رضيت أحبك وبس مافيه عقب الروح روح

66

لورا طلعت ووصلت للمكان وفعلاكان عبدالكريم واقف بالمكان اللي حدده ..
طلعت لورا درج طويل .. كان طويل وعتباته نحيفه بس طويله ..
وصلت له ومسكها مع يدها ..

عبدالكريم أبتسم : زمااان عن حبيب خااالوو
لورا أبتسمت : حتى هو اشتاقلك
عبدالكريم : ههههه يالبى قلبه .. اقول لورا احس ان بعد مافكينا خطبتنا انا وتولين بعدتي عني انتي
لورا : لانه بصراحه طيحت لي وجهي مع الجماعه .. وقلت كلام مايسوى
عبدالكريم : خلاص انا اسسسف رضيتي
لورا أبتسمت : أوك خلاص رضيت ..

عبدالكريم لورا شوفي وش فيه ورآآآك ..
لفت لووورا ..

عبدالكريم همس بأذنها : سامحيني
وماامداها بترد .. إلا يدفها عبدالكريم ..

صرخت .. وطاحت من الدرج وصارت تنقلب مره على بطنها ومره على ظهرها وتحاول تتمسك بأي شي لكن مافي فايده وكان الدرج طويييل .. وتناظر عبدالكريم بحسره وخيابة ظن !!

وصلت للأرض وطاحت من أخر عتبه .. سكرت عيونها بألم .. وبعدها غابت عن الوعي ..
عبدالكريم كأن أحد صب عليه مويه بارده .. أو ضربه كف ... صحى لنفسه
طاح على ركبه .. بألم ودموعه نزلت ..

هذي أخته !! كيف دفها ؟؟ كيف طيحها ؟؟ كان يبيها تموت لكن الحين يبيها تحيا !! يبي يحس بالأمان اللي كانت تحسسه أول .. ماتت أمه وأبوه تركهم وهي تخلت عن دراستها وبدت تشتغل شغل متعب .. عشان تصرف عليه .. كان اللي يبيه يجيه .. تتدين ماعليها من أحد بس عشان توفر له اللي تبيه .. وكانت ترفض أنه ياخذ فلس واحد من ابوه كله عشان تحفظ كرامته .. ضحت ضحت كثيير بالأخير أنا أقتلها ؟؟ أنا أقتل فرحتها وولدها اللي ببطنها ..

صحى من أفكاره وناظرها الناس تجمعين حولها .. ويناظروه بكره وحقد ..
نزل يركض وهو يصرخ بأسمها .. بعد الناس وشافها طايحه وحولها الدم ومايدي من وين يطلع شالها وركض فيها لمستشفى ..


_____________________


تولين : هذا كان حلم حياتك كيف تبغى تتنازل عنه ؟؟
عبدالسلام : انتي ماتشوفين حالنا .. وأحمد طايح بالمستشفى والله يستر من الجاي بعد
تولين : الحين بتفهمني أنك ماتبي تروح تحيي الحفل عشان أحمد داخل غيبوبه
عبدالسلام هز راسه بــ إيه ..
تولين : يعني تتوقع لو أحمد كان صاحي راح يرضى لك تتخلى عن هذي الحفلة ؟؟
عبدالسلام : توليييين أفهميني أنا داخل فيكم .. أحسكم أهلي .. وطيحة أحمد أثرت فيني ياتوليييين
تولين حطت يدها على كتفه : والله مقده وفاهمه .. لكن روووح وأحضر .. صدقني لو كان أحمد صاحي ماراح يخليك تتخلى عنها
عبدالسلام : رايك كذا
تولين أبتسمت وهزت راسها بــ إيه
عبدالسلام : شورك وهداية الله


مشى عبدالسلام .. وتولين تناظر إلين مااختفى عن عيونها ..
وشافت .. لمميس وبدر جايين ..


__________________

رامي كان ماسك بيدينه حافه الجسر .. ومبعد يمكن خمسه سانتي : من زمااان ماشفت لحمه الحزن بوجهها .. وعيونها تلمع بالدمووع .. حنا تعبنا إلين ماطلعناها من هالحاله
إياد : خايفه تخسر أحمد .. تعلقت فيه بقووه بالفتره الأخير
رامي : مستعد أضحي بسعادتي عشانها ياإياد
إياد تجمعت بعيونه الدموع : كاترين قربت تولد .. وكان يقول أحمد أنا ثالث شخص باشيل ولدك .. ضحكت وقلت مين الاول ومين الثاني قال كاترين الاولى بعدين انت بعدين انا
رامي ضم إياد : الله يقومه بالسلامه أدعيله يــاإياد !!

___________________

ركض داخل المستشفى .. وأمتلت ملابسه بدمها ..
حطوها على السرير .. ودخلوها غرفه العمليات على طول ..


بنفس المستشفى ..

بدى يقلق على لورا !! واللي يقهره يتصل عليها وماترد !! يارب ماحصل لها سوء يارب أحفظها وأحميها أنا من دونها ولا شي ..


__________________


كانو داخلين المستشفى ..

إيــاد & رامي ..

وشافو عبدالكريم .. بشكل مرعب ..
كله ملابسه دم ووجهه مشحب .. ودموعه تنزل بغزاره ..
ركضو لعنده ..

رامي :عبدالكريم أيش صاير ؟؟
عبدالكريم : أنا أنا قتلت أختي بيديني هذوول الله ياخذني انا مااستاهل أعيش ولا لحظه ولا لحظه ..
رامي سأله بخوف : لورا ؟؟
عبدالكريم صرخ فيه : أيييييه ليه وانا عندي أخت غيرها ..

إياد : رووح ناديهم .. أنا بظل هنا ..
رامي : اوك ..

راح يركض رامي .. بين أسياب المستشفى .. ووصل عند الغرفه اللي فيها أحمد وفيها قزاز كبييير .. وكان فيه ( بدر . لميس . فيصل . عمر . نادين . تولين . عادل . يلدا . نهال )

لفت لميس وجافت وجه رامي مصفوق .. وكأنها قرت بوجهه أن فيه خبر مو زين ..

لميس برعب : أيش فيه ..
رامي طنشها ومشى لــ بدر ووقف قدامه : بدر أنت راضي بالقضاء والقدر صح
بدر عدل وقفته لأنه كان متكي بكتفه على الجدار : أيش فيه رامي ؟؟
رامي : لورا طاحت وهي بغرفة العمليات ..
بدر حط رجله وركض .. لغرفه العمليات .. وصار واقف بينهم مايدري أي غرفه .. لكن أخيرا شاف عبدالكريم وإياد وافقين عند غرفه ..

الكل كان يركض وراه ..
مشى لعبدالكريم وقالــ : عبدالكريم لورا أيش ... فيها ؟؟؟؟؟
عبدالكريم بإنهيار : قتلت أختي انا أنا بيدييني ..
بدر مسكه مع تيشيرته ولصقه بالجدار : يـــاواطي ياحقييير أييييش سويت لها ؟؟
عبدالكريم : دفيتها من الدرج ..
بدر صارت يدينه تنتفض وترك عبدالكريم ورجع على ورا عشان يستوعب ..
ورجع رفع راسه وكلم عبدالكريم : دفيتها مع الدرج !!
عبدالكريم : أيييه
بدر أمتلت عيونه دموع بس منعها وميل راسه شوي على جنب : تدري لو صار بلورا شي لا سمح الله أيش بسوي فيه
عبدالكريم هز راسه بــ إيييه
بدر : ماراح يكيفي أني أشرب من دمك بس .. راح أرميك الشارع عشان الكلاب تاكلك .. لأنه واحد زيك مايستاهل يندفن ويدعى له .. إلا يدعى عليييييه .. لعنبو دارك أنت ماكافاك اللي سويته بلورا من قبل .. وسويت بتولين .. لييه مااكتفيت ليييييييه ..
عبدالكريم : لاني حقيييير لاني مااستاهل اخت زي لورا
بدر هز راسه : أيييه أييييه انت ماتستاهلها دايم تسامحك رغم أغلاطك الكثيييير لكن أنت ماتستاهل إلا تفله بوجهك ( يكرم القارئ )

بعد مرور ساعتين ونص .. وهم قاعدين .. جبو اللي قاعدين بالبيت وجو ركض للمستشفى ..

دخل أبو بدر وهو متجه لــ بدر : بدر بدر ياولدي وش صاير للورا ؟؟
بدر ساكت ويناظر بعبد الكريم
أبو بدر هزه : تكللللم
بدر لازال يناظر عبدالكريم : صدقني لو ماتت بذبحك
أبو بدر أنرعب : وش تخربط أنت
بدر صرخ وهو يأشر على عبدالكريم : الأخ دفها من الدرج
شهقوو ..
أبو بدر رفع عصاه بوجه عبدالكريم : أنننت من أيش مخلوق ماتحس متبلد

طلع الدكتور : { أين بدر ؟؟ }
بدر : { نعم أنا }
الدكتور : { المريضه تنادي بأمسك وتريدك }
بدر : { ماحالاتها يادكتور }
الدكتور : { أنت زوجها ؟؟ }
بدر بخوف : { نعم }
الدكتور بانت على وجهه ملامح الحزن : { الجنين مات ولم نستطع إنقاذه .. أما السيده .. فكانت تنزف داخليا .. نرجو نجاتها أنا آسف }
بدر مفتح عيونه ومصدوووم ..
الدكتور فتح له الباب يبغاه يدخل .. وبدر حين مصدوم
لميس حطت يدها على كتفه : بدر الدكتور يستناك يبغاك تدخل عند لورا
بدر صحى لنفسه ومشى ورا الدكتور بدون ماينطق بــ كلمه ..
دخل لغرفه باردة .. يقشعر الجلد من برودتها .. وسمع جهاز دقات القلب .. رفع عيونه وشافها نايمه على السرير .. والاجهزة حولها .. وبيدها مغذي ..

احتبست الدموع بعيونه وتوجه لمها ومسك يدها بخفه ..
وهي فتحت عيونها شوي شوي وشافته واقف قدامها وقــالت بهمسـ : ببددر
بدر : عيون بدر وروحه
لورا : أنا آسفه ماقدرت أنقذ ولدنا .. آسفه يابدر
بدر : الولد بيجي غيره أإنشاءالله .. ورح يفتح لنا باب الجنه إن شاءالله لورااا انتي الأهم لورا اتتركيني أنا بدونك ولا شي لورا أنا أحتاجك انا أحبك أنا من يوم ماشتفك رجعت لي الحياة رجع لي الأمل والتفاؤل .. لورا أعتمدنا عليك وتعودنا عليك ببيتنا ننتظرك ترجعين وتنورينه
لورا شدت على يد بدر : حبيبي ماظنتي راح أرجع أقوم .. وراح تلقى من تحبك أكثر مني .. حبيبي أتزوج وجيب أولاد وحقق حلم عمي .. لاتتركه يتحسب ويقول هي السبب (ضحكت )
بدر : يحرم علي الزواج من بعدك .. لورا أرجعي راح أسوي اللي تبين تبين روحي فداك تراها ولا شي بس لاتروحين وتتركيني .. مااقدر أنا وأنتي مو بحضني مع مين أضحك وأنكت مين يسوي لي القهوه اللي أحبها ويسوي كل شي أطلبه بدون ملل أو كلل .. مين يهديني إذا عصبت ويقول مايستاهل الموضوع رووق
لورا نزلت دمعتها : خلها ذكريات وأركنها وخلها تغببر عشان تنسى
بدر : لاا ماراح أنسى لورا أمي وتركتني اتروحين وتتركيني بعد والله من بعدكم انا بضييييع ..
لورا : عندك لميس
بدر : لميس بيجي يوم وتنشغل .. راح أعترف لك .. الشي اللي من زمان كنتي تبين تعرفينه .. تكلمت القصه موقعها كانت بالغرفة اللي مــاأرضى لأحد يدخلها .. غرفتي زمااان
لورا أبتسمت بتعب : كننت متوقعه هذا الشي .. لكن صدقني بيسامحونك كلهم بيسامحونك .. توليييين توليييين يابدر أعتذر لها بالنيابه عني لأني ماراح أقدر أعتذر منها بنفسي .. قولها أني كنت احسها هي اللي بتطلع عبدالكريم من الفساد اللي هو فيه بس خاب ظني .. عبدالكريم قوله أني مسامحته .. بدر والله ويشهد الله علي أني ماخنتك بيوم .. وأني بحبك لأخخخر نففس فيني .. بببدر أحببببببـ ـ ـ ـ ك

رفعت أسصبعها السبابه .. وصارت تحرك شفايفها بهمس .. وببعدها صاح راسها .. ووجهها كان أبييض زي الثلجه .. وكان وجهها مبتسم .. ومرتجيه على السرير بكل هدوء ..

سلمت روحهالبــارئها .. سلمت روحها بعد ماتمنت أن ربها يسامحها عن كل شي .. سلمت روحها وهي مطمئنه .. مبتسمه ..

أنفلتت يدها من يده .. وأنتشر صوت جهاز دقات القلب بالغرفه .. وأعلن توقف قلبها عن العمل ..

بدر رجع على ورا برعب وهو يقول في نفسه لالالالا ماماتت لورااااا أرجعي
وهو يرجع على ورا ضرب طاولة الأدوات حق العمليات وأتناثرت بالأرض ..

دخلو الممرضات يركضون والاطباء ..
وصار يمسكونه بالقوه ويسحبوونه برا الغرفه ..

وبدر يصرخ : لوراااااا أنا أبيك بجمبي أنا من بعدك أضيييع لوووورا أرجعيلي تكفييييين ..

طلعوه برا والكل فز يوم شافه .. سند ظهره على الجدار وطاح منهار على الأرض ..

بدر : مااااااتت مااااااتت دنتي وحياتي أنا وش أبي بالدنيا بعدها أبيها رجعوها تكفووون .. مات ولدي وماتت معه ... قولوها أنه مايحيا من دونك أرجعي له ورجعي له الحياة معك أرجعي ورجعي له البسمه والتفاؤل والامل ..

أبو بدر شاف بدر .. مثل شكله يوم تموت أمه ..
الكل أو الأغلبية أول مره يشوفون بدر بهذا الشكل ويبكي بهذي الطريقه أساسا اول مره يشوفون دموعه ..

قام بدر لعبدالكريم : عجببببك كذا يالله روح أنبسط وأسرح وأمرح ماتت اللي كنت تتمى موتها .. ماتت مااااااتتت تسمع مااااااتتتتتت وتركت لك كل شي وراها .. وبكل طيبة قلب تقولي قوله أني مسامحته ..

عبدالكريم صرخ فيه : أسككككت بس كافي
بدر : ماراح أسكت وعلى بالك بموتك لاااا ياحبيبي خلك تموت لدقيقه مليون مره .. ياعساك ماتلقى الراحه ابدنياك ولا بآخرتك
عبدالكريم : أسكككت بسسسسسسس

تولين بحركه مفاجأة سحبت بدر لصدرها وضمته بقوه : خلاااص
بدر : قوليله يروح ماابي أشوفه .. خليه ينقلع ..
تولين : خلاص أهدا وبيروح الحين
وأشرت بيدها لعبدالكريم بمعناة رووح
مشى عبدالكريم بحزن وألم .. بحسره وقههر .. كره نفسه وكره اللحظه اللي دف فيها لورا ..

بدر لازال بحضن تولين : لييييه تروح مو هي كانت تقول مارحا أتركك وبظل معك وبترس لك البيت أولاد .. قبل ماتطلع لعبدالكريم قالت لي حبيبي ماراح أطول عليك راح نتلاقى بالمستشفى ومافهمت عليها كانت حاسه حاسه أنها بتموت .. آآآآآآه بس ليييه مااخذتني معها
تولين بدت تسمي عليه وتقرى عليييه عشان يهدا .. وفجأةة أنقطع كلام بدر بس دموعه تنزل .. خافو عليه

عمر : خلونا نخذه للبيت أفضل ..

طلعو بدر .. وطلع الكل وراه ..
وقف رامي : ماراح تجييين ؟؟
تولين : مااقدر أترك أحمد ..
رامي : أنتبهي على نفسك
تولين هززت راسها ومشت .. توجهه لغرفة أحمد ..
ترجت الدكتور المشرف على حالته أنه يدخلها عنده بس دقايق .. ووافق ..
لبست ملابس معقمه .. ولبست القبعه على راسها .. وحطه الماسك عل خشمها وفمها .. ودخلت عنده .. طلع الدكتور وسكر الباب ..

تولين قعدت على سكرها .. ومسكت يد أحمد وصارت تبكي بإنهيار : أحمد أحمد قووم تكفى نمت كثييير .. خلاص بسك نوم شوف كل اللي برا محتاجين لك أحمد لورا توفت وبدر كان منهار بقوووه .. انا شفت شكله وتفتحت جروح قديمه .. مووت ريان .. كان منهار بقوه وذكرني بنفسي .. ذكرني بكلماتي ..
أنت بعد ماراح تموت وتتركنا صحح ؟؟ قوووم ورد علي ماراح تتركنا صح

سكتت شوي .. وحطت راسها على يده بدت تبكي بإنهيار
دخل الدكتور : { الوقت أنتهى }

طلعت تولين وماودها تترك يد أحمد .. حست أنها مخنوقه وطلعت من المستشفى بكبره .. مشت راجعه للبيت ..

دخلت ولا الكل قاعد يصيح بس فيه أصوات صياحهم ونياحهم ..
تولين غمضت عيونها وأخذت نفس ودخلت ..

يلدا وهي تصرخ : وش هذي المصايب اللي حلت علينا ورا بعض الله لايوفق من كان السبب ..
شافت الشباب قاعدين وتوجهة لمهم ..

تولين : وين بدر ؟؟
عمر : فوق طلع ومايبي يشوف أحد قفل على نفسه الباب ..

قام من مكانه .. وحط يدينه على وجهها
عمر : عارف أن الموضوع أثر عليك وفتح علي
قاطعته تولين بصرامه : عممر انا مو بحاجه لمواسات .. إذا فيك طاقة مواسات أطلع واسي اللي قاعدين ينوحون بالصاله ..
عمر قعد : سويت كل شي مافي باليد حيلة ..
فيصل : زياد بيتكفل بكل شي بالستشفى مو نفس المستشفى اللي يشتغل فيه زياد
رامي : الله يجزاه خيير
تولين : أففف جو البيت يجيب الكأبة يكتم
عمر : لورا أثر فينا موتها .. كانت ماليه البيت ..

تولين بدون شعور عورها راسها فوق ماللي براسهاقادعين يتكلمون .. واللي بالصاله ينوحون ويبكون .. عصبت وقامت بدون شعور توجهت للصاله .. وضربت المزهريه .. وطاحت وأصدرت ضججه قويييه .. وسكتو فجأة ..

تولين صرخت : لوراااااا وماتتت وماراح تنفع من بدكاكم وحركاتكم هذي .. بدال ماتسون زي كذا أعدو لها ..
لميس قمات معصبه وعيونها حمرا من كثر مابكت : أنتي ماتحسين ماعندك قلب .. من جد متبلده .. لورا ماتت يعني خلاااص بححح مو راجعه
تولين : وهذاك قلتيها مو راجعه .. لورا البكاء بيرجعها ياست لميس كان شفتيني أكثر وحده أبكي .. حطي عقلك براسك وكبري عقلللللك
ومشت ..ووقفتها كلمات لميس : أصلا أنتي ماتحبين لورا من بعد مالصقتك بعدبالكريم !! حقدتي عليها من بعد هذيك المره يوم يهينك قدامنا ..
تولين لفت عليها وهي تصفق : برااافووو تبغيني أبكي أو أنهار مثلا بعد اللي قلتيه ماحركتي شعره وحده راسي يالميس ترا وكلامك ماله فايده ..
لميس : أييي أكيد مو هاز فيك شعره .. لأنك طالعه على أممممك .. يابنت الحرام ..
أياد وفق مصدوم .. أوووبس يالميس ضغطتي على الزرر الأحمر ؟؟؟


تولين صفقت لميس كف بدن شعورها : ثمني كلاااااامك .. قبل ماترمينه .. خافي ربك تجرحين أحد فييييه .. ايييي انا ماانفي أني بنــ

قطعت كلامها لانها مو قادره تكمل الكلمه صععبه عليها صعببببه ..
أبتسمت بألم توليــن وقالتــ : مشكوره يأختي ..

مشت تراكتهم وراها ..
وقعدت على كنبه وحطت رجل على رجل .. ماتبي تبين لهم مدى الجرح اللي جرحتها لميس فيه .. ولا تقدر تطلع فوق لأنهم بيبصمون 100 % أنهاتبيكي وهي ماتبي هالشي يصير .. ماتبي تحسسهم أنها ضعيييفه

بدت تهز رجلها بقووووه ..

الكل تضايق .. وحل على الصاله هدوووووووووووء ..


___________________