قابل للكسر

الحلقه { 72 }

الحلقه { 72 }
بركه : امممم طيب فكرت بقى انا مين من الشخصيات ؟
حاتم : اه طبعا ؟
بركه : مين بقى ؟
حاتم :""
"
"
بركه : طبعا مش بترد بتشتغلنى ولا تلاقيك فكرت ولا حاجه بس ماشى يا حاتم
حاتم : هو انتى ليه قماصه ؟
بركه : انا مش قماصه بس باخد على خطرى
حاتم : من ايه بس يا قلبى
بركه : ولا قلبك ولاما قلبكش بقى ، هتتغدا ؟
حاتم : اه طبعا عملتى اكل؟
بركه : اه طبعا عملت اكل بس مسوتوش قولت عشان يبقى سخن ، انا هقوم اسويه فى الميكروويف
حاتم : طب خليكى انتى انا هسويه انتى عامله اكل ايه ؟
بركه : صنية بطاطس ورز
حاتم : طب خليكى انتى ارتاحى عشان فى حفله صغيره كدا بليل
بركه : بليل ايه انا مفككه من الجلسه مش هقدر اروح فى مكان
حاتم : لا ما الحفله دى هنا مش هنخرج
بركه : حفله هنا وبمنسبة ايه ؟
حاتم : بليل هقولك
ـــ انا حطيت الصنيه فى الفرن والرز على البتجاز هدخل اغير واجى اشوهفهم
بركه : لا قبل اى حاجه تعالى ندخل على موقع البنك عشان نحول الفلوس لأحمد عمتى هنيه مش عايزه تهمد وكل شويه تتصل
حاتم : وبتردى عليها ؟
بركه : لا مش بعبرها ، يلا بقى تعالى
حاتم : حاضر ياللى تعبانى ( جاب اللاب وداخل على الموقع ) انا داخلت البينات شفتى بعمل ايه ؟
بركه : اه دا الخطوات سهله اوى
حاتم : هتحولى كام ؟
بركه : 4000 دولار
حاتم : اااااا يعنى 6000 دولار ، كدا تمام ، خلال 3 ايام الفلوس هتتحول
بركه : حلو اوى
حاتم : ليكى فى زمتى 2000 دولار ها
بركه : انا وانته واحد وبعدين فلوس اللى ادهالك الشيخ عبدو انته جبتلى بيها الكرسى ده وكمان بتدفع كل جلسه فلوس كتير لبيكر
حاتم : انتى مراتى وانا بقى المفروض اجبلك كل اللى تحلمى بيه ( قرب وشو من وشها وبصوت واطى ) انتى متعرفيش انتى غاليه عليا اد ايه وبحبك اد ايه
بركه : هههههه انا كمان
حاتم : انتى كمان ايه ؟
بركه : بحبك
حاتم : ومالك مكسوفه كدا ليه ؟
بركه : مش بتقولى كلام حلو لازم اتكسف
حاتم : اومال لو قولتلك ان بليل فرحنا هتعملى ايه ؟
بركه : فرحنا ازاى ؟
حاتم : زى اى اتنين بيحبو بعض
بركه : ايوه بس انا
حاتم : شششششششش متخفيش بصى انا جبتلك ايه معايا
( قام و فتح الاكياس ) ايه رايك؟
بركه : ايه ده يا حاتم دا دا ههههه
حاتم : بيبى دول احمر هيبقى عسل عليكى وبصى دى كمان ازرق الون اللى بتحبه يا جميل ، وده ابيض عشان تبقى زى الملاك
بركه لا انا اتكسف البس دول ، وبعدين انا منفعش اتجوزك
حاتم : ااااااااه اخر مره عملنا التحليل كانت النسبه 55% يعنى خفينا وبقينا جمدين فاضل حبا صغنانا وبعدين انا الدكتور بتاعك وانا بقى اللى اقول ينفع او مينفعش ، الا اذا كان بقى انتى مش عوزانى
بركه : لالا اكيد عوزاك بس انا خايفه اتكسر
حاتم : متخفيش ، بصى احنا نتغدا وندخل نرتاح شويه عشان انتى تعبانه من الجلسه وانتى لما تصحى هقولك هنعمل ايه ماشى ؟
بركه : ماشى
حاتم : انتى مش شمه ريحة شياط ؟
بركه : هااااااااا صنيه البطاطس اللى فى الفرن اجرى يا حاتم
**** ( بقلم هند محمد @isis Mohamed ) ****
امينه : مالك يا احمد قاعد وسطنا مبحلق فى السقف ليه ما تدخل تذاكر
احمد : ماما انتى ليه فصيله
امينه : كدا ياحمد وانا بقول انى مخلفتش غيرك
احمد : عشان كنت بفكر وانتى رحتى فصلتينى
رجب : وبتفكر فى ايه بقى ؟
احمد : بفكر فى ااااا . لا يا بابا مش مهم
رجب :قولى المحل ده هيشتغل امته ؟
احمد : الخميس الجاى
رجب : اممممم طيب انا هقدم بقى على اجازه بدون مرتب وهروح المحل المرتب اللى هخدو من المحل اكبر من الشفل
احمد : كدا كدا انته فاضلك اد ايه وتطلع معاش ؟
رجب : لا لسه حوالى 7 سنين
احمد : اها لا كتير
امينه : امتحانك التانى امته ؟
احمد: لا لسه شهر
امينه : شهر ازاى هو مش كان الاسبوع اللى فات مدتين ؟
احمد : لا ما دول اللى كنت شايلهم الترم الاول ملاحق يعنى
رجب : ملاحق يا فاشل
احمد : بابا فى اولى لازم اشيل
رجب : المهم خلص 4 سنين جامعه متعدش
احمد : ادعيلى انته بس
امينه : اختك بركه كلمتنى من شويه وقالتلى هتحولك فلوس
احمد : اعمل بيها ايه ؟
امينه : بصى هى قلتلى هى هتبعت الفلوس دولارات وانته حولها مصرى وقالتلى كل واحد هياخد كام
احمد : كل واحد انا مش اهم حاجه؟
امينه : انا هفهمك
**** ( بقلم هند محمد @isis Mohamed ) ****
عبد الغفور : امك قالتلى انك عوزانى ؟
مريم : بس انته راجع تعبان يا بابا خليها بكرا
عبد الغفور : حتى لو تعبان بس انتى عوزانى يبقى لازم اشوفك خير يا مريم فى ايه ؟
مريم : انا حسه انى تعبانه اوى يا بابا
حسه انى زى العطشانه وخايفه اشرب او مش خايفه انا منعه نفسى انى اشرب
عبد الغفور : انا مش فاهم حاجه ؟
مريم : "
"
"
عبد الغفور : ما تقولى يا بنتى مالك؟ انتى عوزه فلوس تشترى حاجات ومش معاكى فلوس ؟
مريم : لالا مش عاوزه اشترى حاجه
عبد الغفور : طب فى ايه ؟ قولى مالك
مريم : انا فى جوايه سراع بين رغباتى وبين الصح والغلط ، انا بصراحه مكسوفه اقول
عبد الغفور : لا قولى انسى انى ابوكى اعتبرينى امك ههههه
مريم : هههههه
بص يا بابا انا كل ما اعمل حاجه افضل افكر هى دى صح ولا غلط
زغلول بيطلب منى اقوله حبيبى وكدا يعنى اقوله لا حرام ماينفعش ، يجى هو مثلا يقولى كلام حلو اقوله لا متقوليش كدا لما نتجوز ، اخر مره خرجت انا وهو وكان رامز معانا هو وابتسام هو كان جايبلى ورد انا قولتلو
"
"
عبد الغفور : سكتى ليه قولتيلو ايه ؟
مريم : قولتلو حرام فلوس الورد دى كان ممكن نشترى بيها حاجه مفيده او حتى نتصدق بيها
عبد الغفور: وزغلول لما قولتيلو كدا عمل ايه ؟
مريم : اخد منى الورد وراح راميه بعيد بس طبعا كان متعصب وقالى انا غلطان مش هجبلك حاجه تانى وبصوت واطى كدا راح قال بت نكد بس انا سمعته
عبد الغفور : طب ليه تزعليه ؟ هو جيبلك حاجه ليه تحرجيه ؟
مريم : ما حرام يا بابا البوكيه ده تقريبا ب 50 جنيه شوف كام واحد مش لاقى يدفع اجار بيته ولا يشترى ادويه ولا يدفع مصريف مدرسة عياله
عبد الغفور : بصى يا مريم انا فهمت انتى مالك وبجد انا فرحات بيكى اوى انا وامك بجد عرفنا نربى
ربنا قال "" لا اقسم بيوم القيامه ـ ولا اقسم بالنفس اللوامة ""
وانتى بقى نفسك تلوم عليكى لما بتعملى حاجه فيها شبهة غلط ممكن متبقاش حرام ولاكن ممكن تبقى غلط فى نظرك
مريم : ووالله يا بابا كمان مش بتبقى غلط ولا حاجه ولاكن برضو انا ساعات بحس انى بخيله بابقى نفسى اشترى شكولاته او بونبونى زى ابتسام بس الاقى فى اشارات المرور اطفال بيشتغلو فا بقول هما اولى من الشكولاته
بابقى عاوزه اجيب لبس جديد والقى ناس بسيطه اوى مش عارفه حتى تشترى جزمه جديده اقول لا انا عندى فى غيرى مش عنده انا عندى
عبد الغفور: مانا بقولك انتى نفسك بتلوم عليكى الحمد لله على فكره كدا صح
مريم : بس انا تعبت انا لو فضلت كدا هيجيلى وسواس قهرى
عبد الغفور: متحمليش نفسك اكتر من طقتها اشترى اللى انتى عوزاه ونفس الوقت تصدقى وساعدى الناس
كلمى زغلول كويس بأدب واحترم وحسسيه انك بتحبيه بس بما يرضى الله
واشترى شكولاته وبونبونى زى مانتى عاوزه ولما تلاقى اطفال فى الاشاره اديهم منها
مريم : تعرف يا بابا ابتسام بتعمل كدا بس بتديهم فلوس مش بتديهم شكولاته بتاكلها هى
عبد الغفور: هى على طول معاها شكولاته ؟
مريم : ههههههه دى الشنطه بتاعتها ولا كرفور كلها شكولاته ولبان وبونبونى وطول ما هى فى الطريق تاكل
استغفر الله شفت بقى خلتنى اتكلم عليها
عبد الغفور : عيشى واتمتعى بالدنيا وسعدى الناس
ربنا مش عاوز يحرمنا من متع الدنيا ولاكن عاوزنا نساعد بعض زى ما نسعد نفسنا نسعد غيرنا زى ما بنجيب لنفسنا لبس واكل وحاجات حلوه وعندنا فائض نقدر نساعد غيرنا بيه يبقى نسعدهم ونجبلهم حاجات زينا
لاكن مش نحرم نفسنا من كل حاجه لمجرد ان غيرنا مش قادر
مريم : طب ده بالنسبه للأكل والشرب واللبس ولكن زغلول ده بقى اعمل معاه ايه ؟
عبد الغفور : زغلول ده بقى عاوز يحب ويقول حبيبى وبيبى وجو الورد والدباديب ده يبقى يفرش الشقه وتتجوزه
مريم : هى الشقه خلصت خلاص
عبد الغفور : انا هروح اشوف رامز واطلع اشوف الشقه
**** ( بقلم هند محمد @isis Mohamed ) ****
رامز : شقة مريم تمام خلصت خلاص انا لسه شويه
عبد الغفور : ليه يابنى دانته بتوضب قبل اختك
ام رامز : طبعا ما ابتسام كل شويه تقوله رامز نعمل كذا ونعمل كذا
رامز : على فكره هى بتفكرنى بحاجات انا وهى اتفقنا عليهم
ام رامز : والاوضه الصغيره اللى خليتك روحت تغير الارضيه وتجيب حاجات اد كدا ليها لزمتها ايه ؟
عبد الغفور : انته مش قولت هتعملها اوضة تلفزيون ؟
ام رامز : لا البرنسيسه قالت لا وغيرة رأيها
رامز : فى ايه يا ماما انتى ليه عايشه فى دول مارى مونيب كدا حماتى قنبله زريه ؟
ام رامز : مانا مش عاجبنى الوضع والشقه اللى انته مانع حد يطلع يشوفها دى ليه يعنى
رامز : عشان اعملكم مفجئه وبعدين ما مريم بتطلع وبوريها وانا وريتك الصور
ام رامز : لا الصور حاجه والحقيقه حاجه تانيه
عبد الغفور : الاوضه ابتسام هتعملها ايه ؟
رامز : هتعملها اوضة للصلاه وقراءة القرءان
عبد الغفور : والله فكره حلوه اوى برافو عليها
ام رامز : وليه ماقولتش كدا ليه لازم ابوك هو اللى تقوله كنت مرات ابوك انا
رامز : ماما هو فى ايه انتى غيرانه عليه من ابتسام ولا ايه ؟
ام رامز : انا مش هرد عليك
عبد الغفور: طب يلا بينا نطلع نشوف
رامز : يابابا خليك بس لما اخلص بس هو اسبوع وهخلص اوعدك
عبد الغفور: طب تعالى نشوف شقة اختك ، واعمل حسابك تنزل مع اختك تنقو العفش
ام رامز : لا انا اللى هنزل معها
عبد الغفور: روحى بس المهم يكون حد مع مريم متروحش لوحدها
رامز : ليه يا بابا هيخطفها
عبد الغفور: انا مش عارف الدم اللى بيجرى فى عروقك ده ايه نوعه ايه ؟
رامز : نوعه ايه نوعه هيونداى احمر متالك
**** ( بقلم هند محمد @isis Mohamed ) ****
( صحيت بركه من النوم مالقتش حاتم جنبها ولقت ورقه مكتوب فيها )
** بيرى حبيبتى اختارى بابى دول من دول والبسيه وظبطيلى نفسك كدا واوعى تخرجى من باب الاوضه غير وانتى لابسه البابى دول وحطى من البرفان اللى فى الشنطه اللى فيها البيبى دول ماشى يا قمر بحبك اوى يا عمرى **
( قامت بركه واختارت البابى دول الابيض لبسته وحطت برفان وسرحت شعرها وفتحت الباب )
بركه : حاتم انا صحيت
حاتم : تعالى يا بيرى
بركه : انته عامل ايه ؟ ايه الزينه دى ؟
حاتم : زينه وبالالين وميوزك هادى عشان حبيبتى وشوفى كمان تورتاية فرحنا على شكل قلب نصها شكولاته ونصها كريما
بس ايه البرفان الحلو ده
بركه : مانته اللى جايبه
حاتم : لا بس ماكانش حلو اوى كدا
انتى خلتيه يبقى حلو اوى اوى
ـ مالك مرتبكه كدا ليه ؟
بركه : اول مره البس كدا وكمان قصير من تحت وعريان من فوق
حاتم : ما لازم دا لانجرى مش لبس مدرسه ههههههه
( اخدها فى حضنه ) بس حلو انك اختارتى الابيض يا رب تبقى ليله بيضه ان شاء الله
بركه : ان شاء الله
حاتم : ههههههه مالك يا بيرى بجد انتى بردانه ؟
بركه : لا ( خرجة من حضنه وقاعدة على الكنبه )
حاتم : اومال ايه بتتهزى كدا ليه ؟
بركه : خايفه
حاتم : ( قعد جنبها وقرب منها اوى ومسك اديها وباسها ) متخفيش يا عمرى ، طول مانا معاكى متخفيش
مش انا حاتم اللى بتحبيه ؟
بركه : اه بحبك اوى اوى
حاتم : ( اخدها فى حضنه ) وانا اللى اتمنيتى تتجوزيه ؟
بركه : اه والله وكمان داعيت ربنا والحمد لله استجاب دعائى
حاتم : خلاص يبقى متخفيش
ـ يلا بقى نقطع التورتايه عشان فى موضوع لوجستى كدا عاوز اكلمك فيه
بركه : طب مش هنشرب حاجه مع التورته دى ؟
حاتم : نفسك تشربى ايه ؟
بركه : شاى بلبن
حاتم : شاى بلبن تصدقى قفلتينى ؟
بركه : لو مش عاوز خلاص دا مجرد اقتراح
حاتم : بصى احنا نقطع التورته وندخل نتكلم فى الموضوع اللوجستى ده وبعد كدا اعملك شاى بلبن
بركه : ( وهى خيفه ومكسوفه ) حاضر
حاتم : ( مسك السكينه ) يلا حطي ايدك على ايدى عشان نقطع سوى زى العرايس
بركه : هههه حاضر
( هما الاتنين اطعو التورته وحاتم اخد قطعه فى طبق )
حاتم : ( اخد قطعه بالشوكه ) يلا هم يا جمل
بركه : ( بركه اكلتها )
حاتم : انا كمان بقى امسكى الشوكه وأكلينى
بركه : ( مسكت الشوكه وأكلته ) حاتم ممكن نتصور سلفى واحنا بنأكل بعض
حاتم : واو فكره هايله احيكى عليها ( مسك الموبيل ) يلا اكلينى 1 2 3
ـ الله حلوه الصوره
بركه : انا كمان بقى اكلنى ونتصور سلفى برضو
حاتم : ماشى يا ستى
، 1 2 3
بركه : الله حلوه اوى
حاتم : ناخد صوره تالته بقى واحنا بناكل من شوكه واحده مع بعض
بركه : ماشى هههه
حاتم : 1 2 3
بركه : الله حلوين اوى يا حاتم جمال ابعتهملى واتس بقى عشان اخليهم عندى
حاتم : مش دلوقتى طيب
بركه : طب امته ؟
حاتم : بعد ما نشرب الشاى بلبن
، دلوقتى بقى تعالى هقولك حاجات
بركه : لسه بدرى يا حاتم الساعه 10
حاتم : بدرى من عمرك وبعدين عشان الحق اسخن اللبن
بركه : لبن ايه ؟
حاتم : بتاع الشاى
بركه : حاتم بلاش انا خايفه
حاتم : خايفه ولا مش عاوزه
بركه : خايفه
حاتم : متخفيش والله ما تخافى
بركه : طيب ماشى
حاتم : طب يلا ياحياتى
بركه : طب شيلنى زى روشدى اباظه وشاديه فى فيلم الزوجه 13
حاتم : هههههه بس كدا امرك يا باشا
( حاتم شالها وهو داخل الاوضه ) غنيلى بقى زى شاديه فى الفيلم
بركه : فى ايديك قوه تهد جبال .. فى ايديك قوه و عليك صبر وطولة بال .. و عينيك حلوه ما اقدرش ما احبكش و حياتك ما اقدرش
**** ( بقلم هند محمد @isis Mohamed ) ****
فوزى : مالك قمتى مفزوعه ليه ؟
سهير : حلمت حلم وحش
فوزى : خير اللهم يجعلو خير
سهير : انته عمال تزوق حاتم جوه بير وحاتم عمال يحاول يطلع وانته تنزله تانى لحد ما طلع من قام طلع وراح خبطك على دماغك ورماك انته فى البير
فوزى : يا ساتر يا رب دا وحش اوى
سهير : لااستنا هكملك
وانا بقى حولت اطلعك رحت شاددنى معاك روحت انا وانته وقعنا ومعرفناش نطلع
فوزى : اها لا وحش فعلا اللهم اجعله خير
سهير : خير منين انا حسه ان حاتم فيه حاجه
حاتم تعبان او عيان ـ حاتم وحشنى اوى يا فوزى
فوزى : والله وحشنى انا كمان
ماتيجى نكلمه فى النت ده
سهير : ( جابت الايباد من على الكمودينه جنبها وكلمته ) دا مش بيرد
فوزى : يمكن يكون مشغول ولانايم
سهير : وحشنى اوى يا فوزى
فوزى : طيب معلش نامى عشان انتى هتتعبى بكرا هتفرشى شقة عبله
سهير : حاضر هنام
**** ( بقلم هند محمد @isis Mohamed ) ****
رامز : لو فيها تعب متروحيش
ابتسام : هو اه فيها تعب بس عادى يا رامز دى تعتبر عروسه وبعدين هى بنت عمى لازم اروحلها وافرش معاها
رامز : اوك برحتك
ابتسام : يعنى موافق اروح ؟
رامز : اه طبعا روحى يا حياتى مش مامتك هتكون معاكى ؟
ابتسام : اه طبعا وكمان شروق هتيجى هى وامها وناتالى وطنط سهير طبعا
رامز : اوك يا حياتى روحى
ابتسام : والله قمر انا هنام بقى كام ساعه كدا ولما اصحى هلبس انا وماما ونروح
رامز : مش هتروحى المدرسه ؟
ابتسام : لا قولت لعمى واخات اجاز
رامز : اوك ماشى نامى بقى تصبحى على خير
ابتسام : وانته من اهل الخير
**** ( بقلم هند محمد @isis Mohamed ) ****
حاتم : ها بقى ايه الاخبار ؟
بركه : انا بحلم صح ؟
حاتم : لا يا عمرى مش حلم دا بجد انتى صحيه اهو ( وباسها )
بركه : تعرف انا كنت ساعات بحلم باللحظه دى بس كنت بقول مستحيل تحصل
حاتم : واهى حصلت يا ست الحسن والجمال
بركه : ايه ؟
حاتم : مش انتى قولتيلى انا مين من شخصيات الحكايات والحوديت انتى بقى ست الحسن والجمال اللى الشاطر حسن خادها على حصانه الابيض واتجوزها
بركه : ههههه بس انتى مختنيش على حصان ابيض ؟
حاتم : الله مش جينا هنا امريكا بطياره لونها ابيض
بركه : ههههه او اى حاجه بيضه وخلاص ولاايه
حاتم : اه وبعدين مش الزمن بيتغير يا بيرى
بركه : اممممم اممممممم بيتغير
حاتم : قوليلى بقى نفسك فى ايه بس اوعى تقولى شاى بلبن
بركه : هههههه لا انا نفسى اتصل بماما واقولها انى اتجوزت
واقول لمنى ولرشا ولعمتى هنيه وكمان للشيخ عبدو
حاتم : عبدو ليه بقى ان شاء الله ؟
بركه : عارف اصله كان جايبلى عريس وكان عاوز يجوزنى ليه بس انا قولتله لا انا مش هتجوز غير اللى احبه
حاتم : امممم وهو قالك ايه ؟
بركه : قالى انتى عاوزه تحبى ؟ انا هجوزك واحد يحميكى ويسترك عشان ظروفك
بس انا مرضتش عارف ليه ؟
حاتم : مانتى قولتى عشان كنتى عاوزه تحبى
بركه : دا ده الكلام اللى قولته ليه لاكن انا من جوايه من قلبى يعنى كنت بحبك انته
حاتم : باحبك انته دانتى واقعه بقى هههههههههه
بركه : ههههههه اه وفيها ايه لما اقع فى واحد بحبوو هو جوزى
ـ خلينا فى المهم انا عاوزه اقضى شهر عسل
حاتم : شهر عسل دانتى داخله على طمع بقى
بركه : عشان خطرى يا حاتم نروح اى مكان فيه بحر وننزل البحر
حاتم : بصى انا ماعرفش الحقيقه البحر هنا والناس هنا بتصيف فين بس بكرا هسألك اليكس وهعرف ونبقى نروح
بركه : والله انته احلى حتومه فى الدنيا كلها
( موبيل حاتم رن )
مين ؟
حاتم : دا كنان هقوم ارد من باره
بركه : حاتم
حاتم : ايه ؟
بركه : هتوحشنى تعالى بسرعه
حاتم : حاضر
( خرج حاتم وقفل الباب )
الو
كنان : ايوه يا عريس ايه الاخبار طمنى ؟
حاتم : تمام الحمد لله
كنان : ايه تمام يعنى مش فاهم ؟
حاتم : تمام يا كنان الحمد لله
كنان : طب بركه كويسه ؟
حاتم : زى القرده سايبه فى الاوضه بتتشقلب من الفرحه جواه
كنان : ماشى يا عريس
مبروك
حاتم : الله يبارك فيك
كنان : سلام بقى مش هكون غلس
حاتم : ماشى سلملى على كل اللى عندك ولو شفت ابويا سلملى عليه
كنان : ابوك ماشى حاضر
حاتم :هههههههه مالو شكلو عملك حاجه
كنان : يرضيك اقوله اشتريلى الاجهزه الكهربيه واقوله يجيب 2 تاكيف يروح يجبلى مراوح سقف
حاتم : مراوح سقف ؟ ههههه
كنان : ويقولى التكييف بيكسر الجسم اسمع كلامى انا عاوز المصلحه
**** ( بقلم هند محمد @isis Mohamed ) ****
ام رامز : رامز اصحى
رامز : ايه يا ماما فى ايه ؟
ام رامز : فى راحت شياط خارجه من شقتك
رامز : شياط ؟ يا ساتر يا رب
ام رامز : اطلع شوف فى ايه ليكون الشقه بتولع
رامز : ( قم نط من على السرير وطلع جرى هو وامه وابوه يشوفو فى ايه )
تفتكرو فى ايه ؟