوي وتاخذه بس الها...
تالي خليت الفلوس بالجنطه باوعت ساعته ناسيها تلمستها بيدي بقيت صافنه بيهـا دموعي تصب على خدي رجعتها بالمچر
ڪمت رتبت نفسي خليت مڪياج خفيف طلعت جانت هوسه َهـو طلع من الصاله يسار بيده سلم عليهم عاد باوع عليه
" نسيت ساعه مالتي بالغرفه
" أي هسه أچيبها رحت جبتها اله لبسها وطلع حتئ ما باوع بوچهي شمنتظره دلهم خلص طلعتي ما الج مكان
دخلت المطبخ يمهم وديعه واسينات والبنات ڪلمن جايبه هديه باوعت الهديا أشكال وألوان ڪلها راقيه هاي جايبه ثلاجه هاي غساله هاي محضره مبلغ بهذيج للحسبه من ورقه وفوك يحجون بينهم دخلت هيـه لابسه قفطان وهيه ضعيفه طالع كلش حلوه عليها مسرحه شعرها صدرها وزنود ايدها ڪلهن طالعـات وحسين يفتر اني من يمي استحيت..
رجاء :- شفتـي شلابسه هذا اخوي من طلع غيرته جان اهنا لابسه غير شڪل هيج نسوان ما شفت
" شعلينا القاضي راضي ڪلهن راحـن وراها يمشًن على ذيالهـا بقيت بس انه ورجاء ذكرى ما اجتي ضفاف كفتنـي شرها الظاهـر اخوها ضابها..
" تروحين تره ما ضل وقت وديعه تروح بس تنطي الهديه علمود بناتها حاجزات يمها والجامعات قربت أمشي نروح نچرب..
"آيي اروح ڪمت بدلت ملابسي العفيفه المحترمه عدلت حجابي جنطتي وطلعت وياهن حسين وصلنا نزلت وياهن بس ما توقعت؟
وديعه.. ذبحتني تعالي اسوي حواجبي تعالي اسوي وجهي وهاي تكول عدها خلطة رهيبة خل نشوف مدري منين طلعت امشن نشوف خوش مركز هذا ڪالت عليه جمانه
دلهم :- شنو ليش جمانه دزتجـن عليه؟
رجاء :- شنو شنو ايي والله لو ادري هاي دازتج فلا اجي وياچن خايبه وديعه شتڪولين انتي
وديعه:- يمعودات والله خوش بنت وهيـه تسوي اهنا ما شفـتن بشرتها شلونها تڪول گيمر حتى مڪياج ما تخلي
دلهم :-بعدين تعيرني وتڪوله اني غيرت مرتك ودزيتـها مراڪز تجميل لا حبيبه خلينا على طبيعتي اصلا ما حاجه اغير على ڪوله أبو يسار خل ارجع امشي رجاء
أنت تقرأ
طعنه في خاصرة النسيان
Mystère / Thrillerرواية طعنه في خاصره النسيان تم كتابتها منذ أربع سنوات لكن تم حذفها من تطبيق الواتباد والان تعود من جديد حبيت ارجعها لن هذا تعبي ومو سهل عليه اعوفه واشوفها تنشر بغير بيجات واني حاذفتها جميع الحقوق مثبته الكاتبه شمس العراقيه عوده جميله تم نشرها عام 2...
