رضيت أحبك وبس مافيه عقب الروح روح

58

بعـــد ثلاث أيـــام

بالأستوديو ..

ماسك الجيتــار .. ويعزف ..


عبدالسلام : أَنِــيْ أَرْجَعْ لِكْ جِـذِبْ .. ضَيَعِتْنِيْ بِلاَ ذَنِـــبْ .. أَنِيْ رَدِيْــتْ أِعْتِبَاَرِيْ .. هَــاَيْ مُوُ قَسْوَةْ قَلِــبْ .. رَاَجِعْ شْجَاَبَكْ عَلَيََهْ .. رَاَجِعْ وِشْ عِنْدَكْ جِدْيِدِ .. رُوُوُحْ مَاَرِيْدَكْ تِجِيِنِيْ .. لَاتِرْجَعْ لِيْ مَاأَرِيِــــدْ .. رُوُوُحْ مَاَيِهِزِنِيْ بَجِيّيّكْ .. ضَيَعِتْنِيْ مِــنْ أَيْدِيْكْ .. حَتْىَ لَوْ نَــاَدْمْ عَلَيَــهْ .. أَنِيْ مُوْ نَاَدِمْ عَلِيْــــكْ .. اِمْسَحْ دُمُوُعَكْ بِيّدِيْكْ .. بَعْدْ مَاتّهْزْنِيْ اَلَّدُمُوُعْ .. هَذَاَ مُوُ مِقْيَاَسِيْ دَمْعَكْ .. مِــنْ بَجَه بِكْدِّي اَلّشْمٌٌوُعْ .. رَاَجِعْ وشجَاَبَكْ عَلََيَهْ رَاَجِعْ وِشْ عَنْدَكْ جِدِيِدْ .. رُوُوُحْ مَاَرِيْدَكْ تِجِيْنِيْ .. لَاتِرْجْعْ لِيْ مَاَاَرِيْدْ ..


سمع صوت تصفيق ووقف ولف وراه ..

ولا تولين وعبدالكريم .. واقفين
أبتسم على مضض
عبدالكريم : ماشاءالله أبدعــــــت جميل صوتك
عبدالسلام بمحاولة لإستلطافه : أدري منت أول واحد يقول
تولين اللي أنحرجت من رد عبدالسلام : أحم يالواثق أنـــت
عبدالسلام ناظرها : أكيــــد واثق .. فيه نــاس ينتظرون وقفتي على المسرح .. إذا عرفو أني بشارك ..
عبدالكريم أبتسم ويمشي جهة الجيتارات ويناظرها ويلمسها : حلوو مغني يعني
عبدالسلام : تقدر تقول ..
عبدالكريم : هذا الأستوديو لك ؟؟؟
عبدالسلام : أيييه حقي ..
عبدالكريم : حلوو .. طيب فيه أحد يجي عنــدك يعني يغني
عبدالسلام : ياكثر أسألتـــك
عبدالكريم لف عليه وناظره من فوق إلى تحت : أنـــت لييه تتكلم معي كذا ؟؟
عبدالسلام : اللي على راسه بطحه يحسحس عليها ..
عبدالكريم ناظره : وش قصدك
عبدالسلام : أبـــد سلامتك .. أعتذر منكم أنــا عندي شغل الحين لازم أروح أخلي لكم الأستوديو مفتوح
تولين : لا حتى حنا بنطلع .
عبدالسلام : أيوه يكون أفضل .. يالله مشينا ..
طلعو تولين وعبدالكريم .. قبله برا ..


تولين : أنــا آسفه على أسلوبه ..
عبدالكريم ناظرها وأبتسم : لا عادي ياقلبي .. أمم أنــا فيه عندي مشوار الحين أرجعك للبيت
تولين : لاتيسر لطريقك وأنــا أدل طريق البيت مو لازم أعنيك
عبدالكريم : شدعوى تعبك راحه .. يالله أستأذن
تولين : أذنك معك بحفظ الله ..


طلع عبدالسلام ..
تولين لفت تناظره : أنـــت لييه كذا تتكلم
عبدالسلام : أنــا كذا أسلوبي إذا مابلعت الشخص مااقدر أجامله .. مااحب أعيش بوجهين
تولين : أييي عاد مو كذا
عبدالسلام رفع حاجبه وهو يناظرها : تحاسبيني على أسلوبي أنتي ؟؟
تولين : أفف ماقلت أنــا كذا
عبدالسلام : بمشي أنا
تولين : لاا أنت مو صاحي من متى تعاملني كذا
عبدالسلام لف وصرخ فيها : من اليوم عندك مانع خلاص أتركيني بحالي
تولين ناظرته بنص عين : عاد أنــا اللي ميته فيه روح درب يسد مايرد
عبدالسلام ضغط على يده ومشى ..




مَن يكْسرُ قلوب النــآس، سَيجدُ حَتمآ' مَن سَيكسِر قَلبهُ !


____________________


مشى يده على حواجبه .. وطاح منها شعر ..
غمض عيونه وبقلبه : هذا الكيماوي بدا يأثر فيني .. صــرت نحيف بشكل ملحوظ .. والكل صار ينظر لي نظره الرحمه .. أنــا مو كاسر خاطري إلا إياد كل ساعه يتصل طمني عليك ماتحتاج شي .. صح أنــا أنبسطت أنو رجع لكــن الأهتمام الزايد مااحبه !؟ أتقو يسون عيد ميلاد تولين .. أفف أنــا مااعرف بشغلات الحريم ولا أدري أيش أجيب لها .. شكلي بوصي نادين تجيب لي معها .. يــاربي يادندون كسرت قلبك يوم دريتي انو فيني الكانسر .. كنتي مأمله أننا نتزوج ونخلف ههه والله مااظن ياقلب أحمد مــاأظن .. أحس نهايتي قريبه والله أحس نهايتي قريبه ..


صحاه من هواجيسه .. الدم اللي نزل من خشمه ..



.. بحجم أنفااس هَذا اﻟعالم
لک اﻟحمد ياَ الله *'
_____________________

كان داخل جو بالأوراق اللي بين يدينه يعبيهم ويكتب فيهم ..
لكـــن قطع عليه .. شغله هواجيسه اللي ودته لبعيـــــــد ..

رامي بقلبه : شفت عبدالكريم مع تولين وبــاين مبسوطين هههه الله يهنيهم ..
والله الله يهني عبدالكريم بتولين .. هذي المخلوقه صعبة المنــال هه كــان نفسي أنــا اللي أكون مكانه .. والله حاولت حاولت أحب غيرك لكن ماقدرت أنــا رامي اللي بس أأشر بيدي يجون البنات يركضون لمي وتولين ياجبل مايهزك ريح .. ياخي مستعد أفرش لها الأرض ورد وتمشي عليه .. يمــكن من الأول لو اني ماسك قلبي عن حبها يمكن قدرت أنساها لكــن الحيــن .. تطالبني أنساها مااقدر وصل حبها فيني لمراده .. طيب وش ضارها لو هالفرصه اللي أعطتها لعبدالكريم اعطتني أياها .. بس آآه ومليون آآآآآآآه وحتى عبدالكريم ماراعى أنو كان في بين صداقه من زمان .. ههه من زمــان من قبل ايسلك الطريق اللي هو سالكه الحين !! .. الحين ؟؟ معقوله عبدالكريم للحين على دشارته .. لالا لو هو للحين كذا كان ماوافقت عليه تولين .. والله والله ياعبدالكريم لو أسمع أنـــك مأذي تولين بيوم .. لتشوف شي مايسرك .. أفف هذي كانت بتكون زوجة الغالي .. يالله ياريان مو لو أنك عايش للحين كان كل شي بخير .. أستغفرالله اللهم لا أعتراض .. عيدميلادها قرب قرب .. وماابغى أحضره أخاف ينجرح قلبي أكثر مما هو منجرح الحين الله يهديك ياتولين كيف كسرتي قلبي كذا .. يـــاربي صبرني بس ..



للدنيآإ قآنون يسمى " ـآلدورآن
گل مآ تفعلهہ ة سيعود إليگ )"
و لو بعد حين ..♡


______________________


شافها جالسه وملقيه الباب ظهرها .. أبتسم على هذي الأنسانه اللي حبها من كل قلبه حب كل مافيها عفويتها .. ضحكها وأحيانا عربجيتها ..

مشى لمها .. وباسها بقوه من خدها ..

ميس أبتسمت : يامرحبا يامرحبا نورك غطى الكهربا
عبدالسلام : هههههه ياهلابك ياقلبي .. أخبارك
ميس : كويسه .. وأنــت
عبدالسلام : مدام القمر تمام فأكيد عبدالسلام تمام التمام
ميس : هههههه دووم يارب
عبدالسلام : تدومين لي
ميس ناظرته وأبتسمت بعدين تذكرت وقطبت حواجبها : الحين وشوله تضايق حبيبة عمري
عبدالسلام : يالهوي هي وصلتك الأخبار بسرعه أزاي
ميس بجديه : عبدالسلام أنا أتكلم بجديه .. لاتستهبل
عبدالسلام : قبل ماتبدى السوالف أيش تاكلين
ميس أنقهرت من تصريفه لها : زيك
عبدالسلام نادى الويتر وجاء وطلب منه ..
ميس : لاتصرف رد علي
عبدالسلام : مييس أنــا هالرجال ماابلعه بعدين تصرف صديقتك غبي مررره يعني يستفز الشخص اللي مايستفز !!
ميس : أنــت وش عليك منها حياتها وهي أبخص فيها
عبدالسلام : آآآه بتفهميني أنها أخص .. لا حبيبتي هذا تصرف غبي ولو يدل على شي يدل على أنها غبيه
ميس عصبت : لاتسبها
عبدالسلام : ميس أنــا مقهور أنها راح تضيع حياتها مع واحد مايستحق ثانية تفكير فيه
ميس : أعيد وأكرر هي حياتها وتعيشها مثل ماتبي
عبدالسلام : ورامي ؟؟؟؟؟
ميس : الحين اللي هامك رامي وماهمتك تولين وسعادتها ؟؟
عبدالسلام : تهمني سعادة الأثنين .. وبكرى راح تجيك تولين ندمانه ومسكوره وقولي عبدالسلام ماقال
ميس تنهدت ..
وعبدالسلام صار يناظر من الزجاج حق المطعم .. ويهز رجله بقوه
ميس حطت يدها على يده : حبيبي والله داريه خايف عليها لكن عشان خاطر تولين عامل عبدالكريم بأسلوب لطيف شوي
عبدالسلام مسك يد ميس : عشان خاطرها بس .. والله ماحد يعرف عبدالكريم كثري هذا أنسان لوتي
ميس : هههههه اهااا عجبتني لوتي هذي ضيفها للقاموس
عبدالسلام : ههههههه شفيك طلعت غصب اللهجه العراقيه
ميس : يالبى اللهجه العراقيه وصاحبها
عبدالسلام حط يدينه على الطاولة بيقوم : والله أتهور
ميس : لالا اقعد
عبدالسلام : جاي على بالي أستكان تشاي
ميس : ياحياتي تعال عندي للبيت .. وأسويلك أحلى استكان شاي
عبدالسلام : أيوه كذا تكلمني إذا كنتي معي
ميس رمشت بعيونها وبدلع : مااعرف كثير تعلمني
عبدالسلام قام من مكانه وقعد جمبها وحاوطها بيده : أكيييد كم عندي ميس أنــا
ميس أبتسمت وهمست : أحبــــك
عبدالسلام .. حط جبهته على جبهتها وخشمه لاصق بخشمها : وأنــا أحبج أكثر منك وأكثر من أي قصه حب بالدنيا
ميس : عبدالسلام توعدني
عبدالسلام : بأيش
ميس : ماتتركني أبد
عبدالسلام : ماراح أتركك إلين مايكفنوني باأبيض
ميس : بسم الله عليك
عبدالسلام شاف نظرات الخوف بعيونها .. وجذبته وقرب بيبوسها ..

ولا الويتر : { أحم سيدي لقد ووصل الغداء }
عبدالسلام بعد عن ميس ..
وميس وجهها أحمر ..

^ نسو بلحظه أنهم بمكان عام ..




وَحينْ تَسآلني ~ :
كَيفَ أنت ~ ؟
يَتجمَع الكَلآم عِند مَخرج نُطقِي ~
فَ أود أن أخبرِِك ~ . .
كَم أحبِك .. كَم أفتَقدك ~
كَم أشتآقَكـ . . ~
كَم أتنَفسِك ..
كَم أتوَجع كَم أختَنِق عِندمآ لَآ أتَكَلم مَعك ~
كَمْ أتمنَى و أتمنَى ..
فَ أختَصِصر وَ أخبِرك .. ~

وأنآ بِخير لأنِك بِخير


_______________________


أبو بدر : دخلت غرفتك
بدر بلع ريقه : أيوه
أبو بدر : أهاا .. رجعت الذكريات هاه
بدر : يببه
أبو بدر : صدقني ماسامحتك إلا عشان الغلا اللي كانت تكنه لك أمك
بدر نزل راسه وبدى يشرح وهو يحرك يده : ماتدري كيف الذكرى رجعت لي بقوه وأنا أشوف أثر الدم الناشف على الأرض والشال ( رفع رسه ) الشــال ( أبتسم ) كانت أمي دايم تحب تلبس بالصيف الإيشاربات الخفيفه .. المشجره ههه كانو حلوين عليها
أبو بدر وهو يتذكر ويبتسم : أيييه كان كل شي على أمك حلو شقد حبيتها الله لايذوقك من الكاس اللي شربت منه ..
بدر : أأأخ بس لو يرجع الزمن لورا
أبو بدر : ههه ماراح يرجع شي لورا واللي فات مات
بدر بهدوء وبهمس مسموع : ما مات .. كيف مات وأنــا أشوف الغرفة المشؤمه قدامي كيييف ؟؟؟

سكتو شوي ..
وبعدها تكلم بدر :
يمه كتبتك فوق صفحات الأوراق ... وانتي بقلبي لو كتبتك بالغيوم
يمه أحبك دام بي قلب خفاق ..ومحتاج لك أكثر من أيام مفطوم
يمه حنيني يزيد وتزيد الأشواق .. واحتاج لك في فرحتي وكل الهموم
يمه في قربك كل لحظه بها اشتاق .. وش عاد بعدك والرضا منه محروم
يمه فمان الله والدمع دفاق .. دمعي سبقني قبل ما سافر اليوم

أبو بدر أبتسم : صح لسانك
بدر أبتسم بألم : صح بدنك ..


_______________________

ملاك أبتسمت وهي تقعد جمب مشاري ..

ملاك : مشغول
مشاري : الشغل كاثر مرره
ملاك : ربك يعين
مشاري : تدرين .. أحمد ربي مليون مره أن هذيك المشكله صارت وأنت معنا سوا
ملاك : كل شي وفيه خيره
مشاري : يسلم لي العقل .. هههه من يوم ماحملتي عقلتي
ملاك : ههههه ماقدر أنطط وأناقز يطيح ولدك بعدين . أقوم
مشاري أرتعب ومسكها : لالا أجلسي صدقتي أصلا كذا أحلى
ملاك : ههههههه


_______________________


فــي اليوم الثاني ..

دخلت للجامعه .. ولفت عيونها على الساحه الخاجيه من الجامعه ..
ودخلت داخل .. ولقتها قاعده لابسه نظارتها السودا الكبيره وحوايفها حمرا ..
وماسكه كتاب بيدها تقرا فيه .. وقدامها كوفي ..


توجهت لها وقعدت ..

تولين ولاحتى تنزلت ترفع عيونها وتشوف مين اللي جلس معها عل نفس الطاوله ..
ميس : صباح الفل ياأمـر
تولين رفعت عيونها وأبتسمت : صباح الورد ياعسل
ميس : هههه الأخت قاعده منعزله ماهي مصادقه أحد من الجامعه
تولين قطبت حواجبها : لااا ماابي ..
ميس : كييف التخصص أن شاءالله حلوو
تولين :لا الحمدلله حلوو بعدين قانون .. فلله
ميس : ههه ربي يسهله عليك ..
تولين : انتي ماجيتي لهنا إلا بتقولين شي وأقرا بعيونك كلام كثير تكلمي ..
ميس : تولين أنتي عمرك خفيتي عني شي ؟؟
تولين بستغراب : لاا
ميس : أببد ولا شي
تولين خافت أنها عرفت عن الموضوع : أنتي تلفين وتدورين أيش تبين
ميس : تكلمي معي بصراحه .. عن سعود !! سعود وش سوا لك
تولين أنتفضت وسكرت الكتاب : ماسوا شي
ميس : تولييين
تولين .. مسكت الكتاب وحطته بشنطتها وقامت ..

تولين : عن أذنك ميس عندي محاضره الحين ..
مشت وميس ناظرتها إلين مااختفت عن عيونها ..
قامت ميس من الطاوله .. ومسكت نظارتها الشمسيه وبتمشي ..

وقابلت سعود ..
رفع سعود حاجبه : أووووه جايه هنا وش جايبك !!
ميس بعصبيه وهي تهدده ورافعه أصبعها السبابه بوجهه : شوف سعود بعد عن تولين أحسن لك لا والله تشوف شي تندم على الساعه اللي تعرضت لتولين فيها

وجت بتمشي .. ومسكها مع عضدها بقوه ألمتها ..
ميس بألم : آآآآه
سعود وهو صار على أسنانه : أنتي مو من مصلحتك تتدخلين بيني أنا وتولين ولا والله لا تندمين على الساعه اللي تكلمتي معي فيها وهذاني حلفت والله
ميس : نتقابل أنا وياك بيوم .. تركني ( نفضت عضدها من يده ومشت )
وهو ناظرها إلين ماأختفت وأبتسم على جنب : نتقابل أنا وياك ليه لا والله لاأسود عيشتك والله



افهمني كما تريد لكن لاتحملني ذنب سوء فهمك *!""


_______________________

ومـــرت الأيـــام تتلوهــا الأيــــــــــام ..
( تولين بهذا اليوم دخلت عمر جديد .. دخلت الــ 22 مـــن عمرها .. )

ماهي عارفه أنهم مسوين لها عيد ميلاد ..
قامت الصبح على عادتها .. بتطلع للجامعه ..
لكــن لقت بجوالها مسج من ميس .. وكــان محتواها ( سلام توتو حبيبتي أول ماتقرين الرساله تعالي لمي للبيت ضروري تكفييين ياقلبي )

قامت غسلت .. ولبست وطلعت من البيت الهدوء ..
تولين بقلبها : من يوم ماجينا لهالبيت والهدوء طاغي عليه مدري عشان البيت كبير مانسمع أصوات ولا مدري وش جايهم هاجده شياطينهم .. ههه حسيت بفقد صوتهم ..


مشت لبيت ميس وضربت الجرس ..
وفتحت أم ميس ..


تولين : { مرحبا سيده فكتوريا }
فكتوريا ( أم ميس ) : { أهلا بك .. هل لي أن أساعدك }
تولين : { نعم جئت لرؤية ميس }
وماامداها تكمل إلا وميس جايه تركض ..
ميس : هلاو غلا
تولين : ياهلابك ..
ميس : تفضلي معي { أمي سوف نذهب إلى غرفتي }
فكتوريا : { حسن }


أم ميس أصلها عربي .. لكــن من يوم ماجو لبريطانيا نست أصلها ونست المكان اللي تنتمي له .. وماعاد تتكلم عربي كله أنقلش

أمــا ميس وأبو ميس يتكلمون سوا بالعربي ..



دخلو غرفة ميس ..

تولين : شفت رسالتك وجيت على طول
ميس : تولين طلبتتتتتتتتتك
تولين : أيش ؟؟
ميس : اليوم فيه وحده عازمتني على حفله عيد ميلادها .. عاد أبي أحد يروح معي تكفيييين
تولين : لالا تعرفين ماحب هالحركات
ميس : تكفييييين كم عندك ميس أنتي
تولين تنهدت : أوك .. مالي نفس أرجع للبيت أخذ ملابس
ميس بسرعه نطت عند دولابها وطلعت فستان باين جديد ..
ميس :هذا لك
تولين ناظرتها بنص عين : كأنك واثقه أني بروح وشاريه فستان بعد
ميس أرتبكت : هاه لاا هذا فستان جديد أنا شريته ومالبسته .. ومدري تخيلتك فيه وكذا يعني
تولين : ايوووه ومتى أن شاءالله تبينا نروح ..
ميس : امم مدري متى ماخلصت ..
تولين : ومتى بتخلصين حضرتك
ميس : كذا العصر نروح
تولين ناظرت سااعتها ولاها تشير للـ 12:00 م
تولين : يمديني أروح للجامعه
ميس : لالا
تولين لفت عليها : شفيييك؟؟
ميس : أقصد أقعدي معي وأصلا الجامعه خلاص فاتتك الحين
تولين : أنتي مو طبيعيه اليوم !! إلا عندي محاضره الحين
ميس : خلاص بروح معك
تولين : طفله أنــا ؟؟
ميس : لا بطلع أشم هوا وكذا
تولين : يالله أمشي ..
ميس لبست شوزها ( الله يكرمكم ) ومشت مع تولين ..


______________________


ببيت أبو بدر خبصه وأزعاج .. كل واحد ماسك شغله
وللي يصرخ على لثاني .. يعني قممه بالأزعاج ..


مشاري كان طالع يركب زي الزينه .. مكتوب عليها ( Happy baerth day toleen)

وعمر ماسك له السلم .. وبحركه نذاله من عمر ..
هز السلم .. وأنفجع مشاري ..


مشاري : عممممممممممممممر
عمر : ههههههههههههه عليك شكل وأنت متمسك وخايف تطيح ههههههههههههههه ياربي بسسس
مشاري معصب : ترا الحين أنزل أتضارب معك
عمر : هههههههههه شوف شغلك بس
مشاري رفع حاجبه : مخيييس
عمر : وأنت أخيييس


______________________


العصر كــان كل شي جاهز ..
الأرض أمتلت بالونات .. والسقف تقريبا أمتلى بالونات الهيليوم ..



كان إياد يمشي ... وداس على بالونه وأنفجرت ..

وأنفجع عبدالسلام لأنه كان ملقيه ظهره ولف على إياد : إيـــاد يامال الثوول
إياد : ههههههه أسف ماكنت أقصد أخرعك ..



_____________________


لبست تولين الفستان .. والهايهيلز .. وسوت شعرها بالسيراميك .. صار لها زمان ماسوت شعرها كذا ..


كان فستاانها .. أسود دانتيل مبطن بأحمر مايل للأورنج .. وفتحه سبعه من قدام وسبعه من ورا .. وأكمامه كت .. كان فوق الركبه على طول .. ولابسه سندل ( يكرم القارئ ) أسود ومسكره على أول ساقها عاليه من ورا .. رسمت الكحل الفرنسي فوق عيونها ... وحطت مسكارا .. وحطت روج أحمر مايل للأورنج .. ولبست نظارتها ولفت على ميس ..

ميس قامت عندها وسحبت النظارة من وجهها ..

ميس : كذا أحلى .. تشوفين !!
تولين : يب أنا أصلا أشوف.. بس كذا ألبسها دايم .. بس عند القراءة مااشوف زين مره
ميس : يبقى تلبسينها عندالقرائه أوك ياحلوه ..
تولين : هههه يصير خير ..
ميس سكرت النظارة وحطتها على تسريحتها .. وطلعو سوا ..


ميس كانت لابسه .. تنوره بيج طويله من ورا وقصيره من قدام .. وقميص أسود مدخلت داخل التنوره .. ولبست سندل كعب أسود ويتسكر بسير عريض على ساقها وعلى جنب السير فيه ورده كبيره شوي بيج .. وكانت حاطه ميك أب خفييف ..



بعد ربع ساعه بالضبط وصلو لبيت أبو بدر ..

تولين أستغربت : ليه جايين هنا ؟؟
ميس :فيه شغله باخذها من نادين هي قلت تعالي خوذيها .. تعالي معي داخل
تولين : لا أنزلي جيبيها بسرعه
ميس : لاا أمشي معي
تولين : أفف الله يصبرني عليك ..

نزلو سوا تولين تمشي قدام ميس .. وميس أنرسمت على وجهها أبتسامه
تولين لفت عليها وعلى طول أختفت أبتسامة ميس

تولين رفعت حواجبها : أنتي مخبيه شي اليوم .. ( وصرخت ) تعالي أمشي جنبي
ميس : طيب طيب لاتعصبين ..

مشو سوا

تولين : غريبه البيت أنواره مطفيه !
دخلو داخل وأشتغلت الأنوار .. وتولين متفاجأة وهي تشوف الزينات والبالونات بكل مكان ..

والكل بدا يغني لها أغنية عيد الميلاد ..

لميس مشت لمها وهي راسمه الكشره وش كبرها ..

لميس ضمها : كل سنه وأنتي طيبببه .. وعقبال المليون سنه
تولين للحين تناظر بذهل
عمر : لايكون ماعجبك بكفخ مشاري
مشاري : وش دخلني أنــا هذي خططك
تولين : هههههه

وسكتت وحمر وجهها خجل .. وبدا الكل يبارك لها بدخولها للعمر الجديد
وسحبوها عشان تقطع الكيكه ..

ورامي واقف يتأمل فيها وبجمالها .. وهي تضحك وتتكلم مع الكل ووجها الي حمر بابدايه .. أبتسم يعشقها حتى وهي كاسره قلبه !!


نفخت الشموع اللي على عدد عمرها .. وبعده قطعت الكيكه ..

بعدها بدقايق صارو متجمعين على بعض بالصاله وجالسين فيها ..

والكل قعد يقدم هديتها ..

ميس : تفضلي يااحلى تولين واروع تولين ..
تولين : طيييب أنتي بشوف شغلك بعدين كذا تحرجيني
ميس : ههههههههههه


يلدا تقدمت لها وباستها ..
تولين : حبيبتي ماما
يلدا مدت لها مفتاح : تفضلي
تولين قطبت حواجبها ..
والكل أستغرب من الهديه
تولين أخذت المفتاح وقعدت تقلبه شوي .. وكأنها بدت تربط الاشياء ببعضها ..

مفتاح ذهبي .. وفيه كرستال يلمع باين مو رخيص .. لكن نفس الصندوق اللي عندي فوق ..


تولين رفعت عيونها ليلدا
ويلدا أبتسمت وأشرت براسها أيه ..
طلعت تولين بسرعه فوق .. وجابت الصندوق ونزلت ..
وقعت ..


وعبدالعزيز أنصدم ..
وتولين وهي تمسك المفتاح .. وتدخله بالصندوق .. ينعاد براسها كلام إليزابيث ( جبت لك الصندوق وعليك المفتاح وإذا يأستي ومالقيتيه صدقيني بيجي يوم ويعطيك إياه أحد )

فتحت الصندوق .. والكل متحمس بيعرف أيش فيه ..
شافت ورقه بيضاء فيه بس باين عليها الزمن ..


فتحتها وصارت تقرا

وعبدالعزيز يفرك بيدينه ببعض متوتر ..

شوي وبدت تولين ترجف وعيونها أمتلت بالدموع



_______________________


ليسَ مِن الجميل أن نعرفَ كلَّ شيءْ !
فَـجَهلُ بعضِ الأشياءِ (راحَة)