_سقطت هاله على الارض وذهبوا بها الى غرفتها ثم اعطوا لها المهدئات لتنام قليلا لانها فقدت اعصابها ،
هبه:(ببكاء)سوده عليه اتأذت هوايه وهي بعدها نفسه وعمليتها مطيبانه
ام هاله:ماادري ابجي ع حسام الراح وهو بعز شبابه ،لو ع بنتي اللي اترملت وهي صغيره وبرگبتها طفل،لو ابجي ع الطفل اللي اجه واتيتم وهو بعدة مشايف ابو ،اخخ يا گلبي
ام حسام:(ببكاء)هبه جيبيلي علي خل اشوفه،خل اشوف ابن الغالي ،اكيد عافلي قطعه منه وراح،سوده عليه يمه معشت وشفت ابنك وكبرته ،رحت قبل لتشوفه
هبه:اي خاله هسه اجيبه الج دقيقه
ام هاله:ام حسام كولي يالله انتي مره مؤمنه ولو جرحج صعب الله يعينج ويعينه علي
ام حسام:حتى مخلوني اشوف كبره وادفنه بيدي حرموني حتى من زيارته ،ماادري بيا مكان مدفون ،الله ينتقم منكم ،حرگتوا گلبي وحرگتوني ع هالفرفحه اللي اني بيها واللي الف ام هسه ؤٌيَّآيه دتعانيها كون تنحرگون دنيا واخره💔
_جلبت هبه الطفل الى جدته ،وعندما رأته ام حسام اخذت تبكي بحرقه واحتضنته...
ام حسام:سوده عليه بيبي انحرمت من شوفة ابوك ،واجيت للدنيا يتيم،ابوك جان دائماً قبل ليروح يوصيني عليك و ع امك عبالك يدري حيروح وميرجع،اني بعد مااعوفك، انت قطعه منه عافلياها وراح ،لو اعرف اموت ماافارگك وافارگ امك وهاي وصية ابوك ،حكون الكم كولشي انت وامك
_اخذت ام حسام تبكي وتضرب بنفسها بقوه ،فاخذوا الطفل منها ،بعدها فقدت وعيها
في المساء ...
هبه:هاله حبيبتي شلونج
هاله:شلوني يعني💔
هبه:ماعرف شگولج والله
هاله:كوليلي حسام ممات ويحبج وميعوفج،كوليلي هبه هيج ريحيني ابوس ايدج
هبه:والله اكيف اكولج هيج بس
هاله:لتگوليلي بَـس لتگوليلي
هبه:هاله گـافي حتموتين وانتي بعدج هسه طالعه من عمليه وابنج محتاجج
هاله:خل اموت والله دااتمنى الموت،ربـي اذا متجيبه اليه فدوه اخذني اله خل ارتاح مشتاقتله💔
هبه:وابنج المن تعوفي؟
هاله:(ببكاء)ماريده ولا اريد اشوفه اخذوا ماريده ،من اجه بعد مشفت حسام شسوي بي وحسام ماكو ماريده
_كانت هاله لا تريد ان ترى ابنها
بعد مرور ثلاث ايام اكتمل العزاء وذهب الناس الى بيوتهم ،اما هاله حالتها تزداد سوءاً يوم بعد يوم
ام هاله:شلون هسه ناخذ هاله ونروح
هبه:متقبل تطلع ،خلي اتكمل العده هنا مالتها
ام هاله:اوووف وابنها بعدها متريده
هبه:حاولت اقنعها بس رافضته
ام هاله:سوده عليه لا ابو راح وامه متريده
هبه:هالفتره حبقى يمها علمود علي لان مدتتقبله
ام هاله:اني هم حبقى كم يوم مااكدر اعوفها
هبه:ام حسام دتموت
ام هاله:هو احنه دنموت عاد امه وابو واخو
هبه:اوووف ياحسام شگد كلنالك لتروح هسه مو انت محامي شلك بهالقهر وعفت ابنك ومرتك واهلك للضيم
ام هاله:امر الله بعد ومو بس هو راح اكو مئات غيره سوده عليه،كم بيت
انهجم وكم ام فرفح قلبها وكم مره اترملت وكم ولد اتيتم حسبنا الله ونعم الوكيل،كسروا بنتي 💔
_بعد مرور يومان
هبه:همام شكو كاعد بره
همام:جنه اني وحسام نكعد هنا دائما نسولف ونضحك ،واشكيله همي ،هسه راح اخويه الوحيد وسند ضهري،المن اشكي همي ومنو يسمعني ،اخذ من عمري وراح اخخخخ حسام محتاجك اخويه
هبه:حبيبي حاسه بيك وحسام مو بس لان انت اخو هيج متأذي علي كلنه فاقدينه ومتأذين علي مجان يضوج احد ولو بحجايه وقلبه طيب ،افففف
همام:ليش الزين يروح
هبه:لان ماله مكان بهالدنيا ،هالدنيا صارت للوحوش ،همام كافي تبجي اول مره اشوفك هيج مهدود وحزين،ضحكتك كانت متفارگ وجهك
همام:انكسر ضهري هبه
_احتضنت هبه همام واخذت تبكي
هبه:حبيبي انت القوي هسه كلهم بحاجتك امك واختك رنا هم دتموت وهاله وعلي وابوك،لازم توكف بجانبهم وتعوضهم ع فقدان حسام
همام:شعوض شعوض هذا حسام هبه ميتعوض مكانه،شكدر اصير ابن ثاني الامي وابويه لو اخ ثاني الاختي لو اعوض هاله عن رجلها لو اصير اب العلي ،متكوليلي شسوي،جان يتمنى يشوفني عريس خصوصاً من كتله احبج كال اني اخطبها الك وماطول اخوك موجود لتشيل هم ،زين هسه اخويه راح شلون بيه
هبه:متوكف الحياة وتستمر ،كلنه نموت ،عالاقل هو راح شهيد يعني للجنه بمكان احسن من مكانه هنا الف مره ،خلي يرتاح وكافي نأذي ابچينه
همام:هبه لتعوفيني
هبه:ماعوفك حياتي اني يمك
بعد مرور يومان..
صعدت ام حسام الى غرفة هاله وبيدها علي❤️
ام حسام:كاعده حبيبتي
هاله:اي خاله،وشعندج جايبتلي هذا وجايه مااريد اشوفه اكرهه اني
ام حسام:الام متكره ابنها ابد ،هاله بنتي گـافي دتموتين بروحج بعدج
شابه وابنج محتاجلج،اني امه تعرفين شنو امه،يعني انتظرته يوم يوم
حتى يكبر كبرته بماي عيوني سهرت وتعبت وكبرت وصار رجال ،
يعني ماكو الم اكبر من المي علي ،بس شسوي راح الله راده اللي انطانيا اخذه مني شكدر اسوي ،خلي ايمانج كبير واخذي ابنج
هاله:اكبره واتعب مثلج وتاليها يعوفني ع شنو مااريده اني من اجه عافني حسام
ام حسام:لا حسام عافج وخلالج هديه من ريحته ،بعدين مو كل النهايات سوه،وابنج محتاجج شنو ذنبه عافه ابو وامه عافته لتكونين هيج قاسيه وتعاملين امانة حسام بهالطريقه
هاله:خاله تعبانه واريده محروگ گلبي ودااحترك عافني وراح وكلي مااعوفج دااسأل نفسي صدك بعد مااكدر اشوفه صدك مااسمع صوته،كل شويه اتخيله يصيحلي هاله وينج
ام حسام:(بحرقه والم)اخخخخ اني اتخيله كل شويه طاب للبيت ويكولي وينج يمه شمسويه غده واتخيل كعدته ع التلفزيون وشقا هو واخو وصوته وضحكته،اجانه علي ،علي حيعوضج وكل ميكبر حتشوفين بي ملامح ابو، بس لتعوفي بنتي الطفل محتاج امه شنو ذنبه من انولد الحد هسه ممشتم ريحة امه
هاله:خاله مو بيدي مدااگدر اتقبله حتى اخاف منه ،من اشوفه اتذكر حسام
وفتره غيابه عني،واتذكر من جبته وملكيت ابو يمي ،مدااكدر والله مو بيدي
ام حسام:حجيبه بعد هنا ينام يمج بغرفتج ،هذا ابنج كافي عاد حرام عليج
هاله:مو بحاله اني البيه كافيني وممتحمله روحي
ام حسام:هو الشخص الوحيد اللي حيحسنج وتصيرين احسن
