بسم الله الرحمن الرحيم
انهاردة اول حلقات روايتي الجديده وهى بأسم قابل للكسر
فى حاجات كتير اوى فى حياتنا قابله للكسر ـ ولما اقول قابل للكسر مقصدش بس القلوب او الحب بين طرفين
الخيانه والسراع على المال والحسد والغل وحب الس...
سهير : عمك رشدى كلم ابوك من شويه وبيقول على الشقه وتوضبها وقالو لو مش معاك فلوس توضب هو رشدى هيوضب ويخليك تمضى وصل امانه ، ابوك سمع كدا اتجنن
حاتم : طب هو عمى رشدى يكلم بابا ليه هومالو
فوزى : ( بعد مالبس ) يلا قدامى
حاتم : بابا اهدى كدا وشوف انته بتعمل ايه ، عمى رشدى بيفكر زى اى حد انا ليه اصحابى حصل معاهم كدا اهل العروسه كانو موضبين كل حاجه وكتبو عليهم وصلات ومع الوقت سددو كل اللى عليهم الناس العقله اللى عاوزه تمشى امورها بتعمل كدا ؟
فوزى: الناس العقله اه وانا بقى المجنون ، انته مش كنت مش عاوزها واناغصبت عليك عشان تتجوزها ؟
حاتم : ايوه بس خلاص كتبنا الكتاب مينفعش اطلقها
اولا حرام عليا هى معملتش حاجه
فوزى : كفايه امها وابوها
سهير: امها وابوها عملو ايه بس هما عاوزين يفرحو ببتنهم ويطمنو عليها
فوزى : انتى اصلك واحده هبله ومبتفهميش غير فى الطبيخ بتاعك
سهير: كدا برضو يا فوزى كتر خيرك ما دا اخرتها متشكره يا ابن الاصول
حاتم : ماما عندها حق عمى ومرات عمى عاوزين يطمنو على ابتسام ومحدش يقدر يلومهم على كدا
