ﻓﻲ ﺑﻴﺖ ﺑﻮﺫﻳﺎﺏ ﺍﻟﻤﻐﺮﺏ ﺑﻌﺪ ﺍﻟﺼﻼﺓ ... ﻛﺎﻥ ﻳﺎﻟﺲ ﺫﻳﺎﺏ ﻭﺃﺑﻮﻩ ﻭﺃﻣﻪ ... ﻭﻳﺤﺎﻭﻝ ﻳﻔﺎﺗﺤﻬﻢ ﺑﻤﻮﺿﻮﻉ
ﺯﻭﺍﺟﻪ. ..
ﺫﻳﺎﺏ: ﺃﺑﻮﻳﻪ ﺃﻣﺎﻳﻪ ﺃﺑﺎﻛﻢ ﻓﻲ ﻣﻮﺿﻮﻉ
ﺑﻮﺫﻳﺎﺏ: ﺭﻣﺲ ﻭﻟﺪﻱ ﻧﺴﻤﻌﻚ
ﺫﻳﺎﺏ: ﺃﻧﺎ ﺃﺣﻴﻦ ﻛﺒﻴﺮ ﻭﻋﻤﺮﻱ 27 ﺳﻨﺔ ﻭﻛﻞ ﺭﺑﻌﻲ ﺇﻟﻲ ﻓﻲ ﻋﻤﺮﻱ ﻋﺮﺳﻮﺍ ﻭﻋﻨﺪﻫﻢ ﻋﻴﺎﻝ ..
ﺃﻡ ﺫﻳﺎﺏ : ﻫﻴﻪ ﻭﺍﻟﻠﻪ ﻳﺎﻭﻟﻴﺪﻱ ... ﺃﻧﺖ ﻋﺎﺩ ﺃﻧﺮﻓﻀﺖ ﻣﺮﺓ ﻭﺣﺪﻩ. .. ﻗﻠﺖ ﺧﻼﺹ ﻣﺎﺑﻰ ﺃﻋﺮﺱ .. .ﺗﺮﺍﻩ
ﻳﺎﻭﻟﻴﺪﻱ ﻣﻮﺏ ﻛﻞ ﺍﻟﺒﻨﺎﺕ ﺷﺮﺍﺕ ﺑﻌﺾ .. .
ﺫﻳﺎﺏ: ﺃﻋﺮﻑ ﻓﺪﻳﺘﺞ ﺭﻭﺣﺞ. .. ﻋﻠﺸﺎﻥ ﺟﻴﻪ ﺃﻧﺎ ﺃﺭﻣﺴﻜﻢ ﻓﻲ ﻫﺎﻟﺴﺎﻟﻔﺔ ... ﺃﺑﺎﺝ ﺗﺨﻄﺒﻴﻠﻲ
ﺃﻡ ﺫﻳﺎﺏ ﻭﻣﺘﺸﻘﻘﻪ ﻣﻦ ﺍﻟﻮﻧﺎﺳﻪ : ﻓﺪﻳﺖ ﻭﻟﺪﻱ ﺃﻧﺎ. .. ﺍﻟﺤﻤﺪ ﻟﻠﻪ. . ﺍﻟﻠﻪ ﻫﺪﺍﻙ
ﺃﺑﻮﺫﻳﺎﺏ: ﻳﺎ ﻭﻟﺪﻱ ﻓﻲ ﻭﺍﻳﺪ ﺣﺎﻟﺘﻬﻢ ﺷﺮﺍﺗﻚ ﻭﺃﺭﺩﻯ ﻣﺘﻴﻮﺯﻳﻦ ﻭﻋﻨﺪﻫﻢ ﻋﻴﺎﻝ
ﺃﻡ ﺫﻳﺎﺏ : ﻣﻦ ﺑﺎﺟﺮ ﺑﺴﻴﻴﺮ ﻋﻠﻰ ﻗﻮﻡ ﻋﻤﺘﻚ ﻓﻄﻴﻢ
ﺫﻳﺎﺏ ﻋﺎﻗﺪ ﺣﻴﺎﺗﻪ : ﻟﻴﺶ
ﺃﻡ ﺫﻳﺎﺏ : ﻟﻴﺶ ﺑﻌﺪ ... ﺑﺴﻴﺮ ﺃﺧﻄﺐ ﻟﻚ ﻣﺮﻳﻮﻡ ﺑﻨﺖ ﻋﻤﺘﻚ
ﺫﻳﺎﺏ: ﻻ ﺃﻣﺎﻳﻪ.. . ﺍﻟﻠﻪ ﻳﺨﻠﻴﺞ ﻣﺎﺑﺎﻫﺎ
ﺃﻡ ﺫﻳﺎﺏ : ﺷﻮ ﻓﻴﻬﺎ. ..ﺑﻨﺖ ﺣﺸﻴﻢ.. .ﻭﻣﺨﻠﺼﻪ ﺟﺎﻣﻌﺔ ﻭﻣﺰﻳﻮﻧﻪ ﻭﺃﻟﻒ ﻣﻦ ﻳﺘﻤﻨﺎﻫﺎ
ﺫﻳﺎﺏ: ﺍﻟﻠﻪ ﻳﻮﻓﻘﻬﺎ. ..ﺑﺲ ﺃﻧﺎ ﻣﺎﺑﺎﻫﺎ
ﺃﺑﻮﺫﻳﺎﺏ ﻳﻄﺎﻟﻌﻪ ﺑﻨﺺ ﻋﻴﻦ : ﻋﻴﻞ ﻓﻲ ﺑﺎﻟﻚ ﻭﺣﺪﻩ
ﺫﻳﺎﺏ: ﻣﻤﻤﻤﻤﻤﻤﻢ ﻫﻴﻪ
ﺃﻡ ﺫﻳﺎﺏ : ﻣﻦ ﻗﻮﻡ ﻣﻨﻮﻩ
ﺫﻳﺎﺏ: ﻧﺎﺱ ﺗﻌﺮﻓﻮﻫﻢ
ﺃﺑﻮ ﺫﻳﺎﺏ: ﻣﻨﻮﻩ؟
ﺫﻳﺎﺏ: ﻣﻦ ﻗﻮﻡ ﻣﺤﻤﺪ ﺑﻦ ﻣﺒﺎﺭﻙ
ﺃﺑﻮﺫﻳﺎﺏ ﻳﻔﻜﺮ: ﻣﺤﻤﺪ ﺑﻦ ﻣﺒﺎﺭﻙ
ﺫﻳﺎﺏ : ﺇﻟﻲ ﻳﺴﻜﻨﻮﺍ ﻓﻲ ﺍﻟﻘﺮﻳﺢ
ﺃﺑﻮ ﺫﻳﺎﺏ: ﻫﻴﻪ ﻗﻮﻡ ﻣﺤﻤﺪ ﺑﻦ ﻣﺒﺎﺭﻙ ﻋﺮﻓﺘﻬﻢ ﻭﺍﻟﻨﻌﻢ ﻓﻴﻬﻢ
ﺃﻡ ﺫﻳﺎﺏ : ﻫﻴﻪ ﻋﺮﻓﺘﻬﻢ ﺃﻡ ﺳﻴﻒ. ..ﻫﺬﻳﻼ ﻋﻨﺪﻫﻢ ﺑﻨﺘﻴﻦ ﺑﺲ ﺗﻮﻡ
ﺫﻳﺎﺏ ﻓﺎﺝ ﻋﻴﻮﻧﻪ: ﺗﻮﺃﻡ
ﺃﻡ ﺫﻳﺎﺏ : ﻫﻴﻪ ﺗﻮﻡ .. .ﺃﻋﺮﻑ ﺷﻤﺎ. .. ﺍﻟﺜﺎﻧﻴﺔ ﻣﺎﺷﻔﺘﻬﺎ
ﺫﻳﺎﺏ ﻣﺒﺘﺴﻢ : ﻫﻴﻪ ﺷﻤﺎ
ﺃﺑﻮﺫﻳﺎﺏ: ﻫﺎ ﻳﺎﻭﻟﻴﺪﻱ ﻭﻳﻦ ﺷﻔﺘﻬﺎ ﻭﻣﻦ ﻭﻳﻦ ﺗﻌﺮﻓﻬﺎ
ﺫﻳﺎﺏ ﺑﺨﺠﻞ : ﻣﻤﻤﻤﻢ ﺷﻔﺘﻬﺎ ﻓﻲ ﺍﻟﺤﺪﻳﻘﺔ ﻭﻳﺎ ﺑﻨﺎﺕ ﺧﻮﺍﻧﻬﺎ ﻳﻤﻜﻦ
ﺃﻡ ﺫﻳﺎﺏ : ﺃﻋﺮﻓﻬﺎ ﻣﺎﺷﺎﺀ ﺍﻟﻠﻪ ﻋﻠﻴﻬﺎ ﻣﺰﻳﻮﻧﻪ ..ﺑﺲ ﻳﻌﻨﻲ ﺟﻴﻪ ﺷﻔﺘﻬﺎ ﻓﻲ ﺍﻟﺤﺪﻳﻘﺔ
ﻭﺧﺒﺮﻫﻢ ﻋﻠﻰ ﻛﻞ ﺷﻲﺀ ﻭﻛﻴﻒ ﻋﺮﻑ ﺑﻨﺖ ﻣﻨﻮﻩ ﻫﻲ. ..
ﺫﻳﺎﺏ: ﺍﻧﺰﻳﻦ ﻣﺎﻗﻠﺘﻮﺍ ﻣﺘﻰ ﺑﺘﺴﻴﻴﺮﻭﺍ ﻋﻠﻰ ﺍﻟﻌﺮﺏ
ﺃﺑﻮ ﺫﻳﺎﺏ: ﻫﻬﻬﻬﻬﻬﻬﻬﻬﻬﻬﻪ ﻣﺴﺘﻌﻴﻞ ﺃﺷﻮﻓﻚ
ﺫﻳﺎﺏ: ﺧﻴﺮ ﺍﻟﺒﺮ ﻋﺎﺟﻠﻪ
ﺃﺑﻮﺫﻳﺎﺏ: ﺇﻥ ﺷﺎﺀ ﺍﻟﻠﻪ. .. ﺟﺮﻳﺐ
ﺫﻳﺎﺏ: ﻳﻌﻨﻲ ﻣﺘﻰ
ﺃﺑﻮﺫﻳﺎﺏ: ﺯﻳﻦ ﻳﻮﻡ ﺍﻟﺨﻤﻴﺲ
ﺫﻳﺎﺏ: ﻭﻟﻴﺶ ﻣﻮﺏ ﺑﺎﺟﺮ
ﺃﺑﻮﺫﻳﺎﺏ: ﺍﻟﻌﺮﺏ ﻳﻤﻜﻦ ﻣﺸﻐﻮﻟﻴﻦ. ..ﺃﺣﺴﻦ ﻳﻮﻡ ﺍﻟﺨﻤﻴﺲ ﻳﻮﻡ ﺇﺟﺎﺯﺓ
ﺫﻳﺎﺏ: ﻳﻮﻡ ﺍﻟﺨﻤﻴﺲ ﻳﻮﻡ ﺍﻟﺨﻤﻴﺲ
ﻛﺎﻥ ﺫﻳﺎﺏ ﻣﻦ ﺍﻟﻮﻧﺎﺳﻪ ﻣﻮﺏ ﻗﺎﺩﺭ ﻳﺼﺪﻕ ﺇﻧﻪ ﻳﻮﻡ ﺍﻟﺨﻤﻴﺲ ﺑﻴﻜﻮﻥ ﻣﻮﻋﺪ ﻳﺮﺑﻄﻪ ﺑﺸﻤﺎ.. .ﻭﻓﻲ ﻧﻔﺲ
ﺍﻟﻮﻗﺖ ﻛﺎﻥ ﺧﺎﻳﻒ ﻳﻨﺮﻓﺾ. .. ﻭﺣﺲ ﺇﻧﻪ ﺗﺴﺮﻉ ﻭﺍﻳﺪ .. .
ﻓﻲ ﻧﻔﺲ ﺍﻟﻮﻗﺖ ﻓﻲ ﺑﻴﺖ ﺑﻮﺳﻴﻒ ﻛﺎﻧﺖ ﺷﻤﺎ ﻳﺎﻟﺴﻪ ﻭﻳﺎ ﺳﻌﻴﺪ ﻭﻣﺒﺎﺭﻙ ﻓﻲ ﺍﻟﺼﺎﻟﺔ ﻳﺘﺎﺑﻌﻮﺍ
ﻣﺒﺎﺭﺍﺓ ﻓﻲ ﻗﻨﺎﺓ ﺑﻮﻇﺒﻲ ﺍﻟﺮﻳﺎﺿﻴﺔ .. .ﻭﻳﺎﻟﺴﻴﻦ ﺗﺤﺖ ﺍﻟﺘﻠﻔﺰﻳﻮﻥ. ..ﻛﻞ ﻭﺍﺣﺪ ﻣﻨﻬﻢ ﻣﻨﺴﺪﺡ ﻓﻲ ﺟﻬﻪ
ﻭﺟﺪﺍﻣﻬﻢ ﺻﺤﻦ ﻓﻴﻪ ﻣﻜﺴﺮﺍﺕ.. . ﻭﺳﻌﻴﺪ ﻃﺒﻌﺎ ﻣﺎﻣﻘﺼﺮ ﻛﻞ ﺷﻮﻱ ﻳﺴﺐ. .. ﻭﻫﺎﻟﺸﻲ ﺗﻌﻮﺩﻭﻩ
ﻣﻨﻪ ... ﻣﻊ ﻛﻞ ﻫﺠﻤﻪ ﺳﺐ. ..
ﺷﻤﺎ ﺇﺩﺯ ﺳﻌﻴﺪ ﻋﻠﻰ ﺟﺘﻔﻪ: ﺃﻳﻪ ﺗﺮﺍﻩ ﺭﺃﺳﻲ ﻋﻮﺭﻧﻲ ﻣﻦ ﺣﺴﻚ ..ﺑﺲ
ﺳﻌﻴﺪ: ﺑﺎﻟﻠﻪ ﻋﻠﻴﻜﻢ ﻫﺬﻳﻼ ﻟﻌﻴﺒﻪ.. . ﻭﺍﻟﻠﻪ ﻟﻮ ﻳﻠﻌﺒﻮﺍ ﻣﻜﺎﻧﻬﻢ ﻭﻻﺩ ﺣﺎﺭﺗﻨﺎ ﺑﻴﻠﻌﺒﻮﺍ ﺃﺣﺴﻦ ﻣﻨﻬﻢ
ﺷﻤﺎ : ﻳﺎﺧﻲ ﺍﻟﻠﻌﻴﺒﻪ ﻣﺘﻮﺗﺮﻳﻦ.. . ﺑﻌﺪﻳﻦ ﻻﺗﻨﺴﻰ ﺇﻧﻬﻢ ﻳﻠﻌﺒﻮﺍ ﺑﺮﻉ ﺃﺭﺿﻬﻢ ﻭﺟﻤﻬﻮﺭﻫﻢ
ﻣﺒﺎﺭﻙ ﻓﻲ ﺃﻳﺪﻩ ﻓﺴﺘﻖ ﻳﺄﻛﻠﻪ : ﻣﻤﻜﻦ ﺗﺼﺨﻮﺍ ﺃﻧﺖ ﻭﻳﺎﻫﺎ
ﺩﺧﻞ ﻧﺎﺻﺮ ﺍﻟﺼﺎﻟﺔ ﻭﺷﺎﻓﻬﻢ ﻋﻠﻰ ﻫﺎﻟﺤﺎﻟﻪ: ﺣﻮﻭﻭﻭﻭﻭ ﺃﻧﺘﻮﺍ ﻣﺎﻭﺭﺍﻛﻢ ﺷﻐﻠﻪ ﻏﻴﺮ ﺍﻟﺘﻠﻔﺰﻳﻮﻥ ﻭﺍﻟﺴﻮﻧﻲ
ﻣﺒﺎﺭﻙ ﻭﺣﻠﺠﻪ ﻛﻠﻪ ﻓﺴﺘﻖ: ﻣﻤﻢ ﻳﻌﻨﻲ ﺷﻮ ﺗﺒﺎﻧﺎ ﻧﺴﻮﻱ ﻋﻤﻲ.. ﺇﺫﺍ ﻇﻬﺮﻧﺎ ﻧﻬﺰﺑﻨﺎ ﻭﺇﻥ ﻳﻠﺴﻨﺎ ﻧﻬﺰﺑﻨﺎ
ﻧﺎﺻﺮ ﻳﻀﺤﻚ ﻋﻠﻰ ﺷﻜﻞ ﻣﺒﺎﺭﻙ :ﻫﻬﻬﻪ ﺻﺦ ﺑﺎﻟﻠﻪ ﻋﻠﻴﻚ .. ﺃﻧﺖ ﺍﻟﻤﻔﺮﻭﺽ ﻳﺴﻮﻟﻚ ﺭﺟﻴﻢ ﻗﺎﺳﻲ .. . ﻻ ﻭﺍﻟﺤﺒﻴﺐ ﺣﺎﻁ ﺟﺪﺍﻣﻪ ﺻﺤﻦ ﻣﻜﺴﺮﺍﺕ
ﺷﻤﺎ : ﻫﻬﻬﻬﻬﻪ ﺧﻠﻪ ﻳﺤﻠﻴﻠﻪ
ﻧﺎﺻﺮ ﻭﻫﻮ ﻳﻴﻠﺲ ﻋﺪﺍﻟﻬﻢ : ﻫﻴﻪ ﻳﺤﻠﻴﻠﻪ
ﻣﺒﺎﺭﻙ: ﻓﺪﻳﺖ ﻋﻤﺘﻴﻪ ﺃﻧﺎ .. ﻣﺤﺪ ﻳﻔﻬﻤﻨﻲ ﻏﻴﺮﻫﺎ
ﺳﻌﻴﺪ ﻳﻀﺮﺏ ﻋﻠﻰ ﺍﻷﺭﺽ : ﺍﻟﻠﻪ ﻳﺨﺴﻚ
ﻧﺎﺻﺮ : ﺷﻮ ﺿﻴﻌﻮﺍ
ﺳﻌﻴﺪ: ﺷﺖ.. .ﻫﻴﻪ
ﻣﺒﺎﺭﻙ: ﻏﺴﻞ ﻳﺪﻙ ﻣﻨﻬﻢ .. . ﻣﺎﺷﻲ ﻓﻮﺯ ﺍﻟﻴﻮﻡ
ﺷﻤﺎ : ﻓﺎﻝ ﺍﻟﻠﻪ ﻭﻻ ﻓﺎﻟﻚ.. . ﺑﻨﻔﻮﺯ ﺇﻥ ﺷﺎﺀ ﺍﻟﻠﻪ
ﻣﺒﺎﺭﻙ ﺻﺢ ﺃﺻﻐﺮ ﻣﻦ ﺳﻌﻴﺪ ... ﻣﻊ ﻫﺬﺍ ﻳﺒﻴﻦ ﺇﻧﻪ ﺃﻛﺒﺮ ﻳﻤﻜﻦ ﺑﺴﺒﺖ ﺟﺴﻤﻪ ﺍﻟﻀﺨﻢ. .. ﺑﻌﻜﺲ ﺳﻌﻴﺪ
ﺇﻟﻲ ﺟﺴﻤﻪ ﻣﺘﻮﺳﻂ ﺃﻃﻮﻝ ﻋﻦ ﺷﻤﺎ ﺑﺸﻮﻳﻪ.. .ﻭﺑﺄﺛﻨﻴﻨﻬﻢ ﻳﺪﺭﺳﻮﺍ ﻓﻲ ﺍﻟﺠﺎﻣﻌﺔ. .. ﺳﻌﻴﺪ ﺳﻨﺔ ﺭﺍﺑﻌﻪ
ﺟﺎﻣﻌﺔ ﺇﺩﺍﺭﺓ ﺃﻋﻤﺎﻝ .. . ﻣﺒﺎﺭﻙ ﺛﺎﻧﻲ ﺟﺎﻣﻌﺔ ﻫﻨﺪﺳﺔ. .. ﻭﻭﻳﺎ ﺑﻌﺾ ﻣﻦ ﻭﻳﻦ ﻣﺎﻳﺮﻭﺣﻮﺍ .. .ﻭﻋﻼﻗﺘﻬﻢ ﺑﺒﻌﺾ ﻗﻮﻳﺔ. ..
ﺷﻤﺎ : ﻋﻴﻞ ﻭﻳﻦ ﻋﺒﺎﺩﻱ
ﻧﺎﺻﺮ : ﻋﻨﺪ ﺃﻣﻪ
ﺷﻤﺎ ﻭﻫﻲ ﺗﻨﺶ ﻣﻦ ﻣﻜﺎﻧﻬﺎ : ﻋﻴﻞ ﺑﺮﻭﺡ ﻣﻌﻬﻢ. . ﺍﻟﻤﺒﺎﺭﺍﺓ ﻣﻤﻠﻪ.. ﻣﺎﺑﻜﻤﻠﻬﺎ.. ﻭﺧﺒﺮﻭﻧﻲ ﺑﺎﻟﻨﺘﻴﺠﺔ ﺑﻌﺪﻳﻦ
ﻧﺎﺻﺮ : ﻫﻴﻪ ﺷﻤﺎﻧﻲ ﺻﺒﺮﻱ ﺷﻮﻱ
ﺷﻤﺎ : ﻫﺎ ﺷﻮ
ﻧﺎﺻﺮ : ﻣﻨﻮﻩ ﻇﻬﺮ ﺣﻖ ﺷﻤﺴﻮﻩ ﻫﺎﻟﺮﻗﻢ ﺇﻟﻲ ﻋﻨﺪﻫﺎ ﺃﺣﻴﻨﻪ
ﺷﻤﺎ : ﺳﻤﻌﺘﻬﺎ ﺗﻘﻮﻝ ﺇﻧﻪ ﺃﺧﺖ ﺭﺑﻴﻌﺘﻬﺎ ﺗﺸﺘﻐﻞ ﻓﻲ ﺍﻹﺗﺼﺎﻻﺕ ﻭﻇﻬﺮﺗﻠﻬﺎ ﻫﺎﻟﺮﻗﻢ
ﻣﺒﺎﺭﻙ: ﺟﻴﻪ ﺷﻮ ﻋﻤﺘﻴﻪ ﺷﻤﺴﺔ ﻏﻴﺮﺕ ﺭﻗﻤﻬﺎ
ﺷﻤﺎ : ﻫﻴﻪ
ﻣﺒﺎﺭﻙ ﻭﻫﻮ ﻳﻈﻬﺮ ﺗﻠﻔﻮﻧﻪ : ﻋﻄﻴﻨﻲ ﺍﻟﺮﻗﻢ ﺑﻐﻴﺮ ﺍﻟﺠﺪﻳﻢ
ﺷﻤﺎ : ﺃﻭﻛﻰ.. .ﺭﻗﻤﻬﺎ *******
ﻣﺒﺎﺭﻙ ﻓﺎﺝ ﻋﻴﻮﻧﻪ : ﺧﻴﺒﻪ. ..ﻫﺎ ﺭﻗﻢ ﻋﻤﺘﻴﻪ
ﺷﻤﺎ : ﻫﻴﻪ ﺷﻮ ﻓﻴﻪ
ﻣﺒﺎﺭﻙ: ﺳﻼﻣﺘﺞ ﻣﺎﻓﻴﻪ ﺷﻲﺀ ... ﺑﺼﺮﺍﺣﺔ ﺭﻗﻢ ﺷﻴﻮﺧﻲ ... ﻟﻮ ﻃﻠﺒﺘﻪ ﻣﻨﻬﺎ ﻇﻨﺞ ﺑﺘﻌﻄﻴﻨﻲ
ﺷﻤﺎ :ﻫﻬﻬﻬﻬﻬﻪ ﺗﺤﻠﻢ ... ﺷﻤﺴﻮﻩ ﺗﻌﻄﻴﻚ ﺭﻗﻤﻬﺎ
ﻣﺒﺎﺭﻙ: ﻣﺎﻋﻠﻴﻪ ﻋﻤﺘﻴﻪ ﻭﺃﻋﺮﻓﻠﻬﺎ
ﻧﺎﺻﺮ : ﻣﺎﻇﻨﻲ. .. ﻫﺬﻱ ﺷﻤﺴﺔ ﻣﺤﺪ ﻳﺄﺧﺬ ﻣﻨﻬﺎ ﺣﻖ ﻭﻻ ﺑﺎﻃﻞ
ﺻﺮﺥ ﺳﻌﻴﺪ ﻓﺠﺄﺓ :ﻛﻮﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻝ ﻳﺲ "ﻭﻫﻮ ﺭﺃﻓﻊ ﺃﻳﺪﻩ ﻋﻼﻣﺔ ﺍﻟﻨﺼﺮ "
ﺷﻤﺎ ﻭﻫﻲ ﻣﺘﺸﻘﻘﻪ ﻣﻦ ﺍﻟﻮﻧﺎﺳﻪ: ﻫﻬﻬﻬﻬﻬﻬﻬﻪ ﺍﻟﻠﻪ ﻳﺨﺴﻚ ﺧﺮﻋﺘﻨﻲ
ﻣﺒﺎﺭﻙ: ﻭﺃﺧﻴﺮﺍً
ﻧﺎﺻﺮ : ﻣﺒﺮﻭﻙ ﺍﻟﻔﻮﺯ ﻣﻘﺪﻣﺎً .. . ﻣﺎﺑﺎﺟﻲ ﺷﻲﺀ ﻣﻦ ﺍﻟﻮﻗﺖ ﺍﻷﺻﻠﻲ
ﻣﺒﺎﺭﻙ ﻭﺷﻤﺎ: ﺍﻟﻠﻪ ﻳﺒﺎﺭﻙ ﻓﻴﻚ
ﺑﻌﺪ ﻣﺎﺗﺄﻛﺪﺓ ﺷﻤﺎ ﺇﻧﻪ ﻓﺮﻳﻘﻬﻢ ﻓﺎﺯ ﻧﺸﺖ ﻋﻨﻬﻢ ﻭﺭﺍﺣﺖ ﻗﺴﻢ ﺃﺧﻮﻫﺎ ﻧﺎﺻﺮ .. . ﻭﺑﻌﺪ ﺍﻟﻤﺒﺎﺭﺍﺓ ﻇﻬﺮ
ﻧﺎﺻﺮ ﻭﻭﻳﺎﻩ ﻭﻻﺩ ﺃﺧﻮﻩ ﺳﻌﻴﺪ ﻭﻣﺒﺎﺭﻙ ﺳﺎﺭﻭﺍ ﺍﻟﻤﻘﻬﻰ ﻣﻊ ﺍﻟﺸﺒﺎﺏ ...
ﺷﻤﺴﺔ ﻓﻲ ﻫﺎﻟﻠﺤﻈﻪ ﻛﺎﻧﺖ ﻳﺎﻟﺴﻪ ﻋﻠﻰ ﺍﻟﻜﻤﺒﻴﻮﺗﺮ ﻓﻲ ﺍﻟﺸﺎﺕ.. . ﻭﻣﺸﺘﻐﻠﻪ ﺳﺐ ﻓﻲ ﺧﺎﻟﻖ ﺍﻟﻠﻪ
ﻭﻛﻞ ﺷﻮﻱ ﻃﺮﺩ ﻭﺩﺵ ﺑﻨﻚ ﻧﻴﻢ ﺛﺎﻧﻲ. .. ﻭﻫﻲ ﻣﻴﺘﻪ ﺿﺤﻚ ﻋﻠﻰ ﺍﻟﻨﺎﺱ ﺇﻟﻲ ﻓﻲ ﺍﻟﺸﺎﺕ ﺇﻻ ﻭﺗﺴﻤﻊ
ﺻﻮﺕ ﺗﻠﻔﻮﻧﻬﺎ ﻳﻮﻡ ﺷﻠﺘﻪ ﻟﻘﺘﻪ ﺣﻤﺪ ...
ﻭﻫﻲ ﻣﺘﺸﻘﻘﻪ ﻣﻦ ﺍﻟﻮﻧﺎﺳﻪ: ﻫﻼ ﻣﻴﻠﻮﻭﻭﻥ ﻭﻻ ﻳﺴﺪﻥ
ﺣﻤﺪ : ﻫﻬﻬﻬﻬﻪ ﻫﻼ ﻭﺍﻟﻠﻪ ﺑﺎﻟﻐﻼ ﻛﻠﻪ
ﺷﻤﺴﺔ: ﺷﺤﺎﻟﻚ
ﺣﻤﺪ : ﺃﻧﺎ ﺑﺨﻴﺮ ﻳﻌﻠﺞ ﺍﻟﺨﻴﺮ ... ﻭﺃﻧﺖ ﺷﺤﺎﻟﺞ
ﺷﻤﺴﺔ: ﻳﺴﺮﻙ ﺣﺎﻟﻲ
ﺣﻤﺪ : ﺇﻻ ﺃﻗﻮﻝ ﻳﺎﻟﺪﺑﻪ. .. ﺃﻧﺖ ﺃﻟﺤﻴﻨﻪ ﻓﻲ ﺷﺎﺕ ﺍﻟﻌﻴﻦ ﺻﺢ
ﺷﻤﺴﺔ: ﻫﻬﻬﻬﻬﻬﻬﻬﻬﻪ ﺷﺪﺭﺍﻙ
ﺣﻤﺪ : ﻳﺎﻓﺎﻟﺤﻪ ﺃﻋﺮﻑ ﺃﺳﻮﺑﺞ
ﺷﻤﺴﺔ: ﻟﻌﻮﺯﻭﻧﻲ ﻫﺎﻟﻤﺮﺍﻗﺒﻴﻦ ﻛﻞ ﺷﻮﻱ ﺷﺎﻳﺘﻴﻨﻲ ﺑﺮﻉ
ﺣﻤﺪ : ﺩﻭﺍﺝ ﺣﺪ ﻗﺎﻝ ﻟﺞ ﺃﻃﻴﺤﻲ ﺑﺎﻟﻨﺎﺱ ﺳﺐ
ﺷﻤﺴﺔ: ﺃﻣﺰﺡ
ﺣﻤﺪ : ﻭﻝ.. .ﻛﻞ ﻫﺎ ﻣﺰﺍﺡ
ﺷﻤﺴﺔ: ﺻﺢ ﺃﻧﺖ ﺑﺄﻱ ﻧﻴﻚ ﻧﻴﻢ ﺩﺍﺵ
ﺣﻤﺪ : ﺃﻧﺎ ﻛﻨﺖ ﻣﺘﺄﻛﺪ ﺇﻧﺞ ﻣﺎﻋﺮﻓﺘﻴﻨﻲ ...ﻷﻧﻲ ﻛﻞ ﻣﺎﺃﺭﻣﺴﺞ ﻓﻲ ﺍﻟﺨﺎﺹ ﺗﻘﻮﻟﻲ ﻟﻲ ﺍﺟﻠﺐ
ﻭﻳﻬﻚ. ..ﻣﺴﺘﻘﻮﻳﻪ
ﺷﻤﺴﺔ: ﻫﻬﻬﻬﻬﻬﻬﻬﻬﻬﻬﻪ ﺃﻱ ﻭﺍﺣﺪ. .. ﻭﺍﻳﺪﻳﻦ ﺇﻟﻲ ﻗﻠﺖ ﻟﻬﻢ ﺟﻴﻪ
ﺣﻤﺪ : ﺃﻣﻴﺮ ﺍﻟﻈﻼﻡ
ﺷﻤﺴﺔ ﻭﻫﻲ ﻣﺴﺘﺤﻴﻪ ﻣﻨﻪ : ﺃﻭﺑﺲ .. ﻣﻮﺏ ﺟﻨﻲ ﺳﺒﻴﺘﻚ ﺑﻌﺪ
ﺣﻤﺪ : ﻻﻩ ﺃﻧﺖ ﻣﺎﻗﺼﺮﺗﻲ ﻭﻳﺎ ﺣﺪ .. .ﺑﺲ ﺗﻌﻴﺒﻴﻨﻲ ﺟﻴﻪ
ﺷﻤﺴﺔ: ﺃﻭﻑ ﻣﻨﻬﻢ
ﺣﻤﺪ : ﺷﻮ
ﺷﻤﺴﺔ: ﺷﺎﺗﻮﻧﻲ ﺑﺮﻉ ﺍﻟﺸﺎﺕ ﻣﺮﺓ ﺛﺎﻧﻴﺔ
ﺣﻤﺪ : ﺑﺄﻱ ﺇﺳﻢ ﺃﻟﺤﻴﻦ ﺩﺍﺷﻪ
ﺷﻤﺴﺔ: ﺃﻡ ﻛﺸﻪ
ﺣﻤﺪ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ ﺃﺥ ﻳﺎﺑﻄﻨﻲ. .. ﻭﺃﻧﺘﻲ ﻣﺎﺩﺷﻲ ﺇﻻ ﺑﻬﺎﻷﺳﺎﻣﻲ
ﺷﻤﺴﺔ: ﺃﺣﻠﻰ
ﺣﻤﺪ : ﺃﻭﻛﻰ ﻏﻨﺎﺗﻲ ﺃﻧﺎ ﺑﺨﻠﻴﺞ ﺍﻟﺤﻴﻦ
ﺷﻤﺴﺔ: ﺣﺸﻰ ﺑﻬﺎﻟﺴﺮﻋﺔ. ..ﻭﻻ ﻋﻦ ﺗﺨﺴﺮ
ﺣﻤﺪ : ﻫﻬﻬﻪ ﻻ ﻭﺍﻟﻠﻪ ﻓﺪﻳﺘﺞ. ..ﺑﺲ ﻣﻮﺍﻋﺪ ﺍﻟﺮﺑﻊ
ﺷﻤﺴﺔ: ﻣﻤﻤﻤﻢ ﺃﻭﻛﻰ
ﺣﻤﺪ : ﻓﻤﺎﻥ ﺍﻟﻠﻪ
ﺷﻤﺴﺔ: ﺍﻟﻠﻪ ﻳﺤﻔﻈﻚ
ﺭﺟﻌﺖ ﺍﻟﺘﻠﻔﻮﻥ ﻣﻜﺎﻧﻪ ﻭﺭﺩﺕ ﻋﻠﻰ ﺍﻟﺸﺎﺕ ﻣﺮﺓ ﺛﺎﻧﻴﺔ ﺑﺈﺳﻢ ﺛﺎﻧﻴﺔ. ..ﻭﻓﺠﺄﺓ ﻣﻦ ﺩﻭﻥ ﻣﺎﺗﺴﺘﺄﺫﻥ ﺩﺷﺖ
ﻋﻠﻴﻬﺎ ﺷﻤﺎ ﻭﻫﻲ ﺃﻃﺎﻟﻌﻬﺎ ﺑﻨﺺ ﻋﻴﻦ: ﺍﻟﺴﻼﻡ ﻋﻠﻴﻜﻢ
ﺷﻤﺴﺔ: ﻭﻋﻠﻴﻜﻢ ... ﺑﺴﻢ ﺍﻟﻠﻪ ﺷﻮ ﻓﻴﺞ ﺩﺍﺷﻪ ﻋﻠﻴﻪ ﺟﻴﻪ
ﺷﻤﺎ : ﻣﺎﻓﻴﻨﻲ ﺷﻲ. .. ﺑﺲ ﻣﺎﺃﻋﺮﻑ ﻟﻴﺶ ﺃﻧﺎ ﺷﺎﻛﻪ ﻓﻴﺞ
ﺷﻤﺴﺔ ﺭﺍﻓﻌﻪ ﺣﺎﺟﺐ ﻭﺍﺣﺪ: ﻟﻴﺶ ﺇﻥ ﺷﺎﺀ ﺍﻟﻠﻪ . .. ﺷﻮ ﺗﺸﻮﻓﻴﻨﻲ ﺟﺪﺍﻣﺞ ﻣﺠﺮﻣﺔ
ﺷﻤﺎ : ﻻﺗﻨﺴﻲ ﺇﻧﻲ ﺗﻮﺃﻣﺞ. ..ﻭﺃﺣﺴﺎﺳﻲ ﻣﺎﻳﺨﻴﺐ. .. ﺣﺎﺳﻪ ﺇﻧﺞ ﻣﺴﻮﻳﻪ ﺷﻲﺀ ﺟﺎﻳﺪ
ﺷﻤﺴﺔ: ﺍﺭﺗﺎﺣﻲ. .. ﻭﺇﺫﺍ ﻣﻮﺏ ﻭﺍﺛﻘﻪ ﻓﻴﻪ ﺗﻌﺎﻟﻲ ﻭﻳﻠﺴﻲ ﻋﺪﺍﻟﻲ ﺭﺍﻗﺒﻴﻨﻲ ﻋﺎﺩﻱ ﺣﺒﻴﺒﺘﻲ .. ﺃﻧﺎ ﻭﺍﺛﻘﻪ
ﻣﻦ ﻧﻔﺴﻲ.. . ﻣﺎﺃﺳﻮﻱ ﺷﻲﺀ ﻏﻠﻂ
ﺷﻤﺎ ﻭﻫﻲ ﺗﻴﻠﺲ ﻋﺪﺍﻝ ﺃﺧﺘﻬﺎ: ﺍﻟﻠﻪ ﻳﺴﺘﺮ ﺑﺲ
ﺷﻤﺴﺔ: ﺻﺢ ﺷﻮ ﺃﺧﺮ ﺃﺧﺒﺎﺭ ﺃﺧﻮﻧﺎ ﺍﻟﻌﺰﻳﺰ
ﺷﻤﺎ : ﺃﻱ ﻭﺍﺣﺪ ﻓﻴﻬﻢ
ﺷﻤﺴﺔ: ﺍﻟﻤﺤﺘﺮﻡ ﺭﺷﻮﺩ
ﺷﻤﺎ : ﻋﻠﻤﻲ ﻋﻠﻤﺞ. .. ﻣﺎﺳﻤﻌﺖ ﺣﺪ ﻳﺮﻣﺲ ﻋﻦ ﺳﺎﻟﻔﺔ ﺯﻭﺍﺟﻪ ﻣﻦ ﺍﻟﺰﻟﻤﻪ
ﺷﻤﺴﺔ: ﻫﺬﺍ ﺃﺧﻮﺝ ﺃﻛﻴﺪ ﺗﺨﺒﻞ
ﺷﻤﺎ : ﺷﻜﻠﻪ
ﺷﻤﺴﺔ: ﺷﺮﺍﻳﺞ ﺗﺮﻭﺣﻲ ﻭﺗﻔﺘﺤﻲ ﻛﻤﺒﻴﻮﺗﺮﺝ ﻭﺩﺷﻲ ﺷﺎﺕ ﺍﻟﻌﻴﻦ .. . ﻭﺗﺴﺎﻋﺪﻳﻨﻲ ﻋﻠﻴﻬﻢ
ﺷﻤﺎ : ﺳﻮﻭﻭﻭﺭﻱ. .. ﺃﻧﺎ ﺍﻟﺠﺎﺕ ﻣﻮﺩﺭﺗﻨﻪ ﻣﻦ ﺯﻣﺎﻥ
ﺷﻤﺴﺔ: ﻭﻳﺎ ﺭﺃﺳﺞ ﺑﺲ ﺷﻮﻱ ﻧﻠﻌﺐ ﻋﻠﻴﻬﻢ
ﺷﻤﺎ : ﻻﻣﺎﺑﻰ ...ﻭﻻ ﻋﻠﺸﺎﻥ ﺗﻈﻬﺮﻳﻨﻲ ﻣﻦ ﺣﺠﺮﺗﺞ
ﺷﻤﺴﺔ: ﻭﺍﻟﻠﻪ ﺑﺮﺍﻳﺞ. .. ﻛﻨﺖ ﺃﺑﺎﺝ ﺗﺴﺘﺎﻧﺴﻲ ﻭﻳﺎﻱ
ﺷﻤﺎ : ﺷﻤﺴﻮﻩ
ﺷﻤﺴﺔ: ﻫﺎ ﺷﻮ ﻋﻨﺪﺝ
ﺷﻤﺎ ﻭﻫﻲ ﻣﺘﺮﺩﺩﻩ: ﻣﻤﻤﻢ ﻛﻨﺖ ﺃﺑﺎﺝ ﻓﻲ ﺳﺎﻟﻔﺔ
ﺷﻤﺴﺔ ﻻﺣﻈﺖ ﺇﻧﻪ ﺃﺧﺘﻬﺎ ﺷﻜﻠﻬﺎ ﻣﺘﺮﺩﺩﻩ ...ﻓﻠﺘﻔﺘﺖ ﺻﻮﺑﻬﺎ : ﺷﻮ .. .ﺭﻣﺴﻲ ﺃﺳﻤﻌﺞ
ﺷﻤﺎ : ﺷﻤﺴﺔ ﺃﻧﺖ ﻣﺎﺟﺪ ﺣﺒﻴﺘﻲ
ﺷﻤﺴﺔ ﺧﻠﺖ ﺇﻟﻲ ﻛﺎﻧﺖ ﻳﺎﻟﺴﻪ ﺗﺴﻮﻳﻪ ﻭﺭﻛﺰﺕ ﻛﻞ ﺇﺗﻨﺒﺎﻫﺎ ﻋﻠﻰ ﺃﺧﺘﻬﺎ : ﻟﻴﺶ ﺗﺴﺌﻠﻲ ﻫﺎﻟﺴﺆﺍﻝ
ﺷﻤﺎ ﺻﺎﻳﺮ ﻭﻳﻬﺎ ﺃﺣﻤﺮ: ﺑﺲ ﺃﺳﺌﻞ
ﺷﻤﺴﺔ ﻋﻠﻰ ﻭﻳﻬﺎ ﺇﺑﺘﺴﺎﻣﻪ: ﺷﻜﻞ ﺍﻷﺧﺖ ﺗﺤﺐ
ﺷﻤﺎ ﺗﺮﺩ ﺑﺴﺮﻋﺔ: ﻻ ﻣﻮﺏ ﺟﻴﻪ
ﺷﻤﺴﺔ ﻭﻧﻈﺮﺗﻬﺎ ﻛﻠﻬﺎ ﺧﺒﺚ : ﻋﻴﻞ ﺷﻮ
ﺷﻤﺎ : ﻣﻤﻤﻤﻤﻢ ﻳﻌﻨﻲ ﺃﺳﺌﻠﺞ ﺑﺲ
ﺷﻤﺴﺔ ﺗﻔﻜﺮ: ﻟﺤﺪ ﺃﻟﺤﻴﻨﻪ ﻟﻸﺳﻒ ﺍﻟﺸﺪﻳﺪ ﻣﺎﻟﻘﻴﺖ ﺣﺪ ﻳﺴﺘﺎﻫﻞ ﺣﺒﻲ
ﺷﻤﺎ : ﻭﻋﻠﻲ !؟
ﺷﻤﺴﺔ ﻭﻫﻲ ﺗﻠﻮﺡ ﺑﺈﻳﺪﻫﺎ : ﺇﻧﺴﻴﻪ .. . ﺃﻧﺎ ﻋﻤﺮﻱ ﻣﺎﻓﻜﺮﺕ ﺑﻌﻠﻲ ﻛﺤﺒﻴﺐ
ﺷﻤﺎ : ﻳﺤﻠﻴﻠﻚ ﻳﺎﻭﻟﺪ ﻋﻤﻲ
ﺷﻤﺴﺔ: ﺧﻠﻴﻨﺎ ﻣﻦ ﻋﻠﻲ ﺃﻟﺤﻴﻨﻪ ...ﺧﻠﻴﻨﺎ ﻓﻴﺞ.. . ﺣﺎﺳﻪ ﻓﻴﻪ ﺷﻲﺀ
ﺷﻤﺎ ﻭﺭﺩﺕ ﺗﺤﻤﺮ ﻣﺮﺓ ﺛﺎﻧﻴﺔ: ﺷﻮ ﻓﻴﻪ ﺃﻧﺎ
ﺷﻤﺴﺔ: ﻫﻬﻬﻬﻬﻬﻬﻬﻬﻬﻬﻪ ﻭﺍﻟﻠﻪ ﺷﻜﻠﺞ ﺗﺤﺒﻲ
ﺷﻤﺎ : ﻻ ﻣﻮﺏ ﺣﺐ.. ﺇﻋﺠﺎﺏ ﺑﺲ
ﺷﻤﺴﺔ ﺭﺍﻓﻌﻪ ﺣﺎﺟﺐ ﻭﺍﺣﺪ: ﻣﺘﺄﻛﺪﺓ
ﺷﻤﺎ ﺗﻨﺶ ﻣﻦ ﻋﺪﺍﻝ ﺃﺧﺘﻬﺎ: ﻫﻴﻪ ﻣﺘﺄﻛﺪﺓ. .. ﺃﻧﺴﻲ
ﺷﻤﺴﺔ ﺗﺰﺥ ﺃﻳﺪ ﺃﺧﺘﻬﺎ: ﻭﻳﻦ ﻳﺎﻟﺤﺒﻴﺒﻪ.. .ﺗﺮﺍﻩ ﺩﺧﻮﻝ ﺍﻟﺤﻤﺎﻡ ﻣﻮﺏ ﻣﺜﻞ ﺧﺮﻭﺟﻪ .. . ﺗﻌﺎﻟﻲ ﺧﺒﺮﻳﻨﻲ ﺑﻜﻞ
ﺷﻲﺀ
ﺷﻤﺎ ﺃﺧﻴﺮﺍً ﻗﺮﺭﺕ ﺗﺨﺒﺮ ﺃﺧﺘﻬﺎ ﺑﻜﻞ ﺷﻲﺀ. ..ﻷﻧﻬﺎ ﻣﺎﻋﻨﺪﻫﺎ ﺣﺪ ﻏﻴﺮ ﺷﻤﺴﺔ ﺗﺨﺒﺮﻫﺎ ﺑﻜﻞ ﺃﺳﺮﺍﺭﻫﺎ.. .
ﺷﻤﺴﺔ ﻭﻫﻲ ﻣﻨﺼﺪﻣﺔ: ﻣﻌﺎﻕ !!!
ﺷﻤﺎ : ﻭﺷﻮ ﻓﻴﻪ
ﺷﻤﺴﺔ: ﺃﻧﺖ ﻋﺎﻗﻠﻪ ﻭﻻ ﺷﻮ .. .ﺗﺤﺒﻲ ﻭﺍﺣﺪ ﻣﻌﺎﻕ
ﺷﻤﺎ : ﺍﻧﺰﻳﻦ ﻭﺷﻮ ﻓﻴﻪ .. . ﻭﺍﻟﻠﻪ ﻳﺎﺷﻤﺴﻮﻭﻩ ﺃﺣﺒﻪ. .. ﻭﻣﻮﺏ ﻫﺎﻣﺘﻨﻲ ﺇﻋﺎﻗﺘﻪ
ﺷﻤﺴﺔ: ﺷﻤﻮﻩ ﺣﺒﻴﺒﺘﻲ.. . ﺧﻠﻲ ﺭﻭﻣﺎﻧﺴﻴﺘﺞ ﺑﺼﻮﺏ
ﺷﻤﺎ : ﻣﻮﺏ ﺭﻭﻣﺎﻧﺴﻴﻪ. ..ﺑﺲ ﻭﺍﻟﻠﻪ ﺩﺧﻞ ﻗﻠﺒﻲ ﻣﻦ ﺃﻭﻝ ﻳﻮﻡ ﺷﻔﺘﻪ ﻓﻴﻪ .. . ﺃﺣﺴﻪ ﻏﻴﺮ .. .ﺣﻮﺍﻟﻴﻪ ﺟﺎﺫﺑﻴﻪ
ﻭﻫﺎﻟﻪ ﻣﻦ ﺍﻟﻘﻮﺓ ﻭﺍﻟﻘﻴﺎﺩﻳﺔ ﺭﻏﻢ ﺇﻧﻪ ﻣﻌﺎﻕ
ﺷﻤﺴﺔ: ﻭﺍﻟﻠﻪ ﻣﺎﺃﻋﺮﻑ ﺷﻮ ﺃﻗﻮﻝ ﻟﺞ. .. ﻭﺃﻧﺖ ﺗﻌﺮﻓﻲ ﺯﻳﻦ ﺗﻬﻤﻨﻲ ﻣﺼﻠﺤﺘﺞ ﻓﻲ ﺍﻟﻤﻘﺎﻡ ﺍﻷﻭﻝ. .. ﻭﺃﻧﺎ
ﺃﻧﺼﺤﺞ ﺗﺒﺘﻌﺪﻱ ﻭﻻ ﺗﻔﻜﺮﻱ ﻓﻴﻪ. .
ﺷﻤﺎ : ﻭﺍﻟﻠﻪ ﺣﺎﻭﻟﺖ ﺇﻧﻲ ﻣﺎﺃﻓﻜﺮ ﻓﻴﻪ ... ﺑﺲ ﺻﻌﺐ
ﺗﻤﺖ ﺷﻤﺴﺔ ﺃﻃﺎﻟﻊ ﺃﺧﺘﻬﺎ ﻭﻫﻲ ﻛﻠﻬﺎ ﺣﻴﺮﻩ ... ﺗﻌﺮﻑ ﺯﻳﻦ ﺇﻧﻪ ﺃﺧﺘﻬﺎ ﻗﻠﺒﻬﺎ ﺭﻗﻴﻖ ... ﻭﻫﻲ ﻣﺘﺄﻛﺪﺓ ﺇﻧﻪ
ﻫﺎﻟﺤﺐ ﺇﻟﻲ ﺗﻘﻮﻟﻪ ﺃﺧﺘﻬﺎ ﻣﺎﻫﻮ ﺇﻻ ﺷﻔﻘﻪ ﻭﺗﻌﺎﻃﻒ ﺇﺗﺠﺎﻩ ﻫﺎﻹﻧﺴﺎﻥ ﻻ ﻏﻴﺮ. ..
ﺷﻤﺎ ﺗﻌﺮﻑ ﺇﻧﻪ ﻓﻲ ﻣﺠﺘﻤﻌﻨﺎ ﺍﻟﺤﺐ ﻋﻴﺐ ﻭﻣﻨﻘﻮﺩ. .. ﻭﻫﻲ ﻣﻦ ﻳﻮﻡ ﺻﻐﻴﺮﻩ ﻣﺎﻛﺎﻧﺖ ﺗﺤﺘﻚ ﺑﺎﻟﻨﺎﺱ
ﺧﺎﺭﺝ ﻣﺤﻴﻄﻬﺎ ﺍﻟﻌﺎﺋﻠﻲ ... ﺣﺘﻰ ﻭﻻﺩ ﻋﻤﻮﻣﺘﻬﺎ ﺍﻟﺜﺎﻧﻴﻦ ﻏﻴﺮ ﻋﻠﻲ ﻣﺎﻛﺎﻧﺖ ﺃﺑﺪ ﺗﻴﻠﺲ ﻭﻳﺎﻫﻢ ﻭﻻ ﺣﺘﻰ
ﺗﻌﺮﻑ ﻋﻨﻬﻢ ﺷﻲﺀ. ..ﻣﺎﻋﺪﺍ ﻋﻠﻲ ﺇﻟﻲ ﺗﻌﺘﺒﺮﻩ ﻓﻲ ﻣﻘﺎﻡ ﺃﺧﻮﻫﺎ ﻭﺗﻌﺎﻣﻠﻪ ﺷﺮﺍﺕ ﺧﻮﺍﻧﻬﺎ.. . ﺣﺘﻰ ﻟﻮ
ﻣﺜﻼ ﻓﻲ ﺍﻟﺴﻮﻕ ﻭﺗﻌﺮﺿﺖ ﻟﻤﻀﺎﻳﻘﺎﺕ ﻣﻦ ﺍﻟﺸﺒﺎﺏ ﻣﺎﻛﺎﻧﺖ ﺗﺮﺩ ﻋﻠﻴﻬﻢ ﻭﺗﺤﺎﻭﻝ ﺗﺘﺠﻨﺒﻬﻢ ﻗﺪﺭ
ﺍﻟﻤﺴﺘﻄﺎﻉ ... ﻋﻜﺲ ﺃﺧﺘﻬﺎ ﺷﻤﺴﺔ. ..
ﺷﻤﺎ ﺃﻧﺘﺒﻬﺖ ﺇﻧﻪ ﺃﺧﺘﻬﺎ ﻣﻮﺏ ﻭﻳﺎﻫﺎ: ﺣﻮﻭﻭﻭﻭﻭﻭﻭﻭﻭﻭ ﻭﻳﻦ ﻭﺻﻠﺘﻲ
ﺷﻤﺴﺔ: ﻫﺎ ﺷﻮ ﻗﻠﺘﻲ
ﺷﻤﺎ : ﻻ ﺳﻼﻣﺘﺞ. .. ﺃﻧﺎ ﻣﻦ ﺍﻟﺼﺒﺢ ﺃﺭﻣﺲ ﻭﺣﻀﺮﺗﺞ ﻓﻲ ﻣﻜﺎﻥ ﺛﺎﻧﻲ
ﺷﻤﺴﺔ: ﺑﺲ ﻛﻨﺖ ﺃﻓﻜﺮ ﺷﻮﻱ
ﺷﻤﺎ : ﻓﻲ ﺷﻮ
ﺷﻤﺴﺔ: ﻋﻦ ﺍﻟﻘﺎﻓﻪ
ﺷﻤﺎ ﻭﻫﻲ ﻣﺘﺮﺩﺩﻩ: ﺷﻤﺎﺱ
ﺷﻤﺴﺔ ﻭﻫﻲ ﺗﺒﻨﺪ ﺍﻟﻜﻤﺒﻴﻮﺗﺮ : ﻟﺒﻴﻪ ﺣﺒﻴﺒﺘﻲ
ﺷﻤﺎ : ﻣﻤﻤﻤﻤﻤﻤﻢ ﺃﻗﺪﺭ ﺃﺭﻗﺪ ﻭﻳﺎﺝ ﺍﻟﻠﻴﻠﻪ
ﺷﻤﺴﺔ: ﻫﻬﻬﻬﻬﻬﻬﻬﻬﻪ ﻫﺎ ﺇﻟﻲ ﻃﻠﻊ ﻭﻳﺎﺝ ﻳﺎﻟﺪﺑﻪ
ﺷﻤﺎ : ﻭﺍﻟﻠﻪ ﺿﺎﻳﺠﻪ ﺷﻤﺴﻮﻩ ﻣﺎﺃﺣﺐ ﺃﺭﻗﺪ ﺑﺮﻭﺣﻲ
ﺷﻤﺴﺔ: ﺍﻧﺰﻳﻦ ﻓﺪﻳﺘﺞ. ..ﺑﺲ ﺑﺸﺮﻁ
ﺷﻤﺎ : ﺷﻮ ﻫﻮ
ﺷﻤﺴﺔ: ﺭﻭﺣﻲ ﻭﻳﺒﻲ ﺑﻄﺎﻧﻴﺘﺞ.. .ﻷﻧﻲ ﺑﺼﺮﺍﺣﺔ ﻣﺎﻓﻴﻨﻲ ﺗﺘﻠﺤﻔﻲ ﻭﻳﺎﻳﻪ ﺑﺒﻄﺎﻧﻴﺘﻴﻪ .. ﺃﻋﺮﻓﺞ ﺯﻳﻦ ﻳﻮﻡ
ﺗﺘﻠﺤﻔﻲ ﻭﻳﺎﻳﻪ ﺃﺗﻢ ﻃﻮﻝ ﺍﻟﻠﻴﻞ ﺑﻠﻴﺎ ﻟﺤﺎﻑ ... ﺣﺸﻰ ﺗﻠﻌﺐ ﻛﻮﺭﻩ ﻭﻫﻲ ﺭﺍﻗﺪﻩ
ﺷﻤﺎ : ﺍﻧﺰﻳﻦ. .ﺑﺮﻭﺡ ﺃﻳﺐ ﺑﻄﺎﻧﻴﺘﻴﻪ ﻭﻣﺨﺪﺗﻴﻪ ﺑﻌﺪ
ﺗﻤﺖ ﺷﻤﺴﺔ ﺗﻔﻜﺮ ﺑﻜﻞ ﺇﻟﻲ ﻗﺎﻟﺘﻪ ﺷﻤﺎ. .. ﻫﻲ ﺍﻟﻴﻮﻡ ﻛﺎﻧﺖ ﻣﺴﺘﺎﻧﺴﻪ.. .ﺑﺲ ﺑﻌﺪ ﻣﺎﺳﻤﻌﺖ ﺭﻣﺴﺔ
ﺃﺧﺘﻬﺎ ﺗﻀﺎﻳﺠﺖ. ..ﻷﻧﻬﺎ ﻣﺎﺗﺤﺐ ﺇﻧﻪ ﺃﺧﺘﻬﺎ ﺗﻤﺮ ﺑﺘﺠﺮﺑﻪ ﻣﺜﻞ ﻫﺬﻱ. ..
ﺩﺷﺖ ﺷﻤﺎ ﺷﺎﻟﻪ ﺑﻄﺎﻧﻴﺘﻬﺎ ﻭﻭﻳﻬﺎ ﻣﻮﺏ ﻇﺎﻫﺮ .. . ﻭﺭﺍﺣﺖ ﺻﻮﺏ ﺍﻟﺸﺒﺮﻳﻪ ﻭﻋﻘﺘﻬﺎ.. . ﺑﻌﺪﻳﻦ ﺃﻟﺘﻔﺘﺖ
ﺻﻮﺏ ﺷﻤﺴﺔ.. .ﻭﻻﺣﻈﺖ ﻋﻠﻴﻬﺎ ﺇﻧﻬﺎ ﺳﺮﺣﺎﻧﻪ .. . ﻗﺘﺮﺑﺖ ﻣﻨﻬﺎ ﻭﺯﺧﺘﻬﺎ ﻣﻦ ﺧﺸﻤﻬﺎ : ﺣﻮﻭﻭﻭﻭﻭ ﻭﻳﻦ
ﻭﺻﻠﺘﻲ
ﺷﻤﺴﺔ: ﻫﻨﻴﻪ .. ﺷﻮ ﻋﻨﺪﺝ
ﺷﻤﺎ : ﻣﺎﻋﻨﺪﻱ ﺷﻲﺀ ﺑﺲ ﻣﺎﺃﺣﺐ ﺃﺭﻣﺲ ﻭﻣﺤﺪ ﻳﺴﻤﻌﻨﻲ
ﺷﻤﺴﺔ: ﻻﺗﺮﻣﺴﻲ ﻭﻻ ﺷﻲ ... ﻳﺎﻟﻠﻪ ﺟﺪﺍﻣﻲ ﺭﻭﺣﻲ ﺭﻗﺪﻱ ﻷﻧﻲ ﺃﺑﻰ ﺃﺑﻨﺪ ﺍﻟﻠﻴﺖ. .. ﻭﺭﺍﻧﺎ ﺑﺎﺟﺮ ﺩﻭﺍﻡ
ﻣﻦ ﺻﺒﺎﺡ ﺍﻟﻠﻪ ﺧﻴﺮ
ﺷﻤﺎ ﺗﺮﻭﺡ ﻭﺗﻴﻠﺲ ﻓﻮﻕ ﺍﻟﺸﺒﺮﻳﻪ ﺗﺴﺘﻌﺪ ﻋﻠﺸﺎﻥ ﺗﺮﻗﺪ : ﺻﺪﺝ ﻭﺍﻟﻠﻪ. .. ﻣﺎﻓﻴﻨﻲ ﺃﺭﻗﺪ ﺑﺎﺟﺮ ﻓﻲ
ﺍﻟﻤﺤﺎﺿﺮ
ﺷﻤﺴﺔ ﺗﻐﻄﻲ ﻭﻳﻬﺎ ﺑﺎﻟﺤﺎﻑ: ﺗﺼﺒﺤﻲ ﻋﻠﻰ ﺧﻴﺮ
ﺷﻤﺎ : ﻭﺃﻧﺖ ﻣﻦ ﻫﻞ ﺍﻟﺨﻴﺮ
. ... .. ... .. ... .. ...
ﺑﻮﺍﺳﻄﺔ : ﻟﻮﻥ ﺍﻟﻠﻴﻞ ﺑﺘﺎﺭﻳﺦ : 07 - 18 - 2012, 03 : 31
ﺍﻟﺠﺰﺀ ﺍﻟﺮﺍﺑﻊ
ﻳﺎ ﻳﻮﻡ ﺍﻟﺨﻤﻴﺲ ﺇﻟﻲ ﻫﻮ ﺑﺎﻟﻨﺴﺒﺔ ﻟﺬﻳﺎﺏ ﻳﻮﻡ ﻣﻬﻢ. .. ﻃﺒﻌﺎ ﺃﺑﻮﻩ ﺃﺗﺼﻞ ﺑﺎﻟﻌﺮﺏ ﻭﺧﺒﺮﻫﻢ ﺇﻧﻪ ﺍﻟﻴﻮﻡ
ﺑﻴﻮﻫﻢ. .. ﻭﺣﺎﻟﺔ ﺫﻳﺎﺏ ﺣﺎﻟﺔ ... ﻭﻳﺘﺮﻳﺎ ﺻﻼﺓ ﺍﻟﻤﻐﺮﺏ ﻋﻠﻰ ﺃﺣﺮ ﻣﻦ ﺍﻟﺠﻤﺮ. ..ﻷﻧﻬﻢ ﺑﻴﺮﻭﺣﻮﺍ ﻋﻨﺪﻫﻢ ﺑﻌﺪ
ﺍﻟﺼﻼﺓ .. .
ﺍﻟﺼﺒﺢ ﻛﺎﻥ ﻳﺎﻟﺲ ﺑﺮﻉ ﻓﻲ ﺍﻟﺤﺪﻳﻘﺔ ﻭﻳﻔﻜﺮ ...ﻓﺠﺄﺓ ﻭﻣﻦ ﺩﻭﻥ ﻣﻘﺪﻣﺎﺕ ﻳﺸﻮﻑ ﻓﻲ ﻭﻳﻬﻪ ﺑﺸﻜﺎﺭﺗﻬﻢ
ﺭﻳﺘﺎ. ..
ﺫﻳﺎﺏ: ﺑﺴﻢ ﺍﻟﻠﻪ ﺍﻟﺮﺣﻤﻦ ﺍﻟﺮﺣﻴﻢ. .. ﺷﻮﻓﺞ
ﺭﻳﺘﺎ: ﻣﺎﻓﻲ ﺷﻲﺀ ﺑﺎﺑﺎ.. ﺑﺲ
ﺫﻳﺎﺏ: ﺑﺲ ﺷﻮ
ﺭﻳﺘﺎ: ﺑﺎﺑﺎ ﺃﻧﺎ ﺍﻟﻴﻮﻡ ﻓﻲ ﻳﺴﻤﻊ ﺑﺎﺑﻮ ﻳﻘﻮﻝ ﺃﻧﺖ ﻳﻤﻜﻦ ﺳﻮﻱ ﺷﺎﺩﻱ
ﺫﻳﺎﺏ: ﺍﻧﺰﻳﻦ ﺑﻌﺮﺱ ﻋﻨﺪﺝ ﻣﺎﻧﻊ
ﺭﻳﺘﺎ ﻭﻫﻲ ﻣﺒﻮﺯﻩ : ﻟﻴﺲ ﺑﺎﺑﺎ ﺃﻧﺖ ﺳﻮﻱ ﺷﺎﺩﻱ.. . ﻛﺬﺍ ﻓﻴﻪ ﺃﻫﺴﻦ
ﺫﻳﺎﺏ: ﺃﺣﺴﻦ ﻓﻲ ﻋﻴﻨﺞ ... ﺷﻮ ﺣﻀﺮﺗﺞ ﻣﻌﺠﺒﻪ ﻭﺃﻧﺎ ﻣﺎﺃﺩﺭﻱ
ﺭﻳﺘﺎ ﻭﻭﻳﻬﺎ ﺃﺣﻤﺮ : ﻳﻤﻜﻦ ﺑﺎﺑﺎ ﺯﻳﺎﺏ
ﺫﻳﺎﺏ ﻓﺎﺝ ﻋﻴﻮﻧﻪ: ﺑﻌﺪﻩ ﻫﺎ ﻟﻲ ﻗﺎﺻﺮ. .. ﻓﺎﺭﺟﻲ ﻳﻌﻠﺞ ﺍﻟﺼﻠﻊ
ﺭﺍﺣﺖ ﺭﻳﺘﺎ ﻭﻫﻲ ﻣﺘﻀﻴﺠﻪ. .. ﻭﻣﺮﺕ ﻋﻠﻴﻬﺎ ﺃﻡ ﺫﻳﺎﺏ ﻭﺳﺘﻐﺮﺑﺖ ﻣﻨﻬﺎ. .. ﻳﻠﺴﺖ ﻋﺪﺍﻝ ﻭﻟﺪﻫﺎ..
ﺃﻡ ﺫﻳﺎﺏ : ﺷﻮ ﻓﻴﻬﺎ ﻫﺬﻱ ﺑﻌﺪ
ﺫﻳﺎﺏ: ﻫﻬﻬﻬﻬﻬﻬﻬﻬﻬﻬﻬﻬﻬﻪ ﻣﻌﺠﺒﻪ
ﺃﻡ ﺫﻳﺎﺏ : ﻓﻲ ﻣﻨﻮﻩ ﻣﻌﺠﺒﺔ
ﺫﻳﺎﺏ: ﺳﺮ
ﺃﻡ ﺫﻳﺎﺏ : ﺳﺮ ﺷﻮ
ﺫﻳﺎﺏ: ﻗﺎﻟﺖ ﻟﻲ ﻣﺎﺃﺧﺒﺮ ﻋﻠﻴﻬﺎ ﺣﺪ
ﺃﻡ ﺫﻳﺎﺏ : ﺃﻧﺎ ﺑﻨﺘﻚ ﻳﺎ ﺳﺎﻟﻢ.. . ﺑﻤﻨﻮﻩ ﻫﺎﻟﺨﺒﻠﻪ ﻣﻌﺠﺒﻪ ... ﻟﻴﻜﻮﻥ ﺑﺎﺑﻮ
ﺫﻳﺎﺏ: ﻫﻬﻬﻬﻬﻬﻪ ﻳﻤﻜﻦ. .. ﺑﻨﻴﻮﺯﻫﻢ ﻟﺒﻌﺾ
ﺃﻡ ﺫﻳﺎﺏ : ﻭﺍﻟﻠﻪ ﻟﻮ ﺇﻧﻬﺎ ﻣﻮﺏ ﻣﻦ ﺯﻣﺎﻥ ﻋﻨﺪﻧﺎ ﻭﻻ ﻛﻨﺖ ﺳﻔﺮﺗﻬﺎ ﻭﻓﺘﻜﻴﺖ ﻣﻦ ﺣﺸﺮﺗﻬﺎ
ﺫﻳﺎﺏ: ﺣﺮﺍﻡ ﺃﻣﺎﻳﻪ. .ﻋﺎﺩ ﻫﺬﻱ ﺭﻳﺘﺎ ﻋﺸﺮﺓ ﻋﻤﺮ. .. ﺃﻟﺤﻴﻨﻪ ﺑﺘﻜﻤﻞ ﻭﻳﺎﻧﺎ ﺗﺴﻊ ﺳﻨﻴﻦ
ﺃﻡ ﺫﻳﺎﺏ : ﻣﺎﻋﻠﻴﻨﺎ ﻣﻨﻬﺎ.. .ﻫﺎ ﻭﻟﻴﺪﻱ ﺗﺮﻳﻘﺖ
ﺫﻳﺎﺏ: ﻣﺎﻟﻲ ﺧﺎﻃﺮ ﻓﻲ ﺍﻷﻛﻞ ﺍﻟﺤﻴﻨﻪ
ﺃﻡ ﺫﻳﺎﺏ : ﻟﻴﺶ ﻓﺪﻳﺘﻚ
ﺫﻳﺎﺏ: ﺑﺲ
ﻻﺣﻈﺖ ﻋﻠﻴﻬﺎ ﺇﻧﻪ ﻣﺘﻀﻴﺞ ﺷﻮﻱ: ﻓﺪﻳﺖ ﺭﻭﺣﻚ ﻻﺗﻢ ﺗﻔﻜﺮ ﻭﺍﻳﺪ. .. ﺗﻔﺄﻝ ﺧﻴﺮ .. ﻭﺇﻥ ﺷﺎﺀ ﺍﻟﻠﻪ ﻣﺎﺑﻴﺼﻴﺮ
ﺇﻻ ﺇﻟﻲ ﻓﻴﻪ ﺍﻟﺨﻴﺮ
ﺫﻳﺎﺏ: ﺇﻥ ﺷﺎﺀ ﺍﻟﻠﻪ
. ... .. ...
ﻓﻲ ﺑﻴﺖ ﺑﻮﺳﻴﻒ. .. ﻛﺎﻧﺖ ﺷﻤﺎ ﻧﺎﺯﻟﻪ ﻣﻦ ﻓﻮﻕ .. . ﻭﻫﻲ ﻓﻲ ﺍﻟﺪﺭﻱ ﺷﺎﻓﺖ ﻋﺒﺎﺩﻱ ﻳﺎﻟﺲ ﻳﺘﻌﺒﺚ
ﺑﺎﻟﻜﻬﺮﺑﺎ ﻣﺎﻝ ﺍﻟﺘﻠﻔﺰﻳﻮﻥ.. . ﻭﺗﺮﺑﻊ ﺻﻮﺑﻪ. ..ﻫﻮ ﺇﻧﺘﺒﻪ ﻟﻬﺎ ﻗﺒﻞ ﻻ ﺗﻮﺻﻠﻪ ﻭﻭﺩﺭ ﺇﻟﻲ ﻓﻲ ﺇﻳﺪﻩ ﻭﻳﻠﺲ
ﻳﺼﻔﻖ ﺣﻖ ﻋﻤﺘﻪ .. .
ﻋﺒﻮﺩ ﻳﺼﻔﻖ: ﺃﻣﻮﻩ ﺃﻣﻮﻩ
ﺷﻤﺎ ﻭﺻﻠﺖ ﻋﺪﺍﻟﻪ : ﻳﺎﻣﺴﻮﺩ ﺍﻟﻮﻳﻪ ﺷﻮ ﻳﺎﻟﺲ ﺗﺴﻮﻯ
ﻋﺒﻮﺩ ﺑﻜﻞ ﺑﺮﺍﺋﻪ : ﺗﻠﻔﺰﻭﻥ
ﺷﻤﺎ : ﺷﻮ ﻓﻴﻪ ﺍﻟﺘﻠﻔﺰﻳﻮﻥ. ..
ﻓﻬﻤﺖ ﺷﻤﺎ ﺇﻧﻪ ﻋﺒﻮﺩ ﻳﺒﻰ ﻳﻄﺎﻟﻊ ﺍﻟﺘﻠﻔﺰﻳﻮﻥ.. . ﻓﻔﺘﺤﺖ ﺍﻟﺘﻠﻔﺰﻳﻮﻥ.. . ﻭﺷﻠﺘﻪ ﺣﻄﺘﻪ ﻓﻮﻗﻬﺎ ﻋﻠﻰ
ﺍﻟﻜﻨﺒﻪ ... ﻭﻳﻠﺴﻮﺍ ﻳﻄﺎﻟﻌﻮﺍﺍ ﻟﺘﻠﻔﺰﻳﻮﻥ. .. ﻭﺑﻌﺪ ﺷﻮﻱ ﺗﺪﺧﻞ ﻋﻠﻴﻬﻢ ﺃﻡ ﺳﻌﻴﺪ ﺷﺎﻟﻪ ﻭﻟﺪﻫﺎ ﺭﺍﺷﺪ : ﺍﻟﺴﻼﻡ
ﻋﻠﻴﻜﻢ ... ﺻﺒﺎﺡ ﺍﻟﺨﻴﺮ
ﺷﻤﺎ : ﻭﻋﻠﻴﻜﻢ ﺍﻟﺴﻼﻡ ﻭﺍﻟﺮﺣﻤﻪ.. . ﺻﺒﺤﺞ ﺍﻟﻠﻪ ﺑﺎﻟﻨﻮﺭ
ﻋﺒﻮﺩ: ﺳﺒﺤﺞ ﺍﻟﻠﻪ ﺑﺎﻟﻨﻮﻝ
ﺃﻡ ﺳﻌﻴﺪ: ﻫﻬﻬﻬﻪ ﺻﺒﺤﻚ ﺍﻟﻠﻪ ﺑﺎﻟﻨﻮﺭ ﺣﺒﻴﺒﻲ.. ﻣﺎﺷﺎﺀ ﺍﻟﻠﻪ ﺍﻟﻴﻮﻡ ﻧﺎﺷﻪ ﻣﻦ ﻭﻗﺖ
ﺷﻤﺎ : ﻷﻧﻲ ﺃﻣﺲ ﻣﺎﻟﻘﻴﺖ ﺣﺪ ﺃﺳﻬﺮ ﻭﻳﺎﻩ. .. ﻭﺭﻗﺪﺕ ﺍﻟﺴﺎﻋﺔ 10 ﻭﻧﺺ .. ﻻﺯﻡ ﺃﻧﺶ ﻣﻦ ﻭﻗﺖ
ﺃﻡ ﺳﻌﻴﺪ: ﻭﺍﻟﻠﻪ ﻳﺎﺑﻮﺝ ﺃﺣﺴﻦ ﻟﺞ .. .
ﺷﻤﺎ : ﺻﺢ ﻭﻳﻦ ﺳﻌﻮﺩ ﻭﻣﺒﺎﺭﻙ. .ﻣﺎﺷﻔﺘﻬﻢ ﺃﻣﺲ ﻃﻮﻝ
ﺃﻡ ﺳﻌﻴﺪ: ﺍﻟﻠﻪ ﻳﺴﻠﻤﺞ ﻷﻧﻪ ﺃﻣﺲ ﺍﻷﺭﺑﻌﺎﺀ ﻣﺎ ﻋﻨﺪﻫﻢ ﺩﻭﺍﻡ ﻓﻲ ﺍﻟﺠﺎﻣﻌﺔ.. . ﻓﺘﻔﻘﻮﺍ ﻭﻳﺎ ﺭﺑﻌﻬﻢ ﻳﺴﻴﺮﻭﺍ
ﻣﺤﻀﻪ.. ﻭﻳﺨﻴﻤﻮﺍ ﻫﻨﺎﻙ .. .ﻳﻤﻜﻦ ﺑﻴﻮﺍ ﺍﻟﻴﻮﻡ ﻗﺒﻞ ﺍﻟﻤﻐﺮﺏ
ﺑﻮﺍﺳﻄﺔ : ﻟﻮﻥ ﺍﻟﻠﻴﻞ ﺑﺘﺎﺭﻳﺦ : 07 - 18 - 2012, 03 : 31
ﺷﻤﺎ : ﻭﺍﻟﻠﻪ ﻳﺒﺎﻟﻨﺎ ﺭﻭﺣﻪ ﻣﺤﻀﻪ.. ﻭﻧﺒﺎﺕ ﻫﻨﺎﻙ .. .ﺣﻠﻮ
ﺃﻡ ﺳﻌﻴﺪ: ﻫﻴﻪ ﺣﻠﻮ. ..ﺑﺲ ﻋﺎﺩ ﻣﻨﻮﻩ ﺑﻴﻔﻀﺎﻟﻨﺎ ﻭﺑﻴﺸﻠﻨﺎ
ﺷﻤﺎ ﻭﻫﻲ ﺗﻐﻤﺰ ﺑﻌﻴﻨﻬﺎ ﺣﻖ ﺃﻡ ﺳﻌﻴﺪ: ﻣﻨﻮﻩ ﺑﻌﺪ ﺃﺑﻮ ﺳﻌﻴﺪ
ﺃﻡ ﺳﻌﻴﺪ: ﻫﻬﻬﻬﻬﻬﻪ ﻫﺬﺍ ﺩﻭﻣﻪ ﻣﺸﻐﻮﻝ ... ﺑﺲ ﺑﺮﻣﺴﻪ ﺟﻰ ﻳﻘﺪﺭ ﻋﻠﻰ ﻧﻬﺎﻳﺔ ﺍﻷﺳﺒﻮﻉ ﺍﻟﻴﺎﻱ
ﺗﺪﺧﻞ ﻋﻠﻴﻬﻢ ﺷﻤﺴﺔ ﻳﺎﻟﺴﻪ ﺗﻤﻂ ﺃﻳﺪﻳﻨﻬﺎ: ﻣﻤﻤﻢ ﺷﻮ ﻋﻠﻰ ﻧﻬﺎﻳﻪ ﺍﻷﺳﺒﻮﻉ ﺍﻟﻴﺎﻱ
ﺷﻤﺎ : ﻫﻬﻬﻬﻬﻪ ﻟﻮ ﺗﺸﻮﻓﻲ ﺷﻜﻠﺞ ... ﻳﺎﻣﺎﻣﺎ ﺍﻟﻨﺎﺱ ﻳﻮﻡ ﺗﻨﺶ ﻣﻦ ﺭﻗﺎﺩﻫﺎ ﺗﻐﺴﻞ ﻭﻳﺎﻫﺎ ﻭﻻ ﺗﺘﺴﺒﺢ
ﺷﻤﺴﺔ: ﺍﻧﺰﻳﻦ ﻭﻣﻨﻮﻩ ﻗﺎﻝ ﻟﺞ ﻳﺎﻓﺎﻟﺤﻪ ﺇﻧﻲ ﻣﺎﺃﺳﻮﻱ ﺟﻴﻪ. ..ﺑﺲ ﺃﻧﺎ ﺑﻌﺪﻧﻲ ﻣﺎﺷﺒﻌﺖ ﺭﻗﺎﺩ.. .ﺑﺲ
ﻧﺰﻟﺖ ﺃﺳﻮﻱ ﻟﻔﻪ ﻓﻲ ﺍﻟﺒﻴﺖ.. . ﻭﺍﻟﺤﻴﻦ ﺭﺍﺩﻩ ﺃﺭﻗﺪ
ﺷﻤﺎ : ﺍﻟﺤﻤﺪ ﻟﻠﻪ ﻭﺍﻟﺸﻜﺮ
ﺷﻤﺴﺔ ﻭﻫﻲ ﻃﺎﻟﻌﻪ: ﻋﻠﻰ ﻧﻌﻤﺔ ﺍﻟﻌﻘﻞ
ﺃﻡ ﺳﻌﻴﺪ: ﻫﻬﻬﻬﻬﻪ ﻣﺘﻰ ﺑﺘﻌﻘﻞ ﻫﺎﻟﺒﻨﻴﻪ
ﺷﻤﺎ : ﻳﻮﻡ ﺗﻮﺻﻞ ﻓﻲ ﺍﻷﺭﺑﻌﻴﻦ ﺑﺘﻌﻘﻞ ﺻﺪﻗﻴﻨﻲ
ﺃﻡ ﺳﻌﻴﺪ: ﻫﻬﻬﻬﻬﻬﻬﻬﻬﻬﻬﻬﻬﻬﻪ
ﺷﻤﺎ : ﻫﻴﻪ ﺻﺢ ﺃﻡ ﺳﻌﻴﺪ ﺳﻤﻌﺖ ﺇﻧﻪ ﺍﻟﻴﻮﻡ ﺑﻴﻮﻧﺎ ﻋﺮﺏ
ﺃﻡ ﺳﻌﻴﺪ: ﻫﻴﻪ.. .ﺇﻻ ﻣﻦ ﺍﻷﻫﻞ.. .ﺑﺲ ﻣﺎﻧﺘﺰﺍﻭﺭ ﻭﺍﻳﺪ
ﺷﻤﺎ : ﻣﻦ ﺍﻷﻫﻞ ! "ﻟﺘﻔﺘﺖ ﺻﻮﺏ ﻋﺒﻮﺩ ﻭﺭﺷﻮﺩ ﻳﺎﻟﺴﻴﻦ ﻳﺘﻀﺎﺭﺑﻮﺍ ﻋﻠﻰ ﻛﻮﺭﻩ "
ﺷﻤﺎ : ﺃﻳﻪ ﺃﻧﺖ ﻭﻳﺎﻩ ... ﺣﺸﻰ ﻣﻦ ﺻﺒﺎﺡ ﺍﻟﻠﻪ ﺧﻴﺮ ﺿﺮﺍﺑﻪ
ﺭﺷﻮﺩ ﻭﻓﻲ ﻋﻴﻮﻧﻪ ﺩﻣﻮﻉ: ﺃﺑﻮﺩ ﺃﻭﻟﻨﻲ
ﺃﻡ ﺳﻌﻴﺪ: ﻣﺎﻋﻮﺭﻙ ﺇﻻ ﺇﺫﺍ ﺃﻧﺖ ﺿﺮﺑﺘﻪ
ﺷﻤﺎ : ﺣﺸﻰ ﻳﺎﻫﺎﻷﺛﻨﻴﻦ ﻣﺎﻳﻴﺘﻤﻌﻮﺍ.. . ﺷﺮﺍﺕ ﺍﻟﺰﻳﺖ ﻭﺍﻟﻨﺎﺭ
ﻋﺒﻮﺩ ﺯﺍﺥ ﺷﻌﺮ ﺭﺷﻮﺩ: ﺩﺏ ﻳﻴﺐ ﺍﻟﻜﻮﻟﻪ
ﺭﺷﻮﺩ ﻣﻴﻮﺩ ﺍﻟﻜﻮﺭﺓ ﺑﺈﻳﺪﻳﻨﻪ ﺍﻟﺜﻨﺘﻴﻦ : ﻣﺎﺑﻰ ﻣﺎﺑﻰ ﻣﺎﻟﻲ
ﻧﺸﺖ ﺷﻤﺎ ﻭﺭﺍﺣﺖ ﺗﻔﺠﻬﻢ ﻋﻦ ﺑﻌﺾ: ﺑﺲ ﺃﻧﺖ ﻭﻳﺎﻩ
ﺃﻡ ﺳﻌﻴﺪ ﻧﺸﺖ ﺗﺸﻞ ﺭﺷﻮﺩ: ﺑﺲ ﺣﺒﻴﺒﻲ ﻫﺬﻱ ﻛﻮﺭﺓ ﻋﺒﺎﺩﻱ. .. ﺃﻧﺖ ﻛﻮﺭﺗﻚ ﻓﻲ ﺍﻟﺒﻴﺖ
ﺭﺷﻮﺩ : ﻻ ﻫﺪﻱ ﻣﺎﻟﻲ
ﺷﻤﺎ : ﻣﺒﻮﻧﻲ ﺃﺑﻰ ﺃﺭﻭﺡ ﺍﻟﺤﺪﻳﻘﺔ .. .ﺑﺲ ﺷﻜﻠﻲ ﻣﺎﺑﺮﻭﺡ ﻣﻜﺎﻥ
ﺃﻡ ﺳﻌﻴﺪ: ﻭﻳﻦ ﺗﺮﻭﺣﻲ ﺍﻟﺤﺪﻳﻘﺔ ﻭﺍﻟﻴﻮﻡ ﻋﻨﺪﻧﺎ ﻋﺮﺏ
ﺷﻤﺎ : ﺗﺮﺍﻧﻲ ﺃﻗﻮﻝ ﻟﺞ " ﻳﺎ ﺭﺷﻮﺩ ﻋﺪﺍﻝ ﺷﻤﺎ ﻭﻫﻮ ﻣﻐﻤﺾ ﻋﻴﻮﻧﻪ ﻭﺭﺍﺹ ﻋﻠﻴﻬﻦ ﻳﺒﻰ ﻳﻄﻠﻊ ﺩﻣﻮﻉ
ﺑﺎﻟﻐﺼﺐ.. .
ﺭﺷﻮﺩ : ﺳﻤﺎ ﺃﺑﻮﺩ ﺃﻭﺭﻧﻲ
ﺷﻤﺎ ﻭﻫﻲ ﺗﺸﻠﻪ ﻭﺗﺤﺒﻪ ﻋﻠﻰ ﺧﺪﻩ: ﻫﻬﻬﻬﻬﻪ ﻓﺪﻳﺖ ﺃﻧﺎ ﺇﻟﻲ ﺗﻌﻮﺭ
ﻋﺒﻮﺩ ﻳﻮﻡ ﺷﺎﻑ ﺷﻤﺎ ﺷﺎﻟﻪ ﺭﺷﻮﺩ ﻳﺎ ﻳﺮﺑﻊ ﺻﻮﺑﻬﺎ ﻭﺯﺧﻬﺎ ﻣﻦ ﺛﻮﺑﻬﺎ: ﻣﺎﺑﻰ ﻣﺎﺑﻰ ﻧﺰﻟﻴﻪ ﻣﺎﺑﻰ
ﺷﻤﺎ ﺃﻃﺎﻟﻊ ﻋﺒﻮﺩ ﺇﻟﻲ ﻣﻴﺖ ﻏﻴﺮﻩ : ﻓﺪﻳﺖ ﺇﻟﻲ ﻳﻐﺎﺭﻭﺍ
ﺑﻌﺪﻳﻦ ﻧﺸﺖ ﻭﻋﻄﺖ ﺭﺷﻮﺩ ﺣﻖ ﺃﻣﻪ ﻭﺷﻠﺖ ﻋﺒﻮﺩ : ﺧﺬﻱ ﻭﻟﺪﺝ ... ﻭﺑﺸﻞ ﻫﺎﻟﺪﺏ ﺣﻖ ﺃﻣﻪ
ﺃﻡ ﺳﻌﻴﺪ: ﻫﻬﻬﻬﻬﻪ ﻭﻳﻨﻬﺎ ﻧﺎﻋﻤﻪ ﻣﺎﺷﻔﺘﻬﺎ
ﺷﻤﺎ : ﺃﻛﻴﺪ ﻓﻲ ﺍﻟﻤﻄﺒﺦ ﻭﻳﺎ ﺳﻮﺳﻤﻴﻨﻲ ﺗﻌﺎﺑﻞ ﺍﻟﻐﺪﻯ
ﺃﻡ ﺳﻌﻴﺪ: ﺣﺸﻰ ﻣﻦ ﺍﻟﺤﻴﻨﻪ ﺗﺴﻮﺍ ﺍﻟﻐﺪﻯ
ﺷﻤﺎ : ﻻ ﺗﻨﺴﻲ ﺇﻧﻪ ﺍﻟﻴﻮﻡ ﺍﻟﻜﻞ ﺑﻴﻲ. .. ﻭﻳﻤﻜﻦ ﻋﻠﻲ ﺑﻌﺪ ﺑﻴﺘﻐﺪﻯ ﻋﻨﺪﻧﺎ
ﺃﻡ ﺳﻌﻴﺪ ﻭﻫﻲ ﺗﻨﺶ ﻣﻦ ﻣﻜﺎﻧﻬﺎ: ﻫﻲ ﺻﺪﺝ. .. ﺍﻟﻤﻬﻢ ﺃﻧﺎ ﺑﺴﻴﺮ ﺍﻟﺒﻴﺖ ﺃﻭﺩﻱ ﺭﺷﻮﺩ ...ﻭﺑﺮﺩ ﺃﺳﺎﻋﺪ ﺃﻡ
ﻋﺒﺪﺍﻟﻠﻪ
ﺷﻤﺎ : ﺍﻭﻛﻰ.. . ﻭﺃﻧﺎ ﺑﻌﺪ ﺑﺮﻭﺡ ﺃﻗﻮﻡ ﺷﻤﺴﻮﻩ ﺣﺸﻰ ﻣﺎﺗﺸﺒﻊ ﻣﻦ ﺍﻟﺮﻗﺎﺩ
ﺃﻡ ﺳﻌﻴﺪ: ﺧﻠﻴﻬﺎ ﺗﻌﻮﺽ
. ... .. ..
ﺑﻌﺪ ﺻﻼﺓ ﺍﻟﻈﻬﺮ ﻭﺻﻞ ﻋﻠﻲ ﺑﻴﺖ ﻋﻤﻪ ﻣﺤﻤﺪ.. .ﻷﻧﻪ ﺗﻌﻮﺩ ﻳﺘﻐﺪﻯ ﻛﻞ ﻧﻬﺎﻳﺔ ﺇﺳﺒﻮﻉ ﻓﻲ ﺑﻴﺘﻬﻢ ﺑﺲ
ﺍﻟﻴﻮﻡ ﻣﺠﺪﻡ ﺑﻴﻮﻡ. ..ﻭﻋﻠﻲ ﺍﻟﻜﻞ ﻳﻌﺮﻑ ﻋﻨﻪ ﺍﻹﺳﺘﻘﺎﻣﻪ ﻭﺍﻟﻄﻴﺒﻪ ...ﻣﻦ ﻏﻴﺮ ﻃﺒﻌﺎ ﺍﻟﺠﺎﻧﺐ ﺍﻟﻤﺮﺡ ﻓﻲ
ﺷﺨﺼﻴﺘﻪ.. .ﻫﻮ ﺻﺢ ﻳﺤﺐ ﻗﻮﻡ ﻋﻤﻪ ﻣﺤﻤﺪ ﻭﺍﻳﺪ ﻭﺗﻌﻮﺩ ﻋﻠﻴﻬﻢ. ..ﺑﺲ ﻛﺎﻥ ﺣﺒﻪ ﻟﺸﻤﺴﺔ ﺃﻛﺒﺮ. .. ﻭﻳﻌﺮﻑ
ﻓﻲ ﻧﻔﺲ ﺍﻟﻮﻗﺖ ﺇﻧﻪ ﺷﻤﺴﺔ ﻣﺎﺗﺤﺒﻪ. ..ﺑﺲ ﻣﻊ ﻫﺬﺍ ﻣﻦ ﺍﻟﺼﻌﺐ ﻋﻠﻴﻪ ﺇﻧﻪ ﻳﻔﻜﺮ ﺑﻐﻴﺮﻫﺎ.. .ﻷﻧﻪ ﻣﻦ
ﻳﻮﻡ ﻫﻮ ﻳﺎﻫﻞ ﻳﺴﻤﻊ ﺍﻟﺠﻤﻴﻊ ﺇﻧﻬﺎ ﻣﺤﻴﺮﻩ ﺣﻘﻪ ﻭﻫﻮ ﻭﻟﺪ ﻋﻤﻬﺎ ﻭﻣﺎﺑﺘﻜﻮﻥ ﻟﻐﻴﺮﻩ .. .ﻭﻛﺒﺮ ﺣﺒﻪ ﻟﻬﺎ
ﻭﺻﺎﺭﺕ ﺷﻤﺴﺔ ﻛﻞ ﺩﻧﻴﺘﻪ ... ﻭﻳﺘﺮﻳﺎ ﺍﻟﻴﻮﻡ ﺇﻟﻲ ﺑﻴﺠﻤﻌﻪ ﻣﻌﻬﺎ .. . ﻓﻲ ﻧﻈﺮﻩ ﺷﻤﺴﺔ ﻣﻊ ﺍﻟﻮﻗﺖ ﺑﺘﺘﻌﻮﺩ
ﻋﻠﻰ ﺍﻟﻮﺿﻊ ﻭﺑﺘﺘﻘﺒﻠﻪ .. .ﻭ ﻻﺣﻆ ﻓﻲ ﺍﻟﻔﺘﺮﺓ ﺍﻻﺧﻴﺮﻩ ﺇﻧﻬﺎ ﺻﺎﺭﺕ ﻗﺎﺳﻴﻪ ﻭﺍﻳﺪ ﻓﻲ ﻣﻌﺎﻣﻠﺘﻬﺎ
ﻭﻳﺎﻩ .. .ﻭﻛﺄﻧﻬﺎ ﺗﺤﺎﻭﻝ ﺗﺒﻌﺪﻩ ﻋﻨﻬﺎ .. . ﻭﻣﻊ ﻫﺬﺍ ﻳﺘﺴﺎﻣﺢ ﻣﻌﻬﺎ. .. ﻋﻠﻤﻪ ﺍﻟﺤﺐ ﻛﻴﻒ ﻳﺴﺎﻣﺢ ﻭﻛﻴﻒ ﻳﺼﺒﺮ
ﻋﻠﻰ ﻗﺴﻮﺓ ﺍﻟﺤﺒﻴﺐ. ..ﻭﻛﻞ ﻛﻠﻤﺔ ﻻﺯﻋﻪ ﺗﻄﻠﻊ ﻣﻦ ﺷﻔﺎﻳﻔﻬﺎ ﻋﻠﻰ ﻣﺴﻤﻌﻪ ﺷﻬﺪ ...
ﺭﺍﺷﺪ ﻫﻮ ﺃﻗﺮﺏ ﺍﻟﻨﺎﺱ ﻋﻨﺪ ﻋﻠﻲ. ..ﻫﻢ ﺍﻷﺛﻨﻴﻦ ﻭﻳﺎ ﺑﻌﺾ ﻓﻲ ﺍﻟﺠﻴﺶ ﻭﻓﻲ ﻧﻔﺲ ﺍﻟﺮﺗﺒﻪ
ﺍﻟﻌﺴﻜﺮﻳﺔ ... ﺭﻏﻢ ﺗﻘﺎﺭﺑﻬﻢ ﻣﻦ ﺑﻌﺾ ﺇﻻ ﺇﻥ ﺭﺍﺷﺪ ﺷﺨﺼﻴﺘﻪ ﻗﺎﺳﻴﻪ ﺷﻮﻱ ﺑﻌﻜﺲ ﻋﻠﻲ ﺍﻹﻧﺴﺎﻥ
ﺍﻟﺸﺎﻋﺮ ﺍﻟﺮﻣﺎﻧﺴﻲ .. . ﺣﺘﻰ ﻫﻮ ﻣﺮﺍﺕ ﻳﺘﺴﺄﻝ ﻟﻴﺶ ﺃﻧﺎ ﺩﺷﻴﺖ ﺍﻟﺠﻴﺶ !! ﻣﻮﺏ ﻣﻜﺎﻧﻲ
ﺍﻟﻄﺒﻴﻌﻲ.. . ﻃﺒﻌﺎ ﺩﺧﻞ ﺍﻟﺠﻴﺶ ﺑﻌﺪ ﻣﺎﺃﻗﻨﻌﻪ ﺭﺍﺷﺪ ﺇﻧﻬﻢ ﻳﺪﺷﻮﺍ ﻣﻊ ﺑﻌﺾ .. .
ﺑﻌﺪ ﻣﺎﻓﺘﺤﺖ ﺳﻮﺳﻤﻴﻨﻲ ﻟﻪ ﺍﻟﺒﺎﺏ.. .ﺭﺍﺡ ﺻﻮﺏ ﺍﻟﺼﺎﻟﺔ ﻭﺳﻮﻯ ﺻﻮﺕ ﻋﻠﺸﺎﻥ ﻳﻌﺮﻓﻮﺍ ﺇﻧﻪ
ﻭﺻﻞ. .. ﺩﺵ ﺍﻟﺼﺎﻟﺔ ﺑﻌﺪ ﻣﺎﺳﻤﻊ ﺻﻮﺕ ﻋﻤﻪ. .
