TDBS1: Darkest Touch - COMPLETED (PUBLISHED under Precious Pages: LIB Bare)

CHAPTER 2

CHAPTER 2

SEVEN-THIRTY dumating si Jan Irish sa bahay ni Tegan Galvante. Nang mag doorbell siya, may isang lalaking medyo may katandaan na ang nagbukas ng pinto.

"Magandang umaga ho, ma'am." Magalang nitong bati sa kaniya.

"Magandang araw din." Jan Irish smiled. "Ako po si Jan Irish, nandito ba si Mr. Galvante?"

"Ah, ikaw pala si Miss Jan Irish." Niluwagan nito ang pagkakabukas ng gate. "Pasok ho kayo Miss Jan Irish. Kanina pa po naghihintay ang mga labahan ni Sir Tegan."

Bigla siyang nasamid sa narinig. "Ho?"

Nakangiwi itong ngumiti. "Yan po ang sabi ni Sir Tegan kanina bago siya umalis para mag jogging."

Nagtagis ang bagang niya. Talagang aalilain siya ng lalaking 'yon? Letseng buhay 'to, oh. Pero para sa interview niya, magagawa niya ang lahat.

"Sige po." Pumasok siya sa loob ng gate. "Nasaan ang mga labahan niya?"

"Sundan niyo po ako, Miss Jan Irish." Anang lalaki saka nauna nang naglakad sa kaniya.

Jan Irish sighed and followed the man.

Ihinatid siya nito sa laundry room. May dalawang washing machine do'n at may label ang bawat isa. Ang nasa kanan ay para sa mga dekolores na damit, ang isa naman ay para sa mga puti.

Hmm. Pati paglalaba, organized.

"Iyan po ang mga labahan ni Sir Tegan." Tinuro ng lalaki ang dalawang plangganang puno ng damit.

Napanganga siya at hindi makapaniwalang bumaling sa lalaki. "Ano 'yan, dalawang buwan siyang hindi naglaba?" Puno ng sarkasmo ang boses niya.

Nagkibit balikat lang ang lalaki, "maiwan ko na po kayo, ma'am." Anito saka iniwan siya sa laundry room.

Napabuntong-hininga nalang si Jan Irish saka napatingin sa kaniyang outfit of the day. She's wearing a very beautiful dress and a stiletto. Naka-braid pa ang buhok niya at ang ganda ng pagkaka style. At mawawasak lahat iyon ng dahil sa dalawang plangganang labahan ng hinayupak na lalaking 'yon.

Speaking of that guy, kailan kaya niya ito makikita? She wants to see his face again, especially his to die for eyes.

Marahas niyang ipinilig ang ulo. Dapat hindi siya nag-iisip ng ganoon. Argh!

Huminga ng malalim si Jan Irish bago gumalaw sa kinatatayuan niya. Sana pagkatapos niyang maglaba ay buhay pa siya. Buwesit!

TINANGGAL ni Tegan ang earphone na nasa taenga niya ng makapasok sa loob ng bahay. Naliligo siya sa sariling pawis dahil katatapos lang niyang mag jogging.

Kaagad siyang nagtungo sa kusina habang tinutuyo ang pawis gamit ang face towel na nakasampay kanina sa balikat niya. Nang makarating sa kusina, nagsalin siya ng isang basong tubig sa baso saka uminom.

Nang mawala na ang uhaw na nararamdaman, inilapag niya ang baso sa lababo, tamang-tama naman na pumasok si 'Tay Berto sa kusina. Ito ang magsisilbing katulong niya sa bahay.

"Magandang umaga ho, Sir Tegan." Bati kaagad nito sa kaniya ng makita siya.

He smiled at the old man whom he already considers a family. Kahit kasi kailan, hindi niya ito nakakitaan ng pagkadisgusto sa pangit niyang pagmumukha. Siguro dahil alam nito ang pinagdaanan niya.

"Magandang umaga rin, 'tay Berto." Balik nati niya rito. "Siyanga pala, dumating na ba si Jan Irish?"

Baka nag back-out na 'yon. Sa isip-isip niya.

"Oho, Sir, nasa laundry room na."

Namilog ang mga mata ni Tegan. "Narito talaga siya?"

"Seven-thirty palang, Sir, dumating na siya."