الحلقه { 2 }
( هدير رنت الجرس )
غادة : ادخلو جوا انتو ومحدش يخرج
عمر : مش نشوف مين بيرن الجرس ؟
غادة : ادخل يا عمر ومطلعش ظاربينى
عمر : حاضر داخل يلا يا بنات
( داخل كل واحد اوضته )
غادة : وحيات ربنا لأخليه يوم اسود عليكى يا بتاعت الحقن انتى ( فتحت الباب )
هدير : ( وهى مفحومه من العياط وعنيها حمره زى الدم ) السلام عليكم
غادة : ( وهى متفجئه من منظرها ) عليكم السلام نعم ؟
هدير : بابا هنا هو قالى اجيلو على البيت
غادة : لا مش هنا فى التصوير
هدير : طيب انا اسفه انى ازعجتك ( وراحت سابتها ونزلت اول سلمتين وفضلت تعيط )
غادة : استغفر الله العظيم ( قربت منها وقفت جنبها ) انتى ايه عمل فيكى كدا ؟
هدير : أمير اتجوز زينه وسبنى انا
انا اللى وقفت جنبه كنت جاريه تحت رجليه اسندو واغيرلو على جرحه واروح واجى معاه على العلاج الطبيعى اول ما قدر ووقف على رجله راح واتجوز زينه اللدغه
غادة : طب اهدى متزعليش اصلا الرجاله كلها واطيه ومتستهلش
يا بت بطلى عياط يغور واحد يجى غيره دا ميستهلش
طب قومى ادخلى جواه
هدير : جواه فين ما بابا مش هنا
غادة : قومى بس ادخلى جواه قومى معايا
( داخلو هما الاتنين الشقه وغادة قفلت الباب )
هدير : اقلع الجزمه ؟
غادة : طبعا معلش عشان انا اللى بنظف هنا اتفضلى اقعدى هنا فى الصالون
هدير : ( قعدة على الكنبه وفضلت تعيط )
غادة : ( قعدة جنبها وطبطبت عليها ) بس بقى دانتى عيوطه اوى
هدير : كلهم نصحونى انى ماسبش حامد واتخطب لأمير وانا بغبائى مسمعتش كلمهم مشيت ورا قلبى انا خسرت كل حاجه كل حاجه
غادة : اجمدى كدا مفيش حد بيخسر كل حاجه ، انا هقوم اعملك ليمون عشان تهدى ( قامت وقفلت على هدير الباب )
( خرج عمر من اوضتو )
عمر : انا لازم اعرف ايه بيحصل فى بيتى انا مش طرطور
غادة : ولا هديك على عينك ادخل جواه
عمر : مين اللى فى الصالون ؟
غادة : انا عارفه انه يوم اسود تعالى ( ومسكته من قفاه وداخلت اوضت البنات )
عمر : متمسكنيش كدا هو انا حرامى غسيل
