اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
الحلقه { 8 }
زينه : ماشى بس بسوعه أميو كان هيتجنن عليها لما أتاخوت خلى دمى يتحوق
بسمه : وحياتك عندى لأحرقلك دمها دلوقتى اصبرى بس
زينه : هتعملى ايه ؟
بسمه : لا دى لازم اقعد كده واتكتك لها بس اوعدك قريب اوى وهتفشهالك
زينه : اوك هعتمد عليك سلام بقى عشان أميو جاى باى
**** ( بقلم هند محمد @isis Mohamed ) ****
بسمه : اطفشك ازاى اطفشك ازاى اكيد ليكى طريقه منك لله يا هدير انتى واللى زيك
( فضلت بسمه قاعده فى اوضتها تفتكر ايام زمان )
بسمه : ماما انا حامل وهو لازم يتكفل بابنه دا عندو فلوس قد كدا
المحامى : ايوه بس فى اول الاتفاق اتفقنا ان الجواز هيبقى شهر ومفيش حمل والفلوس اللى اتفقنا عليها خاتوها يبقى مالوش لازمه الحمل
بسمه : طب انا حامل دلوقتى اعمل ايه؟
المحامى : نزليه عمليه صغيره مش هتاخد ربع ساعه وتخلصى
أبو بسمه : بس يعنى دا كدا يبقى حرام نقتل روح
ألمحامى : لا حرام ولا حاجه مش احسن ما يجى عيل الدنيا وابوه مش جنبه وبعدين خلينا نخلص دانا جايبلك عريس مريش وهيدفع كاش
بسمه : بس انا اخاف اعمل عمليه زى دى
المحامى : خايفه من ايه العمليات دى بقت سهله زى الزايده بقت اسهل كمان
أبو بسمه : طب يعنى ابو الواد مش هيدفع حاجه تعويض عن الواد اللى هنزله ده
بسمه : بابا انا مش هموت ابنى
أبو بسمه : اخرسى يابت هو انا لاقى أاكلك انتى واخواتك لما كمان اجيب عيل صغير لاانتى تنزليه ونرتاح
بسمه : طب هشتغل انا وهصرف عليه بس بالله عليكم تخلوه
المحامى : انتى متمسكه بيه اوى كدا ليه انتى لسه صغيره مكملتيش 18 سنه بكرا تكبرى وتتجوزى جواز بجد وتخلفى
ابو بسمه : جواز بجد ليه انته مش قولتلى ان ده جواز حلال وشرع ربنا ؟
المحامى : اه طبعا انتى راضى والعروسه راضيه وفى مهر وشبكه وفى اشهار واعلان يبقى حلال
