قابل للكسر

الحلقه { 99 }

الحلقه { 99 }

فوزى : هو صحبك ده مش هيمشى ؟ الساعه 10

حاتم : لا مش هيمشى

فوزى : يعنى ايه ؟

حاتم : يعنى هيقعد معانا كام يوم وهنسافر مع بعض

فوزى : نعرفو منين ده عشان يقعد معانا ؟

حاتم : لا انا اعرفه ، بابا دا كويس اوى وطيب جدا

ـ انا مش قادر اقولك هو عمل معايا ايه هو وكل الناس اللى هناك

فوزى : عمل معاك ايه يا خلفتى المهببه ؟

حاتم : دول ادونى شقه وعربيه ومرتب كبير ، وبيكر ده بقى عملى تخفيض فى جلسات العلاج الطبيعى اللى بيرى بتعملها

المفروض ادفع فى الجلسه الوحده 200 دولار بيكر بياخد منى 50 بس

ـ بابا لو سمحت متحرجنيش معاه هو هيبات فى اوضت عبله وهيفضل معانا على طول لحد ما نسافر متخفش منه والله

فوزى : وهو انته شايفنى خايف منه ولا ايه ، بس يعنى دا غريب ازاى ادخلو بيتى وانيمو فى شقتى عادى كدا

حاتم : عادى يا بابا احنا اصحاب

فوزى : اظاهر قعادك مع الامريكان خلى دمك بقى بارد ومابقاش عندك نخوه

حاتم : نخوه ؟ نخوت ايه بس بقولك اصحاب سوى سوى

فوزى : سوى سوى ؟

هنتيم صحبك وامك فى شقه واحده ؟

حاتم : وهو بيكر هينام فى حضنها ما امى فى اوضه وهو فى اوضه

فوزى : حضنها ؟

حاتم : بابا متحرجنيش منظرى هيبقى زباله قصاد بيرى

فوزى : بيرى مين ؟

حاتم : بيرى مراتى يا بابا ، بركه

فوزى : طب هو الراجل ده كام سنه ؟

حاتم : تقريا 35 او 36 يعنى 40 بالكتير

فوزى : امممممم صحبك ومش عارف عندو كام سنه

( لاحظة بركه ان حاتم طول مع فوزى فا راحت داخلتله الاوضه من غير ما تخبط )

بركه : حاتم انته بتعمل ايه دا كلو ؟