اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
الحلقه { 6 }
( وفى الصبح )
هدير : صباح الخير يا خالته ؟
أميرة : صبح النور يا حبيبتى ادخلى انتى خبطى على الباب ليه براحه كدا مرنتيش الجرس ليه ؟
هدير : عشان لو نايمه ماصحكيش ، انا قولت انزل اشوف لو محتاجه حاجه اعملها معاكى
أميرة : ربنا يخليكى ليه اخواتك لسه فوق ؟
هدير : اه نيمين زى القتله هههه
أميرة : بس والله حبتهم خصوصا الواد ابو لسان طويل ده
هدير : هههههه ونورة شفتيها وهى بترقص على التربيظه ؟
أميرة : اه شفتها عسل والله ربنا يخليكم لبعض
هدير : يا رب ويخليكى انتى وخالو فتحى ليه يا رب ، طب ايه مش هتعملى فطار للعرايس ؟
أميرة : ماليش نفس اعمل حاجه
هدير : لا ازاى لازم تعملى فطار عشان حتى أم حامد وأم زينه مش عاوزين حد يتكلم علينا
أميرة : انتى عندك حق بس انا من جوايا مش عاوزه كل واحد منه لله بقى
هدير : ايه هو حصل حاجه ؟
أميرة : قومى معايا على المطبخ طيب عشان سامى بيبقى نايم ورامى ودنه تعالى
( داخلو المطبخ )
أميرة : امبارح حضرت العشا حمام محشى وملوخيه وشوربه ومكرونه بالشامل ورقاق باللهمه وفرخ مشويه العشا ده وحش ؟
هدير : وحش لا طبعا هو فى احلى من كدا ؟
أميرة : وعملت صنيتين وحده لفرحه وواحده لأمير
دخالت بتاعت فرحه واديت الصنيه لأمير شويه ولقيت أمير جايب الاكل زى ما هو فا بقوله ماكلتوش ليه يقولى الاكل مش حلو وكمان متقدم بشكل يقرف
هدير : وده بقى رأى أمير ولارأى الهانم ؟
أميرة : تلاقى رأى الهانم طبعا
هدير : خلاص خليها تاكل اكل امها هى امها جابتلها عشا ايه ؟
أميرة : عشا دى ماجبتش كباية ذبادى والله ياهدير من امبارح وانا دمى محروق
