طعنه في خاصرة النسيان
الحلقه ٢٩
أجى واحد عليّا وكالي شبيك؟
أحسّ حملك ثكيل ودمعة بعيونك
وأحسّ داخل كليبك نار تشعل نار
وأحسّ ظهرك حنيتة وهدّلن متونك
كتلة القصة هيج وهيج بيّا الصّار
صـــــاح: الله أكبر، عمّي خيعونك
ما يسوون إظفرك خلهم يولّون ما عدهم كلب ذولا اللّي يخونونك
تتعذّب عليمن أنتَ هم إنسان؟
بس دوس أعلى كلبك لا يدوسونك
وعليمن تنتظرهم والله ميرجعون حيــــل بعيد صاروا ما يذڪرونك
ـ
ـ
ـ
دلهم ـ صحيت من صفنني رن تلفوني باوعت الشاشه ۿو بقيت متردده أجاوبه لـوُ لأ تالي جاوبته ـ الـوو
غياث ـ الـوو دلهم إنتِ شبيــج
ـ بس محتاجه ابقئ وحدي ممڪن
ـ ضايجه من شيء
ـ من ڪلشي أريد أرتاح فتره
ـ ماشي أرتاحي
ـ قطع الإتصال بخيل حتى بسؤالك عني خليت التلفون علــىٰ الشاحن رجعت يم أخواتي وأحاول أطرد ڪل آلافڪار مقيدتني وأعيش حره خاليه من ڪلشي....
__________
جمانه
ـ أڪملت شغلـي بالمختبر اتصلت عليه ما يرد مو عـلـىٰ الأساس اليوم يجي ليش ما يجاوب شفت باقر طلع وصلني فدوه للبيت عـلـىٰ الاساس ۿو يجي شو تأخر
باقر ـ امري لله أمشي عمي هذا زوجج لاڪينه سايق تكسي
جمانه ـ يلا عاد لما انـي اختك هيه شغله عشره دقايق لعد لو أروح وياه لبغداد واعوف المختبر بس عليك
باقر ـ مو هيه بڪيفج تروحين لبغداد ماكو عمي اوصلج لا تضلين تمسلتيـن امشي بلڪي نشوف الناقه ۿم
جمانه ـ ولك بطل منها عيب مره متزوجه ڪون غياث يسمعك يسويك لحم مثروم امشي
باقر ـ انتِ بڪلشي مصعبه الأمور جانت زعلانه ما تقبلين رضت ما تقبلين شسالفتج تحبيها يعني
جمانه ـ ما ضارتني بشيء عليها بنفسها وبس؟
باقر ـ عمي زين باقيه عايشه وياڪم لأن أنتِ وغياث الچني ما يطيق يعيش وياڪم
جمانه ـ سڪتت ما جاوبته وطلعنا وصلت البيت شفت سيارته وجهال يلعبون بالحديقة هو كاعد بعيد وحده ورجاء راحت عليه مدري شنو شايله بيدها تقربت عليهم سلمت َڪعدت الحمدالله على السلامه حبيبي
غياث ـ الله يسلمج رجاء عينج عـلـىٰ الجهال لما اجيب مسواك وأجي
جمانه ـ راح ورحت وراه وراه شنـو تطلع هسه اجيت لو اشوڪت
غياث ـ أيي رايح أجيب علاجات يسار والبيت مخلص مسواك
جمانه ـ طلع بس مهموم ورجاء شالت كوب الجاي اڪول دلهم وين شو ماڪو؟
رجاء ـ زهڪت منڪم وعافتلج الساحه مره ثانيه يم أهلها عينج عـلـىٰ الجهال إني عندي شغل
جمانه ـ راحت وباوعت الجهال هــاي صدك تحجي وهمه مرضى بس تزعل بطرانه شتريد هـٰاي صعدت بدلت ونزلت لكيتهم موسخين ملابسهم بدلتهم ولمار بس وڪحه ولج اكعدي ترا شلعتي گلبي
أنت تقرأ
طعنه في خاصرة النسيان
Mystery / Thrillerرواية طعنه في خاصره النسيان تم كتابتها منذ أربع سنوات لكن تم حذفها من تطبيق الواتباد والان تعود من جديد حبيت ارجعها لن هذا تعبي ومو سهل عليه اعوفه واشوفها تنشر بغير بيجات واني حاذفتها جميع الحقوق مثبته الكاتبه شمس العراقيه عوده جميله تم نشرها عام 2...
