#طعنة_في_خاصره_النسيان
الحلقه 9
________
دلهم :- ساڪت أو بالأحرى ما عنده وجه يواچهني غمضت عيوني نزلت دموعي عبرته وخليت الچاي ردت أطلع وڪف ڪدامي يمنعني
غياث :- دلهم وين رايحه
" رايحه أغسل المواعين من رخصتك
"ماشي بس لأ تتأخرين
" ماشي طلعت من يمه ما ڪدرت اختنڪت حيل اذا احجي او اعاتبه يذب لوم بيه لا خلي مثل ما هـو بلكي يصحى ضميره ويحس بيه..
رحت وره البيت ماڪو أحد ڪعدت انقهرت عـلـىٰ روحي شصـير لو ما متزوجه شيصير لو ادرس جان هسه طالبه كليه القسم الي أريده ولا اضل اتعيـر من هذا وذاك سمعتهم يصحون اسمـي ڪمت جان واڪف يم الباب باوع عليه بشڪ؟
غياث:-وين چنتي مو ڪلتي هسه اجي شسالفتچ من أجي تختفين..
"لا وين وين اختفيت بس جنت تخابر ما حبيت ازعجك خاف مڪالمه مهمه
" شبيــج انتِ ساعه عين ﷲ عليج وساعه فڪرچ مو برأسچ مو وياج ما تحجين بس ملطومه وساكته
"ڪتلك چنت تخابر من شفتني قطعت إتصالك واني ڪلت تأخذ راحتك شبيه قابل.. مشيت وعفته ڪعدت أرضع إبني وهو دخل فتح الكنتور طلع ملابسه يبدل كلتله شنو تطلع
"اي نتعلل يم أختي تجين ضفاف وعمتي ام طيبه يرحون ويانا
"لآ وين أخاف علــىٰ أبني روح أنت دنك باسني من رأسي غمضت عيوني لو بيدي اختفي من ڪدامه ولا أشوف ڪذبه وحقارته.
من بعد ڪشخته طلع بقيت وحدي مر وقت وهـو تأخر دخلت عمتي جانت بيدها سبحتـها هلا عمه اتفضلي؟
رازقيه :- رجلـج وينـه شو ماڪو يمج ڪلت نايمــين بس شفت الضوة مشتغل واجـيت
"طلع يتعلل عـمه هسه يجي لا يضل بالج عليه ليش ام طيبه وضفاف ما رجعوا لو بعدهن
رازقيه :لا راحت من زمان ڪالت ينامن يمها الصبح يچن
ادري عمه ادري والله هو ڪل هم ما شايلته ولا داير بال من يجي بس من يروح لدوام أخافن عليه بس بالي يمج
" ڪمت بستها لا عمه اني بخير خليج مطمئنه روحي نامي وارتاحي هزت راسها وطلعت واني عيوني تعاين على الشباك وهو ماڪو إذا هذن ينامن يم ذڪرى أنت وين تنام اووف منچ تدرين وساڪته اڪول يجي يوم ويحس علــىٰ روحه منتظره ضميره يصحى ويعود لزمانه وناسيه الزمان اذا غافل يهجم بيوت
__________
چمانه
"رجعت البيت تعبانه واليوم ولآ اتصل ولا سأل من يروح لأهله قليل يتواصل وياي حتئ ڪلامة من وره خشمه دخلت البيت چانت امي تنتظرني حسيتها بيها شيء اڪذب إذا ڪلت ما خفت
أم بسام :- بدلي ملابسج وتعاي عندي ڪلمتين احجيهن وياج
" حاضر يمه دخلت غرفتي غيرت ملابسي تلفوني رن هو فرحت وجاوبته ونسيت الباب مفتوح الو حبيبي شلونك
أنت تقرأ
طعنه في خاصرة النسيان
Mystère / Thrillerرواية طعنه في خاصره النسيان تم كتابتها منذ أربع سنوات لكن تم حذفها من تطبيق الواتباد والان تعود من جديد حبيت ارجعها لن هذا تعبي ومو سهل عليه اعوفه واشوفها تنشر بغير بيجات واني حاذفتها جميع الحقوق مثبته الكاتبه شمس العراقيه عوده جميله تم نشرها عام 2...
