اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
الحلقه { 32 }
أميرة : انته جيت كويس هتروح معانا بكرا لهدير فى شقتها الجديده ؟
أمير : شقتها الجديدة ؟ ازاى يعنى عند ابوها تقصدى ؟
أميرة : ابوها ايه واحنا ايه هيودينا عند ابوها
سامى : لا يا أمير دى هى اشترت شقه ليها ومش هتصدق فين ؟
أمير : ( قعد وهو مش همه الكلام ) هيكون فين يعنى ؟
سامى : فى دريم لاند
أمير : هههههه بتهزر يا بابا دريم لاند وهى دى وش دريم لاند
أميرة : بس يا قليل الادب ، مالها متشبهش ولا ايه يا أميو ، دى هدير ست البنات كلهم ربنا واقف جنبها والرزق بيجلها كدا من عند ربنا ، مش زى وش الفقر اللى لبسنها والله واعلم هنخلص منها ولا لا
سامى : ايه انتى للدرجادى مبقوقه منها عملتلك ايه زينه ؟
أميرة : سامى اسكت بدل متفتح فيك انته مش قدى
سامى : خلاص ربنا يكفينى شرك ست مفتريه
أميرة : يلاقول انته كمان هتروح ولا لا ؟
أمير : ماما دريم لاند ايه اللى هدير تسكن فيها انتى عارفه اقل شقه هناك بكام ؟
أميرة : اصلك متعرفش انا هحكيلك
**** ( بقلم هند محمد @isis Mohamed ) ****
بسمه : لقت اعلان فى الفيس وصاحب الشقه عارضها للبيع عشان مسافر وهى راحت واشتارتها ب 60 الف جنيه بس
محمد : ومين المجنون اللى يبيع شقه ب 60 الف ازاى يعنى لامش مقتنع
بسمه : والله هو ده الكلام اللى سمعته وهى عزامتهم كلهم يوم الثلاثاء اللى هو بكرا يعنى يتفرجو على الشقه ويقضو اليوم
محمد : طب وهتجيب عفش منين ولا هتاخد عفشها القديم ؟
بسمه : ماهو اللى فارسنى ان كمان الشقه مفروشه وكمان فيها جاكوزى تخيل
محمد : هههههههه لابتهزرى دا اهبل ده ولا ايه اللى يبيع شقه مفروشه بالسعر ده ؟
بسمه : مش بيقولو الطيور على اشكالها تقع هى هبله وقعت فى واحد اهبل
