طعنة_في_خاصره_النسيان
الحلقه ١٩
________
رحت وادري الدرب لو طال..
بيه جروح ما يسلن أونن..
وأنه ألمادامن اعله الون..
واحنن حنة العايش..
باالغربه وحن عليك..
أوڪُل هفاك اتحمله ولاچن ...
يفت روحي الضمه اونيسان
ڪله أمزن.
.
.
دلهم :- ما بيه ارفـع نفسـي من الكاع ابــآ؏ عمتي دك وتلطم كوه شالتني شافني ايهـاب رجع ليوره واني استحيت منظري روحي ساحبه ودخلنـي الغرفـه
ولساني يردد غياث فدوه ابنـه رجعولـي أبني فدوه طمننـي عنهم
ميســون :- يمه دلهم فڪري بـروحج عندج ولاده بنتج نازله ساعديني فدوه رحتلج حجيه همتج ويانا نوران بسرعه حضري شغلات الولاده
نوران:- أيي ايي يمه حًاضر بس خاف ولادتها عسره مثل هذيج المره فدوه خل نأخذها المستشفى
"يحـجن بينهـن وأمي ارتبڪت ما عندي طاقه وتصـيح وعمتي دوس عـلـىٰ بطني الطفله لازڪت بظهري تذڪرت ولادتي بيسار شالعين گلبي من ولادتهم ربي اني بشده رجعلي ابني لحضنـي
عيـوني غوشت واحس جسمي خلص طاقته بس صياح امي وعمتي عليه بس همست ما بيه تعبت ما بيه
ميسـون:- يمه همتـج ويانا راح تموت بنتج ولج شدي حيلج نوران بسرعه ڪُولي لاخـوج يحضر سيارته بســـــــرعه..
دلهم :- أبــآ؏ عمتي تبجي دم لبسوني عالسريع سنتدني وصعدت السياره واحس روحي تذوب من شده ألم اعض بشفتي بقوه بالموت وصلنا المستشفى راسأ صاله عمليات ڪلهن انخبصن والدكتوره تحجي وترزل لأمي
الدكتوره:-انتي منو منطيج اجازه تولدين بالبيت شلون هيج بڪُيفجـن هاي عود انتي امها لو ميتها شنو من أهل انتو بنت مثل الورده ذبلانـه مصفـره دم
دلهم :-بعدها صوتهم صار بعـيد بدا شغلهم نفس ولادتي بيسار سوده عليه وينك يروح امك
مرور الوقت ڪعدت صوتهن يمـي وصريخ الطفله امي تسڪُت بيها نوران يم راسي.. يسار وينه ليش َمحد طمنـي عليه مو علــىٰ الأساس اجوا
نوران :- مبـلغ أهله يجي وهـسه راحوا يستقبلونـهم من المطار لأ يضل بالج أڪُو الله واجتچ بنيه مثل الكـمر بس وڪحه من طلعتي من العمليـه لحد الآن تبجي
دلهم :- أبتسمت بتعب علــىٰ منـوُ تطلع وعًرامه ابوهـا أبــآو؏ شلون تبجي وامي تسڪت بيها وصرتي أم لاثنين أطفال ومصير استقرار عائلتچ مجهول..
" جنت نعسانه حيل والوجع بصفحـه والم ڪلبي وقهري على ابني بصفحـه غفيت شوي بس صوتـها ثولنـي. لمن ڪعدت لڪيته بصفي نسيت روحي اخذته اريد ادخله صدري ابوس بي من ڪل مڪان نسيت الوجع ونسيت العمليه..
يمه ريحتك تردلي روحي شلونك يمه فدوه لعيونك عسا بيه ولأ بيڪ..
نوران:- فدوه ربي يحفظهم الـج هسه ابوه جابه الچ وشاف بنته وراح البيت
دلهم :- أي شڪال علــىٰ صحته ليـش محد راضي يحجي سڪتت لازمت يسار ما بيك شي يمه محفوظ الي من ڪل شر وهاي خيتك اجتـي لدنيا
صـرتو اثنين سندي وعزوتـي بهاي الدنيا..
أنت تقرأ
طعنه في خاصرة النسيان
Mystery / Thrillerرواية طعنه في خاصره النسيان تم كتابتها منذ أربع سنوات لكن تم حذفها من تطبيق الواتباد والان تعود من جديد حبيت ارجعها لن هذا تعبي ومو سهل عليه اعوفه واشوفها تنشر بغير بيجات واني حاذفتها جميع الحقوق مثبته الكاتبه شمس العراقيه عوده جميله تم نشرها عام 2...
