BHO CAMP #5: Syntax Error

CHAPTER 14 ~ Dour ~

CHAPTER 14

SNOW'S POV

Nararamdaman ko ang mabibigat na tingin sa akin ng mga kapatid ko pero nanatiling tutok ang mga mata ko sa pagkain sa harapan ko. Halos sila Momma, Papa at Kuya King lang ang nagsasalita sa amin at hindi ko alam kung napapansin ba nila ang tensyon sa paligid.

Katulad ng plano, kay Kuya Thunder ako sumabay papunta rito sa family house namin. Kulang na sabihang awkward ang naging biyahe. Hindi ko din naman alam ang sasabihin ko kaya nanatiling tikom ang mga labi ko.

Napaangat ako ng tingin nang marinig ko ang pagkalansing ng mga kubyertos. Muli akong napaiwas ng tingin ng makita ko na galing iyon sa nanay ko. "Okay. I have enough of this. Anong problema niyong magkakapatid?"

"Wala po." narinig kong sagot ng kapatid ko na si Freezale.

"Right. Kaya pala ni isa sa inyong tatlo parang mga pipe kanina pa."

Tumikhim si Kuya Thunder. "Na-amaze lang kami sa luto mo momma. Nakakaspeechless. Ang tagal na rin naming hindi natitikman ang luto mo."

"Thunder Night."

"Err...Yes Momma?"

"Hindi ako ang nagluto niyan."

Lihim na napangiwi ako. Kung tama ako ng pagkakaalala, kaninang pagdating namin sinabi ni Momma na bumili lang sila ng food ni Papa dahil nagahol sila sa oras.

"May nakikinig ba sa akin sa inyo o nag-aaksaya lang ako ng boses?"

Matamis na ngumiti ako at pilit na sinalubong ko ang naniningkit na mga mata ng nanay namin. "Nakikinig po kami, Momma. Medyo wala lang sa mood si Ate Freezale dahil nadidistract siya sa kagwapuhan ni Kuya King. Si Kuya Thunder naman po busy sa banda niya saka sa girls niya. Momma may dessert ba? May mangga? Nagugutom pa ako eh. Ay Momma! Pahingi po ako ng extra money ha? Balak ko po kasi magbakasyon eh." inosenteng tinignan ko ang mga magulang ko. "Papa si Kuya Waine may crush kay Momma."

Napuno ng ingay ang hapag-kainan sa pangunguna ni Kuya King na hinaharot na ang straight faced pa rin na kapatid ko, si Kuya Thunder naman ay ibinibida ang banda niya at ang kakisigan niya at si Papa naman ay halatang nagseselos na nilalambing si momma.

Snow's Distraction Op: Completed.

"Snow."

Nginitian ko si Papa at ipinaling ko ang ulo ko na parang tuta. Years of practice told me that this is my best puppy-innocent look. "Yes po?"

"Bakit ka magbabakasyon?"

Sandaling natigilan ako pero kaagad naman akong nakabawi. "Ahh, naisipan lang po naming gumala...ni Athena! Tama, ni Athena. Two months vacation. Wala din naman po akong gagawin kaya pumayag po ako." Now if this works I need to think of a way to make Athena go with me or at least pretend to.

"Si Athena? Kailan ba kayo naging close?" tanong naman ni Momma.

A few hours ago. "Matagal na po kaming close. Kaso minsan lang po kami nag bo-bonding kasi kasama niya lagi si Hera tas ako...kasama ko po si P-Phoenix."

Kung nakumbinsi ko man sila sa sagot ko o hindi, sila na lang ang nakakaalam. Tahimik na bumalik kami sa pagkain habang panaka-naka ay nararamdaman ko pa rin ang mga tingin ng mga kapatid ko.

Pagkatapos ng ilang minuto ay natapos na rin kami. Katulad ng nakasanayan namin lahat, dumiretso kami sa garden kung saan i-seserve ang dessert namin. Pinauna na kami nila Momma at Papa.

Nang makarating sa garden kaagad na nagtabi sa isang bench ang mag-asawang Freezale at King habang karga-karga nila ang mga anak nila na kinuha nila sa crib na nandito sa bahay. Wala akong choice kundi tumabi sa Kuya ko.