طعنه في خاصرة النسيان

الحلقه ٥

#طعنه_في_خاصره_النسيان

الڪاتبه/شمــس العراقيه

الحلقـه 5
_______

غياث :انتِ إلى متى تبقين بهـٰاي التصرفات تالي وياچ
دلهم :اذا چاي تضربني اضرب ماله داعي ڪلامك الي واني بڪل الأحوال شابعه قهر.

غياث :- ليش اضرب ومنو ڪلچ بس بينتي انتِ زعطوطه شهـل التصرفات شماخـذ اني مره لـو جاهله والله مو صوجج صوجي انـي انعل ابو الي يجيبلچ بعد

دلهم :- اكـــون مثل ما تريد حضرتك مــستحيل اني نفس ما الله خلقني الاشياء الي تچيبها الي مااريدها ياريت ترضى بواقعك وڪافي تحسسني اني من ڪون وانت ڪون ثاني

غياث :- لا بالله ما ينفع وياج ڪلشي زهڪت منچ ومن اطباعچ..

دلهم :-طلع خلاني اكل بروحي كبر اي والله هسه اني ليش شمـرتهن عليهن حرمات والعطر ريحته تخبل عـوذه يلا عاد مسوي فضل حضرتك بعدين معقوله مجرد هديه لو غير شيء حيرتني وياك غياث مو عارفه شتريد بالضبط الإهمال من عندي لو من عندك...
للصبح طلعت بره الغرفه ڪاعدات هـيه وبناتهـا يخلن وفرحانـات تقربت عليهن
وڪلتلهن؟ اني هـيج بشر بلا كرامه ما شفت عندج رجلج خل يجيبلـج لا دزين بناتـج عليه فاهمه

اسينات :- شبيــج انتِ

دلهم :-مشيت خليتها تنط وتحط موت ياخذ هيج بشر ونفسيه ردت اقفل الباب دخلت رجاء

رجاء :- شبيــج انتِ شـو شاخطه فد مره وتصرفاتـج مدري شلونها هو هيج وحتــى امي زعلت منج تره تخسريـن رجلج عود خلـي أسينات مضحكه الـچ
دلهم :- اڪول حبابه لاتڪعدين تنصحيـن بيه أخوج ما قصـر عود مسوي روحه زعلانـ فوك الحبايـه كبايـه مسوينـي خدامـه وملطخه رايح والجاي شخص متناقض..

رجاء :- مدري شڪولچ بس السبب منـج تعرفين أسينات هيه وبناتها خبيثه شعليج بيهـا.. بس الله يصلحـج رايحه يم صديقتي اڪمل دراستي ياريت تراجعين نفسچ َمع السلامه

دلهم :- الله وياچ ما اهتميت لڪلشي ڪمت وراهـا سويت العشـه نظفت البيت وهـيه عود كعدت تغسل ملابس عمتي ما شفتها وأم طيبه رايحه خلصت البيدي وجهزت العشه وهو ماڪو ولا اجه عيني علــىٰ الباب باوعتلي عمتي وڪالت

رازقيه :- روحي صيحي رجلچ بالمضيف تلڪي موجود خل يچي يأكل لڪمه

دلهم :- هزيت راسي رحت المضيف واسمع صوته يضحك ويحچي بالتلفون بقيت واڪفه اتسمع اله!

غياث:- والله ضحڪت من ڪل گلبي بسم الله البارحه اچيت تره مو اچي هسه يلا الله ڪريم..

دلهم :- سحبت نفس ودخلت وهو سڪت بس الخط مفتوح!
رجعت ڪلتله صبينـه ننتظـرك ما جاوبني رجع عينه بتلفونه تالي خليت رجعت يمهم واجه محد تڪلم بس اني احس شي كاتم عـلـىٰ صدري غسلت المواعين لملمت ڪلشي دخلت الغرفه لڪيته مدد وعينه بتلفونه.ڪلتله تريد چاي اجيبلك..