اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
الحلقه { 3 }
رشا : داخله انا هعمل شاى اعملك
مهدى : اعملى
( داخلت رشا تعمل شاى وفجئه مهدى سمع رشا بتصوت فى المطبخ )
رشا : اااااااااااااااااااه الحقنى يا مهدى الحقنى
( داخل مهدى يجرى هو والعيال )
مهدى : ايه فى ايه ؟
رشا : البراد ايدو اتكسرت والمايه المغليه وقعت عليا الحقنى مش قادره اقف
نور : دى المايه حرقت رجلك يا ماما
عمرو : طب هنعمل ايه دلوقتى ؟
مهدى : ( سنادها ) طب تعالى براحه اطلعى باره
رشا : مش قادره شيلنى
مهدى : اشيل ايه انا قادر اشيل نفسى ، امشى واحده واحده
( خادها وقعدها على السرير )
اجبلك ايه ولا اعملك ايه ؟
رشا : هى الناس لما بتتحرق بيعملولهم ايه ؟
مهدى : بيحطو معجون سنان انا اسمع كدا
رشا : خلاص روح هات هتلاقيه فى الحمام
( عمرو جرى جاب معجون السنان ودهنت رجلها مكان الحرق )
نور : هو الحرق مخفش ليه ؟
رشا : دى داعوه واتداعت عليا ستك داعت عليه هى واختك
مهدى : لا اله الا الله ، لبسيها فى ستى واختى بقى انتى اللى مروشه اكتر من مره قولتلك البراد ده ايدو مكسوره وانتى برضو بتعملى فيه اختى وستى مالهم
رشا : انا سمعه ستك وهى بتدعى عليا بس مفهمتش بتقول ايه
اخدمك واخدم عيالك ازاى دلوقتى
مهدى : يعنى انتى بتعملى ليهم ايه ما هما كبار وكمان انتى طول النهار سيباهم فى الشارع
رشا : والاكل وتنضيف البيت والعيال مين هيحميهم واحنا فى الصيف اهو لو سبتهم من غير ما احميهم هيعفنه ورحتهم هتطلع
أنت تقرأ
قابل للكسر
Romanceبسم الله الرحمن الرحيم انهاردة اول حلقات روايتي الجديده وهى بأسم قابل للكسر فى حاجات كتير اوى فى حياتنا قابله للكسر ـ ولما اقول قابل للكسر مقصدش بس القلوب او الحب بين طرفين الخيانه والسراع على المال والحسد والغل وحب الس...
