THE JAMAICAN ARTISE PA

JADA POV:

" yah suh wi aguh ?" Andre asked as wi reach a the doctor building .

" yes , just reverse and park inna the parking space ".

Since a did appointment as wi guh in, the doctor who introduced harself as doctor Williams show wi to har office and start the check up same time . Mi lie dung pon the bed and she lif up mi blouse and apply the gel and then slowly start fi move the transducer ova mi stomach. The room did quite except fi the faint sound a the ultra sound machine and mi look beside mi weh Andre did sidung a stare pon the screen a the machine, him expression did look sumuh between fear and hope .

" alright, you should be able to hear your baby's heartbeat about ...now" and as she seh that, the sound a the baby heartbeat fill eh room,  rapid and rhythmic, and strong.  Mi couldn't help eh smile weh come pon mi face and mi tek mi eye off a the screen fi look pon  Andre since him neva seh nuhun and si him eye dem still lock pon eh screen but, him did have him hand dem clasp together like him a pray ova him mouth.

" babe?"

Him turn fi look pon mi and mi surprise fi si him eye dem glossy and red like him a hold back tears.

" a fi wi baby that? , b a fi wi baby that",

him seh it like eh finally a sink in and mi laugh as him stand up and leaning ova mi , kiss mi forehead and entwined mi hand wid fi him own and squeeze it . Wi get pictures a the appointment fi keepsakes and Andre tek one and put it inna him wallet . Afta the appointment him get mi some fruits and then him tell mi seh a time fi mi stop work until afta eh baby born and even then , mi only work if mi want to because him already mek more than enough money fi tek care a everything.

Him call him fren dem and Shanique and couldn't stop talk bout eh baby and how eh appointment guh and eh whole thing just mek mi feel happy and love him even more .

A did two days lef before Christmas and mi did deh a Andre house because mi did need a break from mummy and Kerry and the whole Christmas cooking and family a come and guh and mi just wah spend time wid mi man. Him did have wah show inna New Jersey and one more inna Bahamas suh a did just me alone deh a him house fi the past three days now but, him a come back tommrow.

Inna the morning mi decide fi guh a the airport fi pick him up instead a him a drive. When mi reach a the airport mi neva have long fi wait before mi si him a walk come and mi si him before him si mi and mi walk ova to him .

" b, wait , nuh Chris fi fawod wid eh car?" Him seh as him leggo of a the handle a him suitcase and pick mi up . That a one next thing weh mi notice him love fi do other wise from play wid mi breast and finga dem. Him love pick up or if wi a lie dung together, pull mi pon him lap and mi know mi nuh leight even though mi slim thick, him just strong.

" well , mi call Chris and tell him seh mi a come pick yuh up instead " .

" then nuh good thing that then" him seh as him kiss mi before him put mi back dung and squeeze mi ass .

" behave yuhslef , wi inna public and people know yuh " mi seh as mi slap him hand but, him only laugh .

" mi look like mi care bout people and weh dem wah think? Yah mi woman and mi free fi do as mi please " and him hold mi hand as wi lef eh airport and walk towards eh car.

" yuh want to pick up anything before wi guh home ?"

" no , only thing mi wah pick up right now a you and put yuh dung pon mi ..."

" Andre , wah wrong wid yuh ?"

"Suh mi cah express mi love to yuh again b? " and him squeeze mi leg and as much as mi did kind a annoyed mi did affi smile .