EX or NEW

- 11화 -

🔸매운맛🔸
- Spicy taste -

[ စာလုံးပေါင်းမစစ်ရသေးလို့အမှားပါရင်ဖြည့်ဖတ်ပေးပါဦးနော် ^3^ ]

- ငါဘယ်သူလို့ထင်လဲ 😛 -

ကားပေါ်တက်တက်ချင်းမှာပင် ထပ်မံရောက်ရှိလာခဲ့သော message လေးကြောင့် ဂွန်းနုပြုံးလိုက်မိသည်။ emojiလေးကအစ ချစ်စရာကောင်းနေသည်ဟု သူခံစားရသည်။ သူ့အလိုလိုသိစိတ်အရတော့ ' ဟာအို ' ဟုထင်နေပေမဲ့ တစ်ထစ်ချလည်း မယုံကြည်နိုင်သေးပေ။

တစ်ဖက်မှာလည်း ကော်ဖီအေးလေးကိုတစ်ငုံသောက်လိုက်၊ ဖုန်းလေးကိုတစ်ချက်လှမ်းရှိုးလိုက်နှင့် ဟာအိုစိတ်လှုပ်ရှားနေတော့သည်။ ဂွန်းနုက သူစိတ်ဝင်စားမိတဲ့သူလည်း‌ဖြစ်တာကြောင့် ရင်လည်းခုန်နေမိသည်။ ထိုအချိန်မှာပင် notiလေးနှင့်အတူ ဖုန်းscreenလေးဟာ ဖျတ်ခနဲလင်းလာခဲ့တော့သည်။

- ပန်းသီးလေးလို့ထင်တာပဲ မဟုတ်ရင်တော့ ခွင့်လွှတ်ပါ တွေ့တဲ့အခါမုန့်ဝယ်ကျွေးပါ့မယ် ဟီး -

messageလေးကိုဖတ်ပြီးနောက် ဟာအို့မျက်လုံးလေးတွေဟာအဝိုင်းသား။ မျက်တောင်လေးတွေကိုလည်း ပုတ်ခတ်ပုတ်ခတ်လုပ်လိုက်သေးသည်။

Park Gunwook's date partner: Zhang Hao

>>>>>>>>>>>>>>>> interview

ကျန်းဟာအို : "" ပန်းသီးလေးဆိုပြီးပြောလာတော့ ကျွန်တော်တကယ်အံ့ဩသွားခဲ့တာ ကျွန်တော်ဆိုတာကိုမခန့်မှန်းနိုင်လောက်ဘူးလို့ထင်ခဲ့တာ ခန့်မှန်းနိုင်သားပဲဂွန်းနုဂီက ㅎㅎ ""

ဘတ်ဂွန်းနု : "" ဟာအိုဟျောင်းဖြစ်မယ်ထင်တယ် ဒီအတိုင်း.. ခံစားမိနေတာပါ ဟာအိုဟျောင်းမဟုတ်ဘူးဆိုရင်တော့ တကယ်အံ့ဩမိမှာ ""

<<<<<<<<<<<<<<<<<<

နောက်ဆုံးတော့ဂွန်းနု ချိန်းဆိုရာ cafeကို ရောက်လာပြီပဲဖြစ်သည်။ ရင်ခုန်စွာဖြင့် cafeတံခါးကိုတွန်းဖွင့်လို့ဝင်သွားလိုက်ရာ.. ဝင်ဝင်ချင်းမှာတင် ရင်းနှီးနေသောကျောပြင်လေးကို လှမ်းမြင်လိုက်ရသည်မို့ ဂွန်းနုအပြုံးတွေမရပ်တန့်တော့။ ထိုအချိန်တွင် ဟာအိုကလည်း သူ့ကိုလှည့်ကြည့်လာခဲ့ကာ နှစ်ယောက်သားအကြည့်ချင်းဆုံသွားခဲ့ကြပြီး အပြုံးချင်းဖလှယ်လိုက်ကြပါတော့၏။