رضيت أحبك وبس مافيه عقب الروح روح

42

هنــالك قلوب لاتتستحق أن تعيــش أبداً .. بل أنــها
لآتستحق أن تنبــض [نبضة] أخرى غيــر مانبضت !!
لــ أنــها تتفنن فـي إيذاء الآخريـــن وتعذيــب قلوبهم ؟!

___(( 42 ))____________________


بالمغــرب ..

ماتحركت من وضعيتها .. وجهها حمــر وعيونها أنتفخت وكل ماتتذكر أن عبدالله قرب لها تكــره نفسها أكثثر ..

كــانت قاعده جمب النافذه وتراقب الحوش والأشجار قاعده تتحرك مع الهوا القوي .. والمطر كــان قاعد ينزل ويبلل أوراق الشجر والازهار ..
مـاكان حوش البيت كبيـــر .. لآكنها أعشقته كــان لها متنفس قوي فيــه
بس أستغربت من أصحــاب عبدالله جاين اليوم بدري !!
يمكن لأنه كلمهم وقــالهم يجون بدري !! دقت على تولين كــانت محتاجه تسمع كلمات التخفيف حقت تولين ..
تحب تتكلم مع تولين لأنه تولين ماتسألها أيش الموضوع بس كأنها تقرأ أفكــار اللي حولها لأنه تجيب الكلام بالصميم ..
بس ماردت عليها تولين .. يمكــن لأن أنكسرت شريحة لميس وجاب لها عبدالله غيرها .. وتولين مو كثير ترد على الأرقام الغريبة !!

_______________________

ببيت عبدالعزيز ..

كــانو قاعدين .. عبدالعزيز ويلدا وعمر وتولين !!

عمــر : تولين بعد العشا تجهزي عشان على طوول نروح أوك
تولين أبتسمت : أوك
يلدا : ويــن ؟؟؟
عمر : بنزور لميس
يلدا : وش رايك ياعبدالعزيز نروح معهم ؟؟
عبدالعزيز : لآآ خليها وقت ثاني .. وأصلا أنــا عندي مشوار لآزم أنهيه
يلدا : أييه صح حتى أنا متواعده مع أم العنود بنطلع
عبدالعزيز : حلوو
تولين : أجل حنــا بروح
عبدالعزيز : أييه الله حافظكم
عمر : أجل أنــا بطلع فيصل يبيني .. بعد العشا برجع تكوني جاهزه
تولين هزت راسها : طيــب طيب

طلع عمــر ..

عبدالعزيز : أجل حتى أنــا بطلع عشــان ألحق أوصل للمكــان بعد العشا
يلدا : أوك ربي يحففظك

لبس عبدالعزيز شماغه وكالعادة باس يلدا وطلع ..

يلدا قامت
تولين بدون شعور تكلم نفسها بس بصوت عالي : يووه نيت أطلب من أوبي فلوس محتاجه لها
يلدا ناظرتها وطلعت
تولين أخذت جوالها وشافت هذا الرقم وأستغربت متصل عليها تقريبا ست مرات ؟؟ كانت بتدق بس دقت عليها ملاك وردت وأنشغلت معها ..

أمــا عند يلدا فوق ..
دخلت غرفتها وطلعت مبلغ ورمته على السرير عشان تنزله معها وهي نازله ..
وأخذت ملابسها ودخلت تلبس

خلصت تولين من المكالمه بعد مادامت نص ساعه ..
وعلى نزلت يلدا .. وهو يأذن العشــا

تولين سمعت صوت كعب أمها .. ولفت : بتطلعين الحيــن ؟؟؟
يلدا بدون ماتناظرها : وش تشوفين
تولين زمت شفايفها ..
مشت يلدا من عند تولين ورمت عليها المبلغ ..
وطاح بحضن تولين رفعت راسها تولين
تولين : ماما حرام كذا تسوين بالفلوس
يلدا : هذا الناقص أنتي تجين وتحلمين وش الحلال ووش الحرام
تولين عصبت : هذي نعمه لازم نحمد الله عليها مو زي كذا ترمينها !!
يلدا عصبت وصرخت فيها : ماتبينها هاتيها ..
تولين حطتها على الطاوله وقامت : جزاك الله خير يجي منك أكثر ..

وطلعت فوق ..
يلدا تأففت وطلعت من البيت ..

________________________

عنـــد فيــصل وعمر

فيصل شاف عمر وهو جاي وقام
فيصل والأبتسامه شاقه وجهه : يـــــــــآهلا بأبو رعد
عمر : هلابك .. أخبــارك
فيصل : والله تمــام .. وأنـــت ؟؟
عمــر : والله بخير دامك بخير
فيصل : عمــر أنــا بكلمك بشي و لي فتره يعني مو قصيره طويله
عمر : أييش فيك قول
فيصل : تتذكر سليمان .. الي أنت دايم تسأل عنه أنا قتلك طلع بعثه ويسلم عليك وكذا يعني كله تأليــف ترا
عمر : مـــاتـ؟؟؟؟
فيصل : لالالالا فال الله ولا فالك
عمر : أجل ياخي تكلم ياكرهي للفك ودورانك وش صار بالرجال هذا
فيصل : طلع واحد دشير صاحب شرب وبيع مخدرات وبنات ودعاره
عمر شهق : كيــف عرفت أنت ؟؟؟
فيصل : مدري أنرسل لي من رقم غريب ماأعرفه .. أول شي وحده كلمتني صوتها كــان مألوف لي
عمر قطب حواجبه : مألوووف
فيصل : لالا لايروح بالك بعيــد !! ياخي كــانه صوت وحده من قرايبنا
عمر : طيب
فيصل : المهم كلمتني وقامت تقول أنــا خايفه عليك أنت وعمر لو مو خايفه عليكم كان ماكلمت وتركتكم مع هذا الرجال المهم أنــا ماصدقتها بس قتلها إذا تبيني أصدقك جيبي لي دليل ..
عمر : حلوو وبعدين ؟؟
فيصل : وفعلا بعد أسبوع أنرسل لي مسج من نفس الرقم !! وكــان فيديو وكــان فيه جمبه رجال وباين سكرانين وقدامهم هذا اللي يشربونه وكــان باين مو بعقله .. بس تصدق عشــان أكون صريح معك
عمر : أييه أيش
فيصل : كــأني سمعت صوت عبدالله !!!!
عمر عصب بس كتم عصبيته : الحين أييش دخل عبدالله !!!
فيصل : ماأدري أقولك كأني سمعت صوته
عمر : كــآنك تحسب أنك بتخليني أسوي مشاكل مع عبدالله وبعدين لميس تكون لك فأنت غلطان
فيصل أنفجع أصلا مافكر بهذا الشي أبــداً : لآآآآ لالا لاتفهم غلط ياعمر .. مو قصدي .. بس كنت صريح معك
عمر : أجل ليس قتلي عن موضوع سليمان إلا مدامك فكرت كثير وشفت أن هذا الشي من صالك
فيصل قام : أصلا أنت اللي يتكلم معك غلطان .. أنــا ماعمري بغيت للميس الشر أبد ولا أتمناها تعيش تعيش مطلقه بروح أصلي أذن العشا

وطلع وترك عمر ..
عمر قعد شوي وبعدين قام ..


_______________________

( ببريطانيا - لندن مدينة الضباب )

دخل البيت ..
ولقاها نايمه على الكنب وجمبها حووسه .. أكيــاس شبسات وعصيرات وأكواب وكتبها مرميه على الأرض .. والتلفزيون على أعلى شي

زياد بقلبه : حووسه هالبنت عمرها ماراح تترتب !!
راح لمها وهزها مع كتفها
زياد : أمـــل أمــل
أمل : همممممم
زياد : قومي نامي بالغرفه أريح لك
أمل أنقلبت وأعطته ظهرها .. وبــاين أنها داخله جوو بالنــوم
تنهد زياد وشالها ووداها للغرفه .. وغطاها وسكر النور والباب وراه وطلع للصاله ..

زيــاد من طبعه مايحب الحوسه .. وأمل عادي عندها تحوس الأشياء ولا ترتبها .. يعني شخصيتين متناقــضــات بقووه

زياد ناظر الصاله وتأفف ..
وراح للتلفزيون وسكره .. وجمع أكياس الشبسات اللي مخلص رماه بالزباله ( الله يكرمكم ) .. واللي مو مخلص حطها بالدولاب .. وعلب العصيرات نفس الشي ..
والصحون والاكواب والكاسات تنهد ورفع أكامه وغسلها ..
وبالأخيــر طلع للصاله ورتب الكنبات .. وكتب أمل كرها وحطها بالدولاب حق الكتب اللي بالصالة .. بالأخير وقف بنص الصاله وأبتسم
زياد : كذا أحسن
رمى نفسه على الكنب
زياد : لازم بكرى أتفاهم معها مايصير كذا تحوس تحوس وأنــا أنظف بعدها مو حاله هذي !!!
مسك الريموت وبدا يفر بالقنوات إلين ماأستقر على فيلم ..

_________________________


دخل عليها وهي قاعده تضحــك ..

العنود : ههههههههههههاي
شافت خالد واقف وأرتبكت ن نظراته
العنود : أوك حياتي أكلمك بعدين ...
سكرت
خالد : ميـــن كنتِ تكلميــن وصوت ضحك واصل لأخر الشارع لا وبعد تقولين له حياتي
العنود تعبت منه كلو يشك فيها يشك فيها ؟؟
العنود : غلا أختي
خالد : كــذآآآآبه
ومشى لمها بســرعه وسحب الجوال وفعلا كــان أخر رقم لغلا !!
خالد ناظرها
العنود قامت وسحبت منه الجوال : شفــــت أن غلا آخر وحده تكلمت معها
ومشت .. وبسرعه مسكها مع معصمها بقوه
العنود حاولت تفك يدها لأنها تألمت : خــالد
خالد : كذآآبه حذفتي الرقم
العنود وهي تحاول تبعد يد خالد طاح كمها وطلع آثر الحرق
شافه خالد وتقرف وأنقلب وجهه ودفها
خالد : روحي عن وجهي الحين
العنود دمعت عيونها وراحت تركض للغرفة ..

_____________________

ملاك : هههههههههههه لآآآ والله شفتي بعيــنك ياخالتي كييف
مشاري : نصابه يمه والله نصــابه
أم خالد : ههههههههههه مايصير لازم النص بالنص
مشاري : يممممممه
ملاك : ههههههههه سمعت يعني نص الغسيل علي ونصه عليك ونص الكوي عليك ونصه علي وو الطبخ يوم علي ويووم عليك
مشاري طارت عيونه
أم خالد وملاك : هههههههههههههه

نزل خالد ونسى يتحمم ..

شافته ملاك .. وبسرعه رفعت جلالها على راسها
خالد طبعا لازم يكون لمحها لو نص لمحه !!
خالد : يعني الواحد مايقدر ياخذ راحته بهالبيت ؟؟
مشاري : ليــه مين الماخذ راحتك ؟؟
خالد : لاتتكلم معي كذا
مشاري : إلا بتكلم كون إنك دايم تنسى تتتحمم وتدخل على مرتي كذا فجأة وتكشفها !! وإذا دخلت أنــا ولو بالغلط قلبت الدنيا علي بتكلم كذا
خالد : خلآآآص أكرمنا بسكاتك
ملاك همست : خلاص مشاري
مشاري : ياخي أحترم نفسك ترا البيت مو بيتك بالحالك

نزلت العنود على أصواتهم !!!

خالد : إلآآآ بيــتي وبتكلم بكيفي حتى لو أبي أطردك طردتك
على دخلت أبو خالد ..

أبــو خالد : هيـــــــــــــه وش تحسبون نفسكم تراني عايش للحين !!
ملاك بسرعه : الله يطول بعمرك ياعمي
أبو خالد : كأنكم أعداء موب خوان أعقلو تراكم خوان .. مو بزارين نقعد نحل لكم مشاكلكم .. الواحد منكم طول الباب .. تتهاوشون كذا !!
مشاري : يبه والله مو قصدي .. بس كذا مره يدخل على ملاك وهي ماحطت الجلال على راسها وفوق كذا يقول والواحد ايقدر ياخذ راحته بهالبيت
أبو خالد : حلووو حلوو خلو مشاكلكم تكبر وتكبر وتزاعلو ولاتصيرون خوان صيرو أعداء وكلو على أسباب تافهه
مشاري راح لم أبوه وباس راسه : السموحه يبه

وخالد مشى للباب وطلع وسكره بقووه ..

أبو خالد هز راسه : الله يهديكم الله يهديكم
طلع فوق ولحقته أم خالد ..

مشاري : المعذره أزعجناك ؟؟
العنود بخجل منه : لآآ أنــا اللي أعتذر بالنيابه عن خالد
مشاري : بس مااقول اللى الله يعينك على ذا الزوج أنبليتي فيــه
العنود ضحكت بصوت خفيف
ملاك : ششش الحين تسمعك خالتي وتزعل
مشاري قعد : شسوي فيــها والله إذا كان ولدها كذا ليــه ماتتقبل الموضوع
ملاك قعدت جمبه
والعنود ظلت واقفه .. حست أن وضعها غلط ولفت بتطلع ..
ملاك : العنود
العنود : هلا
ملاك : قعدي معنا ووسعي صدرك
العنود : مــايصير
ملاك : لآآ عادي تعالي
العنود : أخاف يجي خالد ويعصب ؟؟
مشاري : ماعليك منه .. وأنــا ولد عمك قبل ماتصيرين مرت أخوي .. وبعدي فلها وخلها وربك يحلها
العنود أبتسمت .. وقعدت بس صاده عن مشاري عشان هو مايتقيد بحركته ولا هي ماتتقيد بحركتها ..

وفعلاً أنبسطت معهم ..
_______________________
رجع لبيـــت ..

ولقى تولين تتنتظره تحت لابسه عبايتها ..

عمر : يله
تولين : أوك يالله

وطلعو ..
تولين ترددت كثيــر قبل مآتسأله
تولين : ليــه معصب فيه مووع مضايقك؟؟
عمر : يخصك لاتتدخلين باللي مايعنيك
تولين : هه بس حبيت أعرض خدماتي
عمر : لاتعرضينها مره ثانيه
تولين فتحت الدرج اللي قدامها وطلعت سي دي أغاني ودخلته ..
عارفه أن عمر معصب فعشان كذا ماشالت بخاطرها !!

وصلو بيت عبدالله ..

عمر قطب حواجبه : غريبه عندهم أحد السيارات كثيــره عند الباب !!
تولين بقلبها : الحمدلله صار اللي كنت أبيــه لازم أبعد لميس بأسرع وقت عن هذا الحقيــر !!

نزلو ومشو متوجهين ناحية الباب ..
مر رجال باين عليه الخير ..

الرجال : ياخوي أنت جاي قاصد أهل هالبيت
عمر : أيــه فيــه شي ياخوي
الرجال : والله أنصحك ماتدخله بــان أنكم ناس محترمين ومو حقين هالأماكن
عمر عصب : وش تقل أنت أحترم نفسك
الرجال : أسف ياخوي بس البيت هذا ياما نصحت راعيه بس مايسمع الكلام .. هذا البيت كله دعاره من داخل .. أنــا اللهم أني بلغت اللهم فشهد

مشى الرجال وعمر بحيره من أمره
عمر : تولين روحي السياره
تولين واقفه بدون حراك
عمر : تتولين روحي لآ أركتب فيــك جريمه الحين
تولين : ماراح أروح ووإذا ماضربت الجرس أنــا بضربه
عمر عرف أنه ماراح يوصل لحل معها : إذا صار إي شي روحي للسيارة لاتظلين واقفه كذا
تولين : يصير خير
عمر ضرب الجرس

أنتظرو دقيقه .. ثنتيـــــــــن .. ثـــــــــــــــــــلاث .. بس

انفتح الباب وكــان واحد سكيــر ..

بــــس كــانت صـــــــــــدمه لعمر ..

صدمــــــــــــــــه
صدمــــــــــــــــــــــــــــه
صدمــــــــــــــــــــــــــــــــــــــه

عمر : سليمانــ؟؟؟؟؟؟؟؟؟
سليمان وهو سكران ومو داري عن شي : أيـــ ـ ـ ـ ــــــ ـه وش تبــ تبـــ ــ ــ ـ ـي
عمر ماقدر يمسك نفسه وأعطاه بوقس .. خلاه يطيح وينزف خشمه دم
ودخل داخل البيت .. ونفس الشي شاف عبدالله سكران .. والريحه تجيــب البلا ..

ماقدر يمسك نفسه .. راح لم عبدالله وأعطاه بوقس على وجهه وضربه .. ووجه خشمه وشفته صارو ينزلون دمم ..

وتولين ركضت لغرفة لميس وضربت الباب بقوه وضربته ..

لميس أنفجعت وهي تسمع الأصوات برا .. ماتدري أيش تسوي !!
وبعدها سمعت صوت الباب ينضرب كذا خـــآآآآفت

تولين : لميــس هذا أنا أفتحي
لميس أستغربت وقامت فتحت الباب : توليــــــــــــنـ؟؟؟؟
تولين : عمر برآ معصــب أنتي ألبسي وخلينا نروح بيتنا ؟؟
لميس : كيف كيف جيتو ؟؟
تولين : أنــا قاصده أجيــب عمر وبهالوقت بالذات عشان ينقذك من الجحيم اللي أنتي فيه
لميس عصب : أنتي أنتي آآآه أنتي ماتعرفيـــن شي أنــا بتنهدم حياتي
تولين : مو مالمسك خلاص الحين تقدرين تسيطرين على الوضع
لميس صرخت فيها : لمسني قتلك أنتي ماتعرفيــــــــــتن شي غبيــه غبيــه
تولين أنصدمــــــــــــــــت : أيــــــش !!
لميس رجعت تبكي ثانيه
تولين : الحين مافي وقت للبكي قومي إلبسي عبايتك خلينا نطلع ونطلع عمر أحسسن مايذبحهم ويدخل بجريمه مالها أول من تالي
لميس صرخت فيها : غبيـــــــــــه أنتي غبيـــه لو غلى بكرى أقول كذا ماراح أقدر أوصف حركة الغباء اللي سويتها ..
عضت لميس على شفايفها إلى ماجرحتها ونزلت منها الدم ..
تولين سحبت عباية لميس من الدولاب ورمتها على وجهها وصرخت
تولين : ألبسيهــــــــــــــــا
لبست لميس عبايتها وطلعت مع تولين

تولين : روحي للسيارة
طلعت لميس لسيارة عمر وهي تبكي ..
وتولين راحت عند عمر هي خايفه من عصبيه بس لازم تطلعه من مكان الدعاره هذي ؟؟؟
شافت عبدالله اللي طايح على الأرض ومغمى عليه من كثرة الضرب ..

وصارت تحاول تفك سليمان من بين يدينه ..
بس عمر طبعا كان أقوى منها بكثيـــر ..
دفها وطاحت على حد الطاولة وضرب راسها
حست بلحظه أن الدنيا دآآرت فيها بس قدرت تسترجع توازنها !!

وبدو يسمعون أصوات سيارات الشرطة ..
سحبته بقووه .. وطلعت من بيت عبدالله

وشغل عمر السيارة وحس أن للحين ماطلع اللي بقلبه ..
مشى بالسيارة مسررع ..
وهو بالطريق للبيت .. دق على بدر ..

بدر : ياهلا وغلا بذا الصوت
عمر قدر يضبط أعصابه : هلابك زوود كيفك
بدر : بخيــر وأنت ؟؟
عمر : الحمدلله تمام مستعجل بدخل بجذر الموضوع على طول
بدر : أيــش فيك خوفتني
عمر : لالا مافي شي بس لآآزم على أقرب رحله تجي للرياض
بدر : ليــه ؟؟ فيه أحد صاير له شي ؟؟؟
عمر : لآآ
بدر : لميس صاير لها شي
عمر : لآآ
بدر : يلدا عبدالعزيز أحد من أهلك لاسمع الله
عمر : لآآآ ياخي بس فيه موضوع ضاروري لازم تجي عشانه لازم نحله أنا وياك
بدر : يخص ممين
عمر : إذا جيت نتفاهم ماينقال على الجوال
بدر : بيظل بالي مشغول
عمر : خلاص أقرب رحله تعالو فيها .. الوضوع مايتحمل التأجيـــل .. يالله سيوو

وسكر على طوول ..

لميس صرخت فيه : ليـــــــه بتعلم بدر
عمر : أنتي أسكتي .. مابي أسمع صوتك
لميس : إلا الموضوع يخصني مايصخك
عمر صرخ : أنا أذا قلت أسكتي تسكتين عــأجبتك يعني الحياة اللي كنتي فيها ؟؟
لميس : لآآآآ بس كنت مجبوره
عمر ضرب الدركسون : مانتي مبجبوره مانتي مجبروه ؟؟ أنــا أقدر أفكك منه هذا الخسيس
لميس رجعت تبكــي
وتولين حاطه يدها على المكــان اللي طاحت عليه لأنه كان يألمها !!

_____________________

أمــا عند بدر أتصل وعلى أقرب رحله حجز وهو على أعصابه وقال للورا تقولهم أنه حجز .. عشان يتجهزون ..

___________________________


دخلو البيت ..

ولميس تبكي ..
يلدا أنفجعت وقامت ضمت لميس :
يلدا : وش فيك ياماما أيش صاير لك
لميس بعدت يلدا عنها
ولفت على تولين : أنسي أني أختك بعد اليوم

وطلعت فوق لغرفتها وقفلت الباب ... وعمر قبل لميس طلع بسرعه لغرفته

يلدا : وش مسويه يامسودة الوجه ..
تولين ناظرتها بنص عين .. وطلعت فوق
مالها خلق تكلمها راسها يعورها ..
دلخت غرفتها فسخت عباتها ورمتها على الكرسي ..
ورمت حالها على السرير تحس رجولها مو قادرين يشيلونها
وفعلا على طول غطت بنـــوم عميــــــــــــق ..

_______________________

مـــع أحترامي للزمـــن والصداقات
وروح القلوب الطاهره العفيفة .. في
هالزمن رغم أنتشار العلاقات ..
نادر تلقى لك علاقة نظيفــة ؟؟؟