طعنه في خاصرة النسيان

الحلقه ٢٣

#طعنة_في_خاصره_النسيان

الحلقه ٢٣
__________

اشتاقيت انة لشوفتك يل شوفتك ترويني
اشتاقيت نڪعد سوى وتصير عينك بعيني
وفجأة  فجأة بسواد الليل ولن صوتك يناديني
فزيت  ادور عليك ويامن يدليني...
ـ
ـ
ـ
جمانه ـ  نـزلت مرعوبه بالي يم غياث شصار وصلتهـن خاله دك وتلطم وأم طيبـه ملخه نفسها ضفاف صايره جنازه اريد انطق حرف ما أكدر بس جسمـي ڪُله يرجف روحي ردتلـي لمن حسين ڪال..؟

حسيـن ـ يمه فدوه لعيونج ڪافي غياث يڪول خل يستعجًـلن زهبن رواحـجن تروحـن لبغداد بسرعه ولـج ضفاف اخـوجن فاضل مڪسور ظهره
ڪافي دك ولطم ياهو يرجعه بعد..

ـ  يحجـي ويبجي وقتها فهمت ابراهيم ميت استفسرت من رجاء كوه فهمت عليـها لاڪي مدعوم بسياره وسيارته صايره عجين وعايفي الله يرحمه بعده شباب عالسريع حضرت ڪم قطعه ملابس الي وابنتي لأن نـروح لبغداد اهناك ماخذينـه لاهله مثل المخبـله نزلت ڪلهن جاهزات وأم طيبه وضفاف وحدهـن صارت جنازه نوحـهن وبجـيهن فطر الگلب طول الطريق ابجي انقهرت عليه وبنتي بحضني انرعبت من البجي والونين..

وصلنا  بعد طريق طويل نزلنا وديعه مخله نفسها هيـه وبناتها الله يساعدها ابنها وحيدها

وديعه ـ ولك يمه بعد وقت عفت خيتاك وعفتني ڪسرت ظهر ابـوك يمه يا سندي يا طولي يبعد كل هـلي وكل طوايفي ولڪم احووََ احووو يماااا ابراهيم وليدي رحت يمه عـلـىٰ بختك يماااا

ـ وتڪابلن النسوان بينهن وحد تعد والثانيه ترد للصبح كاعدين وغياث ما شفته الامه انڪلبت عليهم للصبح السيارات وجماعته وجماعه فاضل وغياث ڪلهم ضباط وجيش كومه ناس ڪلهم أصدقاء ومعارف فاضل وغياث كوه دخلـو البيت امه وأخواته يشوفونه جان غياث لاف شماغ اسود ملابسهم ڪلهًا سود

وصريخ البنات وفاضل دموعه على خده واخذه غياث يسكت بي حتى عمي كعد يبجي عليه حسين يشهك مثل الطفل واني احس خدودي صارت دم من بين الهوسه لمحت دلهم شنو اجتي واشوڪت شلت بنتي لان خافت من الصوت دخلت الغرفه عيني عالباب..
_______

دلهم ـ من بعد مڪالمه جمانه ڪلشي ما فهمت منها طلعت لغرفه امشي امشي سريع وخطواتـي تتعثـرر واردد بلسانـي ياربي رغم الشفته منه بس احفظه لخاطر جهاله يارب ڪلشي ما بي

وصلت غرفه امي فتحت الباب بدون استئذان افرك بيدي جان ابوي نايم وتفرك ظهره يمااا بيت عمتي مكلًوبه الدنيا عدهم فدوه شوفـو شڪو هسه جنت احجي وياهم بس ما فهمت

ابو إيهاب.. يا ستار شنهي السالفه لبسي عباتج وتعالـي وياي نفهم السالفه شڪو بسرعه

ميسون ـ ايي يا رجال انطي مجال جيت وراك يمه دلهم عينج على خياتج هسه نشوف شڪو ونرجع منطـول

ـ ماشـي بقيت عالنًار منتظره احد يطمنـي وإيهاب هم راح وياهم طلع مستعجل مرته لبست شالها واجتي عليه