رضيت أحبك وبس مافيه عقب الروح روح

18

  بعد اسبوووع ..
طبعا تولين بعد الحوار اللي دار بينها وبين امها وعمر ولميس
تغيرتتت صارت منعزلة .. متحب تقعد مع احد ..
دايم بغرفتها ... وماتبي تشوف احد ..
اذا بغت شي طلعت من الغرفة وغيره ماتطلع .. واذا قعدت معهم قعدت ساكته .. ياتناظرهم .. او معها الايباد حقها .. حتى
ميس قطعتها كلللل احد ماعادت تتكلم مع احد ..
والمرض النفسي {الانفصام } خففف كثييييييير ...
وماعاد تجيها الحاله كثير ...
_____________
لميس قاعده بغرفتها وتفكر
قبل كم من يوم كلمت على بدر وقالها
لميس : هلا هلا بالقاطع
بدر: لا وربي موب قاطع بس صارت مصيبه ببيتنا
لميس بخوف : ايش صار
بدر : باليل سمعنا صوت شي ينكسر تحت طبعا مثل ماتعرفين حنا اذا نمنا طفينا كل الانوار تحت
المهم نزلت انا واحمد .. ولا فيه واحد ماكان باين منه شي
بس انه رجال ... ركض لمي .. ودخل سكين بكتفي
لميس بخوف : طيب انت ايش صار معك عورك ولا لا رحت المستشفى
بدر : ايه رحت المستشفى ولفوها بس مدري ليه تقصدني انا ..
ليه موب احمد .. عاد لو تشوفين دموع لورا
لميس بتصنع : ههههه اكيييد زوجها وحبيبها ..{وبكذب} امم بدر امي تناديني لازم اسكر الحين
بدر: اوكي قلبي لاتقولين لاحد عشان ماينفجعون ...
لميس : مدامك قلت كذا راح اقول لكل البيت
بدر: ههههههه عنيده طول عمرك
لميس : اوكي يالله سيااااا
سكرت منه ...
وماظلت يوم الا وعبدالله مرسلها : ..
شفتي ايش اسوي باللي مايسمع كلامي
لميس ردت عليه :
ايش سويت
رد عليها عبدالله :
اللي صار ببريطانيا .. وبالتحديد ببدر .. ههههه
اتوقع عرفتي .. امم خلينا بالمهم .. اذا ماتزوجتيني ...
ترا وربي مايصير خير .. هالمره بالكتف .. والمره الجايه
بقلبه ... وانتي فكري ؟؟
__________
لميس من بعدها خافت ...
لميس بقلبها : طيب ايش اسوي ... انا احب فيصل وابي اتزوجه
وبنفس الوقت بين نارين ... بدر و >> فيصل ؟؟
عبدالله اذا ماتزوجته .. ماراح يتركني بحالي ..
ااااااه يادنيا !!!
نزلت دمعه من عين لميس
ودق جوالها .. {al3nood}
ردت ...
لميس : هلا والله
العنود : اهلين لموس كيفك ؟؟
لميس : الحمدلله ماعلي .. انتي كيفك ؟؟
العنود : بخير دامك بخير .. امم عرفتي بالجمعه اللي بتسويها خالتي ام خالد ببيتها
لميس : هههه وانتي فرحانه
العنود : اكيييييد .. ماجاوبتي
لميس : يب قالتلي امي .. مدري افكر مااجي
العنود : لاااااا لموووس تعالي خلينا نفلها ... وبعدين خلاص بتبدا الدراسه ... وماعاد نتشاوف كثير
لميس تنهدت : اوكي قلبي
العنود : اوكي اتركك الحين حسيت اني كلمتك بوقت غلط
لميس : لاااا وش دعوا عنوده ... عادي ياعلني فداك وفدا اتصالاتك
العنود : احم احم لا يكبر راسي ..
لميس : ههههههههه خليه يكبر ...
العنود : بطلع الحين مع غلا وملاك .. السوق تعرفين ..
الزوج مابقى عليه غير اسبوع ونص ... ويالله يالله نلحق
لميس : العنود .. يصير اطلع معكم ضايق صدري من البيت
العنود : اكيييييد عادي حبيبتي .. خلاص ولايهمك نمر عليك انشاءالله ..
لميس : اوكي انتظركم ...
وسكر
___________
عند مشاري & عمار
مشاري : يالحركات انت بتتزوج وتخليني
عمار : هههههه محد قالك ماتتزوج
مشاري : لالا انا للحين ماتجهزت نفسيا ...
عمار بفضول : مشاري علمني مين تحب
مشاري يتصنع الصدمه : انا احب بعيييييييييد الشر عني مابقى الا انا ..
عمار : بلا كذب وتصنع صدمات ادري فيك
مشاري يبغى يصرف عمار بس موب قادر يحس الابواب تسكرت بوجهه ...
انقذت وصول رسالة من غلا لعمار
فتحها عمار وقراها :
((أنــــــــــا))
المجنون في حبك
وعلى حبك أنا مفطور
ولقيت الصمت يحكمني
إذا جاء للهوى طاري
يبان العشق في عيني
واحسبه داخلي مغمور
ويفضحني مع العالم
ولاينفع به إنكاري
{ حبيبي بطلع مع خواتي السوق }
________
رد عليها عمار :
بردان
بوسه تدفيني

مشتاق
صوتك يكفيني

مظلوم
شوفتك تواسيني

{بحفظ الله ياروحي .. انتبهي على نفسك ... والله الله بملابس الاغراء}
_________
وصلتها الرساله
غلا حممممر وجهها
غلا : قليل ادب ..
ملاك عصبت : انتي ووجهك ليش تسبيني وانا ماسويت شي
غلا التفتت عليها : مين قال اني اكلمك
ملاك : ههههههه اجل الجني حقك
غلا : لاااا هذا عمار
ملاك : ايش مسوي ؟؟
غلا : ولا شي وماعليك !!
ملاك : خل تتركين جوالك بجي اشوف وش مسوي
غلا ضمت جوالها : ومين قالك اني بتركه عند وحده زيك
__________
عمار ترك جوالها والتفت على مشاري
عمار : ايووه ايش كنا نحكي
مشاري : ولاشي خل نمشي
عمار : ياربي منك الحين بيجون الشباب اقعد بس
مشاري : انا راح ارجع البيت احس اني تعباااااان وانت انتظرهم
عمار : طيب طيب ... نام نامت عليك طووفه الحين تفضل النوم علي
مشاري : ايوووووون بفضله مدامك .. مفضل غلا علي
عمار : انت ووجهك .. اكيييييد بفضل عمري وحياتي وروحي عليك ... ياصاحب الوجهه المكفهر
مشاري : هههههه طيب طيب ... ياصاحب الوجه الودر مع السلامة
طلع مشاري وظل عمار يشرب الكفي حقه
شوي ولا جا عادل ... وبعده بشوي زياد ..
____________
لميس لبست
وراحت عند تولين
طقت الباب ... وماحد رد
فتحته بخووووووف
وشافت تولين كالعاده ... قاعده بزاوية غرفتها وتناظر الجدار
وتهووووووووجس ...
لميس : تولين
تولين وبهدوءها المعتاد وهي تناظر الجدار : نعم
لميس : بطلع انا مع العنود وغلا ملاك بتروحين معنا
تولين : طبعا لا .. روحو انبسطو الله معكم
لميس ناظرت الغرفة المظلمه بقووووه بس ضوء ابجوره خاافت
مع انهم كانو العصر ... الا ان تولين قلييييييل ماتفتح الستاير ...
لميس بهمس : الله يهديك ويصلحك يااختي
طلعت من غرفة تولين ...
وقابلت عمر ...
لميس : اخذت ابرتك اليوم
عمر : ايوووه {تنهد} كيفها تولين
لميس : على حطت يدك
عمر : مع ان امي تعاملها صاير مع تولين للاحسن
لميس : الله يعين
عمر يناظر لميس اللي لابسه عبايتها : وانتي وين طالعه
لميس : مع بنات عمي للمول ... طفشانه قلت اغير جو
عمر : مع السواق
لميس : أكييييييد
عمر : اهاااا اوكي ... انا بروح اشوف تولين واقعد معها شوي
عسى ولعلى القى تغيير
دق جوال لميس
لميس ناظرت جوالها ورفعت راسها لعمر : جو بنات عمي يالله عمورتشي ... سياااااا
عمر ضحك على لميس : هههههه بحفظ الرحمن
نزلت بسرعه لميس مع الدرج وسلمت على امها وطلعت
___________
دخل البيت يحس انه دايخ يبي ينام
اليوم ابو خالد كررررفه بالشغل .. بحجة انك ماتشتغل دايم
ام خالد : هلا يمه راجع بدري اليوم
مشاري : ايييه يمه فيني نوووم برووح انام المغرب صحيني يمه
ام خالد : طيب ياعيون امك تغدا اول
مشاري : مالي نفس يمه يالله بطلع انام ..
طلع
ام خالد : الله يرزقك ببنت الحلال اللي تصونك ياوليدي !! ..
صحح نسيت اكلم ام العنود بموضوع العنود خل اكلمها الحين !!
__________
ببيت ابو العنود ...
البنات طلعو وهي قعدت عند التفزيون ..
دق التلفون وقامت ترد ..
ام العنود : الوو
ام خالد : هلا والله
ام العنود : هلاوغلا كيفك ياام خالد ؟؟
ام خالد : الحمد لله بخير ياوخيتي .. انتي كيفك ؟؟
ام العنود : والله الحمدلله .. بس تعرفين طفشانه ابو العنود طلع ينام والبنات طلعو يتجهزون للزواج خبرك قرب
ام خالد : اييييه الله يعين .. البنات كلهم طالعين
ام العنود :اييه كلهم
ام خالد : حتى العنود
ام العنود استغربت : ايه حتى العنود ليه ؟؟؟
ام خالد : اجل اسمعي ...
____________
بالسياره ..
عبدالله : هلا والله بذا الصوت كيفك ؟؟
عبدالكريم : اووووه الاخلاق ضابطة اليوم .. تمام انت كيفك
عبدالله : والله بخير وكل شي ماشي زي ماابي .. ايش هالاصوات عندك
عبدالكريم بعد عنهم شوي : ههههه اللي خبري خبرك ... احم من يوم ماطلعت لورا من الشقة وانا قالبها .. ياخي يجوني بنات خققققه من جد
عبدالله : ههههههههه عاد انت ماتتحمل على طول افتراس
عبدالكريم : ههههههههه عارفني ...
عبدالله : طيب طيب ... بقولك كيف دخلت بيت بدر
عبدالكريم : هههههه فاتك يوم دخلت السكين بيده ...
عبدالله : انا اسالك من وين دخلت ؟؟
عبدالكريم : مع شباك المطبخ حقهم ... وهربت منه بعد ..
عبدالله : كفووووووووووووو
_____________
دخل عليها عمر
وقعد جمبها
عمر : حبيبت قلب اخوها كيفها
تولين بهدوء : ماشي الحال
عمر : ليش ماطلعتي معهم للمول؟؟
تولين : مالي نفس
عمر قرب راسها لصدره وصار محوطها بيده : ليش مالك نفس
تولين : فاتح تحقيق .. ولا قلبت كونان
عمر : هههههه .. والله اذا تبيني اقلب كونان عشانك واحل مشاكلك ماعندي مانع ... الا سمعتي عن الجمعه اللي بتصير
تولين : Yes you heard of the { نعم سمعت بها }
عمر : اكيد بتروحين ؟؟
تولين :Certainly not { بالتاكيد لا }
عمر : ليه انشاءالله
تولين : مالي خلق اروح
عمر قام من عندها
وهو عند الباب
عمر : تولين ترا بتروحين غصب عنك سامعه ... يكفي عزله عااد
طلع من الغرفة
وهي تنهدت ومسكت جوالها وكتبت :
أنشتاق لك يامن في قبرك ؟؟


انشتاق لشخص ميت ؟

انشتاق لشخص لايحدثنا ,ولانسمع صوته الا في احلامنا ؟؟؟


انشتاق لشخص فارق الحياة وودعها ولم يعد له وجود


انشتاق لشخص لم نعد نراه الا في أوهامنا ؟؟


انشتاق لشخص اصبح تحت التراب ؟ انشتاق للتحدث والجلوس مع شخص مغمض العينين


في قبره ؟؟ انمسك صورته ونحدثه كأنه امامنا ؟؟؟


انمسك صورته ونشكي له لوعه فراقه وكأنه مسافر دون عوده ؟؟؟!!!!



انمسك صورته ونتكلم معه بصوت مسموع


.....هو لايسمع اصواتنا لكن صورته تسمع اصواتناالتي تتحدث وتبكي


ايحدث ان نفتح الباب باأنتظار وصوله ولانجده ؟؟؟!!!


ايحدث ان نتمنى ان يرى ملابس العيد التي نرتديها ؟؟


ايحدث ان نتوقع انه هو من على الهاتف ؟؟!!

الم يعد للأحياء دور ؟؟؟؟


الم يعد للأشخاص الذين على قيد الحياة معنى او وجود ؟؟؟؟

أأنتهى العالم من البشر المتفهمين ؟؟؟؟


الم يعد بمقدور الأحياء القيام بدور من فارق الحياة ؟؟؟؟؟


احاسيس غريبة


شوق غريب




ومشاعر اغرب !!!!!!!


العلاقه غريبه ولاحاسيس والمشاعر اغرب .........


أأصبحنا نحدث الصوره ونشتاق للميت ونبكي عليه ومعه وعلى حضنه ايضا ؟؟؟؟؟


أهذه اسئله مضطرب عقليا او به حالة عدم توازن ؟؟؟؟


أجهل هذه العلاقه وهذا الشوق وهذه المشاعر ؟؟؟؟؟




& & &

__________________
ام خالد : والله ياختي انا جايتك .. اطلب يد بنتك العنود ..
لولدي خالد ...
ام العنود انبسطت : والله هذي الساعة المباركه ياام خالد ..
نتشرف بنسبكم لنا ... بس تعرفين لازم اشاور العنود اول ..
ام خالد : تسلمين ياعمري ... اكيييييد لازم موافقتها ...
وحتى ان رفضت ... ماراح تخرب علاقتنا ..
ام العنود : اكيييد ياقلبي ماراح تخرب .. بعدين ليه ترفضه رجال وينشرى نسبه بفلوس .. بس عطيني ثلاث ايام بالكثير اسبوع ؟؟
ام خالد : خوذو وقتكم .. هذا زواج موب لعبه ..!!
ام العنود : تسلمين ...
ام خالد : اجل انا بسكر رجع ابو خالد ...
ام العنود : بحفظ الله ... يالله مع السلامة ..!!
سكرت منها ..
ام العنود : زواج غلا مابقى عليه شي ... وهذاها العنود انخطبت وانشاءالله توافق ... وتتزوج ... بس بقى ذا العنيده ملاك ... لو بس ترضى وتغير اللوك حقها ... كان الخطاب يصيرون صف على الباب
... آآآآآه الله يصلحك يمه ... من ضربك ابوك وانتي متغيره ...
والله يايمه ماكنت قاصده كنت احس قلبي يتقطع وهو يضربك ... بس شسوي ... هذول اهلي وماارضى عليهم ... وبعدك عني يايمه يقطع قلبي !!!
__________
بالسوق ...
ملاك تناظر غلا : انتي مامليتي ... شوفي شكثر الاكياس اللي معك
غلا ناظرت الاكياس اللي معها : ماتشوفيني اجهز جهازي
ملاك : واللي بالبيت .. كبر الله جووورك
العنود : غلاوي ماعليك منها شوفي هذا المحل
ملاك طارت عيونها ..
لميس اللي معها موكا بارد من د.كيف : ههههههه اقوول ملووك ايش بتلبسن بالزواج ..
ملاك وهي مبسوطه : بدله بنطلون رسمي وقميص وجاكيت رسمي اشتريته بالبيت الحين هوو ..
لميس : احلفي وبقوووه بعد ... لعنبو دارك انتي اخت العروس
ملاك: واذا
لميس : راح تلبسين فستان
ملاك : ههههههههههاي ضحكتيني وربي ... مستحييل
لميس تناظرها بنص عين : بتلبسين يعني بتلبسين سامعه
ملاك دخلت معها المحل وهي تتحلطم
_____________
فيصل : ايووه عمر ماراح تجي
عمر : بالكفي ..
فيصل : اييه
عمر : مين فيه
فيصل : كلنا فيه
عمر : يعني مين فيه
فيصل : كلنا فيه ماعادا مشاري وانت
عمر : اهاااا اشوف ...
فيصل : ننتظرك
عمر : انا قلت اشوو
سكر فيصل بوجهه
عمر: النذللللللللل