[Seven-Minute Semblance] GODSFORRENT & FIMBULWINTER

FIMBULWINTER || Chapter 10 - Open Minds

Futhark.

13. September.
Monday, 12 nn.
Churros Shop.

HINDI KO alam kung paano ako nademonyo nina Joyeuse at Edward para mag-cutting sa Intro to Criminology. Tatlong oras na kami rito sa Churros Shop, wala naman kaming ginagawa. Ah, si Edward pala meron, sa laptop niya. Si Joyeuse, hindi ko alam, nananalangin yata sa kape niya.

Ang sabi ni Joyeuse sa 'kin kanina, ipapaliwanag niya sa 'kin ang iimbestigahan namin bukas, pero sabi ko rin naman kanina, ipapaliwanag ko sa kanya ang nangyari kahapon kina Sir Lance at Sir Arthur.

Naghihintayan ba kami na magpaliwanag ang isa?

"Ano, Joyeuse," tawag ko. Nakuha ko ang atensyon nilang dalawa. "'Yung tungkol sa sasabihin mo na gagawin bukas..."

"Gagawin bukas?" tanong ni Edward. "That's great, I was just planning to go somewhere. Saan lakad natin?"

"It's actually just me and Futhark," sabi ni Joyeuse.

Nagtaas ng kilay si Edward. "A'right then. I'm cool with that." Sumimangot siya kay Joyeuse at pinagpatuloy ang pagta-type sa laptop niya.

"So... anong plano bukas?" tanong ko. Humarap na ako kay Joyeuse. "Anong iimbestigahan natin?"

"Investigating without Edward, the most useful member. That's pretty cool," pabulong na parinig ni Edward. "Planning in front of his face, too."

"Isali na natin si Edward. May kinalaman ba sa mama niya ang—"

Tumikhim si Joyeuse. "No, we're going to investigate the seemingly spontaneous combustion that occurred at Orchid Street. It was Futhark's fault so I was planning to bring him alone and give him a hard time."

Siningkitan siya ng mata ni Edward. Nagtatakang siyang bumigkas, "Kasabay ba ng paglabo ng mata mo ang paglaho ng konsensya mong gago ka?"

"Did you know there's a connection between myopia and height spurts?"

"You wanna fucking fight?"

"It was a fun fact."

"Futhark is taller than you so shut your coffee-hole up."

"Futhark, have you ever been to the eye doctor?"

Umiling ako. "Hindi namin afford."

"Futhark, ilan 'to?" Edward raised up two fingers.

I waved both of my arms around. "'Yung investigation, 'yung investigation! Anong gagawin natin sa Orchi—"

Kaagad akong tumahimik nang may lumapit na empleyado ng Churros Shop. May iniaabot siyang card kay Joyeuse. Hindi siya nilingon ni Joyeuse, pinasadahan lang ng mata niya ng tingin mula ulo hanggang beywang.

"Hi sir, dahil kayo ang isa sa mga unang customers namin simula noong nagbukas itong shop at lagi kayong bumibili rito, binibigay po namin 'tong loyalty card. Makaka-discount po kayo kapag bumili kayo ng churros at may free cup of coffee kada purchase."