Substitute Mom (KathNiel) COMPLETE [editing]

Chapter 38

Chapter 38

Kathryn's Point of View

Pauwi na kami ni Daniel. Natapos na naman lahat ng trabaho niya sa Batangas, si Tito na lang daw ang bahala sa iba pa. Dahil maaga kaming umalis nakarating kami agad sa bahay, hindi kasi namin masyadong naabutan ang traffic.

Pagka-park ni DJ ay pibagbuksan niya ako.

Iniwan ko siya doon at pumasok na agad sa loob. Nakita kong kalong ni Ate Roe si Jordan.

"Baby! Mommy's here na." sabi ni Ate Roe nang makita niya ako.

Agad akong lumapit at kinuha siya.

"Hi! Na-miss kita." sabi ko habang hinalik halikan siya sa pisngi, napahagikhik naman siya. "Hindi ka ba makulit sa Tita? Ha?" kausap ko pa sa kanya.

"Ay nako, Kath. Mabait, iiyak kapag walang kasama." napangiti naman ako.

"Very good ang baby ko, madaming pasalubong si Mommy. Ayy, Ate ang dami din naming dala ni DJ para sa inyo." sakto naman na pumasok si DJ na dala ang mga gamit namin.

Napasigaw naman ng 'Daddy' si Jordan nang makita ang ama. Hindi naman ata narinig ni DJ kaya lumabas ulit siya. Mayamaya ay pumasok ulit ito na dala ang mga pasalubong namin. May mga kakanin pa nga bigay ni Lola.

Lumapit si DJ at sumalampak sa tabi ko.

"Daddy oh." inabot ko sa kanya si Jordan.

Kinuha niya at pinangigilan na ikinatawa naman ng malakas ni Jordan. Na miss nila ang isa't isa.

"Ang cute niyo talagang tatlo." sabi ni Ate Roe. "Nandito naman na kayo. Uuwi muna ako. Saktong kailangan ko ding alamin ang shop ko." kinuha ko muna ang mga pasalubong naming dala.

"Ah sige. Salamat ng marami, Ate." buhat ni Daniel si Jordan. Hinatid namin si Ate sa labas at nilagay ko ang mga pasalubong sa backseat.

"Salamat sa mga pasalubong. Kath, Dj. Sa uulitin. Bye. Baby!" kumaway siya sa amin saka nag-drive paalis.

Punasok na kami ng bahay. Nagpabuhat sa akin si Jordan, humikab siya ng ilang beses at nagkusot ng mata. Antok na baby ko.

"Sleepy, Baby? Hmmm?" ipinatong ko ang ulo niya sa balikat ko at hinimas ang likod niya. "DJ, ikaw din. Tabihan mo 'to kapag nakatulog na. Magluluto pa ako." bulong ko, dinala ko si Jordan papunta sa kwarto, sumunod lang sa amin si DJ.

Naunang humiga si DJ dahil antok na antok na daw talaga siya, habang si Jordan ay hinehele ko pa. Nakakamiss talaga ang bubwit na 'to. Hinawi ko ang buhok na tumatabon sa muka niya. Ang haba na, ayaw naman ipaputol ng ama. Mas bagay din naman sa kanya.

Nang mahimbing na sa pagtulog ay itinabi ko kay DJ, nilagyan ko ng unan ang paligid niya para hindi siya mahulog.

Umupo ako saglit sa tabi ni Jordan at pinagmasdan sila sa pagtulog.

"Mahal na mahal ko kayo." hinalikan ko sila sa noo saka ako nagpasyang bumaba sa kusina.
--
Kinaumagahan gumising ako ng maaga para ipaghanda ng umagahan si Daniel. Pumunta muna ako sa kwarto niya para gisingin siya. Sinilip ko muna ang crib ni Jordan. Ang likot matulog, hindi na siya nakakumot at ang mga unan niya nasa paanan. Inayos ko ang kumot at nilagay hanggang leeg niya. Malamig kasi sa kwarto ni Dj.

Lumapit ako kay Daniel na naka-talukbong ang kumot. Tinukod ko ang isang kamay ko para maabot ko siya ang isa naman ay ipinantakip ko sa likod niya.

"DJ, gising na." hindi niya ako pinansin. "Dad, tatanghaliin ka po." tinanggal ko ang kumot na tumatakip sa mata niya, nagulat akong namumutla na siya. Kinapa ko ang noo niya, diyos ko! May lagnat ang loko.