نخوض العديد م̷ـــِْט السكك التي لا نعرف الى اي مطاف ستحل بنا ،احياناً قد نُختار ان نبتعد بقرار منا او بقرار منهم ،واحياناً نبتعد عن م̷ـــِْט احببناهم بحجه واخرى ،لكن اي عذاب قد يحل بنا عندما نفتقدهم الى الابد بقرار من الزمن ،واي طريق سنتختار لانفسنا بعد رحيلهم الموجع ،ربما نمضي ونكمل مسيرتنا ونعتاد نسيانهم،واحيانا قد نفشل ونقع لهذا الفراق ضحيه 💔
_حسام:
اول يوم دوام لي في جامعة بغداد قسم القانون ،كنت لا اعرف شيء عن الحياة الجامعيه وقتها كنت تائه فذهبت الى قسمي دخلت وانا احني رأسي للاسفل ابحث بين اوراقي واذا بي ان ارتطم بفتاه ،كلا انها ملاك ،تفاصيل جمالها م̷ـــِن الصعب ان توصف ،كانت ذات شعر اشقر طويل ترفعه للاعلى وعينان واسعتان عسليتان ،ذات قوام طويل وممشوق ،وتحمل من الرقه والجاذبيه ما هو كافي لخطف قلب اي شخص من اول نظره ❤️
هاله:اووو سوري كنت مستعجله ومنتبهت
حسام :بالعكس اني الدادور بالاوراق وممنتبه ع طريقي
هاله:ههه مصار شي لعد ،بس ممكن سؤال
حسام:اكيد ممكن
هاله:اني هنا اول يوم اداوم ودااكمل المعامله مالتي مال قبول ،ممكن ادليني ع التسجيل لان دخت واستحي اسأل احد
حسام:اگلج سر ولتضحكين عليه
هاله:گول بس مااوعدك انو مااضحك
حسام:هههه اني هم حالي حالج صارلي ساعه ادور وتيهت القسم وهسه هم دااريد اروح للتسجيل
هاله:(بدأت بالضحك)طلعت اني احسن منك عالاقل متيهت القسم واجيت بسرعه
حسام:اتفقنه متضحكين🙄
هاله:واني موعدتك🙄😁
حسام:بس اني جاي لهنا واندل التسجيل شفتي شلون احسن منج 😁
هاله:هههه يلا لعد اتساوينه امشي نروح
_هاله:
اتممنا بيومها المعامله،كان حسام شاب وسيم ومحبوب وساعدني كثيراً ،فهو من اول زميل عرفته والوحيد الذي كان مقرب لي حتى اكثر من الفتيات .
حسام:
كان اعجابي بهاله يزداد يوماً بعد يوم ،انها مختلفه وذكيه تجمع بين المرح والخجل والقوه والضعف احيانا، تبكي لاتفه الاسباب ربما لدرجه واحده فقط اضاعتها،واحيانا استشعر بقوة شخصيتها التي ممكن أن تتحدى بها كل رجل وتسقطه صريعاً لها ، بدأ الحب بداخلي يزداد يوماً بعد يوم ،كنت اخاف عليها كما لو اخاف على اختي، وكنا نجلس وندرس ونقضي اغلب الايام معاً حتى انهم انذاك كانوا يرسمون علينا نظره العشاق،اما نحن مجرد اصدقاء بغض النظر عن الحب الذي اضمره بداخلي لها
هاله:
_اصبحنا في السنه الثالثه من الجامعه وقتها كان يتقدم لي العديد من الخاطبين الذي كنت ارفضهم ولا اعرف ما هو سبب هذا الرفض، ربما كنت اشعر ان زواجي قد يؤذي حسام برغم انه لم يصارحني يوماً بحبه ولم يعطني اي امل بذلك الحب ،كانت علاقتنا معاً اعظم من الصداقه وربما اعظم من الحب بحد ذاته ،كانت خطانا لا نفترق ،اغار عليه بصمت وهو يجن جنونه اذا تعرض لي احدهم ولو بكلمه ،
(اغلب المشاعر في هذا الزمان قد تسبق بكلمات وتدون بوعود ربما تكون صادقه لكن اكثرها قد تكون مجرد كلمات ووعود لا يتخللها صدق وافعال ، لكن بنظري أن اعظم مشاعر واصدقها تلك التي تنجز بأفعال ممزوجه بصمت ناعم يخفي ورائه آلاف الكلمات التي لو صفحنا عنها لأدمت قلوب العاشقين بصدقها وعمقها )
في المساء بيت هاله..
ام هاله:هالو مام عندي موضوع وياج فاضيه لو دتقرين
هاله:لا ماما كولي ماعندي شي مهم
ام هاله:جاييج خطابه وبصراحه ابوج موافق لان الولد حباب ومثقف وخريج وحالته الماديه كولش زينه
هاله:اففف ماما شنو كاعده ع گلبكم كلتلج هسه مااتزوج الا بعد مااتخرج
ام هاله:انجبي لج كاعده ع گلبنه شنو بس احنه نريدلج القسمه الزينه حتى انأمن عٌليج ،اختج هبه اصغر منج انخطبت وانتي بعدج تتبطرين وهذا ماريده وهذا لا
هاله:ماما خصم الحجي زواج هسه ممفكره بي
ام هاله:انتي اكو احد بحياتج ودترفضين علموده؟
هاله:لا ماما شنو هالحجي چان گتلج بس ماكو هيج شي
ام هاله:ع العموم ابوج موافق والولد يعرفه ويا بالمكتب ويعرف اخلاقه وگاله عادي انتظرها تتخرج يعني هسه بس خطوبه
هاله:اففف ماما لتغصبوني فدوه لتأذيني كتلج ماريد
ام هاله:الحجي بعد ويه ابوج لان گلتله ومقتنع
هاله:اوك اني اْحـْﮧ㋡ْـجْيْ ويا
_نزلت الى الاسفل وجلست مع ابي
هاله:بابا ماما گالتلي ع الموضوع
ابو هاله:اي وشنو رأيج
هاله:بابا تعرف رأيي اني ممفكره هسه بهالموضوع
ابو هاله:اي بعد مو هسه مبدأياً اتعرفي علي ومن تتخرجين عود تتزوجين والولد اعرفه وانطيته كلمه
هاله:بابا شنو تنطي كلمه م̷ـن ورايه يعني اني ماليه رأي
ابو هاله:لترفعين صوتج كدامي وانتي ميعجبج العجب هاي مشكلتج وهالاسبوع الناس جايين ،ثاني شي اني ادرى بمصلحتج منج والولد مناقصه اي شي كامل مكمل بعد شتردين
هاله:ماشي بابا ماشي اللي اتشوفه
_صعدت الى غرفتي وانا اختنق من اسلوب ابي معي بعدها اتصلت ديانا صديقتي في الجامعه ..
ديانا:الو هلو حُ ـ❤️ـبْي
هاله:هلو ديانا
ديانا:ولج شبي صوتج دتبچين مو😱
هاله:(ببكاء)بابا
ديانا:لج احجي عاد شبي ابوج
هاله:يريد يزوجني الابن صديقه بالكوه وهالاسبوع جايينه ،يعني اني مالي رأي بأي شي يخص حياتي
ديانا:زين انتي الولد معاجبج لو شنو
هاله:مشايفته اصلا ومااريد اشوفه
ديانا:زين شوفي بلكي الولد حباب
هاله:ماريده معليه بي حباب لو وكح ع نفسه
ديانا:هههه لج مو انتي صارالف واحد دترفضي حقهم ،بعدين اگولج ليش متريدي اممم اخاف علمود حسام
هاله:بطلي انتي الخ الف مره گتلج اني وحسام مجرد اصدقاء
ديانا:ادري اصدقاء بس بداخلكم غير شي لتكذبين ع نفسج ،انتي مشايفه روحج من اتشوفي او من نجيب سيرته شلون يتغير كيانج😒
هاله:اففف ديانا ماعرف بصراحه احس مااكدر انخطب ولا اكدر ارتبط بأي احد
ديانا:اي ليش
هاله:مااعرف
ديانا :اني اگولج ليش واريحج،لان اتحبين حسام ودتنتظرين كلمه منه يكولج بيها انو هو يحبج
هاله:يمكن هيج ،واخاف هم علي لينجرح ،رغم انو اني مااعرف هو شنو مشاعره اتجاهي
ديانا:لا بالعكس لان تعرفين شنو مشاعره اتجاهج، معقوله ابد مملمحلج
هاله:احس احياناً بأهتمامه واحياناً بخوفه وحرصه عليه وهواي احيان بغيرته من اقل شي عليه
ديانا:ترى مناقص شي بعد بس يعترفلج
هاله:اي هو مديحجي ياللهي 😔
ديانا:باعي عندي فكره من خلالها نخلي حسام يعترفلج اذا هو صدك يحبج واذا لا معترفلج ومهتم فيا حبابه اقبلي بهذا الجايج واسكتي حتى ليضل ضميرج يأنبج
هاله:احجيلي شنو هالفكره
ديانا:اوك افتحي دماغج واسمعي ...
_بعد مرور يومان في الجامعه ..
حسام:
_اتصلت على هاله كي اطمئن عليها لكنها لا ترد على مكالماتي وكانت متغيبه عن الدوام لمدة يومان
ديانا:هلو شباب شلونكم
حسن ويوسف:الحمدلله ديانا وانتي
ديانا:تمام امممم استاذ حسام عيني السلام لله
حسن:الاخ فاصل صارله يومين ولا يمنه
يوسف:اي مو هاله م̷ـــِْט اتغيب يغيب نشاطه الاجتماعي😁
حسام:انجب لك يوسف هاله شعليها اني تعبان
ديانا:اي خابرتها اني
حسام(بأستغراب):اي اي وشالته شكالتلج وينها وليش ممداومه
يوسف:هههه گتلي هاله شعليها مو؟اي صح صدگتك من هالفزه مالتك
حسام:ها اي مو ضل بالنه خطيه غير نسأل
ديانا:هههه اي جاوبت بس غابت هالايام لان جاييها خطابه ديريدون يشوفوها وملتهيه
حسن:وهي موافقه
ديانا:مبدئياً اي الولد حباب ومناقصه اي شي يعني ع الاغلب تقبل ماكو شي يخليها ترفض
_في هذه الاثناء انخطف لون حسام وبدأت الشراره تخرج من عيناه فتركنا وذهب دون آﻦ يتلكم بشيء ،ناديناه لكنه لا يجيب فخرج من الجامعه
حسام:
_كدت ان افقد انفاسي وانا اسمع كلام ديانا خرجت من الجامعه دون وعي وذهبت الى المنزل ،دخلت وغلقت الباب المنزل بقوه كان في الصالون يجلس اخي همام الذي هو اصغر مني بسنه
(كانت عائلتي تتكون من ابي وامي واخي همام واختي رنا الكبرى متزوجه ولديها طفلان)
همام:هذا شبي المخبل داخل هيج خل اصعد اشوف شبي
_صعد همام للأعلى كي يرى لما حسام متعصب بهذا الشكل
همام:احم احم ممكن ادخل
حسام:خيرك شتريد يعني الواحد ميكعد وحده بهالبيت
همام:شبيك غير افتهم شبيك دخلت مثل الخبل
حسام:اففف حتزوج
همام:منو هاي التزوج
حسام:اللي احبها
همام:اوكف وفهمني شنو القصه لان مدااستلم شي
حسام:صارلي٣سنوات احب زميلتي ؤٌيَّآيه بالكليه ،بس ممفاتحها بالموضوع لان داانتظر اتخرج واكون نفسي تعرف وضعي ميسمح هسه اسوي اي شي ،صارلها يومين ماكو واليوم عرفت انو حيتقدمولها ناس ووافقت
همام:زين اذا هي متعرف انو انت اتحبها اكيد توافق،بعدين اوكف منو كال انو هي تبادلك نفس المشاعر
حسام:احس بيها كانت كولش قريبه مني
همام:ايبااه حس زين هسه هي انخطبت لو بعد
حسام:لا بعدها
همام:لعد شبيك مثل وجه البومه اذا اتحبها صدك كوللها بمشاعرك واعرف اذا كانت تبادلك نفس المشاعر يجوز هم اتحبك بس عبالها انو انت ممهتملها واكيد توافق لان متبقى ع امل مموجود ،شوفها واتأكد قبل لتعض اصابعك ندم ماشي؟
