اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
الحلقه { 10 }
محمد : السلام عليكم ( بيبص على التليفزيون )
يا ليله سودا يا يوم ما طلعتلوش شمس
انته يا بابا بتتفرج على مين توفيق ؟
فتحى : ايه برنامج الراجل بيقول كلام صح
محمد : يعنى انا افضل فى الميدان 18 يوم ثوره ويضرابونا بالخرطوش والغاز وطالع عين اللى خلفونا السنه كلها وفى الاخر ارجع البيت القاك فتحلى ده بتتفرج على توفيق الراجل ده ضد الثورة ؟
فتحى : لا ما هو رجع وقال انه هو اللى كان بيساند الثوره بس بطريق غير مباشر
سميه : مالو يا يابنى ما الناس كلها بتتفرج عليه دا راجل كويس اوى وبيفهم الناس البلد ماشيه ازاى دا دكتور ده
محمد : مرارتى هتتفقع يامه حرام عليكم دم الشهاء حرام
فتحى : فى ايه يلاه ما كل اصحابى والجيران بيتفرجو عليه دا عامل اعلى نسبت مشاهده
محمد : معشان كدا نقول عاوزين رائيس وزاره من الثوره جابولنا واحد من ثورة 1952
فتحى : هههههههه 25 من 52 مفرقتش ههههههههه
محمد : بسمه امالنا راح يا بسمه تعبنا وشقانه راح خلاص
فتحى : طب انته عارف الراجل رائيس الوزره اللى مش عاجبك ده ده ايام ما كان ماسك الوزاره زمان كيلو اللحمه كان ب 20 جنيه
سميه : اه والفراخ الكيلو ماكنش بيعدى 5جنيه والله كانت ايام هنا اللهم عدها ايام
محمد : يارتنى مت قبل ما اسمع الكلام ده بسمه
بسمه : هههههههه نعم
محمد : غطينى وصوتى
بسمه : ( غطته بالطرحه على وشه ) يالهوى مكنش يومك يا بعلى
شادى : ( خرج من الاوضه مفزوع ) ايه فى ايه انتى بتولدى
محمد : مش هى اللى بتولد انا اللى بولد
فتحى : انته ايه مدايقك انا عاوز افهم
محمد : اللى مدايقنى يا بابا ان انته والجيل بتاعك عاوزين ترجعونا لوارا تانى احنا جبنا الحريه والكرامه وانتو مش عاوزنها
