کچە نامۆکە

ئەمە خەونە؟

تاتسکی: ئەو هەموو ڕێگایە بۆ کوێ دەڕۆین؟

چیکا: وەک وتم کەرەستەی ئامادەکاری بۆ شەوی سەری ساڵ

تاتسکی: تۆ بەنیازیت لە ماڵەوە بەتەنها ئاهەنگ بگێڕیت؟

چیکا: دواتر دەیبینیت

تاتسکی: باشە

چیکا: ئەوە فرۆشگایەکی باش دیارە، با بچینە ئەوێ

تاتسکی: بە ئارەزووی خۆت

##چوونە نێو فرۆشگاکەوە و چیکا چەندین کەرەستەی ئاهەنگی لەگەڵ خۆیدا برد و لەسەر مێزی فرۆشتن داینا##

چیکا: ئەوە چەند دەکات؟

فرۆشیار: بە هەمووی ٢٣.٦٠٠ یەن دەکات

*چیکا پارەکەی پێشکەشکرد و چوونە دەرەوە

تاتسکی: چییی؟، تۆ توانیت لەگەڵ فرۆشیاری فرۆشگاکە قسە بکەیت، بەڵام چۆن؟

چیکا: دەزانیت پرسیاری زۆر و بێمانا دەکەیت؟، ئایا شتێکی ئاسایی نیە لەکاتی شت کڕیندا قسە لەگەڵ فرۆشیارەکە بکەیت؟

تاتسکی: بەڵام تۆ پێشتر نەتدەتوانی!!

چیکا: ئەگەر بەردەوامیت لەو قسانە من دەڕۆم، کارێکی زۆرم لەپێشە تا بیانکەم

تاتسکی: بمبوورە، من وازدەهێنم

چیکا: باشە، کەواتە ئێستا دەچینە ماڵی ئێوە، لەوێ ئاهەنگەکە سازدەکەین

تاتسکی: بەڵام لێرەوە دوورە

چیکا: بە ئۆتۆمبێلەکەی خۆم دەچین وەک هەمیشە

تاتسکی: تۆ شۆفێری دەزانیت؟

چیکا: ماوەیەکی زۆر دەبێت کە مۆڵەتم بەدەستهێناوە، خۆت شۆفێری منت بینیوە، کێشەم هەبووە؟

تاتسکی (لە ناخی خۆی): ئەو باسی چی دەکات، من هیچم لەبیر نیە، ئەمە چ جۆرە خەونێکە من تێناگەم، ئەو دەچێتە ماڵی ئێمە، ئایا دایک و باوکم لێرەدا زیندوون؟

##پاش ماوەیەک لە ڕۆیشتن، گەیشتنە بەردەم ماڵەکە##

چیکا: تۆ دانابەزیت؟

تاتسکی: من تەنها سەرم سووڕماوە

چیکا: لە چ شتێک؟

تاتسکی: ئەم خانووەی ئێمە یەکێکی تر تیایدا دەژیا ئەویش وڵاتی جێهێشت لەگەڵ هاوسەرەکەیا، دایک و باوکم مردبوون

چیکا: تاتسکی....

تاتسکی: بەڵێ

چیکا: تۆ لە جیهانێکی جیاوازەوە هاتوویت؟

تاتسکی: مەبەستت چییە؟

چیکا: تۆ قسە و پرسیاری زۆر بێمانا دەکەیت، وا دەردەکەوێت تۆ کە ئێستا لەگەڵ من دایت، ئایا ئەوە گیانی ئەو جیهانەیە کە تیایدا من مردبووم؟