اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
الحلقه { 71 }
بركه : ( وهى بتكلم نفسها )
{ وحيات ربنا لانكد عليكى يا روز يا بنت ايزاك ولو انتى امركيه فانا من مصر ومش من اى حتى انا من شبرا }
( بلعربى ) بقولك ايه يا مستر ايزاك
ايزاك : ليه عربى يا بيرى كنتى بتتكلمى انجلش دلوقتى ؟
بركه : اصل الكلام اللى هقوله ده مش هعرف اقوله بالانجلش بس ركز معايا
بس الاول انته عارف انك غالى عليا ولا لا اقصد انى بحبك ولا لا ؟
ايزاك : انا كمان بحبك بيرى زى روز واكتر
بركه : والله وكلكم بحبكم زى اخواتى بالظبط انا ماليش حد هنا غير ربنا وحاتم وانتم
ايفا : ( بالانجليزى ) انا مش فهمه بيرى
سو : استنى ايفا هشرحلك بعدين ، فى ايه بيرى
بركه : الاول هو انته يا مستر متجوز ؟
ايزاك : لا زوجتى ماتت من 10 سنين ومن اليوم ده مافيش حد فى حياتى
بركه : طب هو انته ليك ولاد غير روز ؟
ايزاك : نو روز بس
بركه : طب ليه مفكرتش تتجوز وتجيب ابن راجل كدا لروز يخد بالو منها ويكون ايدك اليمين ويشيل الشغل معاك
ايزاك : ابن ؟
بركه : ايوه ، الف بعد الشر عليك يا رب يديك الصحه بس الواحد مش هيعيش العمر كلو ولازم فى يوم من الايام بعد الشر يا رب اللهى اللى يكرهك مسيرك هتروح لربنا
فا كل الشغل والثروة دى والامروطوريه واسمك ايزاك بلادمير هيروح كدا ؟
ايزاك : بس انا عندى بنت روز
بركه : ربنا يخليهالك بس انا شايفه انها مش مركزه وكمان ملهاش فى البيزنس وكمان مش ملتزمه كدا ومتدلعه مش مسؤله يعنى
ايزاك : فعلا يا بيرى روز غير مسؤله
اليكس : وانتى عاوزه مستر ايزاك يتجوز ؟
بركه : انا عاوزه يجيب ولد يشيل اسمه حد يكون مسؤل كدا يدير الشغل كلو واسم ايزاك بلادمير يفضل فى امريكا ميتنسيش ابدا
أنت تقرأ
قابل للكسر
Romanceبسم الله الرحمن الرحيم انهاردة اول حلقات روايتي الجديده وهى بأسم قابل للكسر فى حاجات كتير اوى فى حياتنا قابله للكسر ـ ولما اقول قابل للكسر مقصدش بس القلوب او الحب بين طرفين الخيانه والسراع على المال والحسد والغل وحب الس...
