رضيت أحبك وبس مافيه عقب الروح روح

11

بعد مرور ثلاث اسابيع طبعا اللي صار فيها بدر: رجع تصالح مع لورا ومقررين زواجهم هاليومين بس مابيكبرونه
ولميس : صايره تهوجس بفيصل كثيير ماتدري هو اعجاب ولا
>> حب << ...
فيصل: اكتشف انه يحب لميس وبما ان صايره تجي عندهم البيت كثييير حبها اكثررررر ... وصداقته بعمر صايره اكثر من عيال عم ممكن نقول اخوااان او اكثر
عمر: تعلق بفييصل اكثثر
تولين: تدور طبيب نفساني بتتعالج بس للحين مالقت ... وامها مرررره متضايقه من تعاملها .....
خالد: يعاااني من ضغوطااات كثييير ضعط امه عليييه بالزواج وشوقه لتولين ... وضغوط الشركه
عادل: عايش حياته بس كاسر خاطره ولد عمه ورفيقه واخوه خالد
مشاري: ابوه غصبه يدخل الشركه ويكون نفسه عشان يتزوج
ملاك :الصبح تضحك وتمزح واذا شفتها كانها ماعندها هموووم بس بالليل تترك المجال لدموعها تنزل على خدها وتغرق وسادتها ابوها كسرها بضربه لها ...
عمار : مبسوووط بعد اسبوع ملكته على غلا
غلا : محتااااسه ماتدري ايش تخلي وايش تسوي
العنود: كل ماشافت خالد تحبه اكثرررر بس اللي كاسرها نظرت الحزن اللي بعينه يتارى ايش فيه ؟؟ ....
محمد&سعود: عاايشين حياتهم ترقيم وبنات وطلعااااات ....
ريم: صايره صحبه مع لميس مرررره حبتها كثيييير وحمدت ربها انه عوضها باخت زي لميس ....
زياااد: مع غموووضه خلف جدراااان المستشفى صاير يقضي اغلب يومه ...
امل :متحمسه مع غلا تبغى تجهز للملكه وتضحك على العنود اللي صايره رومنسيه اكثر من اول
_______________
يلدا :ماما لميس اليوم عمانك بيجتمعون عندنا تجهزي
لميس:جدد ماما
يلدا بضحكه:ايييه جد
تولين وهي تنزل مع الدرج ويدها اللي للحين مكسوره :ليش ماعلمتوني من بدري
يلدا بنبره حاده : ليش انعلمك البسي بس اقول
تولين:امووووووووت واعرف ليييه تعامليني كذااا
يلدا : هههه لانك وبكل بساطه غييير عن عمر ولميس
تولين ماقدرت تقوى نفسها وقعدت على الدرج
ويلدا صعدت بسرعه فوق
ولميس راحت تركض لتولين وتضمها
تولين وهي تبكي :انا غيركم بايش علميني بايييش
لميس وهي تناظر وجه تولين اللي مع البكي صايره بريئه مرررره وخشمها صاير احمر : حبيبتي انتي مو غيرنا بس امي الله يهديها بس
تولين بكل هدوء قامت من عند لميس وراحت غرفتها وسكرت الباب وانهارت تبكييييي بقوووووووووه
تولين:مو كفاايه اللي صاير فيني تجي امي وتزيدني
______________
عادل :من جدكم اليوم بنجتمع ببيت عمي عبدالعزيز
ابو عادل:اي ملزم بعد عمك يقول كلكم تحضرووون
زياد:يعين الله
ابو عادل :يالله بروح اتريح شوي ريم
ريم:سم
ابو عادل :اذا قرب المغرب صحيني
ريم:انشاءالله يبه
عادل:اوووف والله اليوم انكرفنا بالشركه
فيصل:ههههه ايه والله ولا اكثر شخص انكرف عمر
عادل:هههههه يقال ان عماني يبغون يجربونه يصلح يشتغل ولا لا
زياد:هههههه وربي رحمته كسر خاطري
عادل:اجل بقوم انام ريم صحيني المغرب
فيصل :حتى انا ريمووو
ريم:وانا هذي شغلتي بالحياة
عادل:ههههههه يب لازم تصحينا ولا مايصير لك فايده
طلعو كل واحد لغرفته
زياد :يالله ريومتي بروح الشغل تامرين على شي
ريم برحمه:ياخوي وربي انت تجهد حالك كذا
زياد:عاد ايش اسوي هذا شغلي
باسها على جبينها وطلع
ريم :اووووووف خل اتصل على لميس واسولف معها شوي
______________
عمر كان توه راجع من الشركه
وقعد شوي بالصاله ودق جوال لميس جمبه
اخذ الجوال وناظر لقى الاسم {To2m ro7y}
على باله انها نادين ورد
وعلى طول جاه الصوت
ريم:هلا قلبي ادري مو وقتي بس وربي طفشانه كل اخواني خلوني لحالي اللي راح ينام واللي طلع لشغله قلت مافي الا انتي الووووو لموووس معي الوووو
نزلت لميس من الدرج
وشافت جوالها بيد عمر ركضت لمه
وسحبته من يده وشافت الاسم وعرفت انها ريم
لميس:هلا هلا ريم قلبي كيفك؟؟
ريم:وراك ماتردين قاعده ساعه اهذر مع نفسي
لميس :السموووووووحه منك يالغلا بس دخلت جو شوي مع فيلم على التلفزيون
ريم :اهاااا
عمر :وانا اقول كيف نادين تطوت وصارت تقول ياقلبي ومادري ايش طلعت مو نادين طلعت ريم
لميس ماقدرت تمسك نفسها :هههههههههههه
ريم :ليه تضحكين
لميس:لا سلامتك حبيبتي بس الفيلم جا مشهد يضحك
ريم :اهاااا
عمر:ياساتر انا صرت فيلم وش فيك انحولتي
ريم:لميس معي مين اللي قاعد يتكلم فوق راسك
لميس:لاهذا عمر قاعد يتفاهم مع امي
ريم:على ايش
لميس:مدري عنهم مااسمعهم
عمر:الله واكبر انا صرت اتفاهم مع امي
لميس:ريم عطيني خمس دقايق وارجع اتصل عليك اوكي
ريم:اوكي بااي
سكرت لميس :انت ماتعرف تسكت
عمر:لا
لميس:هبلت فيني وانا هبلت بالمخلوقه
عمر:هذا المطلوب بروح انااااام
وطلع فوووق
لميس صرخت :نذلللللللللللللللللللللللللللللللللللللللللل
_____________________
ابو بدر:من جدك انت بتتزوج بكرى
بدر:يبه انا ماامن على لورا مع عبدالكريم اذا امنت عليها اليوم ماادري بكرى ايش يصير
ابو بدر:اسمع يابدر هذا قرار حياتك انت انت اللي بتعيش مو انا ففكر وكيفك
بدر: يبه انا لورا مو بس احبها اعشقها اعشق كل شي فيها
ابو بدر:عيب عليك ياولد تقول كذا قدامي
بدر:هههههههههه
وطلع من غرفة ابوه ونزل تحت
وكانو قاعدين احمد&نادين ....
بدر رمى نفسه على الكنبه :بكرى بتزوج لورا
احمد:من جدك
بدر:يب
نادين:وعمر ولميس والله يعصبون عليك
بدر اللي كان معصب شوي : هذي حياتي مايصير اوقفها على شانهم انا مااضمن اني بعيش بكرى خل انبسط
نادين يوم شافته معصب:كيفك !!!
وطلعت فوق غرفتها لانو عندها شغل لشركه بتسويه
احمد قعد جمب بدر:شوف يابدر لاتستعجل فكر زين
بدر:انت وابوي تقولون لي لاتستعجل شايفين على لورا شي
احمد:لاوالله ماشفت عليها الاكل شي زين
بدر:حلووو خلاص اجل بتزوجها يعني بتزوجها
احمد:والله كيفك مااراح اجبرك على شي هي حياتك وهي قرارتك وانت اللي راح تعيش كل حياتك وكل قراراتك
بدر ابتسم:لاتخاف وربي مفكر كثييير وكثييير بعد ...
احمد:الله يكتب اللي فيه الخير والصالح
بدر:آآآآآآمين
___________
تولين:شوفي هوا الصراحه اليوم ماابي اقابل احد
ميس بالسكاي بي يشوفون بعضهم كام:اقوووووول بلا كلام فاضي البسي يالله
تولين:طيب ايش البس فستان ولا تنوره ولا بنطلون ولاشورت ولا برمودا امم
ميس:لا طبعا فستان
تولين:امم طيب اي فستان
ميس:لولو لاتعقدينها شوفي لك اي فستان
تولين :اوكي بروح البس واتضبط وارجع ادق عليك
ميس:اوكي على بال ماتجهزين اكلم حبيبي عبدالسلام
تولين:الحمدلله والشكر روحي كلميه بااااااااااي
وسكرت
دخلت غرفت ملابسها ومن كثر الملابس ماهي داريه
ايش تلبس
طاحت عينها على فستان
ابيض عادي فوق الركبه بس فيه فوقه فستان كروشيه فتحته سبعه من عند الصدر واكمامه واسعه الى عند الكوع
لبست سواره بيضا ولبست حلق دائري ابيض
ورفعت شعرها بطريقه حلوه وحطت مسكارا وكحل وروج احمر ..
ولبست سندل كعب عالي وفيه سير يسكر
وكان شكلها ككل مرررررره حلووو ....
ناظرت شكلها بالمرايه
وتذكرت؟؟
رامي اذا شافها كاشخه تنح
تولين:ههههه وربي غبي
ناظرت عيونها الخضرا
وشعرها روجها كحلها
شكلها كامل
بس اللي مخرب عليه يدها المكسوره
تولين:اففف متى راح يشيلون هذا الشي اللي على يدي
فتحت ايبادها وتصلت على ميس من الاسكاي بي
ميس:هلا اوووووووه كشختي وجيتي
تولين:جد حلو شكلي
ميس:يب وربي ملكة جمااال الله يحميك يارب اقري على نفسك قبل ماتسلمين على احد
تولين ضحكت من خوف ميس الواضح:ههههه انشاءالله على هالخشم
بس ميس يدي
ميس:ايش فيها يدك ماخربت شي
دخلت لميس الغرفة
لميس:تول
انصدمت
لميس:تولين اقري على نفسك ربي يحفظك انشاءالله
تولين ابتسمت:حلو شكلي
لميس:اوووه وغطيتي علي بعد
تولين:ههههه لاماعاش ولاكان اللي يغطي عليك
لميس:مين تكلمين
تولين :ميس
لميس:اهلييين ميووووس كيفك؟؟
ميس:اهليييين لموووس تمام انتي كيفك
لميس:دوم يارب انا الحمدلله بخير يالله ميس نستاذنك جو العالم
ميس:ههههههه اوكي بااااي
وسكرت منها
لميس :يالله تولين
تولين:اوكي يالله
طلعو من الغرفة ولا عمر توه طالع من غرفته
عمر:تولين اييش هذا الجمال
تولين:ياربي منكم تراي ماكشخت مره
لميس:اختي حلوه انت ايش عرفك
عمر:اكيييييييييد
تولين:مخرب على شكلي يدي
عمر:هههه لا مين قال تراها زايدتك حلا
تولين:اقووووووول بلا كلام فاضي
عمر:وبما ان بنات عمي يتغطون عني لميس شوفي لي الطريق
لميس :اوكي بس ثواني
لميس كانت لابسه
فستان الى بطن الركبه كت من الصدر الى تحت البطن لونه لحمي
بعدين من تحت البطن الى الاخير لونه سكري وفيه نقشات صغيره باللحمي وحاطه عند بطنها حزام مررره صغير ذهبي
ولابسه سواره ذهبي وجزمه كعب لحمي ومخليه شعرها
مفكوك ولابسه حلق ذهبي ...
___________
نزلت لميس
لميس:السلام عليكم
وعمر وتولين فوق قاعدين يسمعون اللي يرحبون بلميس
سلمت عليهم وقالت لهم ان عمر بيمر
نزل عمر وريحة عطره تسبقه وثوبه اللي صاير رسمي فيه وغترته وعقااله كااان وسييييم فيها
عمر بسرعه:السلام عليكم
شوي ولا تولين قوت حالها ونزلت
تولين:احم السلام عليكم
كلهم ارتفعت عيونهم وطاحت على هالملاك الابيض اللي نزل
تولين تمالكت حالها وسلمت وجلست جمب لميس
ام خالد تناظرها باعجاب: كيفك ياتولين
تولين:بخير الله يسلمك انتي كيفك ياخالتي
ام خالد:بخير مادام انك بخير
تولين ابتسمت
وسرعان مارجعو يسولفون سوا
ريم:تولين وربي كنت متحمسه اشوفك
تولين ابتسمت وقطبت حواجبها
لميس:هههه هذي ريم بنت عمي
تولين بهدوء وشوية دلع من طبيعتها :اهلين ريم كيفك
ريم:تمام الحمدلله
لميس:تولين هذول بنات عماني
تولين: خليني احزر مين هم
لميس:اوك يالله
تولين اشرت على ملاك:هذي ملاك صح
لميس:يب يب صح
ملاك ابتسمت
تولين:امم {ضحكت } ههه مين الباقي مو قادره اركز
لميس اشرت على العنود:هذي العنود اللي هي اكبرالشله
تولين:ههههه حراام عليك باين انها صغيره
لميس اشرت على غلا:وهذي غلا اللي ملكتها قريب
تولين:اوووه مبروووك
غلا بخجل :الله يبارك بعمرك
لميس:وهذي امل
تولين:هلا وغلا كيفك امل
امل : تمام الحمدلله انتي كيفك ؟؟
تولين :الحمدلله
دق جوال تولين
تولين:هلا عمر
عمر:ابوي يقولك تعالي سلمي على عماني
تولين:يعني بس انا مااجيب لميس
عمر:لميس مسلمه انتي اللي ماشافو وجهك من جينا
تولين:اوكي اوكي بس عطني دقايق
سكرت منه
لميس تضحك:يبغاك تسلمين على عماني
تولين:يب
قامت تولين
طبعا تولين ببريطانيا عادي تمشي بالشارع بالقصير
يعني متعوده تدخل عند رجال بدون عبايه ...
________
كانو قاعدين بالمجلس ...
طبعا كالعاده الشباب بجهه
والشياب بجهه ...
اجبرني ابوي ادق على تولين واقولها تجي
ادري بتولين ماراح تلبس لاحجاب ولاعبايه
وخايف عليها من نظرات عيال عمي وبالخصوص
سعود ومحمد ... احس اني مااطيقهم كنت قاعد اسولف مع
فيصل بس بقلبي ادعي انها تطول ماتجي ...
فيصل:ياخي ايش فيك معي ومو معي
عمر:لا معك معك
شوي الا دخلت
دخلت بشموخها مشيتها
وجهها اللي ماتنزل يلتفت على الشباب ابد مثبت نظره على قدام
الهدووء عم المكان
والنظرات موجهه لها ومافي الا
صوت كعبها وهي تمشي ...
تنظرها من برا تقول مافيها ولاذرت حزن
وهي انسانه من جوا مكسوره ... ومكسوره بقووووه
خالد خق يوم دخلت ...
توجهت لابو عادل
انحنت شوي وقبلت راسه بهدووء
ومشكت لابو خالد وقبلت راسه
وبعدها ابو عمار ... وبعده ابو العنود
ابو عادل:تعالي يابوك عندي
توجهت لمه وجلست جمبه
ابو عادل:كيف حالك يابنتي؟؟
تولين وفوق راسها مليون علامة استفهام
ليه يعاملها كذا رافعت راسها وشافت وجه يشبه
وجه ابوها بس احنن من ابوها !!
تولين كالعاده بهدوءها : حالي يسرك ياعمي انت كيفك عساك بخير
ابتسم ابو عادل: انا بخيييير كان انتي بخير
ناظر يدها بتفحص:توجعك يدك
تولين ابتسمت لحنيته:لا ياعمي خفت عن اول
ناظرها ابو عادل:يعني اول كانت توجعك
تولين:ايه كااان فيه اللم بس الحين خف
رفعت عيوني بتشوف ليش المجلس من يوم مادخلت صار هدوء
ولا فيه شباب كثيييير قدامي وعيونهم علي ومن بينهم
عادل&خالد ...
عادل كان يطقطق بجواله
بس خالد اللي كان يناظرني بتفحص
وفيه هذاك الوجه ايييه هو اللي بالمطار ...
ياربي عليه نظرات حقييييير شكله سعوود اللي حكى عنه عمر
تنهدت بقوه وناظرت عماني اللي كل واحد عليه نظره شكل
عمي ابو خالد نظراته نفس زوجته كان يانظرني باعجاب
اما عمي ابو عمار ماكان يناظر فيني اصلا منزل راسه
اما عمي ابو العنود كانت نظراته لي نظرات استحقار
ايش يبي هو للحين ماعرفني عشان يناظرني هذي النظره
التفت على عمر اللي قاعد يطالعني ووجه صاير ذبلان
هاليومين ...
التفت على عمي ابو عادل:يالله عمي استاذنك بروح
ابوعادل:اذنك معك يابنتي وخلينا نشوفك كثيير
تولين :انشاءالله
مشيت بطلع واحس ان الحاله بتجيني مجرد احساس ...
ابو العنود:تستاذنين من عمك ابو عادل بس؟؟ .. ليش حنا ايش ماشفتينا ولا مالنا حشيمه
تولين التفت وانا ماابغى اظلمه بس متوقعه
انه يكون هو وماابغى اصدق بس شفته ناظرت
نظراته اللي تستحقرني
تولين:الحشيمه لكم ياعم بس على مااظن انكم وعمي ابو عادل واحد
ابو العنود : والله حنا خمسه اذا انتي تشوفينا واحد فهذا شي يرجع لك
عمر ضغط على يده
ابو العنود وهو يكمل:بعدين يابنت اخوي يالمتربيه حنا ماعلمنا بناتنا يطلعون قدام عيالنا مفصخين
تولين:والله ياعم اول شي انا متربيه الحمدلله وثاني شي لابسه وثالث شي اذا تبيني اتغطى قول للي تمسيهم عيالك يكسرون عيونهم شوي عن بنات عمانهم
عادل اللي كان يشغل نفسه بالجوال يوم سمع هالاكلام طارت عيونه ورفع راسه ورجع نزله بسرعه
ابو العنود:جبببب ياقليلة الحيا
تولين بدت تتنفس بقوه دليل على ان الحاله بتجيها
عمر طاحت عيونه عليها وهي كذا
وفز بسرررعه
عمر:عمي يكفي
ابو العنود:ياعمر ماسمعت هي ايش قايله
عبدالعزيز:خلاص امسحها بوجهي هالمره
تولين بعصبيه عقدت حواجبها بتتكلم
بس على طول سد فمها عمر بيدها وباليد الثانيه وسكت يدها ومشاها غصب
وطلعها من المجلس
والكل بحالة ذهووول من اللي صار
مشى فيها عمر وقبل مايدخل الصاله
عمر بصوت عالي :احمم ياولد
تخطو وهو ماسك تولين اللي انهارت بين يدينه
تبغى تضحححك بقوه بس هو ساد فمها ويمشيها غصب
مشى من قدامهم فيها
ويلدا على طول عقدت حواجبها
ولميس فزت
بس صوت عمر اللي خلاها ماتتحرك
عمر بحد:لاحد يلحقني
طلعها فوق لغرفتها ورماها على السرير
وقامت تضحك بصوت عالي وتضحك والضحك واصل تحت
اخذ المفتاح وسكر باب الغرفة وقفلها
ونزل تحت بسرعه
عمر:لميييس
لميس قامت ولحقته
لميس:ايش صار
عمر:صار نقاش حاد بينها وبين عمي ابو العنود
لميس:طيب ليش طلعتها بهذا الشكل
عمر:جتها الحاله طلعتها غرفتها وقفلت الباب والمفتاح معي خوذيه
وراح وتركها
دخل المجلس
وجلس جمب فيصل
ابوخالد:ايش صارباختك ياعمر
عمر سكت مايبغى يرد هو اذا عصب يسكت عشان مايتهاوش مع
احد او يضايق احد او يرمي كلمه تجرح احد ...
صار هدوووء المجلس
اذن العشاء والشياب طلعو للمسجد
والشباب قاعدين
عبدالعزيز قدام الشباب يكلم عمر: وصل لها هالكلام ترا حسابها عندي
عمر: ماسوت شي غلط
عبدالعزيز:والحركه اللي انعادت مع عمك مابيها
عمر يكره احد يكلمه بالطريقه: ماعليك مني بس تولين الحين لاتقرب لها
عبدالعزيز بطبعه عصبي :ايش قلت
عمر : اللي سمعته يكفيها اللي جاها منك ومن اخوك
جاء عبدالعزيز بيروح لمه مسكه عادل :الله يهداك ياعمي امش نروح نصلي
طلع
وعمر تنهد بقوووووه ورمى غترته
خالد :ليش تكلم ابوك بهالطريقه
عمر:اسف خالد بس اذا عرفت ايش يدور بحياتنا وبالاخص داخل {وياشر بيده على الصاله اللي يفصل بينهم جدران } ماراح تتكلم
__________
ومن هنا كل اللي سمعو كلامه ابصمو
ان حيات عيالة عمهم عبدالعزيز مو سعيده
رغم الضحكه اللي ماتفارق وجيهم بس ان فيه
مشااااااكل كثيييييييير قاعده تحصل لهم ........
____________
علمتني الجبال الراسية ؟؟
الشموخ والثبات امام مهب المصاعب والاحزان
وان لا انحني لاحد غير خالقي ... !!
فعلم ان لكل ازمة مخرج ولكل هم رب يفرجه ...
____________________________