انا ..هو !!

بارت 11

الام ..

مرت ساعة ولم يأتي زين ..
اتجهت الى والده باعصاب منهارة ..
- هاااي عود وصيناه يجي بسرعة .. لم يعلق
- صار ساااعة وما اجه ..
- اي ازدحااام ..شيسويلج
تركته
و اتصلت بخالته .. اجابتني ..
-الو ها خية .. يساعد گلبج ..!!
- خية مو الا تبدلين للجهال ..خل يجيبهم ويجي بسرعة
-ياجهال ..منو يجيبهم ..
- زين بعد منو
- ما اجة بعده !!
- وديناه الج من ساااعة
- لا وصل ولا اجه احد ..اني لازمة تليفون ويم الباب متحيرة
- ياااااء ...ولج انتي متأكدة
يمة ابنييييي يمة ...، الله وياج
نهض محمد من مكانه بتوتر حينما علم بالامر ..
- انوب هذا وين راااح استغفر الله العظيم ..
- اتصل عليه ..
اتصل عليه ابعد الهاتف ع اذنه
-مشغول ..
اتجهت لأحمد صديقه الذي ارسله الينا زين لتقديم العون ..
- لك يمة احمد خابر ع زين ..شوفه وين صاررر
-شيخابر جاي اگولج خابرت ومشغول ..
- لا عمي اني جاي ادك عليه ..من مساع ..
كان احمد يسير في الممر ذهابا وايابا والهاتف على اذنه دون جدوى..
بعد ان يأس .. اخيرا جاء اتصال منه
خاطبني بفرح

- هذااا زين خابر خالة
...
- اي شوفه افتهم منه وينه....
اجابه
-الووو!! ..زين وينك ??!
اها لعد منو ويااااي ...
صرخ بدهشة .... حااااادث ????????
- يمممممممة ولييييييييدي ...

-اغلق الهاتف بصدمة وقد التزم الصمت.. وقفنا ننظر بدهشة
صرت اشده من قميصه واصرخ..: ولك احجييييييي..شبيه اوليدي احجيييي
وقع الهاتف من يده ..:خالة زين سوة حااا...اااددث ...ونقلوه لمستشفى السلام
-يمممممممة ... اوليدي... !!!! ..
فرت روحي كالطير المذبوح ..

اتجهنا سويا لمستشفى السلام ... وصلنا نركض بين اروقتها..حتى بلغنا ..قسم الحوادث الخطرة .. استقبلتنا احدى الممرضات ومنعتنا من التقدم اكثر ..
- خااالة وين جاااية هو بالعمليات ....!!!
..
لم اعد اشعر بالزمن ولا بالذين حولي لا اعلم ما يجري احاول استيعاب ما يحصل دون فائدة ..

بعد سااعات من الانتظار
خرج الطبيب من قسم العمليات وصدريته ملطخة بالدماء وهو يتلفت يمينا شمالا

- ركضت نحوه اصرخ متسائلة - دكتوررر هذا دم اوليدي يممممة زييييين يمة
- ذكري الله ...
- اررريد اشوفه ارييييد اشوف اوليدي
...
امسكني محمد وجرني عن الطبيب .. الذي كنت احاول تمزيقه دون شعور

%%%%%%%%%%%%%%%

الاب...

انصرف الطبيب اجلست ولادته ع احدى كراسي الانتظار ..
وتبعت الطبيب بسرعة
..- دكتور ..دكتوررر ... لحظة دكتور

التفت وتوقف ..
- دكتور شنو وضع الولد...
- احجييلك لو اضم عنك ...
اجبته بغصه ..-لا احجيلي ...احجيلي

- وجه ابنك مشوه بالكامل . وصار ضرر بجزء من الدماغ .7 كسور باجزاء متفرقه بجسمه .. من ضمنها العمود الفقري .. يعني ميت جسديا ودماغيا ..