BHO CAMP #5: Syntax Error

CHAPTER 13 ~ Out of control ~

CHAPTER 13

SNOW'S POV

Hindi ko na nagawang makapagsalita sa sinabi ni Athena dahil walang salitang tinalikuran kami ni Waine at tinakbo ang daan papunta sa headquarters. Nanglalaki ang mga matang nilingon ko si Athena na nagdududang nakatingin sa akin.

"Oh my gosh, Athena. Nag dahan-dahan ka naman sana!"

Pinaikot niya ang mga mata niya. "Kayo kaya ang kanina pa ako minamadali. Masunurin akong bata, duh."

"Whatever." I said waving my hand. "Tell me what happened."

"Hindi ko din alam, I swear. Napag utusan lang ang kagandahan ko." Itinaas niya ang mga kamay niya at ipinakita sa akin ang mga kuko niya na hindi pa tapos ang pagkakalagay ng nail polish. "Busy kaya ako na nakatambay sa dining hall ng istorbohin ako ni Boss Dawn." nakangusong sabi niya.

Hindi ko pinagtuunan ng pansin ang iwinawagayway niyang mga daliri sa harapan ko. Napakagat ako sa ibabang labi ko. Ano kaya ang nangyari? Paanong basta-basta na lang magpapakita ang isang taong taonna ang lumipas na hindi mahanap-hanap? Kung nahanap na si Serenity ibig bang sabihin niyon ay malalaman na namin kung buhay ba talaga si Wyatt Claw at kung paano?

No. There's no question that he's alive. Nahuli na ang lahat ng mga kasamahan niya. Wala ng iba na maaaring magtangkang itakas si Warner sa kulungan kundi si Wyatt. Idagdag pa ang natagpuan listening device at mic sa bangkay na inakala naming si Wyatt. At that time the whole Claw Organization was wiped out. Wyatt was the one supposed to be left out. Wala na siya dapat kausap sa listening device nila. But through investigation, we found out that he was indeed talking to someone. And that someone could be the real Wyatt Claw. Gumamit siya ng tao na ipapain niya para mapeke ang sarili niyang kamatayan.

Napakurap ako at napatingin kay Athena ng maramdaman ko ang mabigat niya na pagkakatingin sa akin. Hindi nga ako nagkamali ng makita ko siyang naniningkit ang mga mata habang tinititigan ako. "Anong tinitingin-tingin mo diyan?"

"May something ba sa inyo ni Waine?" tanong niya.

"Wala."

"Eh bakit lagi kayong magkasama?"

"Marami siyang...tinuturo sa'kin."

Lalong naningkit ang mga mata ni Athena. "Ano naman ang tinuturo niya sa'yo na hindi mo pa alam? At saan ka niya tinuturuan?"

Naguguluhan na ako sa tinatakbo ng usapan namin ni Athena. Bakit ba lagi na lang kaming pinagdududahan ni Kuya Waine? Hindi ba normal sa isang babae na laging may kasamang lalaki? Kami naman ni Phoenix halos hindi mapaghiwalay ah.

"Kahit saan. Maparaan si Kuya Waine." lumalim ang gatla sa noo ko ng parang hindi siya makapaniwala sa sinabi ko. "Teka nga, bakit ba ang dami mong tanong?"

"Wala. Halika na nga."

Iniwas ko ang kamay ko ng aktong hihilahin niya ako. "Saan tayo pupunta?"

"Sa control room malamang."

Muli akong napakagat sa ibabang labi ko. They would kill me for sure. There's no doubt that they heard everything. "Ayoko!"

Nameywang si Athena. "Pinapatawag ka nila Freezale."

"B-Busy ako. I have a life you know?"

"Right. At ano naman ang gagawin mo? Aakyat sa puno at mamimitas ng mangga? Pupunta sa tree house niyo ni Phoenix? Bibisitahin si Phoenix-"

"My world doesn't revolve around him!" I shouted.

The moment it escaped my lips I know that it isn't true. Ngayon ko pa ba itatanggi? Ngayon pa na naiintindihan ko na lahat? He is my world. I can't even think about a happy memory that doesn't include him.