بسم الله الرحمن الرحيم
انهاردة اول حلقات روايتي الجديده وهى بأسم قابل للكسر
فى حاجات كتير اوى فى حياتنا قابله للكسر ـ ولما اقول قابل للكسر مقصدش بس القلوب او الحب بين طرفين
الخيانه والسراع على المال والحسد والغل وحب الس...
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
الحلقه { 9 }
عبده : بركيلى يامه بركيلى يا بركه ربنا كرمنى اخر كرم
نرجس : مبروك بس على ايه ؟
عبده : لقيت شغل عند راجل سعودى بس ايه بقى راجل تقيل قوى فاتح شركة مقولات تشطيبات فلل وفنادق وقصور
نرجس : وانته ايه عرفك بيه ده ؟
عبدو : بعد ما عملت السعى بين الصفا والمروه وكنت مروح لقيت عيل صغير عمال يعيط كان تايه من امه شكلو روحت خاتو وفضلت شايلو على كتافى وفضلت واقف قصاد كاميره بتاع ساعتين والله على اساس لو راحو الاستعلامات ولا حاجه الامن يشوفنى وشويه جالى جدو بقى هو شافنى وانا شايلو كدا جه وكلمنى وشاكرنى انى خاليت بالى من الواد وسئلنى انته منين اول ما قولتلو مصرى مقوليكمش بقى احضان وبوس سألنى انا بتشتغل ايه قولتلو نقاش على باب الله قالى خلاص تعالى واشتغل عندى وهيعملى عقد وكمان هيكفلنى هنا وهيجبلى سكن
نرجس : طيب الحمد لله
بركه : يا ريت يا بابا تقوله على مهدى تجيبو يشتغل معاك هنا
