اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
الحلقه { 39 }
هايدى : المستوى مش بس فلوس كمان ادب واخلاق وهى متربيه
غدير : ربنا يخليكى ليه يا مرات اخويا يارب
ها يا عمى برضو مش عاوز تيجى ؟
زكريا : غدير دى باين عليها انها اصغر منك
غدير : 10 سنين بس مش كتير
زكريا : الفرق دا انت مش حسه عشان انته لسه 35 سنه بس لما تكبر وتكون انته 55 وهى لسه 45 هتحس بيه
غدير : انا عاوز هدير ولو على موضوع السن ليه متقولش لما تكون اصغر منى هتكون احسن انها تربى ولادنا احسن وكمان لما اكبر هى تاخد بالها منى
أم غدير : طب اهلها موفقين ؟
غدير : هى كلمت ابوها من شويه وهو موافق يقابلنا
زكريا : بص انته عشان انته تهمنى وانته زى محمود ومصطفى وربنا عالم انا بحبك ازاى انا هاجى معاك بس اقسم بالله لو لقتهم ناس مش كويسين هسحبك من قفاك وهنمشى انا مش هجوك واحده اهلها مش محترمين
غدير : مع اعتراضى على انك تسحبنى من قفايه بس انا واثق ان اهلها كويسين وكويسين اوى كمان بقولك ابوها ممثل وكمان دكتور فى المعهد العالى لفنون مسرحيه
مصطفى : بس يا رب بقى مايمثلش علينا
غدير : مصطفى قول كلمه حلوه
أم غدير : انا بقول انا وانته يا زكريا وغدير نروح نقابلهم الاول مجرد تعارف والله لو عجبونا خلاص ربنا يتتم على خير لو ماعجبوناش نمشى ومنتكلمش فى حاجه
زكريا : بس هو دا اللى يحصل
محمود : طب انا مش هاجى معاكم
هايدى : اه وانا انا عاوزه اروح
زكريا : هى رحله ، محدش هيروح غير احنا الثلاثه
**** ( بقلم هند محمد @isis Mohamed ) ****
نورة : ( قامت من النوم مفزوعه )
هدير : ايه مالك ؟
نورة : حلمت حلم وحش التنين بيجرى ورايه وعاوز يبلعنى
هدير : تنين لا نامى مفيش تنانين نامى
نورة : ( قامت من على سريرها وراحت ناحيت سرير هدير ) نيمينى جنبك انا خايف
