بسم الله الرحمن الرحيم
انهاردة اول حلقات روايتي الجديده وهى بأسم قابل للكسر
فى حاجات كتير اوى فى حياتنا قابله للكسر ـ ولما اقول قابل للكسر مقصدش بس القلوب او الحب بين طرفين
الخيانه والسراع على المال والحسد والغل وحب الس...
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
الحلقه { 19 }
نرجس : اطلعو باره باره
هنيه : مش هنمشى دا بيت ابويا
نرجس : طيب انا هوريكم
( داخلت اوضتها وسابتهم فى الصاله )
نرجس : ( واقفه فى الاوضه وعماله تكلم نفسها ) اعمل ايه يا ربى دا ولا الاحتلال جوم عشان يصلحولى الحمام مش عاوزين يخرجو من الشقه
( مسكت موبايلها وكلمت صاحب البيت )
الو ايوه يا ابو محمود انا ام عبدو اللى ساكنه عندك فى الدور الاول
ابو محمود : ( صاحب البيت ) اهلا يا ام عبدو خير فى حاجه كنا سمعين صوتك من شويه
نرجس :اقولك ايه بس واعيدلك ايه
-الحمام عندى المايه سارحت فى الشقه جبت سباك طلب منى 3000 جنيه وانا مش معايا فا روحت جبت جوز بنتى قولت اهو جوز بنتى هيخاف على القرش وهيتقى ربنا فيه
ابو محمود : اه وعمل ايه ؟
نرجس : عمال يكسر فى الحمام يمين وشمال وداخل على المطبخ والشقه ربنا ما يوريك والله انا خايفه على اساس البيت واقوله دق وكسر بعقل ولا كأنو سامعنى ويكااااااااااااسر
ابو محمود : وهو مالو ومال الاساس ؟
نرجس : ما هو عمال يكسر يا خوفى يكون كسر فى العمود
ابو محمود : ايه عمود لا انا نازلك
نرجس : وهات معاك عيالك اصلو صنف يخاف وميختشيش
ابو محمود : انا عامل حساب ليكى يا ام عبدو
نرجس : دحنا عشرة عمر يا ابو محمود وام محمود يعنى اللى داخل بنا خارج
ابو محمود : طيب انا جايلك انا وعيالى
نرجس : تأنس يا أبو محمود
( قفلت المكلمه ) اهو هو ده اللى هيربيك يا خرتيت انته وعيالك اللهى تنضربو فى بطنكم ما تباتو يا رب
**** ( بقلم هند محمد @isis Mohamed ) ****
هنيه : مين اللى بيخبط كدا دا ؟
امام : انا عارف ؟ هقوم افتح ( قام فتح لقى أبو محمود ومعاه 2 رجاله طول بعرض ) نعم ؟
ابو محمود : انا المعلم شربينى صاحب البيت ايه الدق اللى بقالو كام يوم ده ( وداخل هو وولادو ال2 ) ؟
