رضيت أحبك وبس مافيه عقب الروح روح

47

مــع كــل غروب شمس

 اتذكر ذكريــات 

" المــآضي " 

ولكــن مع كل شــروق 

أعــاهد نفسي 

" بنسيــــان الماضي والعيــش مع الحـاضر 

"& وهكذا تمــر أيــامي & ...

بقلمــي / تايهة بزمانها ..  ___(( 47 ))_______________


لفـــو عليـها منصدميـــن !!

عبدالعزيز : أيـــــــشـ؟؟؟
تولين : اللي سمعته !!
لمـيس : مــن جدك تتكلميــن
تولين : ليـــه تشوفون عى وجهي علامات مزح .. أنــا الرياض ماقدرت أتأقلم معها .. يعني لنا يمكن فيها ثلاث سنوات ماقدرت أنسجم مآأخذ حريتي فيها !!
عبدالعزيز : أنسى شيلي هالفكره من راسك
تولين أبتسمت على جمب : آسفــه أنـا إذا حطيت شي براسي لآزم أسويه
يلدا بنص عيــن : كيـتف مانسجمتي !! يعني تبغين بوي فرند يمشي معك مثلا
تولين بدون ماتناظرها وبدون ماتحس بنفسها : والله ياقلبي هذا تفكيرك والرد على السفيه مذله
سكتو الكل منصدميــن من رد تولين على يلدا !!

عبدالعزيز : توليــن عيــب أحترمي أمك
تولين : خليها تحترمني أول
عمر : هــــيه لاتعقيـــن أنتي ووجهك
تولين : انــا أعطيت اللي عندي .. جلسه بالرياض ما راح أجلس .. سمعتو اللهم أني بلغت اللهم فشهد ..

قامت بتطلع .. وناظرت الدرج وشافت ريـــان وأبتسمت ..
والكل لاحظ إبتسامتها .. مــاكانت أبتسامة شر !! ولا نذاله !!
إبتسامه غريبـــه

طلعت فوق ..

بدر : بسم الله الرحمن الرحيم .. ليــه أبتسمت للدرج كذا ؟؟
عمر : ملاحظين على تولين من قبل أسبوع يمكن كذا غريبه إذا قعدت بالغرفه لحالها وبعض الأحيان بالصاله .. تتكلم مع نفسها
لميس شهقت : الحيـــن مووو
عمــر ناظرها : لآآآ تقولين !!!!!!!!

( عمر ولميــس .. كــانو يعرفون من قبل أن تولين فيها الإنفصام بس ماكان احد يدري أنهم يعرفون .. أو بالأصح محد يدري أن هذا المرض موجود بتوليـــن )

عبدالعزيز : أيـــش لـيه تتكلمون بالألغـاز أنتم ؟؟
لميس سكتت ونزلت راسها
عمر : لالا ولا شي طال عمرك
وزفر بأنفــاسه

______________________


ريم : مره أستغربت مــن علاقة رامي وتولين .. صراحه مايصير كل شي وله حدود
سعود : مــن جد
فيصل ناظر سعود : هه شـــف مــن يتكلم !!
سعود : وش قصدك
فيصل : قصدي مفهوم
سعود عض على شفايفه

عادل : بالعكس رامي مررره طيوب وحبوب .. إنســان محترم وينوثق فيــه لا ألوم عمـي عبدالعزيز يوم وثق فيـــه
سعود غــار منه : وش ذا بس مو زي كذا أنــا لو أوقف مع بنته كذا والله لايقلب الدنيا علي
فيصل : عــاد أنت لا تقــارن هذا بهذا
سعود صرخ بفيصل : أنــــت وش فيك علي اليوم ؟؟؟
فيصل : أبـــد سلامتك بس اللي على راسه بطحه يحسس عليها
عادل : ههههههه فيــصل
فيصل : لبيـــه
عادل : بكرى نروح أنــا ويــاك للشركه عشــان نشوف وش يبون وش مايبون بالعقد وكذا
فيصل : اوكي صـار

_________________________

رامي : تطورت علاقتنا
إيـاد : يالله حلوو إن شاءالله للأحسن
رامي : بسس للحين ريــان مالك قلبها
إيــاد : أصبر يارامي .. شوف بعد معانات كم سنه قدرت الحيــن تكسب قلبها كــم له سنه متوفي ريـان ؟؟
رامي : خمــس سنـوات .. الله مرت سريــعه
إيــاد : تمشي الحيــاة ماراح تنتظرك .. وأنت ووجهك منت ناوي تتزوج شيبت ياخي
رامي : هههههه خل الزيـــن يلقينا وجهه بعدين نفكر
إيـاد : هههه شوف أنــا عايش جوي مع حيــاتي كاترين
رامي يقلده صوته : حيــاتي كاترين ( ورجع صوته لطبيعته ) وأنـا حيــاتي مالقتني وجه
إيـــاد : ههههههههه مشكلتك ياخي
رامي : أدري مخيـــس يالله ضف وجهك بنـام
إيــاد : هههههه طيب طيب ياناكر المعروف أوريك
رامي : ياحبيبي روح أقعد مع حيــاتك كاترين مو أنــا أبغى مصلحتك
إيـاد : أيـــه واضح
رامي : عــاد لقنـاك وجه يالله ترا بسكر بوجهك
إيـاد : هههههه طيب طيب تصبح على خير
رامي : وأنت من أهل الخير
إيــاد : لآآ أوصيك حلم فيني
رامي : حتى بالحلم تبي تلحقني .. بحلم وبتولينتي
إيــاد : والله لو تدري تولينتك عنك كــان فركشت العلاقه معك
رامي : بســـم الله علينا من عيــونك
إيــاد : إن شاءالله لايجيني يوم أشوفها هالتولين بشوف ليييه الكل خاق عليها
رامي : إيـــــــــــــــــــــــــاد
إيــاد : ههههههه يب يب يالله مع السلامه
رامي : بحفظ الله

سكر رامي من إيــاد وأبتسم .. ورمى نفسه على السرير ..وبسرعه
دخل عينه النوم لانه كــان مرهـــق


___________________


أمــل : يالله قوم مــن النوم .. حشى مو نوم معركه
كــان ملقيها ظهره أنقلب ووجهه باين عليه آثار النوم ..
زيــاد : ماحد قالك مــن قبل أنــي أتقلب كثيــر
أمل وهي تفتح دولابها وتناظر ملابسها : لآآآ ولايهمني
زيــاد ناظرها شوي : أجل بلاش تعليقاتك هذي
أمل أخذت بنطلون وتيشرت طويل بأكمام طويله .. وبــاين عليها العصبيه من تعليق زياد ..

دخلت لبست بسرعه وطلعت ..

أمــل : تبغى فطور ؟؟
زيــاد : يب سوي لي معــك .. وابغى قهوه سودا
أمل ناظرته بنص عين : أقول قوم ورتب السرير
زياد : الله مـن متى صرتي نظاميه
أمل : يقااال أنها شقتي ولازم أعتني فيها !! المهم بلا كثرة تفلسف وقوم لانتأخر
زيــاد عصـــب : يـــآهووو أحترمي نفسك ولاتكلميني بذا الأسلوب ماني سواق عندك
أمــل مالقته وجه وطلعت مــن الغرفه ..
وهو ظل يتحلطم ودخل الحمام ( ييكرم القارئ )

طلع بعد نص ساعه .. وفتح دولابه .. وطلع جينز وتيشرت
لبسهم على السريع ورتب السرير وطلع من الغرفه ..

قعد على الطاوله .. اللي كانت جاهزه ..
مسك الجريده عشـان يقرا الأخبار .. ومسك الكوب وهو عيــونه على الجريده
وشرب من الكوب .. وقلب وجهه ..

زيـاد بعصبيه : أمــــــــــــــــل
طلعت بروعه أمل من المطبخ : أيـــش ؟؟؟
زياد : مو قتلك سوي لي قهوه سودا .. ليــه تروحيــن تسوين حليــب ميــن قالك أني أششربه !!!!!!
أمل برعي من عصبيته : هــاه .. لآآ بس الحليــب أفود لك بالعمل أكثر مــن القـ
زيـاد قطعها وهو يضرب يده على الطاوله بقوه : مــالك شغل بالمفيد لي واللي مو مفيد !! أنــا دكتور وأعرف وشو المفيد ووشو اللي مو مفيد .. تجيــني أنتي على آخر عمري تعلميني
أمل تجمعت دموعها بعينها : آسفــــه الحيـــن أسوي لك اللي تبي

دخلت المطبخ .. وبدت تسوي له على السريع ويدها ترجف

أمــا عنده .. غمض عيــونه وعد للعشره وأخذ نفس ..
زياد : يالله كيــف صرخت عليها كـان باين عليها ماكانت تعرف أني مااحبه

قام من الطاولة وتوجه للطبخ .. لقاها ملقيته ظهرها ..
مشى لعندها .. وحاوط خصرها بيدينه وقرب راسه من رقبتها ..

أمل أرتجفت وعرفت أنه هو من ريحة عطره ..
زياد : آآآسف
أمل فلتت نفسها منه بأرتباك : طيـــب عـادي حصل خيـر شوف القهوه حقتك جهزت ..
زياد مسكها مع معصمها : أمــل
أمل سكتت وناظرت عيــونه
وظلو يناظرون عيــون بعض ..
زياد تركها : أحـم جهزي نفسك بنمشي .. وحطي لي القهوه بالمق
وطلع من المطبخ ..
أمل للحيــن منصدمه ..

أمل بقلبها : كــان بيقول شي والله كـان بيقول بس سكت أووف
بالفعل حطت القهوة بالمق .. وطلعت من المطبخ ولبست حجابها ..

جاء زيـاد وشافها

أمل أبتسمت : مشينا ..
زياد : لحظه
أمل وقفت تناظره : أيــش
قرب لها زيــاد ومد يده
وهي غمضــت عيــونها خايفه من اللي بيسويه ..

زيــاد لاحظ أرتجافها وتسكيرها لعينها وأبتسم بس بسرعه شال الإبتسامه ..

دخل خصل مــن شعرها كـانت طالعه برا الحجاب حقها

زياد : فتحي عيــونك .. على بــالك ببوسك يعني؟؟
أمل أنصدمت وسكتت
زيــاد : خصل من شعرك كانت طالعه بسس
أمـل : وليـــه تدخلها !!
زيـاد : أغــار عليـــك
أمل همست : ليــه تغـار ؟؟
زياد سمعها : مدامك زوجتي بغــار عليـــك كيفي .. يالله أمشي قدامي
أمل طلعت .. وهي منقهره من زيـاد

_____________________

اليــو الثــاني .. بالتحديد العصــر ..

كــان الكل موجود يلدا وعبدالعزيز .. وأبو بدر وعايلته .. ورامي .. وعمر
أمــا تولين ولميس كــانو فوق ..

بدر : اليوم الصبح .. قمت ورحت رفعت قضية الطلاق ..
عمـر : وعبدالله إذا يبس راسه ماكان يبغى !!
بدر : ياحبيبي فيــه شي اسمه خلع مارضى بالطيب نجيب راسه بالغصب
عبدالعزيز : بسس أنت أنتبه لاتسوي مشاكل
بدر سكت ..
عبدالعزيز : عمــر منتظم على علاجك ؟؟
عمر : ماني طفل ترا ؟؟
عبدالعزيز : أدررري بس عارفك ماتهتم ..
عمر : أييــــه منتظم
عبدالعزيز : بكلمك بموضوع بعد شوي
عمر : أبشر إن شاءالله ..
يلدا أبتسمت : ياحيا الله من جانا زارتنا البركه
رامي : الله يحيك ويبقيك


نزلو تولين ولميس وكانت تولين ماسكه لميس ~> نظراً لأنها توها طالعه من المستشفى .. ويخافون عليها ..

فجــأة بدوون مقدمــات ..

تولين حست الدنيــا تدور فيها .. وتركت لميس لأنها خافت تدوخ وتطيح لميس معها ..
قعدت على الدرج .. خف الدوار شوي .. بس صارت الدنيا مغبشه قدامها ولاتقدر تشوف زيــن !! وألـــم براسهامن ورا قــــوي ..

تولين : لميـــــــس

قامو يتراكضون لها اللي بالصاله كلهم .. ورامي أولهم ..

ويلدا بهذيك اللحظه حست أنها خايفه على تولين ..


تولين حطت يدينها على عيونها وبدت تبكي ..

رامي قعد قدامها ومسكت يدينها اللي على عيونها ونزلها ..
وشاف تولين تبكي ..
رامي : أيـــش فيك ؟؟ فيــه شي يعورك
توليـــن : مــآأشوف زيـــن وألم براسي مـــن ورا قووي ..

كــأنو خــايفين عليها مررره ..
فجأه فقدت الوعي .. وطاح راسها بحضن رامي ..


_____________________


آحــنا بسيطين ممكن كلمه تفرحــنا
ممكـن أتصال يخلي يومــنا أحلى
ليــش التعقيـــد ؟؟ ليــش العض على بالهم
آن أحــنا صعــب نرضى ؟؟

#علــي نجــم ..