اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
الحلقه { 103 }
مريم : انا كان ليه طلب عندك
زغول : خير يا حبيبتى ؟
مريم : امبارح نزلت اجيب طلبات للبيت انا وابتسام فا واحنا بنشترى لقيت دار ايتام قريبه اوى مننا
زغلول : اه عارفها انا كل يوم بعدى عليها وانا رايح وانا جاى ، المهم يعنى مالها
مريم : كنت عاوزه اروح اقعد مع الولاد العب معاهم واشوفهم محتاجين ايه ؟
زغلول : وليه توجعى دماغك
مريم : عاوزه اعمل عمل خير ، انا مش هروح كل يوم دا هو مره او مرتين فى الاسبوع
زغلول : بصى انا عادى عاوزه تروحى اوك روحى لو ده هيفرحك
مريم : ( بابتسامه عريضه ) اه هكون فرحانه اوى
زغلول : خلاص برحتك بس تروحى وتيجى فى النور متتأخريش
مريم : لالا دا هو ساعتين او تلاته بس انته عارف انا مقدرش اسيب ماما لوحدها
زغلول : ماشى يا مريومه برحتك
مريم : وكمان كنت عاوزه اخد رأيك فى حاجه ؟
زغلول : ايه تانى ؟
مريم : بابا بيدينى مصروف كل شهر حوالى
زغلول : مش عاوز اعرف باباكى بيديكى كام لانها فى الاخر فلوسك انتى
ـ وحسك عينك يا مريم تصرفى على البيت حاجه من الفلوس دى انا حاطتلك فلوس فى الدرج جوه خلصتيها قوليلى اديكى غيرها مفهوم
مريم : حاضر
زغلول: وكمان انا هعاملك مصروف شخصى كدا عشان تجيبى بيه اللى تحبيه وتدلعى نفسك ، روج حلو ، برفان يجنن ، توكه عسل كدا بدل الفيونكات اللى بتعمليها دى
مريم : مالها الفيونكات والله بابقى حلوه فيها بتصغرنى كدا
زغلول : لا مش بحب الفيونكات دى انا
مريم : طيب طيب خلينا فى اللى بكلمك عليه
زغلول : اللى هو ايه ؟
مريم : انا كنت عاوزه اجيب بجزء من مصروفى كل شهر حاجات للاطفال دى يعنى مثلا 100 جنيه كل شهر اجيب بيهم لبن وحفاضات واكل وحاجات كدا ايه رأيك ؟
أنت تقرأ
قابل للكسر
Romantikبسم الله الرحمن الرحيم انهاردة اول حلقات روايتي الجديده وهى بأسم قابل للكسر فى حاجات كتير اوى فى حياتنا قابله للكسر ـ ولما اقول قابل للكسر مقصدش بس القلوب او الحب بين طرفين الخيانه والسراع على المال والحسد والغل وحب الس...
