انا ..هو !!

بارت 8

الام ..
بعد ان غادرت لمى المائدة التفتُ الى والدها : يعني لمى تبقى هيج ? ..
بقي صامتا لم يعلق ..
-محمد احاچيك جاوبني ..
-شجاوبج ??
- سوي حل لبنتك!!
- يعني ابوگلها گلب !? اذبحلج ولد ? شسوي فهميني ..??
- تاخذها للطبيب ..
- والطبيب شگال ? مو گال الا تبديل قلب ?? ..
- ......اا
- تتشردين من الواقع ? لو تقشمريها بالعلاج ? ..
-...اا
- اشو سكتي متحجين
بقيت صامتة والدموع تنهمر من عيوني لا اجد الكلمات .. كنت احاول خداع نفسي باننا لن نصل الى هذا اليوم ولن تتفاقم حالتها ان واجهنا المرض بالعلاج ..لكن ليست الامور كما نتمنى فالواقع يأخذ مجراه و حالتها تسوء كل يوم اكثر فاكثر
... .
انا- بس هم لازم ناخذها الطبيب
- انتي تعرفيها شلون عنيدة بخصوص الطبيب والعلاج
تكلم زين بعد ان كان صامتا : اني احچي وياها ...
- اوكي شوفها اذا فارغة باجر قنعها تروح للطبيب واذا اقتنعت اخذ اجازة و اوديها
- بابا هي اليوم اخر امتحان عدها وخلصت ..
- اوكي لعد كمل غداك وشوفلك فرصة حاجيها ..
- الحمد لله كملت اكل ..عاشت ايدج ماما ..
- ..الف عافية .
......*......*......*.....*........*...

لمى ...
صعدت الى غرفتي و ارتميت ع السرير ضجرا : اففففف شهالحالة يربي ..نامي .. اكلي ..شربي دواچ .. لتنزلين لتصعدين لتعبين نفسج .. عبالك ديحاجون شايب .. والله مليت مليت ..!!
بقيت صامتة ع السرير والاحباط يكاد يقتلني انقلبت جانبا لاحظت هاتفي مددت يدي التقطته وقررت الاتصال بأحمد ..
محاولة مني في تغيير مزاجي والكف عن التفكير بها المرض ..
رن هاتفه اجابني ..
-هلو رضا شخبارك ?
-رضا ?? هههههه عابت .
...والله تمام انت شلونك
- بخير بسلامتك.
-عساك بخير
قلت بتساؤل: لازم يم الاهل ? ..
-اي اي صحيح مثل مگلت
-هههههههههه . زين اوكي اهلك يمك عرفناها صوتك شبي هيج صاير عبالك مخنوگ ? ..
- احمم اي مو جاي اتغدة رضا .اخلص غدة ان شالله ونتفاهم ..
- امممم جاي تاكل يعني .??.
- اي اي .
- زين شنو غداك ..?
بس لا همين سمج ?
- لا لا مو هيج متوهم !!

- هههههه لعد فاصولية ?
- يعني تكدر تكول اخوه تقريبا

-عدس?
-عفية عليج .. مثل مگلتي
- هههههههههه عليج لو عليك .. هههههههههه
- (اخذ يهمس باذني بغيض ) وجععع فضحتيني

- احوووه احوووو.
تركني وعاد وخاطب والده .. لا بابا صديقي ههههه ..والله
- سمعت صراخ اخوته والتصفيق والصفير ..اوووووو الله يخليلك رضا ههههههههه
- (بين ضجيج العائلة العالي عاد ليخاطبني ) رضا اكلمك بعدين ..

اغلق الهاتف تركته وتقلبت ع السرير وانا اضحك طرق الباب .. لم اعر للامر اهتماما استمريت بالضحك : اتفضضضضل ههههه. دفع زين الباب ودخل
تلفت بالغرفة باستغراب بعد ان وجدني اضحك وحدي : اتخبلتي ? ..
- ههههههههههه ..تقريبا ..هههه ااخ يمة گلبي ..هههههه
جلس ع جانب السرير كنت احاول التوقف عن الضحك دون جدوى فكلما تذكرت ماحدث انفجر بالضحك من جديد .تناول وسادة وضربني ع وجهي : جكمة كافي اريد احاجيج ..
جلست وانتبهت له : هههه لا يلة كافي ..گول شعندك ?
- شعندج باجر ? .
- ماعندي شي ليش .. ان شالله دياحة
- تقريبا
- ايواااا فديتك.. گول وين
- اممممم !!
- احجي شكو لتحك براسك هيج . كتها وفضها .
- هيج گلت تروحين انتي وبابا ع طبيبج !!
-بشرفك هاي دياحة ??
- اي تمرين ع الطبيب وبعدين بابا يوديج وين تردين ..
- طبيب طبيب طبيب افففف !!!.. ماكافي الصيدلية الي اشربها كل يوم ??