L_O_*_*

you.

"you.*

.....

.....

အိမ်တံခါးကိုလှပ်လိုက်တာနဲ့ အေးစက်စက်အငွေ့တွေက ဟန်ဆိုးကိုစီးကြိုသည်။ ဖိနပ်ချွတ်နေရာမှာ သူ့အပြင်တစ်ခြားဖိနပ်လေးတစ်ရံရှိသေးတာကပဲ ဟန်ဆိုးရဲ့နှလုံးသားကို တစ်ဒင်္ဂ‌နွေးထွေးစေခဲ့ပြီး ထိုနွေး‌ေထွးမှုကို အလွတ်မှတ်ဖို့ စက္ကန့်ပိုင်းလောက် မျက်လုံးမှိတ်ကာ ငြိမ်ငြိမ်ကြီးရပ်နေခဲ့သည်။ ထို့နောက်တွင်တော့ အိမ်ထဲသို့၀င်ကာ မီးဖိုခန်းဘက်တစ်ချက်ကြည့်လို့ ကျောပေးထားတဲ့ အမျိုးသားလေးရဲ့ ခါးသွယ်သွယ်ကို စိတ်ကူးနဲ့ပွေ့ဖက်နှုတ်ဆက်လိုက်၏။

နုနုနယ်နယ်မျက်နှာလေးကိုတွေ့ခွင့်ရဖို့ကတော့ ဟန်ဆိုးဒီထက်ပိုပြီးစောင့်ပေးရဦးမှာပေါ့။

အသံတိတ်နဲ့ဝင်လာတဲ့ဟန်ဆိုးတစ်‌ေယာက်သူ့နောက်မှာ အကြာကြီးရပ်နေခဲ့တာကို ဆွန်းဂွမ်လည်းသိသည်။ ခဏအကြာမှ ဟန်ဆိုးရဲ့ကိုယ်သင်းနံ့ဟာ တရွေ့ရွေ့ပျောက်ကွယ်သွားလေ၍ သူလည်း စိတ်ချလက်ချ နောက်ပြန်လှည့်လိုက်၏။ ထို့နောက် လုပ်လက်စထမင်းစားပွဲကိုသေချာပြင်ပေးခဲ့ပြီး အပေါ်ထပ်က ကိုယ့်အခန်းမှာ ကိုယ်ပြန်နေလိုက်သည်။
သူနဲ့ဟန်ဆိုးဟာ အမှားတစ်ခုအတွက်နဲ့ လက်ထပ်ခဲ့ပြီးတာ ၃နှစ်တိတိကြာမြင့်ခဲ့လေပြီ။

..
...

ဟန်ဆိုးညဘက်တွေအိပ်မပျော်တိုင်း ဆိုဖီယာခိုးရိုက်ပေးထားတဲ့ သူနဲ့ဆွန်းဂွမ်ပုံလေးကို အမြဲထုတ်ကြည့်တတ်သည်။

"အဟင်းဟင်း ညက ညီမလေးသိတယ်နော်"

"တိတ်တိတ်နေရင် လိုချင်တဲ့ concertလက်မှတ်ဝယ်ပေးမယ်"

တစ်ချိန်က ညီမလေးထံမှ concertလက်မှတ်နဲ့လဲပြီးရလာသော ပုံငယ်လေးက အခုဆို ဟန်ဆိုးရဲ့တစ်ခုတည်းသော တွယ်တာရာ။
‌လွန်ခဲ့တဲ့(၃)နှစ်က ဆွန်းဂွမ်အပေါ်ကျူးလွန်မိတဲ့အမှားအားမာမီက သိသွားပြီးနောက် သူနဲ့ဆွန်းဂွမ်ကို နီးစပ်ရာ ထိုင်းနိုင်ငံသို့‌ပို့ကာ လူသိရှင်ကြား လက်ထပ်ပွဲတစ်ခုကျင်းပပေးခဲ့သည်။ မင်္ဂလာကိစ္စကိုတော့ ဆွန်းဂွမ်ကသဘောတူခဲ့တာမဟုတ်ပဲ ဆွန်းဂွမ်မိသားစုက သဘောတူခဲ့တာလို့ လက်ထပ်ပြီးနောက်ပိုင်းမှ ဆိုဖီယာပြောပြလို့သိခဲ့ရသည်။ တကယ်ဆိုသူဟာ ဆွန်းဂွမ်ရဲ့ဘဝတစ်ခုလုံးကို ဖျက်စီးခဲ့မိတဲ့ ငမိုက်သားတစ်ယောက်ဖြစ်သည်။ ဆွန်းဂွမ်ရဲ့အပြုံးတွေကို ပျောက်ကွယ်သွားစေခဲ့သူ၊ ဆွန်းဂွမ်ရဲ့မျှော်လင့်ချက်တွေကို ရိုက်ချိုးပြီး မျက်ဝန်းတွေကို အသက်မဲ့စေခဲ့သူ။