حسام:ماشي حخابرها واشوف بس مدترد
همام:دزلها رساله كوللها اريدج ضروري ،يلا اني هسه نازل جوه والله يكون بعونك يا بطل😉
_ذهب همام واتصل حسام بهاله لكنها لم تجيب فأرسل لها رساله(هاله جاوبيني اريدج بموضوع ضروري لازم احاجيج هسه)
هاله:
_وصلتني رسالة من حسام فأتصلت بديانا
هاله:الو الو ديانا حسام دزلي رساله يكولي اريدج بموضوع ضروري ،شتكولين اجاوبه هسه لو لا
ديانا:اهاا هسه تمام جاوبي وشوفي شيكول ورديلي خبر
_اتصل حسام بهاله فأجابت
حسام:بيها الخير انو رديتي بعدين ويامن كنتي مشغوله ويه الخطيب الجديد مو
هاله:سالمين حسام هاي شدتحجي؟
حسام:جاوبيني من احاچيچ
هاله:انت ليش دتصيح بله وشنو هالاسلوب مالتك ،بعدين شدخلك بيه ويامن مااريد احجي احجي
حسام:(بعصبيه)اهاا هيج يعني، والاوادم من يخابروج صارلهم يومين ليش متردين عليهم ،شنو من اتقدمولج نسيتينه
هاله:لا التلفون مو يمي وكنت مشغوله ،بعدين شفت رساله منك انو عندك شي ضروري شنو هالشي
حسام:انتي صدك موافقه وحتنخطبين هيج بهالسهوله
هاله:اي ليش وين الصعوبه بالموضوع
حسام:يعني اتحبين الولد وتعرفي
هاله:لا بس بابا يكول علي خوش ولد واني هواي رفضت ناس بس هذا مناقصه شي ع شنو ارفضه بعد؟!'
حسام:ممكن ايكون علمودي اني
هاله:شنو يعني علمودك انت
حسام:يعني هالفتره كلها محاسه انو اني اريدج
هاله:حسام شدتحجي؟!
حسام:السمعتي واللي انتي حاسه بي ،ترى احنه مو بس اصدقاء اعتقد تعرفين انو علاقتنه اكبر من هالشي
هاله:لا ماعرف لان انت عمرك منطقت بشي
حسام:وهسه نطقت
هاله:بشنو بعدك منطقتها ترى
حسام:اني احبج ومااكدر اعيش يوم واحد بدونج ومااكدر اتخيلج ويه غيري ارتاحيتي هسه؟
هاله:هههه واني ادري ع فكره
حسام:لعد اذا تدرين ليش رحتي الغيري ووافقتي بي لو انتي متحبيني مو ؟
هاله:صح ادري بيك اتحبني بس عبالي مجرد احساس كلت يجوز احساسي يطلع غلط،بعدين اني بعدني مموافقه ومنا وهيج محوافق لو ع گص رگبتي
حسام:افهم من هذا شنو؟
هاله:اي اي هو اللي فهمته☺️
حسام:هههه يمه فدوه العمرج ،واني ردت افاتحج واتقدملج الحد منتخرج بس انتي هسه صعبتيها عليه اكثر
هاله:هي صعبه اصلا لان بابا منطيهم كلمه وكولش مقتنع بالولد ومدااعرف شسوي
حسام:لتخافين لعد اني حجيج واتقدم
هاله:بلكي مقبلوا شلون بينه
حسام:يعني انتي تريديني
هاله:اففف حسام لعد صارلك ٣سنوات شالع گلبي وهسه جاي اتكولي هيج
حسام:هههه لعد لتخافين حبيبي ماطول احنه انريد بعض اكيد الله ميخيب املنه وعن قريب يجمعنه سوه
هاله:امين
_بعدها بيومان خبروني اهلي بأن الخطابه سيأتون اليوم لعندنا جن جنوني واتصلت بحسام واخبرته بما يجري
حسام:احنه باجر نجي ليش مكلتيلي اليوم حيجون
هاله:هو اني ادري ۿسـٍّْـٍه ام الولد خابرت وكالت حنجي واهلي مرفضوا
حسام:تمام تمام انتي لتقبلين واكلبي وجهج كدام المره ماشي
هاله:خايفه حسام
حسام:لتخافين حياتي انتي مالتي وباجر جايج اشوف منو اللي مينطيج اليه
_اهل هاله وافقوا مبدئياً على العريس لكن هاله قالت لهم انها لم توافق وصارحت امها بموضوع حسام وقالت لها انه سيتقدم لها غداً لكن ابو هاله كان معارض لانه يريد ان يزوج ابنته لابن صديقه
حسام:الو هاله بشريني شصار
هاله:گالوا ننتظر موافقتكم ورأي البنيه وكلت الاهلي اني مااريد بس بابا معارض لان كلت الماما عليك وهي كالتله يكول مااريد اتخاجل ويه صديقي
حسام:باجر جايين واكيد محيوكفنه بالباب مو
هاله:اففف الله كريم
_في اليوم التالي اتى حسام وامه واخته وحتى ابيه كي تتم الموافقه بسرعه على الخطبه ،لكن للأسف ابو هاله قد رفضهم لان حسام كانت حالته الماديه متوسطه وما زال طالب
حسام:عمي اني سنة الخ اتخرج وبعدني طالب واني رايد بنتك وامانة الله خلال هالفتره كلها ماعندي شي وياها مجرد زملاء بس هسه اريدها ع سنة الله ورسوله واتأكد انو حخليها بعيوني ومااقصر وياها بأقل شي
ابو هاله:اعتذر منكم بس البنيه رايديها ناس ووافقنه عليهم
_استمر حسام في التقدم الى هاله لكن ابيها قد وافق على مهيمن ،في هذه الفتره تأزمت حالة هاله كثيراً وحسام ايظاً
هاله:ماما عندج رقم مهيمن
ام هاله:لا ما عندي شتسوين بي
هاله:مو عالاساس صار خطيبي اريد رقمه لو حرام
ام هاله:بس احنه البارحه يلت وافقنه رسمي عيب انتي اتخابري غير هو يبادر
هاله:انتو حتى الولد مخليتوني اشوفه واحجي ويا شبيكم خايفين اريد احاجي من حقي
ام هاله:اكيد من حقج هسه اني حخابر امه واخليكم تلتقون وتكعدون بس شغيرج هيج وصرتي تريدي
هاله:شسوي لعد غير قسمتي😊
_في المساء جاء مهيمن الى بيت هاله واخذها في سيارته كي يتعرفوا على بعض..
مهيمن:اي هاله شبـْ�ـيَْجّ احسج متوتره شنو معجبج المكان
هاله:لا بالعكس
مهيمن:انتي صح مشايفتني بس مره من أجًْـْـْـْيـتكم دااتقدملج،مع العلم اني شايفج قبل بالصدفه بس مااعتقد انو انتي انتبهتي ومن يومها ردتج
هاله:مهيمن اني اريد اكولك موضوع واريد منك تتفهمني
مهيمن:اي اكيد
هاله :اكيد انت متقبل انو اتكون ويه وحده متريد ترتبط بيك مو
مهيمن:اللي افهمه انو انتي مرايدتني يعني ليش شنو المعاجبج بيه ممكن افهم
هاله:وربي مو گدامك ولا مجامله انت شاب مناقصك اي شي وكامل مكمل من كولشي ،بس المشكله بيه اني
مهيمن:شوفي هاله اذا اكو احد بحياتج كوليلي عادي ترى
هاله:مراح اكذب عليك او انكر اي اكو وهو هالولد اتقدملي اكثر من مره بس بابا رفضه علمودك ،ومهيمن العرفته عنك انو انت خوش ولد ومثقف ومتفهم اكيد حتتفهمني ومتحرمني من الانسان الاريده
مهيمن:اوك مثل متحبين
هاله:صدك يعني موافق
مهيمن:اكيد محتمسك بوحده متريدني وتحب غيري
هاله:كلش اشكرك اني بس عندي طلب ثاني،مااريد احد من اهلي يدري بهالحجي الكلته انت گوللهم محسيت انو متفاهمين وخلص هالشي منريد ماشي؟
مهيمن:الله كريم واتمنالج كل الموفقيه😊
_في بيت هاله
ام هاله:بشري شحجيتوا
هاله:ماعرف حسيت افكارنه مختلفه وهو هم محسيته وافق ع الموضوع كولش لان اتجادلنه ع كم موضوع
ام هاله:اكيد من وره لسانج الله اعلم شگلتيله
هاله:بالعكس كولش كنت حبابه😊
ام هاله:حبابه مو ؟اووف الله يستر منج
_بعدها بيومان ارسلوا بيت مهيمن خبر بأنهم يريدون فسخ الخطوبه بحجه ان مهيمن وهاله لم يتفقوا مع بعض ،ومهيمن قال لاهله انها لا تناسبه
ام هاله:ها ارتاحيتي هسه
هاله:لا بالعكس انقهرت 😒اصلا اني مو كلتلج لازم نسولف ونتشاوف يجوز منتراهم وصدك متراهمنه🌚
_صعدت الى غرفتي واتصلت بحسام
هاله:حبيبي ابشرك اللي خططنه اله نجح وهمزين طلع حباب ومجلب اففف
حسام:يعني خلاص راحوا
هاله:اي هي اصلا مصارت رسميه همزين بس موافقه مبدئيه وهججته من البدايه بس والله خوش ولد
حسام:چنه عاجبج مو؟
هاله:هههه لا بس غير اتفهم كولشي
حسام:اي كتلج محيلزك اذا عنده كرامه
_بعدها ضل حسام يتقدم الى هاله لكن اباها كان معاند معهم خصوصاً بعدما انه شك بأن هاله هي من قنعت مهيمن بوسيله ما بفسخ الخطوبه
هاله:بابا انت ليش متقبل بحسام هاي صارلهم خامس مره يجون حتى عيب،المفروض تعرف من هالشي انو الولد متمسك بيه مو مثل هذا مهيمن من اول لقاء بيه راح
ابو هاله:لان اعرف سوالفج العوجه بعدين الولد بعده طالب وحالته الماديه مو زينه
هاله:بابا بس الولد رايدني واني هم اعرفه خوش ولد ليش دائما توكف بوجه سعادتي اعرف انو الاب دائما يساند بنته ويدور سعادتها ليش انت لا ،واذا ع الماده والفلوس فهسه يتخرج ويتعين وكلك ميقصر ويايه
ابو هاله:ماكو اب ميريد سعادة بنته بس اني اريدلج الافظل هالشي تعرفينه من يصير عندج اولاد ،وتحسين بوقتها انو الاب والام يريدون الاولادهم احسن شي بالكون
هاله:بابا اني اعرف واعرف هم انو سعادتي ويا
ابو هاله:الله كريم
هاله:يعني موافق بابا 😳
