قابل للكسر

الحلقه { 43 }

الحلقه { 43 }

بركه : انا حاكتلك كل حاجه ياحمد وماخبتش عليك حاجه انته ومنى ها رأيك ايه ؟

احمد : مستحيل اوافق طبعا ، ازاى اخاطر بيكى واخليكى تجربى دواء مش مضمون

بركه : لا مضمون انابقالى اسبوع او 10 ايام باخدو والحمد لله جاب نتيجه النسبه زادة 2% والله

احمد : وكمان ازاى تتجوزى وتسفرى مع واحد منعرفهوش افرضى عمل فيكى حاجه ولا ليكون بضحك عليكى وعاوز ياخد اعضائك يبيعها

منى : اعضاء ايه انته بتأفلم ليه لا طبعا ، دى فرصه يا احمد مش هتتقرر تانى

بركه : ارجوك ياحمد وافق انا حتى لو مكتوبلى اموت هيبقى افضل من اللى انا فيه ، طول الوقت تعبانه وخيفه اتكسر حياتى وقفه

احمد : انا خايف عليكى

بركه : عارفه والله بس انا حسه انى متفأله وانا صبرة كتير ويمكن ربنا حط حاتم ده فى طريقى سبب عشان اخف

احمد : طب سبينى يومين تلاته افكر وكمان اقول لماما

وانتى كمان لازم تقولى لابوكى ومهدى كمان

بركه : مهدى مش بيكلمنى غير كل شهر مكلمه واحده عشان يقولى انا حولتلك الفلوس ، ابويا بقى هو صلا مش بيفتكرنى

احمد : بس برضو اخوكى وابوكى

منى : ماتلخص يا احمد البت بقولك لازم تتجوز بوالى وانته اخوها وكمان عشان تلحق تسافر تتعالج

احمد : يا بنتى افهمى منك ليها هتسافر ازاى مع راجل غريب منعرفوش وبعدين ده جواز ومتزعليش مني يا بركه انتى مش حمل جواز

بركه : لا انته فاهم غلط مش جواز جواز دى مجرد ورقه كدا عشان ينفع اسافر معاه بس

احمد : والله انا خايف عليكى

بركه : عارفه والله بس ارجوك وافق احمد انا تعبت من اللى انا فيه ، طول الوقت تعبانه ومرهقه ومن اقل مجهود بتعب ، وطول الوقت خايفه اتكسر ولما بنكسر مش بتجبس بفضل مبوطه برباط ضاغط وممنوع اتحرك

والله الموت اهون عندى من كل ده

احمد : ( قام قعد جنبها وحط ايدو على كتفها ) يا حبيبتى والله انا حاسس بيكى ونفسى اعملك حاجه بس خايف عليك