رضيت أحبك وبس مافيه عقب الروح روح

15

ناظر بعيونها ...عمار :غلاوي غلا منزله راسها : يالبيه
عمار ابتسم : ابغى اسئلك سوأل
غلا : اول شي البس التي شيرت تبعك بعدين اسال على كيفك
عمار بنذاله : لا انا عاجبني الوضع كذا ... المهم امم ابوك جابرك علي ؟؟
غلا بدون شعور قامت من حضنه
عمار : اهااا اوكي عرفت الجواب
راح متوجه للحمام { يكرم القارئ}
غلا ودموعها بعينها : مين قالك اني مجبوره عليك
انا وافقت على شاني احبك ... من زمااااان ... ماراح احد يقدر
يجبرني على شي ... اذا على بالك ابوي جابرني عليك فانت غلطان ... واذا على بالك الحركات اللي بدرت مني يوم الملكه عشاني ماني طايقتك ... فغلطان ومليووووون غلطااان بعد ... اتمنى قبل ماتحكم تسمع !!
فتحت الباب وطلعت وسكرته
وعمار منصدم : يعني تحبني يعني وافقت علي برضاها ياربي انا ايش سويييت ؟؟
_________
أمل : وقسم بالله ياملاك ارتعبببت
ملاك : هذا ايييش يبي يعاملك كذا ... يعني مالك دخل هما الشباب اللي تعرضولك
أمل : انقهرررررت منه
ملاك بعصبيه : لو اني مكانك كان صكيته كف وخليته يعرف يتكلم زين عقب المره لعنبوو داره... بنت عمه معقوله تسوي حركات النص كم
امل : والله اذا كان اخوه صايع ضايع وساحب اخوي معه ... مااتوقع انه ميشك ببنات عمه ...
ملاك : مريييض
دخلت عليهم غلا
ومافي بوجهها اي علامه
امل وهي مفجوعه : غلا فيك شي
غلا ناظرتها : لا سلامتك عادي
ملاك تغمز لها : اجل رحتتي صحيتي حبيب القلب
غلا ناظرتها نظرات اول مره تطلع معها : ملاك اعقلي
ملاك : بل بل ايييش هذي النظرات اول مره تطلع
غلا : اقووول امل ماراح تجيبين لنا شي ناكله تراي ميييته جووع
امل : من عنونيييي
غلا : تسلم عنووونك والله
____________
تولين نزلت
وهي تشوف يلدا & لميس ...
قاعدين يسولفون سوا
تولين : السلام عليكم
يلدا سكتت
لميس : وعليكم السلام هلا باختي هلا هلا باللي نور هلا ...
وينك من زماااان منزلتي
تولين : قعدت شوي بغرفتي وكلمت ميس
لميس : اهااا طيب كيف سهرتكم امس انشاءالله انبسطتوو ؟؟
تولين : اييه الحمدلله انبسطنا
لميس بضحكه :ومع مين رجعتي ؟؟؟
تولين : مع خالد
يلدا شهقت : ايا بنت اللذينا مقومه الرجال من نومه عشان يرجعك بانصاص الليالي يفشيلت وجهي قدامك يام خالد
تولين بحده : لعلمك يمه مو انا اللي قومته هو اللي عرض خدماته
يلدا : ولو المفروض رجعتي مع لميس وعمر
تولين : لو هي لميس اللي مكاني كان ماقلتي شي
يلدا سكتت
لميس : الله يهداكم كبرتو السالفه وهي صغيره !!!
يلدا قامت ...
تولين انسدحت على الكنبه ومسكت الريموت وبدت تقلب بالقنوات ؟؟
هي من برا باااااااارده وهادييييه ... عكس من جوا داخلها نيرااان تشتعلل .....
______________
( بعد مرور ثلاث اسابيع )
طبعا محد تغير حاله الا
فيصل & لميس ...
حبهم بدااا يكبر بس مو معترفين لبعض
___________
اليوووم مسويه ام عااادل جمعععه كبيرررره ...
رجاال وحريم ... خواتها و عيالهم خوانها وعيالهم
واخوان زوجها وعيالهم ...
طبعا كالعاده الرجال بالديوانيه ...
والحريم بالمجلس الكبيييييييييييير ....
______
تولين كانت رااافضه ترووح بس ريم اصرت
عليها انها تجيي ...
ريم كانت لابسه ..
تنوره مخصره على جسمها الى تحت الركبه رماديه وعليها حزام اسود ... وبدي فيه ورود بنفسجيه ورماديه وسواد والكم كت ...
ولابسه عقد على رقبتها طويل لولو اسود ... ولابسه حلق رمادي ...وجزمة { يكرم القارئ } كعب تتسكر بسير رماديه وفيها نفط بنفسجيه ...
__________
ولميس لابسه
تنوره حمرا واسعه الى نص الفخذ ... وبدي وردي فااتح .. ومن فوقه جاكيت صيفي لحمي ومصفطته... لابسه سلسال مهديها اياه بدر ذهب باسمها ... لابسه بيد ساعه ذهبيه ويد ثانيه خاتمين ... وشعرها مسويته كيرلي ... وحاطه روج احمر .. ومعها شنطه طولها لونها لحمي ...
___________
وتولين لابسه
تنوره جينز الى نص الفخذ ... وبدي ابيض ... ومن فوقه جاكيت بنفسجي مصفطته ... وحاطه بيد اسواره ... واليد الثانيه ثلاث اساور ... شعرها تاركته زي ماهو .. وحاطه روج وردي ...
______________
العنود لابسه
بنطلون سكيني اخضر عشبي ... وبلوزه الكم اليمين طايح واطالع كتفها وكمه طويل والثاني عادي مغطي كتفها والكم الى كوعها ...لابسه جزمه { يكرم القارئ } بيضاء كعب .. ومسويه شعرها كيرلي ... وحاطه روج وردي ..
________________
وغلا لابسه
فستان الى فوق الركبه بني اكمام كت ... وفتحت صدره سبعه مو كبيره .. ومن تحت الصدر فيه زي الاكس بالذهبي .. وبعدين من تحت واسع ... لابسه سندل { يكرم القارئ} ذهبي كعب ... ولابسه سواره ذهبيه... ومعها شنطه ذهبيه
_____________
اما ملاك لابسه
برمودا زيتي فاااتح ... وبدي شوي طويل زيتي غامق اكمامه كت ...
ولابسه فلات بني نااعم ... وبيدها اسوارتين زيتي وبني ... ويدها الثانيه ساعه ذهبيه ...
_____________
امل لابسه
بنطلون جينز ... وبدي ذهبي واسع واخره فيه مطاط .. بحيث مسوي شكل بوف ... ومن فوق الصدر فيه شوي شك ... لابسه جزمه {يكرم القارئ } كعب ذهبي ... ومسويه شعرها ستريت ... ولابسه حلق مدور ذهبي
طالع شكلها كيوووووت
_______________
البنات كلهم كانو قاعدين سوا ..
امل بهمس لريم : ريم فيه احد من اخوانك بالمطبخ ابغى اشرب مويه
ريم : لا كلهم بالديوانيه
امل توجهت للمطبخ
__________
بالديوانيه زياد مولع
عادل يسولف مع خالد
وفيصل يسولف مع عمر
وسعود لاهي بجواله
وزياد هو اللي يصب القهوه
انتهت القهوه ...
ومشى متجه للمطبخ
دخل ولا اللي قاعده على الكرسي ووماسكه
بيدها المويه وتناظر الجدار وسرحاااانه
دقق بعيونها
زياد بقلبه :الا هي وربي هي هذي هي عيونها
زياد بعصبيه : بنننننت ليش قاعده كذا بالمطبخ
امل من الخرعه قالت : انت اللي ايش تبي داخل بدون احم ولادستور
زياد :والله بيتنا ادخل واطلع على كيفكي قومي تستري واقفه قدامي مفسخه
امل : طيب لاتشوف
زياد بعصبيه : اطلعي من المطببببببببببببخ
امل ناظرته وطلعت بسرعه على جيت ريم
ريم :امل امل
راحت امل ولا ردت عليها
دخلت المطبخ
ريم : بسم الله اللهم سكنهم مساكنهم وراك مخرع البنت خلها تشرب مويه
زياد : تتستر وتجي تشرب مويه لحد ماتشرق انشاءالله
ريم طارت عيونها : وراك تدعي عليها وش سوت الانسانه
زياد : اقووووووول خوذي سوي بلا فلسفه فاضيه
ريم انقلب مزاجها : زياد شوف مره ثانيه تعيد اللي سويته قبل شوي اعلم ابوي
زياد : تهدديني انتي وجهك لعنبو دارك انا اخوك اللي اكبر منك
ريم : ايه اهددك اجل تدخل كذا المطبخ لازم تتنحنح قبل ماتدخل
زياد عصب وطلع من المطبخ وهو يتحطم
جت لميس
لميس: ايش فيكم امل جت عندنا معصبه وانتي تتهاوشين مع واحد من اخوانك {وبزلت لسان } الاكيد انه مو فيصل
ريم ضحكت وغمزت لها : وش دعوى مو فيصل
لميس برتباك :هاه ولا شي بس غلطت
ريم : لموووس اعترفي
لميس : سوي القهوه ولا هاتي اسويها
ريم :ههههههههه
__________
نادين : امم جدي وش رايك نروح الرياض
الجد: لييه
نادين :وربي اشتقت للميس
بدر : طيب ليش هم مايجون عندنا
نادين :مدري انا قلت منها نزورهم ومنها نشوف الرياض ونغير جو
احمد : ههههههه وش تغير جو امس عمر يقولي حرررر موووت
لورا : الرياض معروف عنها انها حاره
نادين: هاه جدي ايش قلت
الجد : خل افكر
نادين : الحين ياجدي فكر بليييييييييز
الجد : خلاص قتلك بفكر
نادين : لا الحيييييين
الجد : لاله الا الله خلاص بنروح بس موب ذا الاسبوع
نادين : يافرحه ماتمت
الجد : وش قلتي ترا الغيها كلها
نادين: انشاااء الله على ذا الخشم ننتظر
الكل ضحك علليها ولشوقها المبين للميس ... لانو فقدتها مررره
يعني صح فيه لورا بس محد يجي محل لمييس ابد .. لميس اختها
توام روحها اللي تبوون هم قراب من بعض لدرجه قوييييييه ...
_________
تولين حاطه رقم رامي بالجوال
تولين بقلبها : اتصل ... { تحط اصبعها على اللي يتصل وتسحبه بسرعه } لالا مابي ... الا { واتصلت بسرعه }
دقايق ووصلها صوته اللي شبيه برياان : نعمم مين معي
رامي قال كذا عشان رقمها الجديد ..
تولين قامت وراحت مكان هادي : هلا رامي
رامي سكت شوي وبعدين قال : تولين
تولين : ايييه نعم
رامي ببرود بس من داخل يتطاير من الفرح : اهلين كيفك ؟؟
تولين : بخيير
رامي: وكيفها يدك ؟؟
تولين : الحمدلله شلت الجبس عنها بس مانعني الطبيب اني اشيل اشياء ثقيله عليها .. امم كيفك انت ؟؟
رامي : ماشي الحال .. { وبتردد } بريطانيا من دونك ممله
تولين : ههههه اكييييد ممله انا اللي كنت مسويه جو
رامي :ههههه يالواثقه
تولين : اكييييد مايحق لي
رامي : لا مايحق لك
تولين : مالت
رامي : عاد توقعت تقولين ماشتاقه لك ولا شي زي كذا
تولين بلامبالاة : هههههه المين اشتاق لك ليش حبيبي مثلا
رامي انصدم وانربط لسانه
تولين : رااامي
رامي : هلا امم لازم الحين اسكر عندي شغل
تولين : اوكي سلامي لامك
رامي : يوصل يالله باي
وسكرت تولين
_______
رامي يوم سكرت
ضغط الجوال بيده ورماااه على الجدار وتكسر
رامي : ليييه يتولين دايم تجرحيني لييييه
___________
تولين ناظرت جوالها : غريب هذا الشخص يتعكر مزاجه على طول
ناظرت وين هي واقفه ...
ولاها عند الديوانيه حقت الرجال ...
جت بتمشي بسرعه ... لانو شعور بالخووف جاها فجاءه
وتسمع احد صفر من وراها ...
زادت مشيها بسرعه ... مادرت اللى اللي يركض وراها
ويمسكها ... التفت عليه وضربت بصدره ...
على طول بعدت بقرففف ....
سعود مبتسم : لقنى وجه ياحلووو انت
تولين تناظره بقرف واشمئزاز : مااصدق انك ولد عمي ابو عادل
كل ماشفتك انقرفت ... رووح نظف نفسك وخل اللعب على بنات الناس ... وخلك رجال وتعال بعدين كلمني ... ولاتكلمني بزي هذي الطريقه ... ولاتمسكني فاااهم
جت بتمشي الا يده رجعت حاوط يدها بقوه
نفضتها ومسكها اقوى وعورتها لانها اليد اللي كانت مكسوره
نفضتها باقوى ماعندها ... بس مافاد ياجبل مايهزك ريح ...
وهي تحس انها انقرفت من نظراته لها ..
وبدون شعور رفعت يدها وعطته كف قوي حتى صوته تردد بالمكان ...
مسكها سعود بقوه مع فكها وقرب وجهه من وجهها
سعود وهو صار على اسنانه : مره ثانيه متمدين يدك علي هالمره بسكت بس ثاني مره وربي ماتلومين الا نفسك
دفها على ورا
ومشى
تولين وهي تصفق : برافووو عليك ياولد عمي يكون بعملك .. تراك ...
مو رجآل
مو رجآآآآآل
مو رجآآآآآآآآآآل
سعود بكل عصبيته رجع لمها بس وقفه صوت زياد
زياد : سعوووووووود
وياد وعيونه بالارض : ادخلي يابنت العم ومو حاصل اللى اللي يرضيك ؟؟
تولين : اللي يرضيني ياولد عمي ان اخوك مايتعرض لي مره ثانيه
زياد : انشاء الله على ذا الخشم بس ادخلي الله يهداك واقفه جمب الديوانيه ؟؟
دخلت تولين وزياد بكل عصبيته توجه لسعود وسحب الجوال من يده
وطلع الشريحه اللي هي شريحة البنات ... وكسرها ورمى الجوال على الارض وكسره برجله
سعود : اييش تسوي انت مجنون
زياد : ايه مجنوون ... ضاقت فيك مالقيت الا بنت عمك تولين تتعرض لها يا اخوي وياولد امي وابوي يافخر ابوي فيك يافخر ابوي فيك ... ان شفتك متعرض لها ثانيه ... شوف والله ثم والله ثم والله وهذي ثلاث حلوف ... مايصير لك خير زيين
ومشى ودخل الديوانيه ووجهه احمممممر من العصبيه
وسعود واقف برا ومن هذي اللحظه قرر قرااار ...
__________
تولين دخلت جوا قرفااانه من نفسها ومعصبه توجهت لشنطتها
واخذت حبوبها عشان ماتجيها الحاله ... هي تجيها اذا عصبت ...
___________
لو كثرت ... جروحي فلاني بمكسوره
انا اكسر اللي قال "انه كسرني "
ماهو " حكي زايف ولا كبر وغرور
انا في عزتي اقهر اللي " قهرني
ترى الوقت ياصاحبي دايم "يدور"
ولابد مايندم غشيمن خسرني ....
**_____________________________