حسام:امي حبيبتي
_قام حسام بأحتضان والدته بقوه وبدأو الاثنان بالبكاء وام حسام تلمس وجهه وتحاول ان تصدق ان من امامها هو حسام
ام حسام:انت ابني لالا اني مدااصدك انت حسام ،يمه وين چنت كل هالفتره ويْنك ،وشلون انت عايش وكالولي ميت
حسام:اهدي يمه اهدي فدوه العينج اني شفت الويل بس الحمدلله رجعتلج وبعدين افهمج ع كلشي صار ؤٌيَّآية المهم هاله وابني وين
_سمعت هاله صوت حسام ،لن تصدق ذلك فرمت ابنها من حضنها وارادت ان تذهب له لكنها توقفت ونظرت الى بطنها
،اما همام وابو حسام فصحوا على صريخ ام حسام ،بعدها دخل حسام الى البيت مسرعاً كي يرى هاله وابنه وكل عائلته
همام:شنو هالصوت هاله
هاله:(وهي كالمتجمده)حسام حسام اجه💔
همام:(بصدمه وفرح)اخويه رجع
ابو حسام:ابني حسام مطلع ميت
_ركض ابو حسام وهمام الى الحديقه لكنهم قبل آﻦ يخرجوا دخل حسام الذي كان قد تغير كثيراً ونحف وكانت ملامحه شاحبه ومتعب
،استقبله والده بالاحضان وضل يبكي ،همام كان ينتظر ان يحتطن حسام وكان قد نسي كل شيء ولم يفكر الا بعوده اخيه وتلك الفرحه التي تغمره بعدها نظر الى هاله التي كانت واقفه متجمده وتذرف الدموع ،فتذكر انها زوجته والان هي حامل بطفل منه ،فأبتعد وضل مبهوت لا يعرف ما سيفعل ولا كيف سيواجه اخيه بتلك المصيبه
ابو حسام:ابني سند ضهري وينك مو موتتنه عليك ،يعني انت واگف گدامي واني عبالي اخذك التراب
حسام:يابه فدوه اروحلك اني اسف بس كومه شفت ضيم وبطلعان الروح رجعت ،بعدين افهمكم كلشي،همام تعال شنو متريد تحضن اخوك لو نسيتني ولك
همام:حسام اخويه
_احتضن اخيه وضل يبكي بحرقه من شوقه اليه ومن ما يخبأه له ،فمسك حسام اخيه من رأسه بيداه الاثنان وقال
حسام:هههه گافي ولك اول مره اشوفك هيج تبچي مكنت اعرف انو انت هلكد تحبي
همام:مشتاقلك حبيبي وين رحت 💔
حسام:كافي ولك رجعت
_كان ابو حسام وام حسام ينظرون الى هاله التي كانت تقف بعيداً عن نظر حسام ولا يعلموا ما قد يجري بعد ان يعرف حسام حقيقة كل شيء،
بدأ علي بالبكاء وهو بجانب امه هاله ،فترك حسام اخيه
حسام:هذا اللي ديبجي علي مو هاله وين
ام حسام:(بأرتباك )ابني اكعد ارتاح سوده عليه شگد ضعفان وتعبان متكولي شصار بيك
حسام:احجيلج بس ارتاح ،المهم وين مرتي وابني
_استدار حسام خلفه ورأى هاله واقفه في المطبخ تبكي وبجانبها علي فتقدم نحوهم وعيناه تمتلىء بالدموع والاشتياق
تقرب منها لكنه اصطدم بكبر بطنها ،فكانت هي بالشهر السادس من حملها وبطنها ضاهره وكبيره ،
حسام:هاي شنو شبيها بطنج،(بصراخ)احجي هاله بطنج شبيها مو دااحاچيچ
_كانت هاله صامته خائفه وتبكي،اما علي عندما سمع بصراخ ابيه على امه ،اخذ يبكي ويحاول ببراءه ان يخلص امه ويدفع بحسام منها ،نظر حسام الى ولده ونزل كي يحتضنه
حسام:انت علي ابني ،تعال حبيبي
_ابتعد علي عن حسام وركض الى همام وهي يناديه بخوف (بابا بابا)
حسام:بابا؟منو البابا ؟همام انت ابو؟زين واني؟ اني منو عمه مثلاً؟ومرتي ،العفو ست هاله؟هااا هسه افتهمت يعني اخذت هاله وهسه هي حامل منك وابني صار ابنك،؟هاله فهميني شديصير ؟يمه يابه؟احد يفهمني هالشي صح؟
ام حسام(ببكاء)يمه اهده فدوه كل اللي صار غصباً عنه ،عبالنه متت اسم الله عليك وقطعنه الامل بيك وو،،
حسام:(بصراخ)اي ووو شنو ؟زوجتوها الهمام،لغيتوني وخنتوني واخذتها الك؟ خنتني ؟خنت اخوك وانت الوحيد اللي تعرف شكد چنت احبها؟وانتي ست هاله شلون كدرتي تكونين ويه شخص غيري وتزوجينه ؟وبهالسرعه حبلتي وعايشه حياتج؟ومن منو ؟من اخويه اني،الله اعلم اذا مچنتوا متمنين موتي حتى تزوجون
همام:حسام هاي شدتحجي انت اتخبلت
حسام:(بعصبيه)انت انجب منا وهيج اني ماعندي اخ ،لو گايلي من البدايه هي عاجبتني جان عفتها الك ومأخذتها بس ليش هيج طعنتني بضهري ليش ؟
همام:(ببكاء)حسام والله مفتهم الموضوع كله غلط بس خلي افهمك الصار
حسام:(بصراخ)دااگولك وخر من يمي ،شفهم متگولي شفهم واني شايفها حامل منك ،يعني شلون گدرت تلمس زوجة اخوك شلون ولك يا نذل
ام حسام:يمه بس افهم الصار معلي همام ولا عليها هاله الصوج مني اني
حسام:شنو المنج يمه يعني جبرتي كلتيله روح خلي مرت اخوك تحبل منك ،ليش تخلونه نحجي بالقلم العريض
_همام لم يعد يحتمل ما سمعه من حسام فترك البيت وخرج مسرعاً
حسام:وانتي هم الحگي الحبيب الگلب
هاله:حسام اني ..
حسام:اششش ماريد اشوف وجهج وخري من يمي
_صعدت هاله الى غرفتها ،وجلس حسام على الارض ووضع يداه على وجهه واخذ يبكي ،وهو مصدوم من الذي يجري،اما هاله فدخلت الى الغرفه وجلست تبكي بحرقه على السرير
_في اليوم التالي ..
رن هاتف هاله وكانت هبه..
هبه:الو يمعوده وينج من البارحه لليوم اخابر عليج ماكو
هاله:هبه الحكيني
هبه:شبي صوتج يولي 😳شو مينسمع من البجي شكو خير
هاله:(بغصه)حسام هبه حسام
هبه:قصدج همام هاي دائما تغلطين بأسمه 😐
هاله:لا حسام مو همام حسام رجع
هبه:(بصدمه)هاي شبيج اتخبلتي شنو رجع يعني حسام بعده عايش ممات😱
هاله:تعاليلي بسرعه محتاجتج يمي
هبه:بابا بالمستشفى نايم مثل متعرفين وماما هناك يمه ،زين حقفل البيت واجيج وبعدين اخابرها اكولللها ،عزه وّلّج متأكده حسام رجع وعايش😳😳
هاله:اي رجع دتعالي عاد
_بعدها اتصل همام بهاله
هاله:الو همام
همام:(ببكاء)هاله احنه مخنه حسام اللي صار غصب عنه والله اني مردت هالشي ،وهو ميعرف شلون علاقتنه كانت عباله عايشين طبيعي،هاله اني داادمر لان اتهمني بشغلات وموتني بيها ،شكد فرحت بجيته وهو حقه ب اللي حجا اي شخص مكانه هيج حيحجي ،بس لازم يفهم الحقيقه ويعرف ع شنو سوينه هيج ووصلنه لهنا
هاله:احنه هم غلطنه حتى لو انغصبنه بس مكان المفروض انقرب من بعض
همام:بس اني ردت اساعدج وانسيج الصار لان،،،
هاله:لان شنو؟وعدت ابويه
همام:مو بس ابوج
هاله:لعد منو
همام:تذكرين الايام اللي اتقربنه بيها عن بعض وراها شكد انقهرتي وحسيتي نفسج خاينه حسام واني هم حسيت نفسي خاين حسام وو،بس خلص هالموضوع وراح ولان بوقتها حاولتي تنتحرين وعدتج انو ميتكرر هالشي ،ومن صار الطفل وحاولتي تذبي بكل الطرق بس هم مصارت،كل هالشغلات توضح انو اني انغصبت ووعدت ناس وانتي انجبرتي هم،بس حسام محيفهم هالشي لان فعلا خيانه اله يعتبرها
هاله:حتى اذا عرف الحقيقه وعرف ابويه شسوى والضروف جبرتنه ،محيتغير شي
همام:المهم هاله احنه اذا هيج حيعتبر زواجنه باطل واني مااكدر بعد اخليج ع ذمتي،هاله انتي طالق واطلگج رسمي هم بالمحكمه
هاله:هالشي كان لازم يصير من زمان ،اني اسفه همام
همام:واني هم اسف ولازم اخويه هم يسامحني
هاله:حيسامحك لان انت ضحيت بحياتك علمود ابنه
همام:تكدرين تنسين كل اللي صار وحتى اذا اجه الطفل اني اخذه واسافر ولتشوفي حتى لتتعلقين بي ،اصلا اني حسافر بكل الاحوال مبقالي شي هنا
هاله:همام بعد متفرق عندي شتريد سوي وحتى هالطفل مااريده اخذه ولتشوفنيا ،بس انت ابقى اني اللي حسافر انت هنا بيتك واهلك
همام:اني اخذت قراري وخلص فد شويه جاي اخذ غراضي من البيت واروح
هاله:اوك
_ذهبت هبه الى هاله ودقت الباب ففتحتها لها ام حسام
ام حسام:هلا حبيبتي هباوي فوتي هلا بيج
هبه:خاله صدك حسام رجع
ام حسام:لج يمه اي رجع ورجعتلي روحي الف الحمدلله والشكر قطعت الامل وتاليها رجع
هبه:ممصدكه والله زين وين جان هالمده كلها
ام حسام:سوده علي اثاري جان شايف الويل
هبه:شلون يعني وين جان ،وشصار بي من عرف بهاله وهمام شلون واجه هالشي
ام حسام:اسكتي متخبل وكاعد بغرفته من اول مرجع بالكوه كعدنه ويا وسولفلنه الصار بعدين بس مقهور ومحترگ دمه
هبه:هاله دتموت خابرتني وكالت تعاليلي
ام حسام:اي اصعديلها سوده عليه حالتها حاله وحتى همام من البارحه لليوم مادري بي وين
هبه:اوف يا ربـي ماادري افرح لو ازعل صدك حيره،خل اصعدلها واشوف شبيها
_صعدت هبه الى غرفة هاله ودقت الباب
هبه:اني هبه
هاله:تعالي فوتي
هبه:لج يمه هاي شبيها عيونج،اكيد منايمه الليل كله بس بچي
هاله:(ببكاء وحرقه)لج هبه شفته گدامي شفت حسام اللي كنت اتمنى كل يوم اشوفه ولو لحظه واحلم بجيته،اللي كنت يوميه احلم احظنه واشوف وجهه شفته وضليت عاجزه مكدرت اروحله واحضنه واكوله مـشْتاقتلك وافرغ كل ناري بي ،صار كدامي اللي اعشقه بعد فتره سنه و٤اشهر ومكدرت حتى احاجي ولا اطمن علي لان اني ع ذمة غيره ،لج ليش الله كاتب عليه هالعذاب ترى والله دااموت
هبه:(ببكاء)هاله حياتي گولي يالله انتي عديتي الاكبر من هاي
هاله:شنو الاكبر من هالشي متكوليلي ؟!يجي متلهفلي ويدور عليه ويلگاني كدامه حامل ومن منو من اخو،تدرين اتهمنه اني وهمام انو من قبل انحب بعض وانتظرنا يموت حتى ياخذني،تدرين كال الاخو انو اني بعد ماعندي اخ واعتبره عدو اله وخاين؟يعني هسه اني خربت بين الاخ واخو
هبه:هاله انتي مو صوجج ولا صوج همام كلشي كان مفروض عليكم،واكيد حسام حجه هيج من صدمته وقهره،من يهده ويتفهم الحقيقه كلشي حيتغير ،كافي ترى انتي اتمرمرتي والله
هاله:تعبان قلبي هبه والله تعبت
هبه:سوده عليه ياعمري زين علي شافه ابو
هاله:اي شافه وفوكاها يكول الهمام بابا وحسام اتخبل
هبه:اففف زين معرفتي وين كان هالفتره هاي
هاله:ماعرف شمدريني وين راح،بس سوده عليه لو تشوفي متعرفي متغير وضعفان وتعبان ،ابد مو ذاك حسام وفوك قهره النوب اجى قهر ثاني
_في هذه كل من هبه وهاله صوت صراخ عالي في الاسفل فنزلتا مسرعتين ،
همام:دااكولك افهم والله غصب عنه
حسام:امشي اطلع منا ماريد اشوف وجهك بعد بهالبيت كتلك ،يا خاين يا حقير
همام(نفذ صبره وبدأ بالصراخ):قبل لتحكم بهالشي وتباوعله بنظره سلبيه وتتهمني وتتهم هاله،فكر شويه بايجابيه وحكم عقلك،لك اني اللي تگول خنتك فنيت عمري علمود ابنك ومرتك ،تدري انو بغيابك ابو هاله وصل الموت وراد يزوج هاله الغريب وابنك يتربى بره هالبيت ،ومنكدر نحرم الابن من امه وناخذه منها،وانت قبل لتروح موصي امي وكايللها ماريد ابني يتربى يم غريب والا بهالبيت يكبر،زين شلون وابو هاله راد يزوجها
حسام:وتروح تخليها تحبل منك مو؟ تلمس المرة اللي يحبها اخوك
همام:لان يا ذكي،ابوها كال اريد علاقتكم علاقه زوجيه كامله وحلفني ع هالشي حتى بنته تنسى وترتاح،ومو هنا المصيبه لا،انت تعرف اني شكد احب هبه واموت عليها انت نفسك تدري شكد ردت ازوجها وكنت اريد اتقدملها والوحيد اللي تعرف بحبنه وعلاقتنه ،هي اللي طلبت مني انو اخلي اختها سعيده واتقرب منها وكالت اذا اتحبني توعدني بهالشي،لك اني اللي تتهمني بالخيانه فرطت بحبي الخاطرك ،وهبه احترگت الف مره الخاطر ابنك ومرتك ،دتتخيل العذاب اللي عشنا اني وياها،تتخيل انو اتحب وحده وتحبك الحد الجنون وتنفرض عليك ضروف انو لازم اتعوفها وتاخذ اختها ومتباوعلها بعد الا بنظره اخت بعد مكانت الك كلشي،كل هالشي واني خاين مو؟ اني متت وراك الف موته ،فوگ حرگه غيابك وموتك النوب الحمل والعذاب اللي اجاني من الكل ، صرت وراك مجرد انسان ينطي وعود وتنفرض علي اوامر ،ماكو اي قرار اليه يخص حياتي ،عالعموم هاله طلگتها ،واني خاين ومو خوش ادمي ،بس حبيت اگولك انو انت تبقى اخويه الاحبك واحترمك ،وكلشي اتحمل عادي المهم انت عايش ورجعت سالم ،مع السلامه يااخويه وبعد متشوف وجهي
_احنى حسام رأسه واخذ يبكي ،اما ام حسام وابيه اخذوا ينادون همام ويترجوه آﻦ لا يترك البيت،اما هاله فبقيت مصدومه من ما سمعته ،وهبه تبكي وتنظر اليها،صعدت هاله الى غرفتها ولحقت بها هبه
هبه:هاله صدگيني مردت اگولج لان،،
هاله:لان شنو ،لج هبه ليش هيج لج مو الف مره كتلج اذا تحبي كولي ،يعني هسه اني كم ذنب اتحملت ،ذنبج وذنب همام وذنب حسام،شلون ترضيلي هالعذاب
هبه:والله مردتلج العذاب بالعكس ردتلج الفرحه اني اسفه،لان ممكن لو ملحيت ع همام انو يسوي هيج كان هسه الوضع اسهل عليج
هاله:(ببكاء وحرقه)لج كاافي مدااتحمل هالطيبه منج متكوليلي انتي شنو فوگ كل هذا تتأسفين مني؟وانتي بسببي انكسر گلبج الف مره،اني اللي اسفه ،واني اللي اعتذر لج هبه ماعرف انتي شوصفج،معقوله تضحين بسعادتج وبالشخص اللي اتحبي علمودي ،ومحسيتيني ولو للحظه انو تحبي بالعكس توگفين ويايه حتى اتقبل همام،لج شنو انتي متكوليلي
هبه:(ببكاء)اني مجرد اخت شافت النار اللي عايشه بيها اختها وحاولت اتساعدها ،وكل وحده عدها اخت مثلج حتسوي هيج واكثر
هاله:لا غلطانه ،اللي مثلج خلصوا وراحو
،تدرين اني كنت اگول ابد ماعندي حظ بكلشي بس اليوم ايقنت انو اني محظوظه بيج وماكو اي وحده تمتلك اخت مثل مااني امتلكج ❤️
_احتضنت هبه اختها وضل الاثنان يبكون ❤️
هاله:اني مبقالي شي هنا صار لازم ارجع البيتنه
هبه:لا هاله اذا متطلعين منا الا تخلين حسام يسامحج ،هسه هو بحاله صعبه ومحتاجج يمه .
...
ام حسام:علاوي بيبي شايف ذاك المقهور وگاعد وحده بالصاله
علي:عمو؟
ام حسام:لا لا حبيبي هذا هو بابا
علي:هدا عمو،(اشار الى صوره همام وقال )بابا
ام حسام:لا همام هو عمو وذاك حسام هو بابا ،روح البابا وبوسه ترى هو يحبك وحيشتريلك كومه العاب ،يشتريلك عننن
_ذهب علي الى والده الذي كان يحني رأسه ،فمسكه ،رفع حسام رأسه ورأى علي بجانبه ،فأحتضنه واخذ يبكي ،عندما رأى علي والده يبكي احتضنه واخذ يبكي معه ويمسح دموعه ،فأبتسم حسام
حسام:شنو مقهور عليه ولك ،حبيبي اني بابا اللي ايحبك وبس راد يشوفك،اني مقهور لان مكدرت اشوفك اول منولدت ولا اول ممشيت ولا من حجيت ،كل هاللحظات انحرمت منها بسبب اللي ميخافون اللّـهہ.،بس تدري لو ميت ويه اللي ماتو هواي احسنلي من هالعذاب ،المهم انت لتكول الغيري بابا ،اني بابا وبس،اني اللي يحبك ،كنت مسافر وهسه رجعت ،وبعد مااعوفك ،اني بابا ،اني بابا ،منو اني؟
علي:بابا
حسام(احتضنه وقبله):يا حبيب ابوك وروحه ❤️
_بعد مرور يومان كانت هاله تحاول ان تتكلم مع حسام لكنها خائفه منه ،في حوالي الساعه الثالثه ضهراً خرجت هاله من غرفتها كي تتفقد علي ،نزلت من على السلم ،وكان حسام يريد ان يصعد الى الاعلى فأرتطمت به ،مسكها كي لا تقع ،بعدها ضل الاثنان ينظران في عيون بعضهم لمده طويله،(بحب واشتياق وعتاب)حاول كل من الاثنان التقرب من بعضهم ،تقرب حسام من هاله واراد ان يقبلها لكنه تذكر انها حامل من اخيه فأبعد نفسه عنها ،واراد ان يصعد الى الاعلى لكنها مسكت بيده
هاله:تعال لازم نحجي
حسام:ماكو شي نحجي بعد
هاله:لا اكو هواي شغلات
حسام:احجي وياج بصفتي منو حبيبج القديم لو رجلج الميت
هاله:بصفتك ابو ابني،الخاطر علي
حسام:ماشي تعالي الغرفتنه،اقصد الغرفتي 😊
هاله:اصعد
_صعدت هاله الى غرفة حسام ،(غرفتها السابقه) واخذت تبكي لانها لن تعد تمتلك اي شيء يخص حسام
حسام:تريدين تحاجيني لو تبچين ؟
هاله:اريد اگولك انو اني احبك ومحبيت غيرك واريد تسامحني
حسام:هاله هالمواضيع متفيد بعد لا بقى حب ولا اي شي،واذا تحجين بهالمواضيع احب اكولج وفري كلامج لان بعد ماكو شي يرجع مثل قبل واي كلمه منج متهزني
هاله:كذاب انت مناسيني ومناسي حبي والدليل نظرتك اليه قبل شويه ع الدرج ،حسام انت متدري شصار بيه وراك وشلون عانيت وشگد اتأذيت،والله العظيم اتمنيت الموت بكل لحظه ،لك انت انفاسي تدري شكد تعبنه يّـلا صرنه البعض،كل يوم وكل دقيقه كنت اتعذب وانت مو يمي حتى علي مردته بوقتها لان حسيت من اجه انت رحت،حسام اني ضگت الويل وتعبت بدونك صدگ تعبت
حسام:ميفيد هالكلام بعد وانتي ابطنج طفل من غيري
هاله:صدك حسام انو اي مشاعر بيني وبين همام مصارت كان تعامله ؤٌيَّآية لطيف علمود هبه لان موصيته ،بوقت اللي صار دخلت مستشفى وكنت احترك لان احس دااخونك ،والطفل من صار بالف طريقه حاولت انزله وهمام ابد متقربلي بعد،صدگني هو انفرض عليه واني انفرضت اعيش هنا علمود علي
