اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
الحلقه { 11 }
هدير : الو
حامد : كل سنه وانتى طيبه وعقبال مليون سنه
هدير : مين بيتكلم ؟
حامد : نسيتى صوتى يا ام بوتى
هدير : هههه بوتى اممممم يبقى انته حامد
حامد : برافو عليكى شطوره بس انا زعلان منك
هدير : ليه ؟
حامد : مش بتكلمينى ولابتسئلى عليا حتى الاسكايب والفيس مابقتيش تفتحى خالص
هدير : انا لاغيت الحساب القديم وعملت فيس واسكايب جداد
حامد : اممممم طب ممكن اد بقى ونتكلم دلوقتى على الفيس
هدير : انا عاوزه انام دلوقتى
حامد : متزعلنيش منك بقى دانا بكلمك فون والدقيقه غاليه عشان دولى
هدير : الدقيقه غاليه ماشى يا بخيل طب والله هقفل الموبيل ومش هعملك اد غير بكرا سلام ياجلده ( وقفلت الفون )
يا ساتر بخيل وجلده
الساعه 1 يا دوب انام واشبع نوم
**** ( بقلم هند محمد @isis Mohamed ) ****
شادى : نمتى ؟
أيه : لايا شادى البابى بيشلت مش عارفه انام
شادى : طب عاوز اتكلم معاكى عشان اللى حصل ده انا مش هسمح انه يحصل تانى
أيه : وهو ايه اللى حصل ؟
شادى : 1 صوتك اللى بيعلى عليه اليومين دول بسبب ومن غير سبب
2 غيرتك من هدير اللى ملهاش اى اساس وانتى عارفه هدير عندى ايه
3 بسمه اللى كل ما ارجع من باره القيها قاعده جنبك وتودودلك
ممكن اعرف تفسير لل3 حاجات دول
أيه : انا صوتى عالى عشان حامل وتعبانه واكيد انته عارف ان الست الحامل وهى حامل بتبقى مش متظبطه نفسيا اقل حاجه بتعصبنى
وغيرتى من هدير انا حسه انك بتعاملها بحنيه اوى كدا وسهوكه وتفضل تقولها يا قمر يا جميل والمفروض متقولش لحد غيرى انا كدا
