بسم الله الرحمن الرحيم
انهاردة اول حلقات روايتي الجديده وهى بأسم قابل للكسر
فى حاجات كتير اوى فى حياتنا قابله للكسر ـ ولما اقول قابل للكسر مقصدش بس القلوب او الحب بين طرفين
الخيانه والسراع على المال والحسد والغل وحب الس...
ام كنان : طب وايه يمنع يعنى ما تتعالج وتستثمر وتعمل اللى عاوزوه
كنان : ماما البلد هنا مش سداح مداح زى ما بقولو فى مصر
هنا كل حاجه بقوانين ونظام ، اللى داخل البلد هنا عشان يتعالج ماينفعش يشتغل واللى جاى للسياحه ماينفعش يشتغل اللى عاوز يشتغل لازم يكون معاه اقامه وسكن ثابت واملاك ورصيد فى البنك بالدولار وتصريح وحاجات كدا
وانا مش معايا اقامه ولا سكن ولا املاك ولا سكن ولا حساب بالدولار
ام كنان : بقولك ايه متفكرش ركز فى نفسك وربنا يتم شفاك على خير وننزل مصر نفتح المحل بتاعك
كنان: حاضر يا ماما مش هفكر انا هدخل انام شويه
ام كنان : اه وانا كمان انا مش ورايا حاجه
**** ( بقلم هند محمد @isis Mohamed ) ****
حاتم : هى عبله فين ؟
بركه : نايمه بقالها شويه
حاتم : وانتى بتعملى ايه ؟
بركه : بقرا كتاب
حاتم : كتاب ايه انتى بتشتغلينى انتى ماسكه الموبيل
بركه : كتاب pdf يا حاتم بس جميل بيتكلم على الحضاره المصريه فى العصر الاغريقى
حاتم : اغريقى اممممم تمام
اول مره اعرف انك مهتمه بالثقافه ؟
بركه : مش اوى بس اهو اى حاجه الواحد لازم يثقف نفسه
